Khap & Ka (Telford Plaza 1)

九龍灣德福廣場雲集多國美食，今次就來到由泰國團隊主理的泰廚房子 ，餐牌款式繁多，按照傳統工序制作菜式，以泰國當地口味來挑選食材和構思食譜，工業風裝潢簡約時尚，風格和一般泰菜餐廳的強烈泰國民族風完全不一樣。香茅鹽燒烏頭 $138將原條烏頭以燒烤的方式炮製，表面被粗鹽所覆蓋，肚內藏有檸檬葉、南薑和香茅，除了可以辟去魚腥味外，還可令魚鮮更為突出，魚肉雪白豐厚，口感嫩滑，沾上泰式醬汁，酸辣惹味。泰鮮蝦金邊粉 $98金黃色的蛋網賣相誘人，以大隻爽彈的鮮蝦點綴，包裹著豆腐乾、芽菜、蔥及泰國金邊粉，還可自行混合花生粉和辣粉，金邊粉幼滑爽口，甘甜酸香徐徐滲出，滴上青檸汁後，口感會更清爽也能消除油膩。沙爹串燒牛/雞 $72一客六串可選雙拼，比平時市面上的串燒更加厚肉，份量十足，每串都是啖啖肉，燒得表面帶焦香，肉質入味不鞋口，點些花生沙嗲醬更加惹味開胃。手打蝦餅 $78圓滾滾的外型看起來很像冬甩，沾上泰式酸甜醬汁，輕易打開疲乏的味蕾，外層炸得金黃脆口，將鮮蝦剁成泥、反覆摔打增加黏性，內餡扎實彈牙，飽滿鮮甜。泰式甜品拼盤 $48甜品外型精緻，一客拼盤就可試齊三款糕點：椰汁千層糕、椰汁西米糕和玫瑰花千層糕，千層糕口感軟糯煙韌，帶有淡淡的椰子清香，椰汁西米糕將西米的Q彈嚼勁與椰汁的濃滑形成對比，層次感豐富。泰式奶茶 $22可自選甜度和冰度，橘褐色的泰式奶茶口感順滑不澀口，具有茶葉香及煉乳的甜。青檸梳打 $28冰爽透心涼，炎炎夏日下確實是消暑良伴，將悶熱一掃而空。…Read More

今晚行開九龍灣，男朋友表示想食泰國菜，所以就去左泰廚房子食晚餐:)。位置於德福商場outdoor平台，7點去到仲未full，不用等位即入座。泰式炒鮮蝦金邊粉賣相好吸引，實物同menu中的相是一樣的！有三隻大蝦，肉質都鮮甜，不過個人覺得金邊粉較油膩和味道偏淡，撒少少碟邊嘅辣粉撈混食會惹味d。蒜茸包一籃有四片包，$20來説算平，但包是凍的，而且好硬好難啃，蒜茸牛油味亦不重。kk明爐魚我們揀了酸辣湯底，一開始味道偏酸，煮煮下就愈來愈辣，魚肉吸收哂個湯嘅精華，不過條魚overcook左，肉質偏鞋身，有點扣分了。炸蝦餅超好味的蝦餅！即點即炸，熱呼呼的喔！外層薄脆，裡面的蝦滑超爽口彈牙！點少少酸辣配醬更加醒胃，真心推介！真係啖啖肉架！…Read More

呢排食得過份又去搵嘢食🙈入到不是太多客，可能未到晚市，坐落好舒適優閒，我地被牆身幅畫吸引住😊我地幾個是咁叫是咁點，好似餓鬼投胎咁，🙈請睇我地的戰績😂，海南雞飯，雞好滑有雞味又唔肥，香茅黃薑味出。肉碎生菜包好味：肥瘦適中，蔥頭，泰國芫荽，辣椒，炒米配食合得完美，最值得推介是佢地配牛油生菜，貴嘢來㗎又衛生，細細塊葉，一羹一包放入口岩岩好，唔會擺入口時跌到周圍都是，唐生菜我反而擔心不夠衛生，因為泥土種植的。炸蝦餅熱辣辣，猴擒差D燙親😂😋，香脆彈牙，點甜糖醬食絕配。鮮蝦金邊粉賣相普通的泰菜店不會有蛋網冚住，呢d是好花心思和功夫，最可惜就是得3隻蝦少咗d😂唔夠分食囉（貪心🙈🙊），金邊粉炒得軟硬適中，汁的酸甜辣都配合得好，我好鍾意食，今晚整體的菜式我們都話好好食，上菜都夠快，熱辣辣，酸、甜、辣、香口，泰菜真的好岩香港人口味，我地已約好月尾再戰…Read More

很久沒吃泰國菜，在德福廣場行街發現一間泰國餐廳，人流不少，便進去一試。炸蝦餅 一客4件，朋友覺得份量少有點貴。還好，因它每件都很大件很厚。蝦味很重很彈牙，應該落足料，但外層有點過實，可能麵包糠過多。雖然有給泰式辣醬，但我沒有沾過，反而沾青咖喱，更好吃。椰汁雞湯本來想點冬陰公，但朋友說不喜歡吃酸的，想要椰汁雞湯，甚麼都吃的我只好屈服。有兩個size，雖然我們只有兩人，通常也會點細，但因好奇，所以問了店員大細size分量會相差多少，店員回答差少少，十分抽象。雞湯連gas爐一起上，湯就是要熱才好味。奶白色的湯上面澆了一些辣椒油，以為會椰子味十分重，但意外地，它跟冬陰公差不多味，也是酸的，只是椰奶味更重，而辣味較輕。朋友喝了一碗就放棄了，我喝了半煲，雖然不是真正的冬陰公，但也滿足了我想喝冬陰公的願望。第一次喝椰子雞湯，不知道這是不是正常的味道，但泰國菜通常都這些味道，所以沒有深究，反正再問店員他也會回答一些很抽像的答案。泰式青咖喱雞 眾多咖哩中，最喜愛的就是青咖哩，雖然它不是最辣，但它有股特別的香氣吸引着我。內裡有很多雞肉和菜，本來打算點一碟菜，現在也不需要了。我們並沒有點飯或麵包，把它沾蝦餅和金邊粉吃，或直接當湯喝，十分滿足。泰式炒鮮蝦金邊粉 朋友覺得味道有點淡，但因我吃過很多中伏的pad thai，那根本是茄汁味，所以我寧願它是淡也不希望是茄汁味，而且我拌青咖哩一起吃，所以我覺得淡一點也挺不錯。很喜歡這裡的金邊粉的口感，比其他餐廳煮得硬一點，很有咬口。芒果沙冰 不要看它顏色那麼淺便以為它不好喝，它很有許留山的感覺，芒果味很甜。吃了那麼多濃味的食物後，可以幫助清一清味蕾。泰式奶茶 非常害怕喝泰式奶茶，怕甜得過份，但朋友說這並沒有好甜，尚可接受。雖然我們沒有點太多食物，但每一碟也挺大，連桌子也放不下。每次有食物上桌時，都需要把枱面上尚有的食物分到自己的盤子上，收走空碟才放得下下一碟。價錢不算貴，如果下次再來德褔，也會選擇這餐廳。…Read More

住在九龍灣咁耐，一落都覺得呢區最缺就係泰菜，原來德福平台是開左間裝修得幾靚的泰菜的，反而是住藍田的朋友介紹返我轉頭。於是，就決定了昨晚的飯局在這間泰菜度食了。佢在近彩虹方向果邊MTR出口的，在德福平台，就咁睇門面以為是高級餐廳，但其實又唔算係好貴。入到去卡位好寬敞，坐得好舒服，係個燈光太有情調太浪漫了!一DUP底個頭就想瞓~不過情侶黎食應該會幾好MOOD~一坐低見D餐具擺得咁靚都覺得好舒服~唔好睇佢裝修得靚就覺得一定貴~~其實價錢都幾親民喎!行街行左成個鐘先食飯，有D口渴，叫杯青檸梳打飲下先黎得食泰菜冇理由唔叫PAD THAI 嘅~~~E~~個賣相同平時泰國食開的PAD THAI好唔同WOR~~咁靚嘅~~一開頭以為上錯左，原來係佢地匠心獨運咁整左個網紋蛋皮喺面呀! 俾個5分你啦~~~賣相滿分呀!味道亦唔錯~~都算正宗!仲有，又係例牌要叫的，馬拉箋炒通菜~~鑊氣夠，不太鹹~~成碟食哂呀!仲有呢個我是推介的，炸蝦餅，用足料蝦膠去即炸的，食落外脆內陣牙，蝦味濃~~是昨晚比較出色的一道菜~再黎泰式沙嗲烤肉串燒，有豬牛雞可揀，我地揀左牛同雞，因為怕豬比較韌，點左個沙嗲醬幾好味，係畸嫌唔多夠熱~仲有呢個招牌無骨海南雞(小)，份量都唔算好細架, 4個人SHARE都夠~肉幾滑，有雞味~再叫多碟欖角四季豆，炒得幾香, 唔算鹹~呢個鹽燒烏頭我覺得普普通通，幸好有個調得開胃好味的泰式檸檬魚汁點黎食，如果就咁食都有D腥，唔算香口，下次食會叫話用個爐烘著果隻檸檬魚好D食食下叫多杯珍多冰, 有點過甜, 可以同店員講少甜GE~食到都好飽了~不過點都要叫個甜品試下~~細細份一人一件，估唔到是熱的， 應該是剛剛整好~~好煙韌!整體都OK! 可以再試~~…Read More

之前睇網上嘅介紹, 知道德福廣場平台新開左間由泰裔大廚Smith. S 同埋佢泰國團隊主理嘅泰國菜, 叫Khap&Ka, 泰文中Khap同Ka係指男仔同女仔。我同兩個老友都好鍾意食泰菜, 難得係九龍灣咁近大家嘅地方開左間泰菜, 我地當然要聚埋開返餐啦。🍴我地3個Khap👦7點左右到左餐廳, 可能係星期五關係, 咁早已經坐滿客人, 等左10分鐘左右我地3個就安排入座左係一張4人枱。餐廳裝修都幾有情調, 燈光再加上泰式風格嘅壁畫都好配合泰菜呢個主題。菜單有10頁, 菜式選擇都好多, 我地點左3款小食, 1個大冬蔭功, 半隻去骨海南雞, 2款咖哩同芒果糯米飯。飲品就點左凍泰式奶茶, 龍眼冰同芒果沙冰。我飲果杯凍泰式奶茶唔會太甜, 奶味比港式重, 入口香滑, 朋友點的龍眼冰同芒果沙冰佢地都話唔錯。🍹冬蔭功份量都幾多, 每人都分到2碗多少少, 而且材料都好豐富, 有大大隻嘅蝦, 蝦肉好爽口, 冬蔭功湯辣度適中, 帶微微酸味, 嘅惹味又醒胃。😋蒜蓉包好香, 外脆內軟, 入口香甜, 唔知係塗了蜜糖定係呢款麵包本身帶有甜香, 好好食, 咖哩未上枱我地已經食哂d包。😂泰式鮮露生蝦好鮮甜爽口, 不過辣椒比較辣, 我食第2隻時挑走塊辣椒更能食到生蝦嘅鮮味。海南雞半隻已經好多，3個人分都要每人食好多，雞肉已去骨，啖啖肉。小食炸蝦餅好香口彈牙, 而且唔會好油膩, 沾泰式辣醬食, 味道好夾。蒜蓉雞翼整成單骨雞翼上枱, 食得超方便, 雞肉嫩外層又夠香脆。👍瑪莎曼咖哩羊架賣相已經好吸引, 羊架肉質軟腍, 咖哩唔太辣椰香味濃, 我地另加左個白飯撈咖哩汁食, 好快就清光哂。😙干咖哩軟殼蟹味道唔似普通咖哩, 感覺似避風塘炒蟹多d, 好惹味, 而且份量比預期多好多, 食得超滿足。😍食泰菜最後當然要食芒果糯米飯呢款泰式甜品啦, 不過主菜我地3個已經食到好飽, 所以3個人Share一份剛剛好。糯米飯椰香味濃, 唔會太甜。埋單每人$200幾蚊, 價錢合理。…Read More

又再來到九龍灣德福花園醋熱天氣告訴我要吃泰式料理幽暗的環境格外有情調先來椰子雞湯Tom Kha Gai泰式椰子雞湯用椰奶烹煮不但中和了冬陰功湯的辛辣味但散發著淡淡的椰子香氣蝦餅新鮮炸得香脆內藏啖啖蝦肉味道鮮美沾一點泰式甜辣醬食用最地道泰式豬手份量多脂香濃厚為肉食者最愛泰式紅咖哩牛肉香濃美味牛肉份量略少香茅檸檬葉南薑創造出迷人香氣配一碗絲苗白飯食用最幸福泰國人天生就是運用香料的高手怪不得變化萬千的泰國料理一直都是港人最愛…Read More

係德福睇完戲，就係個到搵餐廳食。係平台見到呢間泰國餐廳，都幾多人食，就試下啦。星期五晚dinner time都幾多人，都環等一陣先入得，唔知有冇得book枱呢。餐廳有少量樓面應該係泰國人，不過都識講廣東話。之後知道原來係泰裔主廚管理，難怪食落味道好地度，同係泰國食味道好接近。食泰國菜必叫冬陰公湯，一飲就知間泰國餐廳正唔正宗。呢到個湯甜酸比例適中，味道濃郁，但係建議要搞一搞，因為頭幾淡我覺得淡左小小，搞完就好好味喇。小都已經夠4個人飲，份量幾好。第二樣必食就係通菜，可能係泰國口味，泰式通菜有d太辣，不過係開胃，刺激口水分泌。沙嗲串燒都好好食，我地叫左牛雞雙併，各三串。雞肉串好食，肉嫩，加埋個沙嗲醬好野味。牛串就有幾粒有筋，冇筋個d都好易咬，唔硬。本身想叫個雜錦拼盤，有晒咁多樣小食，不過冇晒，咁取捨之下就叫左炸蝦餅。雖然得四件，不過真係好食。應該係蝦滑打成，好彈牙。另外主食仲叫多左個青咖哩雞同埋豬手飯，豬手飯跟埋冬瓜湯，抵食之選。本身想試埋佢個椰汁木薯，朋友話好少餐廳有，不過太飽冇叫到，下次再黎先試啦唯有。…Read More