東記上海麵

大埔人應該都食過東記，之前見佢開了地舖試過覺得唔得所以今日回來街市熟食中心食平時只能嗌一個豬扒面今日肚餓，就叫了稍多的食物菜肉餛飩麵、豬扒、雞翼、炸蝦條今日街市都幾多人，所以要等尤其是炸蝦條等了很久豬扒和雞亦上臺時都熱辣辣的但肉質能夠保持juicy，很好吃蝦條彈牙，有墨魚粒粒這麼久以來，第一次叫菜肉雲吞侍應說是店舖自己包的，食落去也挺新鮮的東記不做飲品，但你可以跟旁邊的茶餐廳侍應叫飲品我不太知道這個醬是什麼，有點像蝦醬，但是帶辣總結水準保持，要食東記還是要來街市…Read More

行完山經過大埔心血來潮諗起熟食市場嗰度有間人氣嘅豬扒麵就帶埋朋友上去試吓適逢假日好多人冇乜位旁邊嘅餐廳話如果我哋叫嘢飲就可以安排位俾我哋坐但係叫東記嘅面同朋友每人叫咗一支可樂$10 叫咗一碗豬扒粗麵 一碗雞翼粗麵原來雙拼同單拼嘅價錢都係一樣可以揀多一個配料我就揀咗個菜肉雲吞店員送上麵之後 就要即刻俾錢先講粗麵原來唔係我哋平時想像嘅粗麵係上海嘅粗麵 有啲似烏冬 口感好實 好重澱粉質湯底冇乜味 有兩條油菜 食咗幾啖已經覺得好飽豬扒味道唔錯 炸粉好薄 都好大份雞翼味道尚可 有四隻 大大隻不過其中三隻入邊都有血水好似炸唔熟咁 有啲失望反而最有驚喜嘅竟然係個菜肉雲吞餡料豐富 調味都好好👍🏼…Read More

💰人均：40HKD-來這說不定可以偶遇發哥，開了40年的老店，憑借酥脆豬扒和正宗上海麵的濃濃湯底，收穫不少特意前來的拜訪者。-🍴餐饮-「炸醬米線拼豬扒」40HKD炸醬米線可拼豬扒或者雞翼。炸醬米線偏酸辣，炸豬扒肉質偏厚實，外層炸衣比較薄偏酥脆。而炸雞翼相對肉質較嫩，有肉汁。兩個都很值得一試。-「竹筍河粉拼雞翼」40HKD一開始看到舖滿白白的竹筍，看起來感覺好像比較寡淡無味，但是吃起來卻有驚喜。湯底比較鮮甜，對比炸醬米線，喜歡清淡喝湯的建議可以試試這碗。 -💁🏻‍♀️服务這裡的姐姐都很熱情，看到有一位姐姐很熱情地和對面一位客人介紹點的飯可以試試他們的醬油，是自家煮的，不會很鹹。 …Read More

自己同朋友仔好鐘意食雞翼難得有機會就決定去食東記去到大家諗都唔使諗就可以落單雖然大家都鐘意食翼但無理由唔食下個豬扒所以就叫左豬扒麵 同 雞翼麵一齊開心share食豬扒麵跟2, 3塊大豬扒雞翼麵都有6隻雞翼d雞翼豬扒全部炸到脆卜卜入面仲好juicy 一啲都唔乾好食到停唔到口真係大件夾抵食d麵粗身又好咬啱晒我呢d口痕牙痕ge人朋友仔滿足到未食完已經好想encore諗定下一次入黎再刷😂小插曲：熟食中心咁多好嘢食多人都預左為免走太遠同坐左人地檔所以已經揀檔前1張枱等位坐點知等完一輪個阿姐話張枱係佢地檔 (隔離城仔記) 如果要坐响度食東記要叫嘢飲本身我地都無乜所謂, 叫咪叫囉但係個阿姐又西面 又唔好態度仲要係咁chur我地好似係我地唔識規矩咁結果我地決定拎袋走人1轉身個已經見阿姐响度口upup人地東記無水吧變相俾左生意你咁都唔係咁嘅態度對人掛未食過你檔嘢都唔想俾生意你做…Read More

其實我不是住在新界區，不過另一半住呢邊，所以呢一區都會成為我嘅飯堂選區，而且呢度價錢相對平，泊車又易，都係個句，呢間我都食過好多次，次次都炸豬排，今次就食炸雞翼，粗面幼面都試過，你話十分好食又未到，不過你話粗粗地食個食得落口嘅午餐，簡簡單單，又ok喎。呢度環境就唔洗多講，熟食中心相信普通香港人都去過，不過佢嘅枱就普遍都要搭位，同埋要留意返唔同枱有唔同餐廳，佢地暗啞底都分門別類，呢度係揾呀姐叫完野食，食物到就比錢嘅方式，得野食係無野飲，野飲就要去隔離舖落單買，非常自助。我同老公二人食了炸雞翼粗面同炸豬排雪菜粗面，炸物就夠脆，份量都多，有陣蒜麻油嘅味，再夾雜啲味精感覺，面呢就上海面，之前食都唔錯幾彈牙，今日食就覺得好似淋左少少，加埋個湯底味道就一般啦，夠飽肚，我自己都食唔哂，不過都係個句，要求太高就唔好黎食啦。…Read More

朋友是一位擁有兩位小朋友的年青媽媽，日常生活簡約，相夫教子，主理早午晚三餐兼家務等，就是典型稱職家庭主婦的模樣。因為這朋友的事務太繁重，好不容易才相約到她一起進膳，這次就到朋友家附近的東記上海麵來個短聚吧。帶同仔女前來的她雖然有點疲態，但依家親切可人、一見如故。東記上海麵是她與家人經常光顧的食店，據說附近的街坊們也認為她"大件夾扺食"，以27元的價錢可以吃到一碗雙拼麵食算是十分划算嘛? 筆者又認為可以接受吧，大概主因是麵店在大埔的歷史悠久，麵食與招牌炸豬扒、雞翼的份量是重型的，真材實料的大前題下發現食店內總座無虛席。東記又是一位處街市熟食檔的傳統格局，顧客先下單，食物隨後送到後再即時付款，店內沒有飲品供應，口渴的唯有請移玉步到鄰近餐店購買了。與友人談著近況，店員已迅速地將兩款麵食呈上，是意想不到的大份量，當中一款是炸豬扒拼榨菜米線，新鮮的現炸酥香向來就是讓人難以抗拒的誘惑，豬扒大大件又厚身，與坊間常見的"發育不良或如紙薄"的豬扒種類不能相提並論。外皮炸的金黃酥脆還佈著蒜粒便為惹味、肉質鬆化軟腍，鹹度也適中，配上滿滿爽口惹味且粗身的榨菜絲，味道也滲進了湯底裡，乾脆與滑溜溜又富彈性的米線同放進口中，感覺就是爽與滋味!而另一碗炸雞翼拼菜肉雲吞米線，一客共四隻肥大的雞翼以南乳醃製很是入味，雞肉算炸得恰到好處，感動是外皮炸漿絕不油膩，相信是晾油的步驟做得妥當，雞翼質地不乾嚡兼帶有點點肉汁，還是趁熱感受這一口咬下外脆內嫰的味道吧。賣相飽滿圓潤的菜肉雲吞，個子肥大十分逗人喜愛，外皮緊緻並沒有煮得鬆散過腍，內裡菜肉餡料鮮香豐滿，其實麵食方面還有粗、幼麵、米粉和河粉等供選擇，唯筆者與友人獨愛米線的滑嘟嘟口感，加上小朋友吃會較為適合罷了。與友人在短短的午飯時間過後就要暫別了，畢竟有兒女和家庭要照顧的，工作量可真多，雖然彼此來去衝衝，能夠與摯友交換近況、相互鼓勵是重注正能量的好事，縱使在食物質素、食店環境理想與否似乎已不是重點。平心而論，東記的炸雞翼和豬扒的確做得出色，聽友人說在場的食肆各具特色，要吃就要吃地道的，不怕你不光顧，只怕 閣下花多眼亂難以抉擇吧!…Read More

記得上次來的時候是2年前在恩主教考(中文科)會考完的時候和一大班同學吃午餐!真的已今不在!這次是放工後和媽媽去回味一下炸豬扒的味道!雖然這裡是在街市樓上，但同樣是人多多!點了一個雪菜肉絲米線配炸雞翼&雪菜肉絲河配炸豬扒，加凍檸茶!炸豬扒和米線是分開上的!份量也不少，真的炸得熱辣辣，夠香口，又不會勁厚粉，炸雞翼，脆脆的，肉質很滑溜果然是名不虛傳!不過杯檸茶就貴了一點~飽飽的一個午餐!已經很滿足.....…Read More

熟食中心感覺很衛生清潔, 花多眼亂的小鋪, 想在旁邊睇清楚餐牌, 已不繼有人過來拉客, 唔通真係競爭好大? 唯有睇下人地食緊咩, 發現有人食緊塊炸得好靚既豬扒, 唔知係邊檔....... 見到東記招招牌, 記得openrice 見過, 諗住應該冇衰. 本來自己滿口痱滋, 唔想再食熱氣野, 但係坐底發現麵食冇乜餸選擇, 炸豬扒同炸雞翼睇來係必然之選, 見佢有剩餸炸豬扒炸雞翼一盒$50就知係招牌貨. 炸豬扒夠份量外脆內厚肉, 肉汁保留不乾身, 仲要係半肥瘦, 很少有. 在唔想食炸野既時候都俾佢吸引左.炸雞翼同樣出色, 基本上外皮味道同炸豬扒差唔多, 份量有4隻.牛丸米線, 牛丸一般, 不夠牛味不夠彈牙. 菜肉雲吞米線, 雲吞都唔錯, 皮夠薄, 大少有點像鮮蝦雲吞. 香港應該很少地方可以用呢個價錢食到甘既炸豬扒質素! …Read More