Saam Hui Yaat

食完Good Good行去拜訪下華爾登餅店，點知中途比我見到呢間我十幾年前想試嘅舊式點心飯店開住門而且仲好多人食緊！！我諗左一陣……咁岩經過唔好錯過～有位就坐低！入去坐低姐姐問要咩茶～我當然要普洱啦！意想不到香、濃，舊式嘅味道。茗茶$4鮮竹卷$19兩大舊！樣子唔太討好，但食落有啲驚喜！入面嘅料好足，豬肉、椰菜、木耳、紅蘿蔔，加埋一齊就係兒時食到個隻鮮竹卷味啦！蟹皇燒賣$19好食呀！！黃色個皮超薄！豬肉咬落超爽口！蝦係細細隻嘅～其實仲有幾樣野想試，但今日兩籠已經係極限😗下次啦！我一定會再黎架！…Read More

今日放假，諗住去間Café 差一差電，點知發現懷舊點心。一入去，每一個茶客好似一家人咁，個都噓寒問暖。今次叫左蝦餃，燒賣同雞扎。首先講雞扎，個雞扎有啲特別，重點唔係食雞係食大花菇，花菇係切成一隻食指大細。花菇，雞，豬肉同芋頭用腐皮卷埋，入口軟面味道有層次。第二樣蝦餃,蝦餃皮有十一摺見得師傅上乘功力，不過蒸架時間過了少少。第三樣燒賣，燒賣上面有蟹子，食到有少少蒜香味彷彿回到點心阿姨同推車仔景況。如果有早市時食物會有水準。…Read More

難得今日放假，之前同老公睇完飲食男女介紹老店， 特登9點幾就去朝聖。係節目中， 店應該由3位上年紀先生打理，但今日一見， 已經由3位年輕小伙子換上。 聽其他食客講， 已經換了老細， 只見炒小炒老廚仍然原是那位。 有點小失落， 但年輕人殷勤有禮貌。 我倆點先了4個點心，雞球大包， 糯米雞，蝦蛟同排骨。雞球大包內餡有半隻雞蛋， 燒肉等， 味道不錯蝦蛟蝦仁彈牙排骨肥瘦適中， 入味糯米雞內有雞腿肉，燒肉， 味道咸淡適而最後我地再點上燒賣， 皮薄總結， 味道不錯，價錢便宜，我地叫了5個點心＋茶介（4蚊位），都是104蚊，希望小店能傳承下去。…Read More

邊個話2個人唔可以飲茶架? 呢間傳統點心店店面唔起眼，不過都好多人黎架。呢到啲點心細細份，又唔貴，仲俾我帶狗仔坐出面。好多食客都係熟客黎架，係呢到感覺到好有人情味馬拉糕好鬆軟，一上枱就已經聞到香噴噴 😋 唔會太甜，不過原來都要睇彩數架，叫完無耐聽到佢話賣哂 醬汁鳳爪好濃咪呀…懷疑佢係秘製醬汁，好食過出面個啲。呢到啲醬汁唔會好水，保留住應有嘅味道燒賣係混合咗豬肉同蝦肉，唔會好大粒，份量岩岩好腸粉好滑，份量比較多Haha .... 好彩唔算頂胃，如果唔係食唔哂啲嘢呀…Read More

先講講古，叁去壹呢個咁特別嘅名嘅起源，其實有少少搞笑，話說原本有三個合伙人，其中一個去黃大仙求籤，籤文話佢唔適合做生意，於是臨時縮沙，三個合伙人減去一個，於是叫叁去壹雖然話五點開鋪，但四點幾已經有個阿叔衝入嚟自斟自飲。就算係閒日，由天未光到九點，一直枱枱坐滿，熟客們互相講聲早晨，搭枱的與鄰桌的高談闊論，不用點菜，大師兄已自動把熟客食慣的點心送到枱上。腸粉看來很受街坊歡迎。大師兄曾受邀到日本研發改良急凍蝦餃，質量當然有返咁上下。傳統細細粒嘅蝦餃，一啖一粒，皮薄晶瑩煙韌彈牙，餡料也是老派的調味，筍絲鮮蝦豬肉簡單卻又經典的味道。招牌點心之一燒賣雖然也有蝦的成份，但與一般酒樓有隻蝦放面不同，它的蝦已混入豬肉餡料當中。肥肉份量頗多，肉味取勝，古早獨特懷舊風味大包，以前勞動階層草根之選，依家已成為戀舊之選。傳說中大包啲餡喺用賣剩嘅食材整，但今日問過師傅佢話一向唔係，要專登整嘅，每家店大包嘅餡都唔一樣，呢度有啲雞包仔嘅餡、烚蛋、叉燒，有啲鋪頭會有燒鴨火腩。…Read More