Ember (Closed)

收工後落到來銅鑼灣消遣，約埋個朋友來到Ember飲杯酒，順便吃個晚飯😎餐廳位落於灣仔及銅鑼灣的交界，坐落於告士打道宇宙商業大廈旁邊，地方不算太大，約五十幾個座位，天花板是六角形設計，金色波浪形的牆壁裝飾，裝潢時尚型格，樓底都很高，感覺都好舒適，餐廳的盡頭有個小舞台及音響器材，原來會9點後有現場live band 唱歌！柔和的燈光下，時間尚早約7pm,現在聽著餐廳播緊耳熟能詳的英文歌，感覺都好輕鬆自在🤗開飯前先飲杯雞尾酒先，首先友人選擇了杯Tap Sonic ($128),主要base 是Gin 酒及jasmine syrup，充滿著苿莉花糖水的雞尾酒，酒香花香，飲品內放了homemade 將接骨木花的花粒放入冰粒內，令人賞心奪目😊而我選擇了杯賣相較為吸睛的Music Tower($70)(H.H),賣相真是可愛，用了新鮮菠蘿切成條狀，砌成一個層層疊，採用了自家製的芒果糖水、菠蘿汁及雪碧製成，飲落啖啖都充滿著菠蘿及芒果的清香，果味較濃香甜😁友人提議想食些生蠔及飲些白酒，向服務員查詢後今日時令生蠔來自法國,一隻$68，服務員都建議我地選擇一個Oyster Set$498,當中有半打生蠔及指定餐白酒一支，友人選擇一支來自New Zealand 的Double 8 Sauvignon Blanc (2017),味道帶有蕃石榴的果味，酸度中高，生蠔size不算大，有適中海水鹹鮮味，蠔肉算爽口😊低溫慢煮鮮三文魚柳藜麥粟米木瓜沙津($148)，低溫慢煮即是(Sous-vide)，將三文魚抽真空，再放入預設水溫內浸煮，使食物平均受熱，煮出來的三文魚保持粉潤的色澤，口感都軟嫩腍身，藜麥加上粟米配搭的沙律，吃起來都refreshing及嚼感，但好似晤覺有木瓜😑整體沙律味道過於清淡😂接下來是小食，啤酒脆漿炸魷魚圈($98)份量都不少，混入了啤酒的脆漿炸成的魷魚圈，炸粉都晤會太厚，魷魚圈口感彈牙爽口，沾上他他醬伴食也是倍感滋味😘經服務生悉心推介，主菜方面我選擇了烤西班牙黑毛豬扒伴荷蘭豆燒手指薯配燒汁($168)，服務生建議可以品嚐7分熟的，可保留足夠的嫩口及肉汁，端上來時已經聞到陣陣香味，外表看來平平無奇，外層烤至微焦，但咬下的肉質外層微脆內層都很鮮嫩爽口，緊密肉香及油份在口腔中湧出來，配菜燒手指薯灑了少少鹽，帶點鹹香脆口，還有車厘茄及荷蘭豆，真是非常豐富😄美中不足是燒汁是好啖味，配搭了美式芥末與豬扒就晤太襯托，個人口味英式芥末會較好味😅主打的pasta選擇了北海道帶子煙肉半乾車厘茄芥蘭苗香辣鮑魚汁扁意粉($168)，扁意粉是自家製，意粉的口感都好軟身 用鮑魚汁煮成的意粉好入味香口，意粉中有三顆大大粒的帶子，帶子經過微煎，帶子外層微微金黃色澤，肉質柔嫩鮮甜，再加鹹香的煙肉、嫩身爽口芥蘭苗、微甜的半乾車厘茄及蒜片，吃起來有蒜香又惹味😋晚上九點後有現在駐場歌手唱歌助興，真是非常精彩，讓用餐氣氛更佳，食物亦有水準，的確是飲酒、傾計及聚餐的好地方😘…Read More

朋友終於完成咗佢既大project，梗係要約出黎賀一賀佢啦～係銅鑼灣地鐵站C出口行幾分鐘就到Ember。門面望落去已經見到ember閃亮既標誌，當中既b就用咗音樂符號代替，好特別。入到去見到燈光都係比較暗，份外突顯餐廳型格既裝潢。每枱都會有一小盞燈，讓你感到特別有情調。現場更有live show，讓人享用晚餐時，可以同時享受音樂。牛肉墨西哥烤餅配酸忌廉，牛油梨醬及蕃茄莎莎：墨西哥烤餅可以選擇雞肉或者牛肉，我地揀咗牛肉。牛肉經調味後，伴有洋蔥、蕃茄、 蘑菇、芝士，再用烤好既餅皮包好。牛肉好juicy，洋蔥唔會好辣，再加上蕃茄、蘑菇同埋芝士既配搭好夾。餅皮因為唔會過薄，烤過後只帶有少許香脆，包起所有餡料放入口就剛好！雖然就咁食都已經好夠味，但係我建議可以點酸忌廉，牛油梨醬同埋蕃茄莎莎呢三種醬汁，為味道添上清新既感覺。烤西班牙黑毛豬扒伴荷蘭豆燒手指薯配燒汁：點呢道菜既時候，店員會問要幾成熟。我地聽從店員既建議點咗七成熟。可能因為七成熟既關係，整塊黑毛豬扒都係比較容易切開，但又唔會見到血淋淋未熟既肉，見到既係令人垂涎欲滴、剛烤好既西班牙黑毛豬扒。放入口咀嚼，肉質鮮嫩而且充滿肉香，唔會食到有筋好韌好難咬。伴菜荷蘭豆、蕃茄同埋手指薯都烤得剛好，完完全全被我清碟。魷魚燒南瓜法邊豆粟米黄金意大利飯伴香煎北海道帶子：呢碟risotto賣相黃黃綠綠咁，有d似小朋友平時食既粟米青豆飯。食落就知道遠比小朋友食既飯好味！粒粒飯粒都染上金黃色係因為有南瓜既緣故。柔軟濕潤既意大利飯帶有南瓜既香甜，配上粒粒香甜黃金粟米，最驚喜係加入咸蛋，增添了少許咸味，令味道更豐富。伴係飯粒中間既青綠色唔係青豆，而係爽脆清甜既法邊豆，絕對係加分既地方。碟risotto精華既地方當然唔少得北海道帶子，面頭鋪咗三隻size都唔細既北海道帶子，肉質肥美，表面煎香，內裏味道鮮甜。Hotel California：我地見呢到有signature cocktail，所以就各自點咗杯。呢杯Hotel California飲落去立即飲到係whisky既味道，溝咗梳打水變得冇咁嗆，再加咗蜜糖同埋菠蘿之後，變得甜甜地，仲有薄荷既清新，唔錯。Tap Sonic：呢杯就完全激起少女心！Gin味道唔嗆，配合茉莉花和接骨木花，味道甜甜地幾夾。飲品入面既花花冰粒，頗為吸睛，啱哂少女。呢到既氣氛十分有情調，而且又可以享受音樂同埋美酒佳餚，係放工過黎輕鬆既好地方。MENU:…Read More

之前品嚐過位於尖沙咀的The Right Place，由食物到服務都非常滿意，所以得知銅鑼灣的Ember是同集團後便提議用餐。 Music tower 新鮮菠蘿切條作裝飾，睇得又食得。用了新鮮的菠蘿汁及檸檬汁，味道酸酸甜甜的，好清新。 pop punch用上奇異果、 青瓜、梳打水，不過味道偏淡。 Octopus Salad我們先點了一個Octopus Salad作前菜，有八爪魚，羽衣甘藍，鮮橙，柚子，白腰豆，車厘茄，再配上柑橘汁。爽脆的羽衣甘藍，新鮮的八爪魚，鮮甜的柚子和車厘茄，再配上醒胃的柑橘汁，整個配搭一流。但上次尖沙咀的The Right Place八爪魚比較鮮味和份量多一點。 烤西班牙黑毛豬扒伴荷蘭豆燒手指薯配燒汁侍應建議７成熟，因為只有穀飼黑毛豬可以不必全熟。淺粉紅既黑毛豬煮得剛剛好，口感嫩滑，肉味濃郁，只點燒汁已經帶出鮮味。伴菜手指薯也烤得不錯。 栗米蓉法邊豆意大利飯伴智利銀鱈魚柳銀鱈魚外層煎得香脆帶點焦香，魚肉肉質嫩滑，沒有腥味，不乾身。不過意大利飯配栗米蓉還是第一次，沒有肥膩的感覺，但有點像栗米肉粒飯。 雖然整體不錯，但地點、味道、環境和服務都是尖沙咀的The Right Place略勝一籌。…Read More

朋友相約到銅鑼灣晚膳，時間是晚上8時半，雖然與我的早鳥習慣有些出入，不過既然約到，我也依時赴會。餐廳位於銅鑼灣告士打道一地舖，距離港鐵站不遠，所以不難找到。入內時已經有很多客人，店內的座位不算少，牆上有很多屈曲了的木製裝飾，頗為特別，牆上亦有大電視在播放歌曲及特效的外國大型建築，如莫斯科紅牆。另外，門外也擺放了吧枱及幾張吧櫈。店長推介要試他們的signature cocktail，我就要了Sleeping Beauty feat. Coffee ($138)，朋友怕太夜飲咖啡，他就要了Hotel California ($118)。另外，我們點了香草蒜蓉牛油白菌焗田螺($98)、烤西班牙黑毛豬扒伴荷蘭豆燒手指薯配燒汁($168)及北海道鮮帶子煙肉半乾車厘茄芥蘭苗香辣蒜片鮑魚汁扁意粉($168)。Hotel California的名字很特別，既似酒店名，又似歌名，原來真的與舊歌有關。飲品是用single malt whisky加入蜜糖、菠蘿、梳打水及薄荷葉調校而成，朋友覺得不錯，自己也可以在家嘗試這樣配搭。我的Sleeping Beauty feat. Coffee更是這餐廳的特別推介，製作繁複，店長介紹是要將咖啡豆磨成咖啡粉，再以滴漏的程序經12小時收集咖啡液，然後雪凍製成冰，再刨碎後又經12小時的冰滴程序，再由調酒師加入黑冧酒、薑酒、黑糖漿、蛋白及黑珍珠調製而成，製作過程前後至少要兩、三天，殊不簡單，不愧稱得上是signature cocktail。雖然叫做咖啡，但冧酒的味道很香濃。我在猶豫為何飲冧酒會用飲管，大口吸較容易醉，原來還有像珍珠奶茶的黑珍珠在杯底。飲過兩口，菜色就到。先是香草蒜蓉牛油白菌焗田螺，端出來時是熱騰騰的，薯蓉上有少許牛油還在滾動。田螺與白菌放在薯蓉上，加上香草與牛油來焗，所以面頭帶些青綠色，而且很香。田螺去殼來焗，食得更方便。烤西班牙黑毛豬扒伴荷蘭豆燒手指薯配燒汁的黑毛豬是七成熟，店長說其他豬肉必須全熟才可以食用，只有這樣的穀飼黑毛豬才可以不必十足全熟。一落刀去切豬扒就知肉質腍滑，烤得不會太乾，食落仍有肉汁，不韌不嚡口，而且肉味香，要不要蘸燒汁都好食。手指薯也烤得很好食，下面還有些荷蘭豆。北海道鮮帶子煙肉半乾車厘茄芥蘭苗香辣蒜片鮑魚汁扁意粉的帶子腍滑，配上煙肉、半乾車厘茄及芥蘭苗，再加香辣蒜片及鮑魚汁來炒，炒得很香及帶微辣，扁意粉很爽滑。差不多食完，大約到九時許，至於為何餐廳內如此佈置？為何有飲品叫Hotel California？答案終於揭曉了，就是有駐場的6人樂隊獻唱懷舊歐西歌曲，還可以給客人點唱。樂隊也唱得不錯，並且能推高場內的氣氛。不像有些酒廊般歌手在唱客人則在高聲談笑，這裡的客人會在歌曲唱完後報以掌聲，Hotel California就是其中的一首點唱歌曲。在歌聲下用畢這頓晚餐，又酒又歌，平均消費每人$380，都算物有所值。…Read More

放工又係覓食嘅好時機⋯ 今次同同事出左位於銅鑼灣的一間酒吧餐廳。呢到環境舒適，暗暗地幾Relax，係飲下野食下飯的好地方。餐廳仲有幾部大電視播放球賽，相信球季應該會好熱鬧。先叫左碗法式龍蝦湯為呢餐飯打響頭炮⋯ 味道龍蝦味濃厚，而且加左D忌廉，令口感更滑更香口。凱薩沙律用的菜都好脆口，而且清甜。上面用了大量刨得薄薄的芝士，令整體的味道更香。如果大家覺得太清的話，仲可以比多$30配埋煙三文魚/烤奇津雞胸肉/黑毛豬火腿。主食我們揀了一份意份及一份排Share⋯呢個北海道鮮帶子扁意粉，用了鮑魚汁煮所以意粉特別香。加上煙肉、車厘茄、芥蘭苗及蒜片，味道辣辣地，都幾惹味。近排我大愛黑毛豬扒，因為肉味較一般的豬排更濃郁，所們我們仲叫左一份烤西班牙黑毛豬扒⋯ 叫左7成熟的豬扒烤得剛剛好，唔似其實餐廳咁乾爭爭。同朋友仔見面，有大量講唔完的話題⋯所以我們每人都叫左杯Cocktail邊飲邊傾。呢杯Pop Punch用了奇異果及青瓜泥，再加入青檸汁及梳打水，味道非常Fresh！朋友仔就叫左杯Beat of Candy⋯若果你鍾意甜味的飲品，呢杯就岩你了！係梳打加入芒果及糖果糖漿，整杯甜甜的，一定可以令心情大好。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)…Read More

餐廳燈光很有情調，樓底高空間感強，而且裝潢型格。我們六時到所以客人不多，只有兩枱客。餐廳還有電視播足球比賽，hubby看得很開心，好像晚上九時半還有live band演奏。經理和supervisor招呼非常好，令客人很舒服。Music Tower 這杯mocktail賣相很特別，用菠蘿砌成一個積木塔型。菠蘿很香甜又沒有渣滓，味道酸酸甜甜很清新開胃。Sleeping Beauty feat Coffee Hubby很喜歡喝咖啡，所以便試試這杯cocktail, 咖啡味和酒味都很濃，喜愛咖啡之人一定要試。蕃茄白酒牛油汁煮澳洲藍青口 藍青口比較細小但很嫩滑，醬汁很美味又不會覺得膩，蒜蓉多士也很香脆。烤西班牙黑毛豬扒伴荷蘭豆燒手指薯配燒汁 黑毛豬烤至七成熟，中間是粉紅色，肉質頗鬆化，脂肪位帶點油香，真的不錯，還有荷蘭豆、車厘茄和薯仔伴碟，很是豐富。北海道帶子煙肉半乾車厘茄芥蘭苗香辣蒜片鮑魚汁扁意粉 扁意粉軟硬適中，帶子有三大粒很爽口，味道有少少微辣很惹味。…Read More

喺銅鑼灣飲嘢成日都淨係識去耀華街， 不過今次就由同事帶左我去比較靜少少嘅告士打道「Ember」， 遠離一下俗世的煩囂， 沒有嘈吵嘅音樂， 反而有註場live band，超有feel， 可以同朋友飲杯野，傾吓心事～ 「Ember」樓底高， 裝潢時尚有特色，空間感十足， 我哋被安排坐係室內嘅sofa位，坐得舒適。 食物方面， 有沙律、小食、Pizza、意大利飯、意粉、burger等。 飲野最鐘意食返d脆口野～😏 脆炸鵪鶉蛋墨魚波配泰式辣汁（$88） 五粒炸脆嘅墨魚波包住一整粒鵪鶉蛋， 外皮脆口爽彈，墨魚肉還帶粒粒口感， 還散發陣陣蛋黃香， 蘸上泰式辣汁，帶點微辣很惹味，值得一試！😋 烤西班牙黑毛豬扒伴荷蘭豆燒手指薯配燒汁（$168） 識食黑毛豬扒，其實唔需要食全熟架～ 味道和口感會更佳， 所以如果接受到，七成熟就剛剛好！😏 黑毛豬扒份量十足，肉質鮮嫩多汁，肉香美味！😋 就算不蘸醬都夠晒味！ 伴碟還有荷蘭豆、蕃茄仔、薯角等， 可以中和一下肉嘅膩感。 西班牙黑毛豬火腿菠蘿比薩🍕（$158） 比薩皮薄香脆，唔會太飽濟， 除了西班牙黑毛豬火腿和菠蘿外， 還有菇菌、芝士和火箭菜， 材料豐富，味道也相當配合，幾好食！👍🏾 Long Island Iced Tea 飲得多， 「Ember」就有埋Long Beach Iced Tea（$118）， 其實就係可樂轉左雪碧啫， 不過酒份量沒有吝嗇，正！😎 總括來說， 「Ember」啤酒和cocktail選擇都算多， 食物又有質素， 而且營業至凌晨四點， 平日ot完黎relax下都不錯😌！ …Read More

見大家OT得咁辛苦，老細請我們去飲杯野順便食個晚飯，這間在鵝頸橋附近的Ember，除了是心酒吧外，還有西餐供應，有得酒又有很多送酒小食等。我自己要了杯Hotel California，細細杯但好濃既whiskey味，同事的Pop punch，好清新的青瓜及青檸香，而且不會太甜。叫了墨西哥辣牛肉粟米片薄脆配酸忌廉，牛油梨醬及蕃茄莎莎作小食，粟米片上面有些半溶芝士，夾著些辣牛肉碎，送酒一流，其中酸忌廉醬非常醒胃。煙三文魚比薩餅底又脆又薄，上面放了幾款芝士，混合一起口感豐富，但不會太飽肚。烤西班牙黑毛豬扒伴荷蘭豆燒手指薯配燒汁，黑毛豬外面煎至有焦香，中間帶點粉色，肉汁豐富，肉質嫩腍，手指薯不油膩且夠腍，荷豆翠綠爽脆。…Read More

上星期同中學同學去左呢間位於銅鑼灣告士打道地舖嘅酒吧Ember happy hour, 睇到隔離枱嘅食物非常吸引, 而且睇睇menu價錢又唔貴, 所以決定呢個周末同老婆過黎食返餐。我同老婆今日係時代廣場睇完戲行過黎都未到7點, 周未呢個時間酒吧客人比平日放工時間明顯少d, 店員好熱情咁招呼我地坐係餐廳近窗邊位置。Ember裝修型格時尚, 燈光效果更令餐廳非常有情調, 顧客不乏外國人, 店員的中英文都非常流利, 而且服務懇切, 好有禮貌。👍由於我地今日只係朝早11點左右飲左一餐茶之後已經冇食過野, 肚已經餓到打鼓, 不過呢度嘅食物選擇都好多而且好吸引, 所以我地先點左兩杯Mocktail飲住再揀食物。我點左一杯Country Flavour, 菠蘿味都好濃, 混有益力多, 味道清新自然, 老婆點果杯Healthy drink就有橙汁同鮮茄汁, 味道略帶酸味, 非常醒胃。😊最終我地點左一客鵝肝做前菜, Main course就點左老婆最愛嘅西班牙黑毛豬, 另外仲有一客Pasta, 兩個人應該好夠食。香煎鵝肝多士配無花果醬 $138鵝肝比預計大件好多, 而且好厚身, 入口油香撲鼻, 配香脆嘅多士同清爽微甜嘅無花果, 非常惹味。😋烤西班牙黑毛豬扒伴荷蘭豆燒手指薯配燒汁 $168老婆勁鍾意呢個黑毛豬扒, 非常Juicy, 肉質腍滑, 熟度剛好, 連配菜都好好食, 而且只係$168, 抵食。👍魷魚圈嫩菠菜芝士煙肉忌廉汁意大利粉 $128忌廉汁意大利粉好creamy, 煙肉係厚粒, 唔會太咸, 魷魚圈軟腍富有彈性, 配清新嘅菠菜, 味道層次豐富。😄埋單每位約$300, 價錢合理。餐牌…Read More