木金餃子製作所 (Closed) View

木金餃子製作所只收現金，唔洗加一~味道評分:☄️(highest_surprise)/☀️/🌤(pass)/⛅️/💨(lowest)☀️阿媽家姐omakase 煎餃 $788種口味各一🙃勝在肉饀扎實，每一隻餃子都係滿滿當當的，誠意十足！雖然煎餃偏油，但配有醃蘿蔔幫手解膩~~私心推薦: 和風咖喱豚肉餃&黑松露芝士豚肉餃，真係必食😍😍☀️無骨明太子雞翼 $38好特別~~同平時既明太子醬有d唔一樣，滿滿的明太子包係雞翼裏面，佢既味道係:入口會令我有種錯覺佢係辣既，咬多兩下發現原來唔辣😂雞翼即叫即製，燒得岩岩好外脆內滑，好味！☀️低糖鮮檸香橙百香果紅茶 $14味道唔錯，有助解渴&解膩👍🏻❤️‍🔥網上評價有人中意有人唔中意><❤️‍🔥我自己之前食過一次湯餃好似都冇話特別驚喜到我，但今次又唔差喎~~❤️‍🔥❤️‍🔥❤️‍🔥既然你睇到尼度，不妨比個like & comment & follow @gulugirl102 ~話比我知你有睇，比啲動力我丫❤️‍🔥最後既最後，口味尼家野因人而異啦~

呢間位於觀塘區既特色餃子店，成日網上見到人地拎住個金壺倒南瓜湯落餃子度打咭，覺得幾得意，今日黎開觀塘就上黎試下。舖頭既裝修以木色為主，簡簡單單環境都幾乾淨~門口位置有一個自助區，提供水同免費配料，當中包括蝦米辣菜脯、麻辣榨菜、甜酸蘿蔔、辣椒油同醋等。辣菜脯同麻辣榨菜辣辣地夠晒野味，拎黎配水餃都係一個唔錯既選擇😋《大大隻鳳城蝦蝦餃拼黑松露芝士豚肉餃》配南瓜濃湯 $68餃子分左經經典口味同特色口味，可以跟口味揀2款共8隻餃子。今次我揀左特色口味，鳳城蝦蝦餃寫住「大大隻」真係無呃人，粒蝦餃真係包到漲卜卜好足料，咬落去已經食到大大隻蝦非常爽口，加埋木耳同紅蘿蔔絲，成粒都好好味，推薦!! 黑松露芝士豚肉餃咬落去黑松露味好香，芝士味都濃，食頭兩粒都覺得好好味，不過因為重味食多隻就開始覺得有D膩，好彩南瓜濃湯幫左好大忙，南瓜湯非常足料，啖啖都飲到南瓜香同食到南瓜既纖維，清清甜甜既湯底中和左餃子既重味感覺，好味!《無骨明太子雞翼》$38雞翼係熱辣辣新鮮炸好，入面明太子既份量都幾多，而且味道啱啱好，唔會死咸，外皮炸得香脆，值得推介!

一向愛食餃子的我，聽朋友講過木金餃子製作所的餃子好出色。一於前來試一試。店內簡單的裝修，帶出小清新的感覺。職員的服務態度有禮。我叫左佢地既招牌木金餃子SET 湯餃套餐翡翠白菜豚肉餃X韭菜蔥頭豚肉餃白菜新鮮，豚肉肥瘦適中韮菜同蔥的比例剛好，食完成個口都會有韮菜味🤣湯底用一個金壺裝著，感覺好治癒之餘，而且仲打卡-able!一碗有八大隻餃子，餃子皮薄，內有豐富的餡料是日的湯底為黃金南瓜湯，南瓜味度濃郁及帶上南瓜的清甜味，單飲都好好似。如果唔夠，仲可以加湯。無骨明太子雞翼（3隻）$38雞翼熱辣辣新鮮炸好，煎到金黃色，十分香口。把雞翼的骨拆去，填上滿滿的明太子。白桃烏龍冷泡茶($14)冷泡茶帶一點清甜和清香的白桃味，清爽，夏天飲的確係唔錯!餐廳外亦有一個少少的自助區，可以自選一上醬汁及醃製食品。有蝦米辣菜脯、麻辣炸菜絲和醃蘿蔔。

💛木金餃子製作所·呢間前排係ig見到好多人食 難得我地個日去左九龍灣睇戲 夜晚就黎左呢度試下啦 題外話駱駝漆既𨋢真係好好好慢🦥·經典口味(椰菜玉米豚肉餃&翡翠白菜豚肉餃) $68奢華口味(鳳城蝦蝦餃&黑松露芝士豚肉餃) $88佢呢度D餃子老實講就正正常常既姐 雖然都飽滿既 但係個皮真係好灣仔碼頭😂😂最好食係佢個蝦餃 佢隻蝦真係好大隻 個椰菜玉米口感都唔錯🌽個黑松露芝士豚肉餃黑松露味比我想像中出 不過就無咩芝士味咁 最後個白菜就最一般🤣不過佢呢度個茶壺裝既湯真係好靚 都值得黎打個卡支持下既 佢個南瓜湯係比較杰身個種黎既 飲落都舒服既 不過就唔算話好甜🎃反而佢個豚骨湯就真係麻麻地 佢第一啖飲落幾特別既 但係佢越食越鹹 所以建議大家叫翻南瓜湯好D🤭🤭·無骨明太子雞翼(3隻) $38之後佢個雞翼都整得幾好味既 熱辣辣漲卜卜咁 而且佢明太子既份量都幾多🐤 ·#rbyeat#rby港式#rby💛#rby觀塘·📍觀塘開源道60號駱駝漆大廈三座6樓E2室