De Viet Son

今次黎到位於沙田嘅越男仔💛兩位小編好少喺香港幫襯越南餐廳，因為覺得香港好少特別印象深刻既越南餐廳🤭但呢間越南fusion 餐廳食完之後係好驚喜既😆首先講下燒吞拿魚柚子檬紙卷，酸甜汁係另上，想落幾多就落幾多。當然兩位小編好鐘意酸甜汁，最尾梗係落哂啦😝上面舖有炒蒜、柚子、蛋黃醬、燒吞拿魚；下面紙卷入面包住檬粉、豬肉同生菜。吞拿魚表面有用火槍輕炙過，所以咬落會有兩種口感，外脆內軟。咬落去口感豐富，配吞拿魚都幾特別但又唔會覺得唔夾😆咁熱既天氣食呢款清涼既紙卷真係消暑一流，而且酸酸甜甜咁幾開胃👍🏻下次想埋佢配海膽既檬紙卷😋第二款覺得必食既係胡志明市紅蕃茄四寶湯檬粉😍唔食牛既朋友仔都可以試呢款，因為佢四寶係全豬既🐖包括豬扒、豬頸肉、札肉同脆豬肉小編最推薦係個豬扒同札肉😆豬扒肉質鮮嫩得黎又吸收哂蕃茄湯既精華，咬落好juicy👍🏻至於札肉係比平時食開既更重黑胡椒味，別具特色👍🏻檬粉份量超足，兩個人都食到好飽😂而且檬粉都係吸收哂啲湯汁，蕃茄超入味！蕃茄湯底味道亦超濃郁，質地比較稠，證明都落足料去煮～另外，見到佢有買一送一優惠，所以就叫咗兩個燒芝士有機珍寶大蘑菇釀烤牛肉😍切開後見到烤牛肉嘅份量非常多💕牛肉有用醬油事先醃過，燒芝士同juicy既蘑菇平衡返烤牛肉既鹹味，味道配合得相當好！真係大件夾抵食😚飲品方面，我地叫左雙檸香茅薑蜜同越式咖啡。雙檸香茅薑蜜有比較濃既青檸/檸檬味，香茅既香味亦好突出，薑味就淡淡地。整體飲落係甜甜地又好清新透心涼既感覺～食完濃味既野，最岩飲呢杯飲品黎清下口腔！越式咖啡亦都好特別😚送上黎既時候咖啡仲係滴漏壺，店員已經倒左啲煉奶係個杯度，只要等咖啡滴漏完就可以攪拌飲用。飲第一啖已經覺得好正好好飲！咖啡香味十分濃郁醇厚，煉奶既比倒亦完美地平衡咖啡既苦澀 ，最後亦品嚐到咖啡既回甘～完全係帶出左越南咖啡既獨特味道，難怪個個都推薦！環境方面，沙田呢間既牆上擺有好多花瓷磚同畫作，亦有好多精警句子既牌仔🤣燈飾同座位等都好有越南風格，仿如置身越南當地享受越南美食🤣👍🏻…Read More

同朋友去科學園維修機頂盒，順度去沙田吃越南菜，因為之前系旺角吃過，好好味，有新派清爽的風格。越男仔，在沙田勵城花園地鋪，河畔花園後面，鋪頭門口，是芥末黃的顏色，好有新穎的感覺。內部裝修，看得出，放了不少心思，當中還可以尋找到不少驚喜。法式芝心蝦多士，濃郁芝士，面頭鋪滿芝麻，香脆美味，食不停口。牙車快(柚子手撕雞肉)，清新爽甜，不會重口味，雞肉嫩滑入味。紅蕃茄四寶湯檬粉，豬頸肉份量超大，湯底蕃茄味濃郁。燒吞拿魚柚子檬紙卷，包的好精緻，有點不捨得吃它，吞拿魚有燒烤味，柚子甜甜酸酸，絕配。…Read More

今日交返樓比業主，跟手一齊食飯，佢話要試啲佢搬走後先開嘅餐廳，就揀咗呢間。越南汁有少酸酸甜甜，但佢呢個似係魚露加蒜蓉。個柚子檬紙卷啲味唔太突出，沙律醬太多。串燒拼盤原來豬牛雞各兩串加一串菠蘿，但本人唔食牛，餐廳幫我轉咗雞同豬各 3 串加返串菠蘿，好大串肉，食落唔靭。香茅薑蜜唔太重薑味，可能熱飲啲味會出啲。大蘑菇釀生蠔太重芝士，切開有水出，生蠔唔算大隻。原本我哋叫蟹籽蝦餅，但煮到出嚟先話我哋知無蟹籽，得普通蝦餅，所以比咗雙陪份量我哋，其實一早話我哋知可以轉其他嘢嘛！…Read More

沙田河畔在沙田區自成一角，美食都不少。一來比起沙田市中心人流較少，樂得清靜，二來這裡食肆選擇都頗多，所以我時不時都會過來河畔搵食。這間「越南仔」固名思義是吃越南菜的食肆，菜式選擇算是不少。魷魚藕苗沙律藕苗在香港算是比較特色的食材，沙律的藕苗用醋汁預先調味過，味道酸酸的很醒胃。幼長的魷魚肉質帶少少彈牙口感，配合爽口的藕苗，雙重口感。燒吞拿魚柚子檬紙卷這是餐廳標註為必食的菜式，果然味道不錯。整片的燒吞拿魚味道很香，加上柚子的酸酸甜甜味道點綴一下，整體味道更佳。越式火車頭河粉火車頭河粉的配料非常豐富，有牛百葉、牛肉片、牛丸和牛筋。湯頭非常鮮味，麵底粉量很充足，非常飽肚。青檸梳打天氣熱，當然要加杯透心涼飲品，味道夠fresh 的青檸梳打就是最佳之選。…Read More

今天晚上同一班朋友仔試食沙田新開的越南餐廳，位置在沙田圍店出面也可泊車非常方便揸車人士,（試業期間星期五六服務至零晨一時點）小店經營難裝修環境也頗花心思,入到店內坐低睇 menu 非常多選擇花多眼亂唔知食乜好嘅時候 侍應即刻嚟介紹 太貼身的服務 因為我哋人多所以點多幾個招牌菜試真啲海膽炸春卷燒吞拿魚柚子檬紙卷窩蛋烤牛肉生菜包三色雞翼拼盤生蝦沙律軟殼蟹沙爹粉絲大脆包招牌原隻魷魚咖喱炒飯招牌椒鹽軟殼蟹海南雞蒜椒茄子燒芝士有機珍寶大蘑菇醸生蠔我特別鍾意食魷魚咖喱炒飯因為佢燒魷魚至半脆 好似以前戲院燒魷魚🦑燒芝士有機珍寶大蘑菇醸生蠔 相當邪惡佢連芝士生蠔一齊焗，芝士面好食而生蠔不失鮮味海南雞看上平平無奇但重點係個汁到普通海南雞是提供辣汁豉油薑容，但呢度啲海南雞汁係有30多種食材組成酸酸甜甜很醒胃招牌椒鹽軟殼蟹 殼真的好軟 而且體積比較小 經油炸後 蟹殼特軟，可連殼一起吃，非常香脆其實今晚食咗好多熱氣野但也不覺得太油膩原因係每度菜也有秘制酸菜伴碟 醒胃之餘去除油膩咁啱老闆 David 也來巡視業務熱情招呼及介紹每道菜做法 明白現在經營小店也相當困難 所以香港人要撐香港小店呀…Read More