PEKING GARDEN (Star House)

有外國客人嚟香港，佢最鍾意食中國菜，朋友話選址北京樓就一定啱胃口，而我都係第一次嚟呢度。5位女士order左苿莉花茶煙素鵝，清新可口。烤北京填鴨半隻，胡同酸辣湯，酸辣適中。炸蟹鉗，大大隻。 蟲草花炒小豆苗，炸銀絲卷，鍋貼同生煎飽，肉汁口感都豐富，高力香蕉略嫌餡料太少。整體食物水準同服務都算中上，係請客既選擇。…Read More

約咗啱啱返黎香港嘅朋友食晚餐，佢今次就同埋先生嘅屋企人返黎，話想食餐特色嘅中菜，即刻訂位食呢間～北京樓！點解揀呢間？佢嘅位置非常好，尖沙咀星光行，佢哋係韓國過黎，可以行街之餘仲可以睇埋夜景，真係雙贏！講返食嘢先，因為睇咗個套餐餐牌，有啲食物佢哋好似唔啱食，所以就散叫！今次好好呀，安排間包房比我哋，坐得舒服之餘仲可以清靜啲傾下計！好開心，人多就係可以叫多啲食物，我哋一共order咗10款食物同3款甜品，睇下食咗啲咩先🤣🤣烤北京填鴨一隻作為北京樓嘅招牌菜式，真係完勝！皮香肉脆嘅鴨皮，帶出陣陣鴨肉嘅香味，而且真係入口即化，包住一層皮包，再沾上醬料同配菜，真係名不虛傳！生菜片鴨鬆鴨片就食咗啦，咁其他鴨肉就梗係唔好浪費，黎個一鴨兩食，整個生菜包鴨鬆，香味十足！松子黃花魚呢個都係非常好食嘅菜式，酸酸甜甜嘅汁，加上黃花魚嘅鮮味，真係可以食多2碗飯🤣🤣宮爆明蝦球佢地用嘅大大大蝦球，加咗少少辣椒，食落唔會特別辣（好啱香港朋友口味），不過就特別香同爽，啲大蝦唔係用新鮮蝦一定做唔到咁正！宮廷四合蔬呢個估唔到幾有特色，用合桃炒時蔬，唔會太單調，好夠清！灌湯小籠包好得，一上台朋友諗住即食🤣🤣🤣點知⋯⋯⋯㷫親個咀，上湯包嘅小籠包，皮薄涵靚🤣🤣🤣每人都要食2-4隻先夠！砂鍋雲吞雞呢個幾好，湯之餘仲有鮮雞，而雲吞唔會太大粒。榨菜肉末配叉子呢個好好食，因為我好鍾意食榨菜，榨菜炒肉末再放埋入款叉子，加上叉子上面嘅芝麻香味，會食完想再食！三鮮蝦仁豆腐呢個睇落平平無奇，但我就覺得好啱小朋友食，滑溜嘅豆腐配上蝦仁，餸飯一流！金腿扒津白呢個雖然好清淡，但金腿入口唔係好硬，而且有美味嘅金腿香味！當大家都食到咁上下，會諗起好想食甜品，香港好多酒樓都有呢個好處，有埋甜品可以order！高力豆沙呢個係必食甜品，其實我成日都當咗係沙翁🤣🤣🤣食到入面嘅豆沙先記起！用上靚蛋白製作而成嘅高力豆沙，一啲都唔溜！豆沙鍋餅豆沙鍋餅相信好蛋餐廳都有，但呢度係可以食到唔止係豆沙蓉，而且係有埋豆沙粒㗎😍😍😍楊枝甘露有別於其他餐廳，佢哋嘅楊枝甘露係會配搭埋芒果味嘅雪糕，啲西柚亦都係選擇唔酸嘅。老實講，呢間都算係我成日去食嘅餐廳，而且都好蛋分店，今次其實係第一次食星光行呢間，估唔到比我感覺係💯！而且環境真係好好，就算大廳嘅枱都唔會太迫，同時亦都可以欣賞到夜景！環境：⭐️⭐️⭐️⭐️⭐️服務：⭐️⭐️⭐️⭐️品質：⭐️⭐️⭐️⭐️⭐️價格：⭐️⭐️⭐️⭐️…Read More

約左四個好朋友一齊食中午飯同傾計，去左尖沙咀星光行北京樓，座位好近窗口位睇到尖沙咀鐘樓，好好FEEL好正﹗烤北京填鴨大約要等45分鐘，小食都幾好食，泠前菜蔥油海蜇頭，彈牙爽口，好味﹗麻醬雞絲粉皮，雞絲不乾身重有好重雞味，粉皮爽口，好味﹗小籠包，皮薄湯汁味道濃厚，好味﹗火腿扒唐生菜，唐生菜新鮮，火腿扒偏咸，烤北京填鴨，未食見到已經覺得好正，烤鴨香氣十足，用薄薄粉皮加上青瓜大蒽甜醬包一齊食，超好食﹗好滿足…Read More

不少人對文化遺產的意識日漸提升，唔知大家有冇留意到，原來美心集團旗下的北京樓已經有40年歷史了，可算是品牌遺產嗎？一個品牌可以多年不倒，實在令我心生好奇，知道星光行的旗艦店剛剛完成了大裝修，並且推出全新菜餚，為食小隊這夜慕名而至。 其實從小至大都已經去過北京樓數次，最有印象的自然是招牌北京填鴨，一鴨三吃，除了片皮鴨之外，我十分喜歡惹味的生菜鴨鬆及香噴噴的鴨架湯。 此外，師傅即場示範製作北京拉面的畫面，同樣非常深刻，想不到在煥然一新的時尚新裝中，保留了這兩點特式，現在有開放式廚房，客人隨時都可以欣賞片皮鴨的手藝，而每晚八點半亦有拉麵工藝表演。 我唔記得從前的裝修是怎樣，現在就有古今合一的味道，但認得這幅名畫＂春回大地＂，據說從開業一直伴隨至今，蘇綉專家之作，細緻精工，縱使如我般沒有藝術細胞之人仕，也許亦會停留一會兒欣賞。 厚實的餐牌圖文並茂，據說多款招牌只限定這間旗艦店供應，既然如此，理所當然挑選最特色的。揚州龍青瓜 $88 一看便知，這道菜主要吃其刀工及外型，仿如盤龍的造型令人嘆為觀止，多得大廚的巧手！ 用上柚子青檸醬汁，配搭新鮮青瓜，清新爽口，非常稱職的開胃前菜。 麻醬雞絲撈起 $108 新年快到先來撈起，七彩繽紛的伴菜，青瓜絲、椰菜絲、蘿蔔絲、雞絲及粉皮的配搭，畫龍點睛在麻醬，調得非常美味出色！ 東海龍皇 $780 嚐新過後隨即回味不一樣經典，東海龍皇是40年前北京樓的經典菜色，今次被全新演繹。 栩栩如生的橙龍，以新鮮材料畫出龍形，大蝦、螺片及帶子以魚香醬炒香，鮮嫩美味，好一道既有氣派亦寓意中國文化的菜式，尤其款待外籍人士非常適宜。 富貴雞 $580 再一道另類演繹的菜式，果然極富創意。看來似石化了的富貴雞，別樹一格。 外層以麵粉刻意雕琢成精巧雞型上桌，咁嘅賣相已搶盡風頭！堂前弄作時更會淋上玫瑰露，打造火焰富貴雞的效果。 不止於此，再配以金槌扑開品嚐，玩味十足，心思創意！ 富貴雞內裡以荷葉包裹釀有鮑絲、螺片、冬菇等食材的黃油雞，滋味多汁，不過雞胸位難免有點點乾嚡！ 預訂這道佳餚的客人更可獲贈趣緻的小金槌及相片作留念，真窩心！ 糖醋桂花魚 $298 如此有動感的糖醋桂花魚，成功增加食慾，酥脆甘香、內心肉滑的魚塊，配合糖與醋混合成小芡的甜酸汁醬，醒胃可口。 烤北京填鴨 $480/只 鎮店菜式確實有水準，皮脆肉嫩，鴨味濃郁，配以海鮮醬、青瓜、京蔥及麼麼皮是不敗的配搭。 值得讚賞，每片麼麼皮皆以紙隔著，不會黏在一起，而且夠熱、又薄又香。 東坡肉 $158 東坡肉亦來個不平凡的出場，以古雅器皿盛裝，配上渺渺輕煙的效果，不只相機出動，影片更要先吃，肥而不膩頗滋味。 炒田園菜 $118 簡單的炒過個田園菜平衡飲食，全是爽脆的配搭，蓮藕片特別出色。 北京炒拉麵 $118 主食方面，基本的北京炒拉麵，簡單已經足夠。 荸薺餅 $72 (一客六件) 新鮮出爐的荸薺餅，口感煙韌，出奇制勝在於馬蹄做的酸味餡料，大減膩感，我唔客氣喇，多吃了一粒。 本身出場的造型亦精緻，留心注意，是個彷如鳥巢的設計。 青蘋果酥 $45 (一客三件) 以青蘋果入饌有新意亦配合，更造成精巧的小蘋果形狀，賞心悅目。 青蘋果蓉配搭上層層鬆化的千層酥，清新怡人而不膩，必選的飯後甜點。配合市場，現在除了有舒適寬敞的大廳外，五間私人貴賓房皆富不同風格。田園、紳士、淑女等各有特色，配合玻璃窗外的聖誕夜景相伴，充滿中西糅合之感。 時近聖誕兼且因利成便，飯後前往觀賞 Ocean Terminal 的聖誕燈飾，今年特別有燈影技巧，值得排隊入場感受。 刻意乘船返香港，維港夜景美極了！…Read More

「北京樓」真喺好耐無幫襯過，睇番自己嘅記錄，對上一次光顧已經喺2015年6月嘅事，當時就喺大佬東搵小弟食晏，先到訪過中環歷山大廈嘅分店。今晚老友相約嘅飯局，選址尖沙咀星光行店，原來，呢間店已經有40年歷史。40年唔喺一段短時間，怪不得要隆重其事啦，睇樓下嘅廣告牌「京菜傳承40載、締造美饌傳奇」，單喺睇見廣告上呢一道「東海龍皇」，已感覺到唔簡單。上到酒樓，唔知喺咪新裝修過嚟，感覺新簇。近玄關位，一大幅巨形刺繡，名為「春回大地」，估計都喺大有來頭，手工極為細緻。入到大廳，地方非常之大，裝潢摩登而典雅，一邊對住天星碼頭、維港方向。而且，啲櫈非常舒服好坐。另一邊應該喺啲廂房，照方向計就對住1881海利公館嗰邊，果然，路經其中一個廂房時，趁無人又打開咗房門，快攝一張。感覺勁有田園氣息，非常特別！去洗手間時，路過啲通道走廊，牆上掛有石雕，非常別緻。而成晚嘅服務都非常熨貼到位，讓人食得稱心。雖然話傳承，但都會有側創新一面，跟隨潮流，都創作啲「茉綠泡泡系列」，共有4款選擇，配搭都幾清新。葡萄柚．荔枝泡泡 $34造型好西化，又帶有台式風格，唔講仲以為喺杯雞尾酒，其實只喺杯茶飲，總之賣相就好吸晴。茶底嘅茉莉幾清香，加入西柚汁，味道唔錯。揚州龍青瓜 $88相信手拍青瓜大家都食得多，但將一條青瓜，喺一條青瓜原條無斷開，而切成一片片，再盤成龍形，淨喺食咁巧手嘅「刀工」已值回票價啦。待客人影完相，侍應會幫手剪成小件，青瓜本身已經好爽脆，再淋上柚子青檸汁，極為清新，為今餐晚飯有個「新鮮」嘅開始。麻醬雞絲撈起 $108源自星洲嘅「撈起」呢度菜式唔使多介紹，一到過年前後就有唔少餐廳供應，好意頭嘛，撈到風生水起，美心嘅中菜系餐廳亦都大搞。將平常嘅雞絲粉皮搖身一變為「撈起」版，有心思喎！將雞絲、粉皮，仲有紫椰菜絲、青瓜絲、蘿蔔絲，加上濃香嘅芝麻醬，風味大不同，綿滑嘅雞絲增添咗爽口感，既香濃，卻又清新。東海龍皇 $780（需預訂）唔喺友人講，真喺唔知「東海龍皇」喺北京樓40年前嘅經典菜色，雕條龍不知幾多手工，雕得栩栩如生，賣相絕對喺可以先聲奪人。雖然話喺經典，但亦喺全新演繹登場，食材比以前用料更精、更鮮，以魚香醬炒大蝦球、鮮帶子、螺片，香辣惹味唔在講，啲料真喺精，大蝦球爽彈到不得了，帶子就好鮮甜，螺片柔中帶點點咬口嘅韌勁，傳3樣食材都盡顯本性，此外，都唔好錯過唧晒花嘅薯蓉，好軟滑架。糖醋桂花魚 $298型喎！甚有晌日本餐廳食原條喜之次魚生咁，單喺要炸出咁嘅形態，相信師傅都花過一番心機，仲有，如果有留意到，佢哋每道菜所用嘅碟都喺好精美。講番條魚，絕對喺使到外脆內嫩，魚肉好鮮嫩，外皮酥脆甘香，配以糖醋勾起個酸甜醬汁，份外好食。北京菜好多人第一時間諗到嘅就喺北京填鴨，「北京樓」嘅填鴨頗有名氣，尤其星光行呢間店喺做唔少遊客生意，當晚目測亦見唔少外國客。所以，店家晌近門口處，特設一個開放式廚房，專切填鴨，睇住幾個師傅不停做，真喺難以想像一晚會賣出幾多隻。題外話，依家仲喺好多人將北京填鴨同片皮鴨混為一談，前者喺皮連肉，後者顧名思義就喺淨皮，就正如啲人仲喺分唔清生炒骨同咕嚕肉嘅分別。烤北京填鴨 $460（全份） / $240（半份）既為鎮店菜式，水準唔需要點擔心，的確，鴨肉烤得香，可能嚴選鴨種，油脂都相對少，幾片鴨肉，加上青瓜條、京蔥、海鮮醬，嗰份美味確喺微妙。順帶一提，青瓜條及京蔥切出嚟嘅長短、大細都完全喺孖生兄弟咁，足見師傅嘅認真同專注。晌出面欣賞師傅片鴨嘅時間，已留意到其身後剩低好多鴨殼，所以，想二食可以考慮「鴨架湯」或「炒鴨崧」。東坡肉 $158晌昔日，喺完全無膽固醇憂慮呢個問題嘅，但依家人人都講健康，元蹄、東坡肉呢類肥膩嘢都少接觸。難得今晚大家都話膽固醇萬歲，小弟咁瘦底就更喺無有怕啦。「東坡肉」以一個古雅金鼎上枱，夠晒氣派。雖然，預期會肥肥哋，但真喺估唔到喺肥而不膩，師傅將層次分明嘅五花腩逼出油份，所以，入口既鬆化，又一啲都唔肥，加上味濃，好有驚喜。食到8:30pm，突出一陣起哄聲，原來每晚都會有大廚粉墨登場，即席表演製作北京拉麵，點樣三五吓手勢就將麵糰搓揉、拉延、折疊出細長的麵條。由於麵條晌中國有長壽嘅象徵，因此拉得越長，寓意健康越好，所以，師傅嘅表演絕無迤做，而呢樣就最吸引到啲外國客。最可惜喺是夜臨時有點事而早走，未能跟大家盡慶。新面貌嘅「北京樓」將傳統經典揉合創新意念，令傳統及摩登共冶一爐。用料貫徹精益求精，但重新包裝後令賣相更精緻、吸晴，一定為客人帶嚟驚喜，相信成績會更上一層樓。…Read More

因為係網上見到用滙豐卡找數會有折 所以就嚟食下果個指定套餐 前菜有兩小碟 主菜有五款 甜品有兩款 BTW, 一坐低 待應就擺低左餐牌之後就無影喇 要我舉手話叫茶先理我😒😐我叫普洱茶佢又嚟左香片😒😒之後同佢地講返都有換返俾我地.....但感覺就麻麻囉當真格芙蓉賽磅蟹 一開始嚟左佢先 味道正正常常 不過不失 口感都幾滑 份量都幾多 不過注意返 係有少少蟹殼碎 所以食嘅時候要小心其實魯京拍蒜小黃瓜同埋七里莊酒糟醉雞先係前菜 但唔明白點解上左個主菜先嚟的呢🤔🤔青瓜的質感很爽很脆 口感確是不錯 但味道方面 真係一點也不入味 令人有點失望😩😫至於醉雞方面 就很入味喇 肉質都幾滑又夠凍 這個比較出色得多吧 花膠乾貝羹 賣相係幾好睇嘅 但味道就真係唔得囉 碗羮入面係有冬茹絲 元貝絲 但見唔到有花膠嘅 說好的花膠呢??除此之外 仲有勁重口味嘅胡椒粒味道 係勁辣 辣到個喉嚨好唔舒服👎🏽👎🏽除左辣 就係咸 覺得係勁重味精👎🏽👎🏽完全食唔到花膠元貝羹的味道 真係好差勁 很難想像一間較有質素的酒樓會煮到咁 嬲左😠重點來了 烤北京填鴨 umm....小妹我好鐘意食片皮鴨 但同我想像中有點出入 其實就唔係真係咁好食囉 覺得很普通 賣相一般 刀法好似唔係幾好 鴨皮不脆 肉質都可以 但勁多肥膏 包片皮鴨塊皮都算厚 若只包一塊片皮鴨的話 食嘅時候會有點厚 但包兩塊片皮鴨的話 就啱啱好囉😂😆魯大海黃花魚 一上枱時 我已經預備相機食先 但待應已急不及待地切開 而家阻住你收工呀 令人感覺好差囉👎🏽👎🏽造型都幾靚嘅 已經大概整返好個形狀先影到 味道方面 個汁都OK 酸酸甜甜 又有松子👍🏽😊條魚可以再脆啲就好喇 魚嘅肉質都算嫰滑 不錯吧隆福灌湯小籠包 有四粒 包得幾靚 入面有好多湯 肉質平均小籠包皮唔算好厚 不過如果可以熱返少少就很好了 最好味係哩個 哈哈小妹係甜品方面都好鐘意食紫米露 但係哩碗野就真係唔合我口味 超多奶味 真係同飲奶無咩分別 紫米又真係少左啲嘅 但慶幸多西米又大粒 我先醒覺我食緊紫米露美心冰皮月餅 藍莓味 一上枱時我已經食 但係口感勁淋又唔凍 真係唔知擺左幾耐先記得拎上枱 食左半啖已經唔想食 冰皮月餅都搞到咁 真係令人無言餐牌除左話俾顧客知有咩食之外 上菜時唔係都跟餐單上架咩？得最後兩個甜品上得最啱又係咩玩法 食物質素唔多OK 服務態度又麻麻 真係嚟過一次就算！…Read More

星期五既晚上約了友人在此開餐, 想食傳統京菜, 真係諗唔到去仲有邊間可以坐得舒服之餘又有好野食, 當然價錢仲有較為貼地啦!好彩一早訂左位, 七點鐘已經坐滿人黎呢度無可能唔叫烤北京填鴨 ($440), 師傅刀功了得, 每片都厚薄適中, 鴨烤到皮香肉嫩, 唔會有太多肥膏, 一隻鴨可片出兩碟, 伴以軟熟薄餅, 加D京䓤及甜醬一齊食, 鴨既油香同肉汁係口腔內爆發, 果然係招牌菜!呢條松子桂花魚 ($248), 將原條桂花魚拎去炸, 炸到皮香但魚肉仍保持嫩滑, 加埋酸甜醬汁, 夏天食好開胃, 真係連個魚頭都唔放過呀............哈!呢碟咸豐黃芽白炒年糕 ($108), 材料簡單包括黃芽白及火腿加年糕, 上海年糕炒得好食都唔係易, 一係軟硬度唔適中, 過硬/過䭃都口感變差, 呢度既就軟硬適中又唔會整到一塊塊痴住晒, 鮮甜既黃芽白夾咸香既火腿, 為淡口既年糕"注入"味道, 唔錯!無限時入座, 輕輕鬆鬆同友人傾下計, 侍應服務唔錯, 呢餐北京菜食得相當開心!…Read More

著數貼士：二人晚飯以美國運通卡結賬可享半價優惠香港北京樓始於1978年，是美心集團旗下的高檔京菜館，現已有6間分店分佈港九。餐館以皮脆肉嫩的北京填鴨聞名海外，屢獲殊榮。除了傳統的北京填鴨叫人回味無窮外，正宗的北京樓富貴雞亦別具風味。而富貴雞的破土儀式、填鴨即席片皮及拉麵表演，往往為在座食客掀起高潮，成為用膳的必備節目，熱鬧非常！這家北京樓位於尖沙咀星光行三樓，乘電動扶梯或乘升降機都可直達，但接待處設在電梯那邊，如果乘升降機到達，感覺好像走入後門。餐廳裝修高雅而整潔，甚有格調，只是樓底較矮一點，如坐近窗邊位置，更可近看鐘樓和文化中心，遠眺是維多利亞港的兩岸繁華景致，若天朗氣清，日夜景色都十分優美。這裡的確是間很旺的食肆，每晚都座無虛席，外國食客也不少。席間設有拉麵表演，幾好氣氛呀！北京樓的餐點價錢不算平，不過二人晚飯使用美國運通卡結賬可享半價優惠，都好低! (可惜我們一枱4人都冇AE咭!)餐廳裝修高雅而整潔，甚有格調，只是樓底較矮一點，如坐近窗邊位置，更可近看鐘樓和文化中心，遠眺是維多利亞港的兩岸繁華景致，若天朗氣清，日夜景色都十分優美填鴨只可叫全隻，無半隻出售。填鴨烤好後服務員會送上原隻給你看全相，之後就在旁邊即席片皮，再送到上枱已經變成一塊塊平均每隻30元，價錢算是相當貴。蝦球沾了炸粉略為炸過，幸好粉漿唔算厚，炸得脆脆地。蝦大大隻啖啖肉，質地彈牙爽口，加入咕嚕醬，酸酸甜甜及少少辣北京樓的填鴨不太油膩，片下來的皮帶肉足有兩大碟，而且每片都是肉多過皮，對我這些怕肥的人來說，的確較易接受。配料有甜麵醬、京蔥、青瓜，但青瓜好大條，大蔥好少。最敗筆的是薄餅皮，坊間食肆多以蒸籠上，熱辣辣又軟熟，但這裡只是用碟上，很快會冷掉而且有點厚。(小貼士：填鴨上枱之後，可以要求服務生將剩下來的鴨殼打包帶走，拎返屋企煲粥，幾正架！)魚大小適中，魚肉酥脆但醬汁太甜，跟本吃不出魚味美其名，實則是雲腿津白，用的却是娃娃菜而非真正津白。四片火腿加幾條菜賣92元，有點被打劫的感覺…Read More