Raku Teppanyaki

最近見到好多朋友都介紹過這間鐵板燒，這個十八層海膽杯極度吸引，餐廳以小店經營，場內座位不多，所以我醒目早一個月已經開始預約，那就不怕到時候沒有位子了。進店的時候細心的店員就沖了杯花旗蔘茶內裡還有一個小青柑，淡淡的蔘香再加橘子的香氣，入口真係唔錯，飲完一杯接一杯。▪️十八層海膽杯(一人前) $1388，另有8折優惠。🌽小砵 時令前菜日本甜粟，爽甜又多汁仲要無渣。玉子燒，加入了芫茜，又香又甜。🥗時令沙律無花果羽衣甘藍沙律有黑醋的點綴清新開胃又爽口。🥂十八層海膽杯 餐廳的招牌菜，用上北海道的海膽，真係一試難忘。除了北海道海膽杯中還有燒白飯魚脆片、黑魚子、沖繩海葡萄、帆立貝、明太子沙律、牡丹蝦、海膽魷魚、凍磯煮飽魚、三文魚子、北海道松葉蟹肉等等…店員會比個碟仔教你撈勻後食，口感真的好豐富，新鮮鮮甜又好味，絕對充滿層次感。🍳脆皮煎鰻魚 師傅將個魚皮煎到超香脆，另一邊的肉仲可以保持到有汁，好惹味。🦞澳洲活龍蝦兩食 龍蝦很新鮮，眼見還不斷在動，絕對不是急凍貨。一食- 海膽醬芝士焗龍蝦，龍蝦肉加可以拉絲的芝士和海膽醬，呢個味道真堅好食二食 - 龍蝦膏海膽牛油醬炒龍蝦肉，師傅將龍蝦頭的蝦膏加上牛油和海膽，嘩…呢個鮮味真係一絕，超級惹味之餘又不會蓋過龍蝦的鮮。呢道龍蝦兩食絕對係色、香同味俱存。🐚櫻花蝦乾配燒活北寄貝新鮮的北寄貝，鮮甜爽彈，加埋帶鹹香嘅櫻花蝦乾特別惹味。🦀火焰海膽甲羅燒又是招牌菜之一，點火一刻還滿足了視覺的享受。松葉蟹肉加上大量濃郁的蟹膏，還放上美味的海膽、三文魚子和黑魚籽，口感和層次豐富到不得了，一個字「鮮」。🍄燒野菜芝士磨菇、日本蕃薯、車厘茄、露荀、南瓜和茄子，無想過日本蕃薯可以加棉花糖，口感很特別，想不到兩者也很搭。茄子上加了麵豉醬和木魚碎，味道也不錯，然後車厘茄的可愛的造型一看就知師傅花了不少心思。🍗荔枝豚肉卷香甜的荔枝肉被豚肉包住，豚肉的焦香和荔枝的果汁香甜又多汁，非常滿足而不油膩。🍳蘭王雞蛋炒飯看到飯粒在鐵板上跳動，感覺好治癒，飯炒到粒粒分明加上蛋香極濃的蘭王，真的很美味，蛋汁滲透入飯裡真係好正。🥘特式紙包花膠香菇大蜆湯大蜆湯有龍蝦味?店員偷偷告知，原來師傅用了剛才的龍蝦殼去餚製湯底，怪不知湯會那麼濃郁鮮甜，滑嘟嘟的花膠真是女士們的至愛。🍡抺茶蕨餅+日式芝士蛋糕最後的甜品，不容置疑，濃郁的抺茶和淡淡檸檬香味的芝士蛋糕作結尾，真的很滿足。…Read More

💛🤎🧡隱世海膽鐵板燒🔥雖然係隱世Teppanyaki，但依間餐廳嘅海膽杯真係好岀名🤣賣相層次分明又豪華！越望越想食🤭Bookmark 咗一段時間，咁啱見到有8折優惠😳緊係要去try try！餐廳環境唔大，分咗鐵板燒區同埋普通座位區💕店員安排我哋坐喺鐵板燒區，望住廚師燒嘢食真係特別有食慾🤭落單嘅時候，店員都有講返餐牌未更新，會有點樣嘅安排(依點值得一讚)❣️18層海膽杯❣️ $368店員建議先將頂層海膽放上燒白飯魚脆片，一口品嚐🤤餘下嘅就撈埋一齊食，口感豐富！18層順序應該有(有錯請指教)👉🏻燒白飯魚脆片、黑魚子、北海道紫海膽、沖繩海葡萄、帆立貝、明太子沙律、牡丹蝦、北海道紫海膽、海膽魷魚、凍磯煮鮑魚、北歐花膠、藍鰭吞拿魚拖羅蓉、北海道粒貝、三文魚子、北海道紫海膽、北海道松葉蟹肉、北海道紫海膽、鮮海帶碎🫶🏻18層有18層滋味，食完好滿足好幸福🤭❣️火焰海膽甲羅燒Omakase❣️ 一人前 $888🤍小缽🤍 時令前菜柚子沙葛-酸甜清新，口感爽脆💛沙律💛 時令沙律薯仔沙律-口感細緻之餘帶有青瓜絲💚日本生蠔💚肥大飽滿，入口順滑 新鮮有海水味🌊🧡招牌菜式🧡火焰海膽甲羅燒-上菜嘅時候有變魔術嘅感覺，甲羅燒內容物豐富🦀蟹膏、蟹肉、海膽鮮味十足💙鐵板海鮮💙櫻花蝦蟶子皇-櫻花蝦帶鹹香，令蟶子鮮味突岀鐵板燒鰻魚-鰻魚皮焦香脆口，肉質結實且滑🤎鐵板肉類🤎日本十勝黑豚厚燒-肉味香濃，厚切更能增加口感❤️食事❤️燒野菜-每件野菜都被鐵板伺候過，焦香味撲鼻創作時令主食蘭王蛋炒飯-橙黃色蛋黃增加食慾，蛋液香而濃 配飯一流🖤吸物🖤特式紙包花膠羊肚菌蜆湯-內容物豐富，湯底清徹但鮮味滿滿🧡甘味🧡 自家製時令甜品海膽雪糕-味道特別，有顆粒感亦有海膽軟滑口感依間餐廳都幾隱世，因為佢要入到小街先搵到😳餐廳門面又低調，好易走漏眼😂(我將門面相放係尾圖，大家可以留意返) BTW記得save post，方便向店員查詢有關菜式啦❣️📍樂Teppanyaki📍佐敦偉晴街29-37號騏邦大廈地下6號舖…Read More

話說前排突然好想食鐵板燒，於是book咗呢間網上有幾多好評嘅小店，經Openrice book晚市套餐仲有8折優惠😳 佢嘅地理位置喺佐敦同柯士甸交界嘅一條小街道，比較隔涉，但為咗食好西，行幾遠都冇問題🤪喺介紹套餐之前，先介紹一下佢嘅鎮店之寶——海膽杯🤩 當中真係有18樣唔同嘅食材，除咗眼見到嘅海膽同魚子之外，連花膠鮑魚都有，食材果然矜貴😋️ 而且每樣都切到細碎，撈埋一齊食口感非常豐富，完全感受到師傅嘅精心準備，推薦！跟住介紹埋呢道我都好滿意嘅菜式，呢度用嘅鵝肝絕對唔惹少，超厚超大塊😳 煎完就咁聞已經勁香，咬落去滿滿嘅油脂咇哂出嚟🤤 配埋煎香咗嘅淮山蓉一齊食，可以解膩，幾特別！旁邊仲有個紅酒雪梨，食完鵝肝可以清清口腔～另一打卡菜式離不開呢個咁打卡able嘅甲羅燒，店員會親自喺你面前燒去外層嘅紙，之後華麗精緻嘅甲羅燒就會出現喺你面前！海膽、三文魚子、蟹肉及蟹膏份量十足，原來加埋生洋蔥又幾夾，如果有小餅乾配搭一齊食就更好！😋✨ 北海道十勝黑豚肉松葉蟹套餐 $680至於套餐方面，我哋嗌咗個中價位嘅套餐，8折埋都只係要$544！小砵姐係前菜，係櫻花蝦玉子燒，咬落去好飽滿，仲有少少櫻花蝦碎，增加口感🤓而沙律就係薯仔沙律同埋平時好少食嘅沙葛沙律，令我最驚喜嘅係佢嘅沙葛撈咗柚子皮，食落超fresh🥰 加埋爽脆嘅口感，好似食緊水果咁，好鍾意！主食打頭陣嘅有鱈場蟹腳，蟹腳好易拆，而且每舊都啖啖肉，幾鍾意師傅呢個烹調手法，唔需要加任何調味，食落已經好有鮮味，仲有淡淡海水嘅鹹鮮味🤩平時唔係好好食熟蠔嘅我，竟然會對呢個廣島蠔讚不絕口😳 每隻蠔都好肥嘟嘟，煎到好香，但咬落去又好juicy! 而且加埋個柚子汁，完全遮蓋左蠔嘅腥味，可以話係昇華咗去另一個層次🥰之後再嚟就係主角之一，十勝黑豚肉✨ 師傅將豚肉煎到金黃色，豚肉味好出！再包上牡丹蝦同牛油果🥑，冇諗過呢個配搭都幾match，口感軟硬兼備，非常豐富，伴碟仲有爆爆珠食，可以fresh下個口腔！唔好以為燒野菜就係配角，但其實佢都同樣豐富！有南瓜、蘆筍、粟米筍、蓮藕、茄子同蕃薯仔，每樣都燒得剛好，令我覺得最有創意嘅係，竟然喺番薯仔入面加上棉花糖😳 創意爆登！嚟到呢度，已經相當飽！師傅隨即喺我哋面前炒埋個飯🤣 簡單地加入咗椰菜花碎入蛋炒飯中，加上黑松露一齊炒，超級香～ 再喺面鋪上超靚嘅日本蛋，將啲蛋汁撈埋啲飯一齊食真係超完美嘅配搭☺️好特別，呢個湯係後上嘅，仲要用玻璃紙包住嚟放上鐵板，滾返熱佢，真係第一次見😧 而湯入面都有唔少材料，有花膠、大蜆、冬菇、海帶同大根，個湯非常鮮味，而且又咁足料，幾飽都一樣清咗佢🤣最後，師傅獻上超級有創意嘅甜品——海膽雪糕❗️呢個雪糕真係第一次食，面頭灑上爆炸糖，撈埋一齊食，鹹鹹甜甜咁，勁特別！我諗全香港應該只係得呢度先食到海膽雪糕🤓總括而言，多謝你睇晒篇咁長嘅食評😆 我幾推介想食鐵板燒而budget係中價位嘅朋友仔，依家經Openrice訂位，無論係午市定晚市都有折，性價比極高🤤 而且小店服務非常好，一坐低就會奉上柑桔人蔘茶，仲keep住refill，好貼心✨…Read More

鐵板燒大家可能食得多，以海膽為主題既鐵板燒你又試過未？近住柯士甸站呢間一直都好想食，完全係被十八海膽杯深深吸引住🥹坐喺bar枱仲可以直接望住師傅整野食一去到先飲杯有清新青檸味既蔘茶，之後即刻叫左十八層海膽杯 (一人前 $1,388)，開頭當然唔少得一啲沙律🥗同前菜啦。▪️時令沙律薯仔沙律口感清新，仲有沙葛沙律，帶有柚子味，幾開胃▪️時令前菜櫻花蝦玉子既蛋好香滑，而日本桶蠔🦪充滿海水味，勁鮮甜跟住就係期待已久既海膽啦🤡▪️十八層海膽杯啲料勁多‼️首先燒白飯魚脆片連埋海膽一齊食係勁正入面仲有黑魚子、海葡萄🍇、帆立貝、牡丹蝦、明太子沙律、拖羅蓉、三文魚籽同松葉蟹肉等，每隔幾層中間仲有北海道紫海膽，除左好食，打卡都一流🫶🏼▪️活龍蝦（+$150）睇住師傅整既過程好過癮！分左兩食既龍蝦🦞一邊係龍蝦膏炒出黎既，另一邊係由芝士同海膽醬燒成既。新鮮啖啖肉，我個人中意食有芝士果邊多啲❤️‍🔥超足料！▪️鐵板燒鰻魚個皮燒得好酥脆，連平時少食鰻魚既我都覺得好食！▪️時令貝類個蟶子一啲都唔韌，燒得啱啱好，無沙之餘爽口又彈牙，仲有櫻花蝦鋪面添👍🏽▪️燒野菜連菜既擺盤都好靚！有木魚茄子🍆、燒南瓜、車厘茄、露筍、蓮藕、粟米仔同蕃薯仔🍠夾住棉花糖，創意十足😆▪ 牛油果🥑牡丹蝦十勝黑豚卷包住蝦🦐好爽口，豚肉亦唔會太搶味，尾位仲有牛油果蓉，口感層次豐富▪️火焰🔥海膽甲羅燒（+$298）即時喺你面前用火燒，點可以唔準備相機📷燒完就會見到完美既蟹蓋！除左海膽，仲有大量蟹膏同蟹肉，撈埋啲三文魚籽一齊食超滋味😋▪️時令主食今次食既係配上蘭王蛋既白松露炒飯，白松露勁香唔使講，再將蛋液連飯一齊食簡直一流🤤▪️特色紙包花膠羊肚菌蜆湯放喺鐵板上都唔會溶既透明袋裝住超足料既湯，清甜好味最後當然都要以甜品做結尾😋▪️時令甜品先有燒菠蘿🍍再黎係一個好有驚喜既海膽雪糕🥰雪糕上面有爆炸糖，口感超特別！臨尾果啖連埋紫蘇葉一齊食，出奇地夾👍🏽呢餐真係大🈵足…Read More

難得朋友話帶我食好嘢，慶祝他完成了大proj～咁當然要搵間特別d嘅餐廳，朋友就話去呢到包係「樂」宴！🤔🤔🤔原來朋友係講緊樂師傅，但的確好出色，每款都好滿足☺️☺️這裡每款食物都是樂師傅親自用心製作，親自serve的，誠意十足👍🏼和朋友點了「十八層海膽杯一人前」廚師發板，仲有8折，ard $1100就可以食到好豐盛！還另外order了甲羅燒、法國鵝肝，大🈵️足😍🌟「十八層海膽杯一人前」廚師發板（$1388位，8折）❣️1. 十八層海膽杯名副其實地滿足到18個食精緻食物嘅願望，當中更有三層係我最鍾意嘅北海道紫海膽😍step1:店員教我們先將紫海膽、沖繩海葡萄、黑魚子夾上燒白飯魚脆片一齊食。海膽味道甘甜，好新鮮，配上脆脆的、晶瑩透亮嘅海葡萄，同有粒粒魚仔嘅脆片，好有層次感😋step2:然後就是撈勻餘下嘅食物，有帆立貝、明太子沙律、牡丹蝦、海膽魷魚、凍磯煮鮑魚、吞拿魚拖羅蓉、三文魚子、北海道松葉蟹肉等⋯特別喜歡松葉蟹肉，蟹肉超多，味道鮮甜。🦞2.活龍蝦師傅準備了龍蝦2食，2種食法都令人回味😋😋😋1- 連膏+海膽醬🔥，這種煮法令龍蝦肉質好彈口，連膏+海膽醬一齊食是滿滿的鮮甜味😍好rich的感覺！還有少少牛油香，清甜爽香，正！特別一讚的是，師傅已切曬粒粒，好易入口2- cheese焗，燒到溶了的濃香cheese 配上彈口龍蝦，更能突出鮮海水鮮味～邪惡得來好吸引🤩🌟3.時令貝類：燒得好香口，配上貝類嘅鮮甜味，口感好好🐟4.時令海鮮：當晚的時令海鮮係鱔，外皮整到超脆，一食落去crunch一聲，配上香甜魚肉，juicy得來少少入口即溶感覺🐷5.日本十勝黑豚厚燒真係超厚切，外皮香脆，入面超juicy 軟香入味，少少肥口感好好😋水準幾好。上面更加係粒粒去膩，juicy的果香爆珠🍚6. 創作時令主食係蘭王蛋飯，師傅非常認真用心去炒，配上蛋香同椰菜花粒粒，更會不斷炒，令飯粒粒分明，口感乾爽切香口。最後加的流心蘭王蛋更加係重點😍😋😋可以話係最好食嘅蛋飯😋😋😋🍠7. 燒野菜同樣細節位見心思，燒蕃薯仔中間竟有燒棉花糖😋左邊的軟香茄子撈上燒汁，味道+口咁都好好8.特色紙包花膠羊肚菌蜆湯味道清甜且好足料，入面有冬瓜、花膠、大大粒蜆❤️另外仲同朋友額外點了2款非常值得一吃的款式❤️🦀️火焰海膽甲羅燒的上碟方式幾特別，係先用紙包火焰🔥過，而且一睇個樣都知好高水準，非常多料。蟹膏超級新鮮，是真材實料的蟹膏（而非蟹膏醬），撈勻食仲有好多蟹肉、黑魚子、鮮甜海膽等，大🈵️足！🌟法式煎鵝肝配時谷水果非常高水準和用心。鵝肝除了是厚切外，入面香口兼軟嫩淋淋juicy，配上香脆外層，熟度剛剛好，上面更用上黑糖醋令味道更balance😋另外旁邊還有北海道山藥製成的餅，還加了蟹膏在上，格外滋味。紫色的係紅酒燴梨，甜甜酸酸味道好特別，亦好去膩。真係每一道菜都係享受🥰…Read More

之前book左呢間鐵板燒同daddy mammy慶祝父親節母親節🥰嘩～真係第一次咁正又咁豐富嘅鐵板燒omakase😍🧡十八層海膽杯Omakase 一人前 $1388❤︎時令前菜🦐（日日唔同）首先有個蝦同日本豆腐嘅冷盤～好驚食海鮮嘅我為大家認證，呢隻蝦一啲腥味都無！食得出勁新鮮因為啲肉質好爽口彈牙🤩然後豆腐真係好滑溜～下面仲有啲雪菜/梅菜，啲菜都有醃製過，所以就算冇醬汁都依然好甜好有味🥰～仲有一碟沙角，其實我係第一次食呢樣野～味道清甜而且口感爽脆，好似無雪梨味嘅雪梨咁～仲有啲柚子皮喺面，所以都會有啲柚子味❤︎時令沙律 今日嘅沙律係羽衣甘藍沙律～除左羽衣甘藍之外，仲有啲苦瓜同溫室青瓜片，🙋🏻‍♀️唔食苦瓜嘅人表示呢個用左靚嘅白苦瓜，值得一試～ 而且沙律混左啲辣汁同胡麻醬，份量足夠而且非常醒胃～❤︎十八層海膽杯最期待係呢間店嘅呢個主打菜式😍果然無令人失望！金黃色嘅海膽超級新鮮！一啲臭味腥味都冇，又大舊又多😋連本身唔食海膽嘅母上大人都係咁讚好😚側邊嘅白飯魚乾就燒得好脆好有香烤味， 🌟師傅話啲海膽係要連埋白飯魚乾同啲綠色波波一齊食～師傅果然冇講錯，咁樣真係好食啲～🌟然後下面咁多層就係由各種刺身粒粒組成，食得出有拖羅、 海帶、三文魚、三文魚子、明太子沙律、松葉蟹肉、鮑魚、魷魚、牡丹蝦、帆立貝等多到講唔完～ 超級igable同埋真係好足料～材料亦都真係超級優質！如果你係鍾意食刺身嘅話真係唔可以錯過！因為一杯可以滿足哂你所有願望❤️❤︎時令貝類鐵板夏夷鮑-隻鮑魚真係好高質～又大舊又有回彈力又無腥臭味，而且真係燒到好香燒烤味～師傅仲用左檸檬、香草同一啲鮑魚膽打左個汁出黎，酸酸甜甜咁～將鮑魚片蘸個咁特別嘅醬汁都真係別有一番風味～冇諗過鮑魚都可以整到咁開胃咁fresh🤤❤︎時令海鮮鐵板鰻魚- 第一次唔係食鰻魚唔係食燒汁鰻魚！OMG真係食過鐵板燒嘅鰻魚就返唔到轉頭啦😍舊鰻魚首先好肥美，而且佢係偏有口感，唔會好似平時食開啲鰻魚咁淋身～之後最緊要係：佢個魚皮夠哂厚度，燒得好脆口又惹味🤩真係會完全顛覆咗我對鰻魚嘅概念同印象～原來鰻魚都可以整得咁好食～❤︎Open Item- 海膽芝士醬燒龍蝦 +$150隻龍蝦超級大隻😳～然後師傅整左兩款口味～第一款就用左海膽芝士醬同沙律醬黎燒龍蝦～芝士味好重同埋拉到絲🤩，一向芝士同龍蝦都係perfect match😚第二款就係用左龍蝦頭啲精華同埋牛油咁樣燒同炒～本身對呢款無乜特別期望嘅我真係感到又驚又喜😳因為佢個牛油味同龍蝦肉好夾而且入哂味～意外地濃味又夠鮮味，冇諗過咁樣整都可以咁好味😋真係十級推薦啊！❤︎ A5威和牛厚燒（岩手縣）呢個dish係我未食呢個set之前最期待嘅dish no.2! 師傅同店員話啲和牛係飲whisky大嘅🤣 果然零舍唔同啲😆嗰幾塊和牛極重牛味😍身為牛魔王嘅我真係覺得好香牛嘅油味而又重牛味真係嗅覺同味覺嘅雙重享受🤤而且和牛肉質鮮嫩又滑溜，真係入口即溶！講真真係同我以前去日本食過嘅同level~係日本嘅味道啊🥹❤︎食事時令煮食-日本炒飯 師傅用左福花/椰菜花、蔥、蒜蓉同埋黑松露炒左個飯～個飯真係食得出係一粒粒嘅質感，用料天然但炒得夠哂入味同乾身～上而仲要加隻荷包蛋～吉穿蛋黃一齊食又已經變左另一個dish~創意滿分😚燒野菜-有超香甜嘅日本南瓜、撒左木魚碎喺面頭個樣成粒帶子嘅茄子、同埋超級甜同軟綿嘅日本紫薯+綿花糖，三樣野都燒得好食😆❤︎特色紙包花膠羊肚菌蜆湯真係好推薦呢個海帶蜆肉湯，真係我飲過最清甜最有鮮味嘅湯～我會話比你聽隔左成個星期，我都依然對佢念念不忘，回味無窮🤣齒頰留香留到而家都仲有😍湯料都真係好足料，花膠又大大片，蜆肉又大大嚿，又有南瓜又有冬菇仲有其他海鮮🥰🖤火焰海膽甲羅燒🦀 $298我地仲加左個招牌嘅海膽甲羅燒～原來呢個甲羅燒係有表演睇！開始之前店員會提示你手機要ready🤣📸 呢道菜真係又有睇頭又高質～用料比一般食嘅甲羅燒豐富好多～有洋蔥、蟹籽 、爆多蟹肉蟹膏、肥美嘅拖羅同海膽😍雖然細細個但五臟俱全，真係好值得叫～真心呢間omakase好岩我口味同埋真係好開心搵到呢間隱世小店～真心想私藏啲野食賣相太靚(啲相又影得靚🙊）又太好食令到我都好想出文介紹～仲要佢而家加一後做緊九折，我自己覺得omakase黎講真係物超所值，因為啲野食真係好正～呢間果斷真係入must-encore list🥰👍🏻…Read More

疫情終於有所緩和，放假前夕晚上約咗朋友食好西，我哋有成半年無見喇！佢推介佐敦附近有間唔錯嘅鐵板燒店叫「樂Teppanyaki」，佢之前Lunch食過幾掂，所以帶我嚟試吓😝。我哋經網上訂枱，晚市套餐可享八折優惠🈹。小店有啲隱世嘅感覺，因為門面毫不起眼，而店內面積亦唔大，座位唔多，一眼睇晒。坐喺吧枱嘅我哋可以全程睇住師傅整嘢食👨🏻‍🍳。餐廳設有多款套餐🍽，一人前價位由$688至$1,388不等。我開初覺得呢度定價都幾進取，不過當食完之後就明白了，佢用料上乘，食材成本一定唔平！由於想食海膽，所以我哋揀咗「十八層海膽杯」套餐。時令前菜係海老豆腐，小食味道幾清新🌿，唔係一嘢酸醒你。🦐蝦肉爽口彈牙，再配埋豆腐、芹菜同海帶等一齊食，成個組合幾夾。時令沙律未算太特別🥗，蔬菜淋上適量醬汁，帶微微甜味同蜜糖柚子味，食落幾開胃。簡單食完前菜之後，就到主角「十八層海膽杯」出場。佢以雞尾酒杯裝住🍹，色彩繽紛，造型滿分。我無認真數佢有幾多層，不過每食一啖都有驚喜，因為你會不斷食到唔同嘅食材。佢哋夾埋食毫無違和感，好正😋。如果雞蛋裏挑骨頭的話，就係佢用杯裝上，多到瀉晒囉，哈哈。餐牌上有詳細介紹呢十八層由何組成🌟，等我引用一下啦，由頂層開始分別有燒白飯魚脆片、黑魚子、沖繩海葡萄、帆立貝、明太子沙律、牡丹蝦、海膽魷魚、凍磯煮鮑魚、北歐花膠、藍鰆吞拿魚拖羅蓉、北海道粒貝、三文魚子、北海道松葉蟹肉同鮮海帶碎；其中海膽就出現咗三層🍣！雖然食材切成粒狀，但仍能保持應有嘅口感，其中幾樣特別出色，包括爽口鮑魚、脆卜卜明太子同軟綿花膠，而各式魚子就爆晒漿。食完海鮮之後都係海鮮，首先係脆皮煎鰻魚🐟。老實講市面上嘅鰻魚飯同鰻魚壽司我都好唔鍾意食，因為醬汁太濃味，而且魚肉又有細骨🙈，不過呢塊鰻魚睇個樣都知唔同！魚皮相對厚身，但師傅仍能煎出薄脆口感；魚肉細嫩、唔似平日食開嘅肉質。呢道菜式可算係令我重新認識鰻魚。時令貝類係北寄貝🐚，口感爽彈，同壽司店食到嘅差唔多，不過味道上同鮮味上就當然無得比。圖中未必見到貝肉，係因為被一大堆櫻花蝦所遮蓋，蝦仔好香同清甜嘅北寄貝相映成趣。火焰海膽甲羅燒($298)，我認為甲羅燒比起海膽杯更能嚐到海膽嘅鮮甜。🦀蟹蓋入面裝住嘅海鮮，全部都係大堆頭，包括大量海膽、蟹肉、蟹羔、三文魚子同黑魚子。海膽選用北海道紫海膽，呈金黃色兼且飽滿，唔係海膽控嘅我都覺得勁好食，一啲都唔腥，食唔停口。品嚐海膽以外，亦要記得撈匀食，咁先食到完整滋味，蟹肉同蟹羔無海膽味咁出，但都唔會被比下去。同場加映，甲羅燒出場個刻，店員就提我哋要準備相機打卡，好好迎接火焰🔥，成件事儀式感十足。不過燒嗰吓應該同烹調無直接關係吧。活龍蝦🦞，餐廳無呃人，龍蝦真係好生猛咁喺廚房拎出嚟，放上鐵板燒時佢仲作出最後嘅掙扎。我無留意師傅介紹係乜品種嘅龍蝦，但絕對唔係波士頓嗰啲平價貨，而且仲好重秤添，我諗有我前臂咁大隻。龍蝦有兩食，左邊係用蝦頭膏炒成，所以蝦香特別濃；而右邊就係用海膽醬牛油芝士焗製，食落鹹香味較突出。師傅問我哋鍾意食邊款多啲，其實真係好難答，因為兩者各有千秋，但我係芝士控🧀，所以有加持。不過共同點係龍蝦肉肉質夠晒結實爽口。法式煎鵝肝配時令水果($368)，我俯視咗件鵝肝好耐，因為佢喺較早階段已經拎咗出嚟解凍。鵝肝同樣激大件，未煎之前可能有成吋厚😳，勁誇張，煎完後亦難得無乜縮水。鵝肝已經唔係單單用入口即溶可以形容到，咬過脆皮外層之後，入到口直頭係「成口油」嘅感覺，😈邪惡到不得了。為咗化解鵝肝嘅膩，師傅精心搭配咗三款經釀製嘅水果，分別係藍莓、蘋果/梨同提子，口感各異，但一樣甜甜的。我哋毫無頭緒右手邊嗰件係乜，個樣似熱香餅麵包，口感似海綿，答案竟然係淮山(唔係滑潺潺㗎咩?)，夠晒特別！岩手縣A5威士忌和牛厚燒，食到呢個階段，其實淨係食咗海鮮，都已經飽咗七成，傻的嗎？不過有和牛食又即刻開胃返。和牛雪花紋理勁靚，油脂分佈均勻，符合A5級別嘅水準。師傅介紹啲牛係飲威士忌大🥃，笑死，做牛都咁識嘆，難怪賣得咁貴啦。和牛唔需要特別嘅調味已經好好食，佢唔似其他餐廳咁配蔥同炸蒜，反而係輕輕淋上海膽豉油，佢並無搶過牛肉味。不過要講返就係和牛係薄燒，而非厚燒🥩。燒野菜富有創意，左邊係白茄子🍆，燒完都仲好多汁。紫薯仔一分為二，再夾埋綿花糖一齊燒，甜上加甜。右邊唔確定係南瓜定蕃薯，甜味天然，食落好舒服。創作時令主食係黑松露椰菜炒飯，🍚師傅好貼心，會問清楚客人食唔食蔥。炒飯炒得夠乾身，當中混入咗椰菜粒，口感豐富之餘，食落亦無咁飽滯。黑松露香氣撲鼻，每啖都好濃郁。飯加雞蛋一齊炒並唔出奇，但佢係配上一隻煎蘭王蛋🍳。餐廳就連蛋都用上日本靚貨，絕唔馬虎。特色紙包花膠蜆湯，湯品用上膠袋裝真係第一次見，可能咁樣裝令佢可以放上鐵板煮熱。作為最後一味嘅蜆湯直達驚艷程度🤤，湯入面有大蜆、花膠、花菇同海帶等，味道清澈得嚟好夠味，原來係用返頭先個龍蝦頭熬煮，師傅話連一滴鹽都無落過添，難以置信。題外話，餐廳所提供嘅熱茶亦係非一般🍵，味道偏甘苦，皆因係花旗蔘茶。我自己就唔係好飲得慣，但呢個可能係特別安排吧。小店經營一啲都唔容易，呢日眼見只有師傅同另一個哥仔負責店舖大小一切👍。佢哋過程中無停過手，更多次往來廚房，整足三個鐘，睇見都攰啊。雖然咁忙碌，但樂師傅仍然非常好客，樂於同食客交流，佢原本係一個被廚師耽誤嘅歌手嚟，哈哈。總括嚟講，好味鐵板燒我並唔係第一次食，但講到最印象深刻非今次莫屬💯。除咗味道同食材質素令人滿意之外，我更加欣賞師傅嘅專業態度，從每道菜式嘅精心搭配，可讓食客感受到佢嘅用心，唔係交大路行貨。如果想要一個難忘嘅體驗，我高度推介「樂Teppanyaki」！…Read More

得悉佐敦有一師傅發辦鐵板燒套餐正做八折活動，作為優惠達人的我怎能錯過點了原價$888的火焰海膽甲羅燒一人前套餐，店員先奉上時令沙律！最特別是這裏的茶是加了青檸的花旗蔘茶， 微酸中帶甘香，可以緩和燒烤的油膩感時令前菜為胡麻豆腐海老！胡麻香濃郁，鮮蝦彈牙新鮮招牌菜式火焰海膽甲羅燒上桌時會點起火焰，帶來焦香的效果！食材方面用上松葉蟹肉混入蟹膏，肉質鮮嫩甘甜！鋪上三文魚子、黑魚籽和海膽，味道即時提升，鮮味非常突出鐵板海鮮的日本蝦夷鮑魚煙韌有咬口，以其內臟製作的酸甜醬汁尤其出色脆皮煎鰻魚配上香甜鰻魚汁，香脆可口， 魚肉厚實:)時令鐵板肉類為日本十勝黑豚，肥瘦均勻！配蜜糖爆珠中和豬肉的油膩創作時令主食為黑松露炒飯！選用蘭王雞蛋加入棚田米，粒粒分明！蛋黃色澤光亮，蛋香濃郁燒野菜有中間夾著棉花糖的燒甜薯、燒南瓜及燒茄子！賣相精美吸物特色紙包花膠羊肚菌蜆湯用料豐富，師傅以紙包龍蝦頭鎖住材料鮮味並煮兩天，特別清甜招牌菜18層海膽杯除了主角北海道紫海膽外，還有北歐花膠、磯凍煮鮑魚、北海道粒貝、牡丹蝦、明太子沙律等高級食材，最後用即燒白飯魚脆片作點綴，富有層次法式煎鵝肝配時令水果的鵝肝濃郁香氣入口即溶，與清潤的梨子為絕配…Read More

呢間餐廳主打以日本當造海鮮同優質食材製作鐵板燒套餐🇯🇵主理師傅入行超過30年，擅長用唔同產地嘅季節性海膽設計獨特料理👨🏻‍🍳💗海膽醬芝士焗原隻龍蝦·海鮮 ($880/ 一人前)🍊時令前菜是日為柚子漬沙葛。爽脆嘅沙葛帶清新柚子嘅幽香🎍時令沙律是日為日本淮山佐海膽醬魷魚。淮山爽口帶黏液，味道清淡，以韌糯嘅海膽醬魷魚提升鮮味🍸十八層海膽杯 (+$360)由頂層數起，分別由燒白飯魚脆片、黑魚子、北海道紫海膽、沖繩海葡萄、帆立貝、北海道松葉蟹肉、牡丹蝦、凍磯煮鮑魚、海膽醬魷魚、日本高橋海膽、三文魚子、藍鰭吞拿魚拖羅蓉、北海道粒貝、北歐花膠、明太子沙律、日本高橋海膽、鮮海帶碎層疊堆砌而成，味道豐富鹹鮮，層次分明🦀火焰海膽甲羅燒 (+$298)蟹蓋上先加入北海道松葉蟹肉同蟹膏，淋上自家製海膽洋蔥粒醬，再鋪上新鮮紫海膽、三文魚子、沖繩海葡萄同黑魚子，質感濃厚滑溜，滿口嚟自唔同海產甘甜鮮美嘅味道🦞海膽醬芝士焗原隻龍蝦焗製原隻波士頓龍蝦，口感爽彈肉嫩，配上自家製海膽醬，再鋪滿水牛芝士火炙，既鹹香濃郁又冇蓋過龍蝦肉本身嘅鮮甜🐋焦糖西京醬煎銀鱈魚銀鱈魚煎至兩面金黃，肉質雪白厚身，柔嫩細滑，魚油四溢。西京醬汁充滿味醂醬油汁同清酒香，用火槍燒至焦糖化，味道更香甜🐚北海道煎北寄貝北寄貝肥美鮮嫩，鮮甜多汁。表面毫不吝嗇放上微微炒香嘅櫻花蝦、煙肉碎同蔥花，更惹味香口🍳時令特色炒飯是日為日本蛋梳乎厘白松露炒飯。炒飯加入蔥花、雞蛋同白松露醬，食落乾爽焦香，粒粒分明。表面放上打發起嘅蛋白，空氣感十足。最後加上日本生蛋黃，撈落炒飯一齊食更香滑🍆燒野菜日本溫室茄子口感脆嫩但未夠濕潤；子彈番薯仔味道香甜軟糯🍲特色紙包花膠蜆湯以北歐花膠、大蜆、鮮冬菇、白粟米、秋葵同海帶熬成，味道清甜香濃🍨自家製甜品是日為自家製海膽雪糕。採用加州海膽，口感幼滑冰涼，先食到牛奶同清酒味，最後帶海膽嘅微鹹回甘…Read More