LUMOS Restaurant and Bar

放工經過見到紅橋開咗間新嘅西餐🥂，以前呢條街有間貓cafe同茶餐廳，夜晚靜到6折都無人食🍝，呢間竟然星期二晚都full house真係好難得，一於入去睇睇有咩個人之處！💡餐廳裝修得好華麗典雅，以墨綠色、金色、黑色為主調，室外有梳化，而室內有水晶吊燈同拱形酒櫃、調酒區及吧枱，配埋大理雲石枱同梳化卡位，好有品味！🍾今次去到仲有歌手Live Music🎶，加上柔和嘅燈光，超有氣氛！😍有個錯覺，唔知以為去咗鰂魚涌，而唔係屋企附近嘅餐廳！其實區內都有好幾間酒吧同西餐，但除咗BYOB長期多人之外，其他都唔算多人，我諗呢間嘅其中一個優勢應該係室外位近馬路🚗，可以泊車，就算呢排成日抄牌，都走得切！加上室外位又歡迎寵物🐶，好啱屯元天嘅狗主嚟搵食！價格方面算中上，不過性價比都高，lunch menu 百幾至兩百一個set，而晚餐主菜都係差唔多呢個價，扒類大概三百至五百左右，但食物都大份，而且整體幾好食😋，甜品更加有意外驚喜，有酒店級甜品水準呢！🍷酒吧當然有唔少嘢飲，不過今次只係打算放工食個飯就返屋企，就唔飲嘢了，下次可以約friend chill下～🍞餐包 Free好似啲高級西餐咁，點餐後會送上兩款餐包，熱辣辣又鬆軟，牛油有特別嘅味，幾好！🐷西班牙伊比利亞黑毛有骨豬扒（220g）$198呢排鍾意咗食伊比利亞豬😋。呢塊幾厚幾大塊，外層烤出格紋，散發微微焦香，配埋迷迭香，色香味齊晒！豬扒肉質鬆化，油而不膩，肉味濃郁有淡淡甘香。幼薯條唔算油，薯蓉有粒粒洋蔥，口感豐富又清新！🦐燒老虎大蝦扒及意式蕃茄醬配扁意粉配BB菠菜 $148兩大隻老虎夠吸睛！肉質彈牙，而且煎得唔乾又香口。而意粉軟硬適中，蕃茄味幾出，偏酸，好開胃！🍰LUMOS甜品拼盤 $168見menu寫8款甜品都係百幾蚊，實在太吸引，絕對係必叫！迷你檸檬蛋白撻、紐約芝士餅同馬卡龍等一啖一件，擺盤又精緻，樣樣都有唔同嘅口感同味道，誠意滿分！當中焗玉桂蘋果脆金寶熱辣辣又甜又脆口，好好食！店員都好後生，有禮貌👍🏻！屯門嚟講，得一兩間做到呢種有裝修、有氣氛，有服務，食物又高質嘅餐廳了！不過開喺呢個位，真凳佢有啲擔心～哈哈～…Read More

今晚試咗屯門紅橋新開嘅價雅酒吧西餐廳”Lumos Restaurant & bar “. 餐廳三月中試業上星期日先至正式開幕，咁新一定要試吓同埋分享啦. 💡餐廳理念係提供優質食物讓大家享受優質生活. 店內裝修設計華麗高貴，好有品味. 店舖外用灰黑色主色內裏用上青藏色墨綠色做主調，配合大理雲石枱及水晶吊燈，旁邊有拱形酒櫃、調酒區及吧枱，感覺高尚不俗氣. 開放式廚房拉近廚師同食客距離增加親切感. 室內柔和燈光寬敞環境令人放鬆. 室外雅座令人無拘無束可與親友暢談歡聚. 餐牌設計亦典雅，但價格意外親民合理❣️主菜大概都係百多至二百元，扒類大概三百多至四五百元左右，性價比極具競爭力. 🤑人手落單唔用QR code配合高級感覺. 點菜後店員先奉上餐前麵包，烘焙至熱騰騰軟熟可口，可隨個人口味沾上牛油、黑醋及橄欖油. 飲品🍻🍷🥃選擇多，drinks menu 令人花多眼亂，今晚唔飲酒. 我地叫咗個椰子🥥忌廉同埋菊花桃茶，都好適合而家天氣飲. 桃茶🍑好香花果味解渴清涼. ⭐️燒老虎大蝦扒及意式蕃茄醬配扁意粉配BB菠菜🦐🍅🍝大隻開邊虎蝦炙燒至焦香，蝦身好爽身咬落啖啖肉，高質. 新鮮蕃茄清新配合醬汁酸酸地好開胃，幼身意粉彈牙,菠菜好腍. 成個菜式配搭得宜口味豐富. ⭐️澳洲封門牛柳🐄250g封門牛柳六七成熟，皮燒至焦香肉質粉紅鮮嫩肉味濃郁，脂肪不多肉質結實. 墊底薯蓉沾滿燒汁入口溶化. 露筍及薯仔沙律中和解膩. 埋單人均$300都唔使.咁靚裝食物又優質真係超抵. 順帶一提，餐廳每個星期三五六或者公眾假期晚上都會有live music🎶🎤🎹更有氣氛情調，慶祝生日紀念日夠體面得體. 可惜今晚太早到同早走無緣欣賞表演，下次一定要睇. 屯門終於有咁正嘅西餐仲要性價比咁高，區內朋友有口福. 而且門口及附近都多位泊車，區外朋友入嚟都好方便. …Read More