伊賀日本燒肉料理

爹哋生日，次次都係酒樓食海鮮有啲悶，今次大家提議食燒肉，係OpenRice search下，見到伊賀有不少好評。最尾就揀咗喺尖沙咀的伊賀 !地方就腳，地鐵行去都係幾分鐘行入去都係幾分鐘，到門口已經好有燒肉餐廳的氣氛，有開揚落地玻璃，坐得好舒服，枱與枱之間都幾闊落。最正係燒肉之餘又可以食刺身，D 刺身排到靚一靚，帶子軟滑，北寄貝有甜味，三文魚肥美。燒肉係以件數黎落單，每樣試少少就可以樣樣都試吓，牛肉上枱，一睇就知質素不錯，脂肪分布好均勻，我最愛牛舌，油脂格外平均，不會太肥又爽口。另外一口牛都幾唔錯，肉質嫩滑。最喜歡就係燒雞泡魚干, 唔太肥, 但又可以不斷gam 食不斷gam 食。海鮮都有幾款，青口同大蝦款款都大大件。唯一美中不足的是蜆有2粒唔開口。個人覺得必食係燒大蝦，大隻又新鮮，而且蝦肉超甜。當然仲有不可錯過的燒菠蘿啦。總括而言，呢度每款肉類質素都幾不錯， 燒出黎香味令人流哂口水，但食完個身唔會好大油煙味，環境、服務都超高，可以再encore。…Read More

朋友聚會，朋友想食燒肉，今次揀咗呢間伊賀燒肉放題試下~地點都幾方便，喺尖沙咀站N1出口行5分鐘內就到喇。由於前一日book咗位，去到完全唔洗等，可以即刻入場。不過可能太遲book，只剩返一張壞咗一個爐嘅枱（一張枱有2個爐），但5個人用一個爐都還可以嘅。一入去就見到個場勁大煙😯，仲以為可能啱啱開鋪，抽油煙機未ready，所以都無理。食開放題通常都寫紙仔落單（都幾唔環保）。但呢度係用pad落單嘅，都幾先進，又環保♻️~👍🏻👍🏻呢度放題都有幾多選擇，正當揀緊食咩好嘅時候，侍應已經遞上一碟肉（雞牛豬都有），未有機喺手點菜嘅朋友可以燒住先，都唔錯~一開始當然要叫d刺身&沙律等前菜食下先啦。刺身都幾新鮮，最正嘅係有我最愛嘅玉子😍😍！帶子都好新鮮，但如果切得厚少少，口感會更好。三文魚就麻麻喇，因為佢俾近魚皮嘅位置，個人就麻麻地呢個部位，食落好似比較腥~🙈朋友點咗幾款沙律🥗，當見到呢碟時，朋友好奇問一問呢碟係咩沙律（因為記憶中好似無點過呢樣），但侍應話呢款係‘本店招牌沙律’🙄。既然咁講，我哋都試下有咩特別，但食完唔覺有咩特別。只係一堆菜加咗沙律醬同少少檸檬汁🤔今次放題重點推介一定係呢款：煮蜆~朋友一致覺得好好味！其中一位仲鍾意到連湯都飲埋~🤣🤣湯底係用蒜蓉+牛油煮，勁香~😋同埋，一路望住d蜆殼煮熟到開殼時，真係好治癒~☺️今次放題都算係不過不失，但抽油煙系統真係有待改善，全程都好煙，煙到對眼都唔太舒服，第一次喺室內食燒烤會咁大煙。除咗呢樣之外，食物質素都還可以嘅。…Read More

很久沒有吃過燒肉，上一次吃是在日本旅行時吃的和牛燒肉，今天特意與一向愛吃日本菜的媽媽來這裡懷緬一下燒肉的味道。午餐時段來到的人數不算多，地方十分寬敞，空間感十足，環境不錯。下單於平版電腦操作，方便又環保。由刺身，小食，野菜，壽司，炸物類都有，但每項的選擇則不算多。由於我與媽媽都不大食，故每款都點了一些試試，好吃再叫，以免浪費食物。下單後不久，店員便送上一刺身拼盤，有三文魚，玉子，魷魚和帶子，插上花葉點綴，擺盤精緻，賣相十足，只是食物的較少，媽媽表示味道不錯，我吃的玉子亦夠甜味。再來要點一些壽司墊肚，花之戀是母親至愛，還有蟹籽和蟹肉軍艦；另外亦點了火炙三文魚，秋刀魚，火炙蝦，牛肉壽司試試，份量細細的剛好，稍嫌飯沒有醋香，或許是主打燒肉，壽司相對質素平平。然後是主菜燒肉! 有安格斯牛，五花肉，牛小排，牛舌，豬肉，一口牛，牛肉的油脂分佈平衡，吃著充滿油香，肉味亦夠，一口牛感覺更是十分軟嫰，我與媽媽也頗喜歡! 小吃多滋味，吃得剛好便收手了。最後亦要點一些邪惡炸物! 有炸蝦，炸雞，芝士年糕，炸南瓜，最特別是海苔炸多春魚，平常比較少見，炸出來的味道也不錯! 吃得出炸物都是剛新鮮炸起的，熱騰騰，十分香脆；炸香芋丸更是我們的至愛，又香脆又甜美!雖然食物款式不算多，但主打燒肉放題來說亦算稱職，炸物亦較出色，其他食物可再改進一下。…Read More

中午與一班朋友一起來到這裡吃放題，其實我一直都比較喜歡中午吃，因為睡眠餓了一整晚，早上一起來就梳洗去吃大餐，特別好胃口！而且午市放題都較便宜，以這店為例，午市比晚市便宜$100，但吃的東西、選擇都一樣，除了午市沒有Movenpick雪糕送，會送雪米糍之外，其餘都沒分別。喜歡這裡選擇多，除了燒肉，還有刺身、壽司、炸物，只要是Menu上寫着$0的都可以點，其餘有標價的就要額外加錢。這裡用的是電子餐牌，直接在平板電腦上點餐就可(記得按送單！)。飲品是要錢的，不過就只＄5還可接受，冬瓜茶清清甜甜的都不錯啊！而且外面很少看到這飲品。我們人多，點了一大盆刺身！甜蝦比一般的大隻厚身，不會有腥、乾的問題。連帶子都有，比起一般放題多選擇。燒肉方面，我們牛、豬都隨便點了些，以牛舌的肉汁最令人印象深刻，不過有幾片比較韌。牛肉粒牛味濃，燒成脆皮後還不錯，不過有幾顆的筋較多，影響了口感。豬頸肉這麼邪惡的肉類，從來都不會錯，就是爽口！燒蝦亦很大隻爽口，跟甜蝦各有風味！壽司雖然都是基本的選擇，沒有其他店的「創意壽司」，不過刺身質素不錯，唯壽司飯有點過於濕潤。最喜歡的是火炙帶子壽司！燒過的半溶芝士加上焦香，完全突出帶子的甜美！火灸三文魚都不錯。就是花之戀的外貌有點搞笑，三文魚竟然沒有完全把飯包裹着⋯⋯來到炸物，所為榴槤控，榴槤炸彈絕對是encore十次之物！誓要臭暈身邊怕榴槤的朋友！哈哈！榴槤餡的榴槤味很重很香，還帶點榴槤絲，加上香脆煙韌的外皮，正！另外炸芝士年糕亦是每次吃放題必點！我實在太喜歡那煙韌的口感，再爆出熱燙的流心餡料，實在不能自拔！食肉獸最後都要吃點蔬菜，燒甜薯本身已經熟腍，只要燒一燒熱，就可以吃到超甜超綿的蕃薯蓉了！還有燒菠蘿，極juicy的。看到湯圓在燒肉類，我們已經相覷而笑，點了之後，店員介紹食用方法，我們覺得有點難度，所以決定最後才做這個實驗，結果玩得捧腹大笑！湯圓燒到龜裂、爆餡、微焦就可以吃啦！燒過的湯圓，外殻會變得乾硬粉粉的，但內裏就仍然有黏糯的皮及流心的花生或芝麻餡。口感及賣相未必人人接受，😂但我覺得挺好玩的！環境方面，要改善的是抽氣系統，除了吃罷身上會附着油煙味，就是連吃的時候都看到店內煙霧彌漫。服務方面，人手不太夠，所以有時侯想找個侍應幫幫忙都難，但只要找到他們，他們都會有禮地服務，亦樂意為我們換燒烤的鐵網。如果大家不想撲空，還是訂座較保險，因為我們訂位時，店員說晚市已經full了，我們又心急想來，所以選了中午，比較鬆動少人的時段！…Read More

要找放題, 通常都係食壽司串燒燒肉放題係香港唔算好多係呢個酒吧街的盡頭, 有一間新的日式放題店我食個時間係6:00, $228 一位而且人未算好多, 位好多可以休閒咁坐入到店中間有個酒吧位都可以燒野食haaaa, 唔知師傳會唔會幫手燒下架呢~~~~一上枱就會有隻刺身船都係平時放題會見到的材料算好新鮮食三文魚仲有三文魚腩位食lucky!!!!!!!!!!之後用電子Menu點菜, 都有唔小種類我地樣樣就店左1-2件試下先擺出黎都幾靚仔其中我覺得最特別係有個叫豬蓋片的位置我揾完都唔知係邊, 不過燒完好爽好好味!!!另外佢地D牛全部都係agnus 牛, 牛味好香食落亦都好有咬口同牛味, 我鍾意燒肉食呢種肉唔會只係有油感唔好以為放題D材料就會渣DD野食都唔差, 唔會食落好頽最驚喜係佢D海鮮竟然有竹蝦, 爽又大隻, 燒完真係啖啖肉鮮味~~~~最後食飽飽佢仲會送上movenpick 雪糕好滿足的完結丫!!!我唔記得影佢地個燒菠蘿, 真係超好味丫~~~~佢唔係平時的大菠蘿, 而係細細隻的個種超甜超好味, 我一個人可以食10個!!!!!大家一定要食丫佢出邊有個露台位有D炭爐位可以燒~~真係好正, 店員話如果要坐出邊要預先訂下次我會醒目D架啦…Read More

又黎試新野😁 哩間坐落尖沙咀，地鐵N1出行一分鐘就到，勁方便！！大合照😙刺身… 尚算新鮮，咁正係三文魚近腩位置蝦亦不錯。燒海鮮… 海蝦鮮甜肉爽啊！扇貝都唔差，但可能我地燒得過火有d韌。燒肉…最正係一口和牛，一啖一粒，一咬肉汁爆哂出黎牛舌有d失望，太薄冇乜咬口，厚番d就好喇… 另外"豬里蓋片"幾好食，啖啖肉又有油脂香！當然唔少得甜品環節！有我至愛既Movenpick❤❤餐廳設有室外燒烤，好岩一大班會玩到癲既fd嫁😂…Read More

某日行開尖沙咀搵食，搵搵下就見到人地派傳單，有$100優惠券。心裡OS: 咁筍😍，同埋見到係新開張冇耐，應該吾會太差。所以就衝左入地試。環境都幾靚，一半bar枱，一半sofa位，仲有室外位，方便吸煙人仕。不過油煙都幾大，依方面有侍改進，個日我就係坐室外位。 食物種類有好多，牛，豬，海鮮，炸物，壽司等等都有。全部都係透過ipad去落單，好high tech😂。一坐底基本上未叫食物，侍應已經會放一碟燒肉同一條魚生船。 魚生方面我推薦甜蝦同帶子，真係好鮮甜，甜蝦佢吾係一般放題個d，佢係連蝦頭同埋好大隻，可以食埋裡面的蝦膏。😍而帶子雖然吾係好大粒，不過都好鮮，吾會有雪味。 燒肉裡面最好食係佢個伊賀一口牛，切到細細粒，方便食用，而且好juice，燒得生少少都吾怕。依到仲有安格斯牛肉提供，冇乜根，食落去吾會有好多渣。不過佢個紫薯就一般，吾知係我吾識定其他原因，我覺得好乾，可能食炸番薯會更好。超甜波蘿切得好簿，方便輕輕燒一燒就食得，同埋真係好甜同好多汁🍍🍍 最後佢仲包一人一杯雪糕，仲要係Movenpick😍，勁吸引。 以放題黎講都算性價比高，適合一大班朋友黎大食特食，最緊要下面已經係酒吧，方便食完有下場去飲野😂…Read More