Mokumoku Yakiton (厚福街)

Open Now

Now Closed

放工同朋友去左日式居酒屋，木系裝修、暖色燈光，一邊同朋友食串燒，一邊飲酒傾偈。前菜 - 蒜子蕃茄沙律蕃茄酸甜多汁，簡單調味突出蕃茄鮮甜，味道清新開胃菜。刺身盛合五款：擺盤精美，每款刺身都好新鮮。北海道海膽：入口綿滑像奶油，濃郁鮮甜味。三文魚：油脂豐滿，口感細膩又飽滿。帆立貝：超厚身，入口鮮甜。油甘魚：口感細膩，味道淡雅而自然。赤蝦：肉質彈牙，味道鮮甜。串燒：豬耳芝士串：豬耳爽脆彈牙，配搭濃郁芝士，口感有嚼勁，必試之選。厚切白金豚肉：油脂香十足，肉質豐滿。豚肉荔枝卷：荔枝多汁甜美，中和豚肉油脂，完美平衡。豚肉鵪鶉蛋卷：豚肉包住小小鵪鶉蛋，雙重滿足感。燒芝士年糕：燒年糕外層微焦，入口軟綿綿，Q彈十足，芝士濃濃嘅奶香味，口感層次豐富。多春魚：外皮酥脆，魚肚裡滿滿魚卵。沖繩苦瓜：苦瓜口感脆爽，微微的苦韻，搭配豬肉餡料特別清香。燒菠雞：外層烤至微微焦香，酸酸甜甜。飲品：柚子x梅酒：柚子酸香和梅子甜味互相融合，入口有層次感。京姫梅子酒：入口充滿梅果香，甜甜地。

今晚去咗尖沙咀厚福街一間樓上嘅餐廳「Mokumoku Yakiton」食串燒，我哋叫了：1️⃣ 蒜子蕃茄沙律 $28🥗 蒜子蕃茄沙律 一個十分開胃的前菜2️⃣ 粒貝刺身 $428🐚 日本響螺刺身 螺肉鮮甜，響螺非常之大隻，食落口韌中帶脆，而且十分爽口3️⃣ 牛油果伴芝士 $48🥑 牛油果伴芝士，這樣的配搭估唔到又幾好味4️⃣ 燒芝士年糕 $48🧀 燒芝士年糕 煙韌年糕再加上香濃芝士，一定係絕配，好食5️⃣ 蘆筍豚肉卷 (2 x $36) $72🐷 蘆筍脆嫩，加上肥美豚肉，配搭一流6️⃣ 皮蛋紅薑卷 (2 x $36) $72🥚 皮蛋紅薑卷 第一次食，估唔到口感好豐富7️⃣ 山形懸產煙燻豬腩 $128🐷 燒得外層十分香脆，食落口則非常爽口又多汁8️⃣ 雞翼串 (2 x $38) $76🐥 雞翼燒至表面超香脆，咬落去充滿肉汁9️⃣ 日本番薯仔 (2 x $28) $56🍠 日本番薯仔，味道香甜🔟 豬生腸串 (2 x $34) $68🐷 豬生腸串，脆爽彈牙，正1️⃣1️⃣ 芫荽卷 (2 x $38) $76🐷 芫荽卷 喜歡食芫荽一定要試吓這個1️⃣2️⃣ 上等豬脷串 (2 x $38) $76🐷 豬脷串 相當不錯，口感十分柔軟，而且又富有彈性

今晚想同朋友仔傾下，所以就去咗位於尖沙咀厚福街的「Mokumoku Yokiton」邊食邊傾，店內環境好日系，以木為主，好有feel。我地兩個先點咗前菜，再點了不同款式既燒串，當然一定要有酒，成件事先會完美。▶️前菜 - 蒜子蕃茄沙律 ($28)平時我並唔特別喜歡食蕃茄，尤其係生蕃茄，因為會有陣陣的草青味。不過呢個沙律就出奇地好食，可能係因為加了蒜，整個蕃茄都變得好清新，更加特出蕃茄本身的甜味，食完好開胃▶️粒貝刺身 ($428)粒貝刺身的肉質纖細幼嫩，味道爽口清甜，帶淡淡海水味▶️三得利生啤▶️威士忌割水($78)▶️煙燻豬腩 ($128)油份高但一點都不會覺得油膩，食落還很香口，好啱送酒▶️上等豬脷串 ($36)豬脷串吃起來份外爽脆▶️豬生腸串 ($34)豬生腸真係不得了，完全唔會有豬騷味，燒到外皮脆脆的，好好味▶️芫茜卷 ($38)師傅選用味道濃烈獨特的芫茜作為內餡，以緩和外層豬肉的鹹香，咀嚼時甘香脆口，鮮嫩清新。▶️露筍豬肉卷 ($36)豚肉加蘆筍絕對是絕配，蘆筍去除了豚肉的油膩▶️皮蛋豬肉卷 ($36)我都係第一次食用皮蛋做既串燒，好好味，鍾意食皮蛋既朋友一定愛上▶️燒芝士年糕 ($48)芝士控不

最近我想要增肥,出街食飯都會選擇燒肉來食; 聽朋友推薦，尖沙咀有間可以一試的燒肉樓上店,於是便前來一試。鹽燒牛小排,一份大約有8件, 大約7成熟,肉色帶點鮮紅色, 肥瘦均勻,帶點肥邊, 口感嫩滑, 牛小排豐富多汁, 配以鹽燒,極為惹味；另一道出色的是燒牛舌,未食過咁厚的牛舌,有嚼口,口感煙韌, 切至四方粒,配以黑椒及海鹽燒,十分入味; 每咬一口, 牛舌的肉汁滿濺於口腔中, 齒頰留香;燒芝士年糕, 芝士年糕的外表感覺就似叉燒餐包, 咬下去淡淡的芝士緩緩流出, 做到拉絲的效果;燒白鱔串, 白鱔沒有骨,鱔肉夠肥美, 一口咬下去魚油滿溢;沙樂美腸飯團, 飯團燒之金黃色,粒粒大米都十分乾身,脆口,味道較淡;豬肉釀冬菇,喜歡吃菇類的朋友,這道菜是不錯的選擇。手掌般大的冬菇,上面鋪著免治豬肉, 再撒上木魚, 無論幫相及味道都十分出色;食燒肉,當然少不了食燒菠蘿,這裏的菠蘿表層配以焦糖,甜甜的, 菠蘿味道重, 消暑解渴的佳品, 食完可以清理口腔的油膩感覺;飲品我點了一杯柚子梅酒, 柚子味十分重,與梅酒的搭配, 甜甜的, 喝完感覺十分清新; 

轉眼間距離中學畢業都已經好一大段日子，我同好朋友對上一次成功約到兩位師姐原來已經係五年前嘅事。難得約到出嚟當然要搵間位置便利，環境舒服，可以靜靜地比大家catch up嘅好地方。從唔少嘅可愛小豬擺設可得知居酒屋以豚肉作賣點！一入座侍應就為我地端上兩份前菜，去皮番茄配日式醬汁酸酸甜甜都幾清爽。第一樣order就係居酒屋必點嘅雞泡魚乾。散發著一股濃濃嘅炭燒香味，而且又薄又脆，好快就吃完！嚟到重頭戲串燒啦！豚肉方面，我地order左signature天下第一刀、紫蘇豬肉卷同芫茜卷！天下第一刀係豬送到豬肉檔後落第一刀，近豬頸椎肉嘅位置，所以得好少比較稀有。天下第一刀嘅外層燒得少少燶，一D都唔肥，肉質爽兼彈牙，確實唔錯！紫蘇豬肉卷同芫茜卷都係用一層薄豬肉包住紫蘇葉/芫茜加醬汁去燒。紫蘇葉好fresh超香！芫茜我就唔太鍾意，就留比朋友們慢慢享用啦~除左主打嘅豚肉串燒，我地仲order左雞翼串、雞軟骨串同牛舌(厚切)。雞翼個皮超脆，油脂滿滿，雞肉又幼嫩，超正！食串燒又點少得燒菠蘿、日本番薯仔同邪惡嘅燒芝士年糕呢！特愛日本番薯仔，細細粒連皮食超甜！仲叫左石鍋溫泉蛋豚肉飯，侍應好細心咁提醒我地如果想要飯

今晚飯局由朋友發辦，是一間樓上店的日式居酒屋 😍 裡面有我地平時最鐘意坐的水吧位，不過今次就擇左坐窗邊的四人位，有自然透光，視野明亮！最先到是乳酸梳打 & 蒜子蕃茄沙律，原個蕃茄去皮切件，味道清甜，加埋底下的醋汁食起來好清新開胃 我唔客氣啦☺️刺身盛合五款$298五款刺身包括海膽、三文魚、油甘魚、帆立貝、赤蝦，非常新鮮。魚肉切得厚薄適中，海膽鮮甜，赤蝦仲大大隻添，大滿足！豬大腸$34一上枱已經聞到好濃烈的大腸味道，外皮酥脆又無腥味!林檎紅薑豬肉卷$38入口超有驚喜啊! 鮮嫩多汁的豬肉片捲住四四方方的林檎，咬落爽口又帶點果甜，中和豬肉片的油脂，兩者好夾，叫多一碟自私食都絕對無問題XD 露筍豬肉卷$32頭先捲完林檎，今次輪到捲小露筍，雖然豬肉片薄薄一塊，但表面微脆，口感依然鮮嫩，連帶爽脆的小露筍，毫無油膩感!粟米$58一個字形容『甜』😍完全無燒到乾爭爭，好juicy!日本青椒仔$28外型較為的骰，咀嚼時有輕微的甘澀味，平時少食青椒的我都覺得值得一試! 燒芝士年糕$48年糕軟滑煙韌，最興奮是咬開後有拉絲效果的芝士，口感軟滑☺️每一道菜都看得出師傅的用心，調味得非常入味，真心好食啊👍🏻👍🏻

外藉好友來港遊玩，入住尖沙咀酒店，XO仔原本都唔知同佢去邊度食野好，上網覓食居然發現新竉「Mokumoku Yakiton」於區內之食街新開咗間分店喎，唔洗多諗即訂座週六晚幫襯。真係估唔到尖沙咀分店會比銅鑼灣母店旺場。可能新店面積較細，四周o既豬仔擺設明顯冇咁大同冇咁多。當中吸引到XO仔o既注意力反而係印有大大個「XO」o既三得利啤酒機，教學如何斟出一杯好生啤。小肥成千度近視，倘若唔係身邊有位眼利美女相伴，相信都唔會留意到三得利生啤每天十點後全面買一送一！講真晚飯咁早，點留力都留唔到十點先開波，不過結果卻因此優惠飲到過十二點先肯返屋企；嘩卡卡，三得利萬歲！今次選坐吧枱，可直接觀賞到Gary師傅以蘭花手燒煮美食。埋位冇耐，忙碌o既Kitty姐姐已認出小肥強而有力o既聲線，二話不說仲請咗第一輪沖繩生啤同蕃茄沙律，講真都有少少唔好意思架。新店飲品牌共有兩頁之多。據悉，當中有六款自家製o既燒酒，味道分別為柑橘、荔枝、百香果、檸檬、薑、咖啡，因深知燒酒易上頭，所以只可以睇人試飲。。。跟銅鑼灣店一樣，單點項目有十頁，不過睇真啲個內容係有少少唔同o既。另加黑板上o既是日精選菜式。此外仲多咗兩款套餐同