越男仔

Open Now

Now Closed

🍴【沙田OpenRice十大越南菜！「越男仔」真係有料到！】 🏆 平時見佢喺OpenRice攞獎攞到手軟，仲入埋頭十名越南菜，今日一試終於明點解！ 🐔 無骨海南雞（半隻）$118 冇骨！啖啖肉嫩到癲！雞皮爽脆，蘸埋秘製醬汁，完全係靈魂所在～ 🍅 番茄紅酒燴豬扒 $128 豬扒大塊到嚇親！紅酒香滲透哂，番茄汁濃郁到撈飯一流～重點係超大份，抵食過出面小菜N倍！ 🔥 串燒大拼盤 $139（各2串+菠蘿）豬牛雞全部燒到焦香，肉汁鎖住哂！最正係原個菠蘿一開四燒，兩大件超Juicy，甜到爆燈✨ 🍹 冰凍水果茶 + 青檸梳打 水果茶清涼解膩，青檸梳打酸甜平衡，唔會死甜，飲完即刻Refresh！ 📌 溫提：店名係「越男仔」👉🏻「男仔」個男，好特別又好易記！📍 地址：沙田沙田圍路1-7號勵城花園地下1號鋪 🚇 沙田站行10分鐘 | 🌟 人均$100食到捧住肚走，仲有16週年優惠（儲印仔換現金券），快啲Bookmark啦！ #沙田美食 #越南菜 #OpenRice十大 #海南雞 #抵食大份 #香港美食地圖 #越男仔 #食到舔舔脷 👅

📍【沙田美食】越男仔De Viet Son - 酸湯控必試！🔥終於喺沙田搵到香港少見嘅酸湯啦！😍 今日同朋友去咗沙田嘅「越男仔De Viet Son」，呢間餐廳主打新派越南菜，裝修超級有特色，打卡一流📸，而且職員服務態度好好，令人感覺好舒服。🌟 三鮮椰汁酸湯煲呢個小火鍋真係驚喜滿滿！湯底酸酸甜甜，椰汁味濃郁，入面有大量蔬菜、雞肉、蠔肉同生蝦，材料新鮮又豐富，每一啖都充滿越南風味，酸湯控絕對唔可以錯過！🍲🦐🌟 無骨海南雞（半隻）海南雞出餐前會用明火燒過，雞皮香得嚟又唔油膩，肉質嫩滑，蘸埋佢哋特製嘅醬汁，真係食到停唔到口！🔥🐔🌟 蕃茄紅酒燴豬扒配飯呢個豬扒份量十足，足足有三大塊，斬開九件，豬扒燴得入味，蕃茄紅酒汁酸甜開胃，配飯一流，食到好滿足！🍖🍚🌟 新鮮菠蘿梳打最後飲埋杯新鮮菠蘿梳打，清甜解膩，為呢一餐畫上完美句號。🍍🥤總括嚟講，「越男仔De Viet Son」無論係食物質素、環境定服務都令人滿意，特別係佢哋嘅酸湯煲，真係香港少見，值得一試！👍📍 越男仔De Viet Son沙田沙田圍路1-7號勵城花園地下1號舖#沙田美食 #越南菜 #酸湯煲 #海南雞 #打卡餐廳 #越男仔 #香港美食

沙田親民小店 • 越男仔• 專於越南菜式餐廳🏠 裝修風格充滿越南風情，營造出親切溫馨的用餐氛圍💕而且招牌菜式多款🍲🍛🥗🫕💫太平燒雞🐓雞肉外脆內嫩搭配特製醬汁💫海鹽串燒蝦🦐新鮮的蝦串經過海鹽調味，肉質鮮甜，保留了蝦鮮味同燒烤🍖香氣好吸引🤩💫牛+豬蕃茄湯檬🍜湯底濃郁，融合了豬肉和牛肉材料搭配彈牙的米粉吸收湯底精華好濃味🙌🏾💫凍蕃茄🍅清新餐前小食，用柚子蜜汁搭配凍蕃茄，口感清爽，好適合夏天享用😍💫石窩蝦醬扎肉四季豆🍲熱辣辣有鑊氣有扎肉和四季豆，咸咸地層次感豐富👍🏽💫煙三文魚檬紙卷🌯足料的煙三文魚🍣份量十足，但米紙稍嫌厚重，整體口感還可以😝

之前食過，覺得唔錯，老公話今次要叫D唔同嘅菜式。餐牌改左，同上次食唔同左，選擇仲多左添。我哋叫左兩款小食、海南雞、主食同兩杯飲品。越式炸脆蝦片：份量大份，蝦片好脆，作為餐前小食，幾好。三色檬紙卷：檬粉包得滿滿，札實唔散。煙三文魚滲油，手絲雞燒過香口，牛炸醬味濃，三款味道，三種唔同口感，好味。招牌無骨海南雞：肉嫩無骨，啖啖肉，口感好滑溜，配埋旁邊醬汁仲滋味。越式石鍋炒檬粉：炒檬粉唔多油，味道酸酸甜甜，配料有札肉，手絲雞同豬絲等，炒得好惹味。石鍋勁有熱度，仲有麵焦底添，好好食。飲品：老公叫左杯越男仔鮮水果茶，佢話有好多菠蘿，飲得出有唔同水果味道，微甜，佢就幾鐘意。我就叫左杯椰子沙冰，上面有大大個椰汁沙冰球，椰子味香，甜甜地，夠晒冰凍，勁消暑。

最近去咗沙田一間越南菜餐廳，真係好正！呢間叫做「越男仔」，佢哋嘅菜式特色鮮明，味道一流，值得推薦！三鮮椰汁酸湯粉絲煲 $187呢個粉絲煲絕對係一大亮點！椰汁嘅香味配上酸酸嘅湯底，令整碗粉絲充滿層次感。裏面有三種新鮮食材，包括、生蝦和雞，味道鮮美，搭配蒜蓉包一齊食，真係超爽！蒜蓉牛油雙蝦扎肉撈金邊粉 $118呢個撈粉真係唔可以錯過！雙蝦新鮮又Juicy，加上香濃嘅蒜蓉牛油，味道濃郁，金邊粉口感滑順，食完絕對令人回味無窮！串燒小拼盤 $88拼盤入面有豬、雞同埋菠蘿串，燒得恰到好處，外脆內嫩，特別係菠蘿串，甜甜嘅味道同肉類搭配，真係好味道！ 三檸七 $35清新解渴，三種檸檬味道，飲完令人神清氣爽！鮮菠蘿梳打 $35菠蘿味濃郁，配合梳打水，夏天飲正合適！

呢間上次同朋友食過一次唔錯，是主打新派的越南菜，菜式都好有心思和創意！太平南乳燒雞：呢個真係必食，如果多人可以叫一隻，少人可以叫例牌都可以，燒雞的皮好脆，而且𥚃面的肉又不鞋，再點上南乳汁甜甜地好惹味蝦餅拼豬頸肉檬粉：蝦餅同豬頸肉我都好喜歡食，呢個係撈檬，用魚露去撈好好味，酸酸地好開胃秘製沙嗲串燒拼盤：雞2串、豬1串和新鮮菠蘿1串，沙嗲汁好香，而且唔會太辣，燒菠蘿勁好食勁甜，越式扎肉蒸粉包：越式傳統小食之一，用咗好滑的粉皮去包木耳絲、甘筍絲、扎肉等..食落去好豐富的口感越南仔鮮水果茶 ：有好多新鮮菠蘿粒，仲有青瓜，真係解暑一流鮮菠蘿白雪 ：椰汁加菠蘿粒，薄荷葉更加帶出味

沙田「越男仔」主打新派越南菜，勵城花園地下舖木系裝修帶鄉村風。店員推介貼心，人均百零蚊食到高質串燒同創意小食，OpenRice沙田區人氣之選👍🏻.推薦菜色👇🏻沙嗲串燒拼盤：雞豬串燒到焦香微脆，沙嗲醬花生味濃鎖肉汁；菠蘿燒到爆汁解膩，8串份量抵食。 石鍋牛生菜包：生牛肉靠石鍋餘溫燙半熟，撈流心蛋漿好滑溜，生菜包肉蘸魚露，清新惹味但牛肉可多啲。 至尊拼盤B：芝心蝦多士爆芝士+彈牙蝦膠；三文魚紙卷魚鮮夾青瓜；蝦餅啖啖肉；牛油雞翼蒜香濃。冰鎮蜜糖蕃茄：去皮蕃茄冰鎮滲蜜糖，酸甜爆汁超解膩，食完濃味必點。芝士大蘑菇蘸生蠔：厚肉蘑菇烤到芝士拉絲，配冰鎮飽滿生蠔，冷熱交融點檸汁鮮味爆燈。 .串燒同拼盤水準穩陣，凍蕃茄同蘑菇創意加分！環境舒服服務好，雖然座位略迫，但食物質素搭夠，沙田食越南菜必回訪🫶🏻

越男仔 De Viet Son 嘅店面有越南風嘅小裝飾，有少少去咗越南鄉下食肆咁，燈光暖笠笠，食飯傾計好chill。一入去即刻有驚喜，裡面乾淨企理，木枱木椅，侍應都好nice，點菜問乜答乜，仲會同你講邊啲配搭好食，夠貼心。位同位之間唔會太逼，隔籬枱講乜都聽唔清，聚會或者hea食都啱晒！河內三鮮椰汁酸湯煲上枱嗰陣椰香撲鼻，酸酸辣辣超開胃！生蠔肥美，蝦彈牙新鮮，湯底酸甜平衡，凍天食呢個煲好正，暖笠笠咁！至尊拼盤 4 件芝心蝦多士炸到金黃，咬落芝士爆晒出嚟，香到不得了4 件煙三文魚檬紙卷好清新，檬紙同三文魚夾得好好。4 件龍蝦餅真材實料，龍蝦肉咬落彈牙又新鮮2 件蒜香牛油雞翼，蒜味同牛油香到舔手指！龍眼蜜龍眼多汁，蜜糖甜得啱啱好，清清地收尾。

今次係第二次嗌，上次試咗海南雞飯覺得不錯💓今次試下佢地嘅湯麵🙆🏻‍♀️香茅豬扒冬蔭功湯檬粉 $128本身係想食冬陰功湯，唔小心轉咗雞湯🥲香茅豬扒味道正常，唔算特別有驚喜，整體肉質都算鮮嫩🐷黑糖無骨鳳爪沙律 無骨幾好幾方便🤭味道酸酸甜甜，好開胃。蘿蔔絲同青瓜有口感🥒手絲雞檬紙卷（2件）紙卷包得好整齊，入面填滿雞絲，味道好清新🌱不過本人唔係好鍾意食雞絲😂總結呢個餐自己一個食份量偏多，最尾都食唔曬🙈

越男仔既食身質素真係好好，難怪佢開到咁多間分店，今日去食沙田間分店都好出色招牌蒜茸牛油去骨海南雞髀金邊粉呢隻雞髀超大隻，啖啖肉超嫰滑，湯底都一流，配埋正宗越式金邊粉，口感煙韌，米味香濃秘製沙嗲串燒大拼盤 菠蘿及雞、豬各三串呢個炸串燒好新鮮熱辣辣，豬同雞都醃得好入味，脆卜卜，沙嗲醬香濃甜甜地，十分抵讚鐵板茄子法式牛柳粒 鐵板炸炸聲熱辣辣上，牛柳粒好林好惹味，茄子炸過好正，個sauce都好match凍雙檸香茅薑蜜 三檸七 兩杯飲品都各有特色，香茅薑蜜好醒神

市面上想食到好食嘅越南菜真係買少見少😅尤其是喺沙田想搵到都幾難☺️嗰日放假喺富豪花園唱完K之後就過咗嚟河畔搵食😊就試下呢間越南嘢「越男仔」🥳😋紅蕃茄火車頭粉絲煲配白飯最鍾意食呢啲熱鍋，因為可以keep住個熱度😍呢個煲配料好豐富有牛筋牛丸牛肉😍重點係有粉絲索哂啲蕃茄汁😜😋至尊拼盤B（芝心蝦多士、三文魚檬紙卷4件、蝦餅4件、蒜香牛油雞翼2件）蝦多士係流心芝士🧀🥰相當邪惡😍米子卷餡料好豐富配埋泰式醬汁一齊食就好夾啦😊蝦餅煎得好香脆，再配埋淋上起嘅蔥油好惹味👍🏻雞翼炸得好香脆亦都好重蒜好有牛油香味☺️👍🏻😋越式炸脆蝦片蝦片即叫即準備，相當脆口😙店舖配合一個酸辣醬夾埋蝦片一齊食辣辣地好惹味重點係重蒜啱晒我呢個蒜頭人🥰😋椰汁冰朋友叫咗呢一杯飲，濃厚椰汁味，消暑一流😚😋原個椰青椰青勁甜夏天飲好解渴，而且啲肉好嫩滑可以當甜品咁食😚

🍢串燒大拼盤 (豬x3串 + 雞x3串 + 菠蘿x2) $145燒得好香口，有少少辣，沙嗲醬辣辣地好開胃 😗 菠蘿兩大件超多汁，甜到飛起 😍越式炸脆蝦片 $25 每一塊都卜卜脆，勁魔鬼咁一塊又一塊放入咀食唔停口 😆蒜香牛油雞翼 $49外皮好卜卜脆，勁入味，一份完全係唔夠食 🤨蒜茸包 $45好濃郁既蒜茸味，又係卜卜脆啱哂我 👅越式石鍋炒檬粉(手撕雞 + 扎肉 + 豬絲) $108檬粉炒得好乾身又唔會太油膩，蕃茄醬底酸酸甜甜好開胃 🤪蔥油三味黃飯 $79黃飯好好食唔會太油，依個都係推介之一 👍🏻整體地方坐得都舒服，空間感都好足夠 😌食物選擇都好多，下次去開都可以再 Encore 😛💵 兩大人一小朋友食 🧑‍🧑‍🧒 人均約 HKD$187#devietson #越男仔 #越南美食 #越男仔旺角店 #旺角美食 #香港越南餐廳 #香港越南菜 #香港越南美食 #香港越南粉 #香港越南粉旺角

嚟開沙田買嘢，跟住去咗沙田圍食晚餐。揀咗朋友推介嘅越南菜。行完街真係好攰又肚餓，坐低我哋就叫咗菠蘿石鍋黃薑飯 上枱時熱辣辣，鍋內有2隻大蝦，1隻炸生蠔，鮮魷和鮮菠蘿，第一次食黃薑飯焦，金黃脆口，滿足了味蕾，太好食了。海南雞脾椰汁酸湯檬粉 雞脾份量幾多，雞肉嫩滑，椰汁酸湯的確好味，湯面還配上紫洋蔥，乾蔥，令湯底更香，檬粉好吸味，非常足料而且夠飽肚。法式芝心蝦多士 一碟有四件，外面炸到好脆，蝦肉鮮甜夾住流心芝士，口感一流。招牌椒鹽原隻軟殼蟹 原隻軟殼蟹即叫即炸，粉漿好薄，香脆可口，有少許辣，非常惹味。秘製香茅薑蜜 （凍）有新鮮香茅，亦有淡淡薑片味道，飲落好香好滋潤。椰香滴漏咖啡（凍 ）咖啡濃郁醇厚，底層有煉奶，飲落有淡淡椰香味又夠滑口。總結：店員友善，服務週到，環境舒適，絕對適合一班朋友聚餐。#devietson #越男仔 #越南美食#越男仔沙田店 #沙田美食 #香港越南菜 #香港越南粉

越男仔沙田沙田圍路1-7號勵城花園地下1號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：至尊拼盤B $198，海南雞黃飯 $79，石窩窩蛋烤牛生菜包 $89，蒜香牛油雞翼 $49，鴛鴦豆冰(紅豆+綠豆) $36至尊拼盤B：包括芝心蝦多士、三文魚檬紙卷、蝦餅和蒜香牛油雞翼4種高質小食。芝心蝦多士外酥內嫩,蝦肉鮮甜多汁,配上香濃的芝麻醬,口感層次豐富。三文魚檬紙卷以薄薄的檬紙包裹越式粉絲,配上鹹香煙三文魚,清新爽口,帶有檸檬的酸甜滋味。蝦餅香脆可口,蝦肉飽滿多汁,款款高質美味！😄😄😄海南雞黃飯：雞肉軟嫩多汁,散發著淡淡的香氣,與黃飯完美融合。黃飯粒粒分明,吸附了雞肉的鮮美汁液,口感綿密柔軟,配上特製醬汁,味道一流！👍👍👍石窩窩蛋烤牛生菜包：以石窩窩蛋和烤牛肉包裹在生菜葉中,既健康又美味。石窩窩蛋蛋黃濃稠滑嫩,與生菜葉的清爽口感形成絕佳對比。烤牛肉外焦內嫩,肉質鮮嫩多汁,啖啖鮮美！😍😍😍蒜香牛油雞翼：雞翼外皮酥脆,內裡肉質鮮嫩多汁,蒜香味濃郁迷人,這道小食簡單得來卻不失風味！😋😋😋鴛鴦豆冰：以紅豆和綠豆為主角,清涼爽口,甜而不膩。紅豆和綠豆的口感互補

前排朋友話佢屋企附近有間越南嘢唔錯，帶我去食。平時越南菜通常都係生牛肉湯河嗰啲😂但係依一間反而係做新派越南菜，無論係菜式設計或用餐環境都讓人印象深刻-三鮮椰汁酸湯煲🍲湯底以椰汁為基底，酸香鮮明，我當湯飲左2碗😂三鮮= 雞肉、生蠔、鮮蝦～雞肉份量都多，而且嫩滑，而生蠔同埋蝦都好新鮮！將湯汁淋在米飯上好正！-石窩窩蛋烤牛生菜包🥬石窩上桌時仍滋滋聲～烤牛肉嘅香氣好香。通常見開都係豬肉嘅生菜包，第一次試烤牛，感覺好特別而且創新。拌入生雞蛋後更添滑嫩口感-椰汁拉茶紅豆冰/ 冰凍水果茶🧋融合左越式同港式元素，椰奶的香甜同茶香平衡得宜，紅豆增添口感，整體甜度適中，同埋搽底都做得唔錯，我幾鍾意～後者用咗好多新鮮水果去整，茶底清爽不澀，甜度自然。