wow chicken leg (Lo Tak Court) (Closed)

荃灣站📍和順記-呢間長期爆滿既炸髀店，gym後食好似感覺上多d quota😂😂流沙鹹蛋黃炸雞髀🍗（$73）見到有鹹蛋黃咁邪惡既組合，當然試試佢。雞髀真係超級大，大過我塊面😹女朋友話鹹蛋黃味都夠味，重口味如我當然覺得可以再重手d🤪外層幾香酥，仲另上左沙嗲汁，配埋沙嗲汁就好濃味😋主菜要左薯條🍟，另仲仲有隻太陽蛋。跟餐要左枝樽仔奶茶（$18），茶味香濃，微甜剛好。邪惡豬扒西多士（$55）見到邪惡兩隻字就諗都唔諗叫左！豬扒唔算好厚身，西多入面有花生醬🥜，加埋蜜糖食落口真心好邪惡，滿滿罪惡感。旁邊仲有牛油🧈，落少少就夠了。食到最後覺得其實豬扒既度都剛好，因為再厚都食唔晒😹😹👌呢個跟餐要左「皇茶。香港」台灣東方美人冷泡茶（無糖花蜜清香味）（$20）。淡淡茶香，配呢個咁邪惡既西多岩岩好。另外要左d小食，分別係炸薯角（$18）、炸饅頭（$15）同埋奶油脆豬（$20）。今次真係脂肪放題😎🤓薯角當然好食😋，炸饅頭配海量煉奶一流。奶油脆豬好多醬，夠重口味，再脆身d更正。環境方面，餐廳係小店，座位間距都比較窄，不過尚算衛生企理。客人用qr code自助落單都幾方便。…查看更多

前排搵食時，見到呢間有超巨型炸雞髀，睇相幾吸引。今日有時間去會一會佢。神級雞髀皇套餐（$65）配濃厚車打芝士汁（+$4）撈丁炸雞髀不愧為主打食物，如牆上海報所說「大過你塊面」，但係得個「大」唔得嘅，味道如何呢？首先佢係即炸嘅，雞皮脆卜卜，髀肉位切開仲有些少肉汁、肉都算嫩，但頭/尾/邊位嘅肉就相對乾咗啲。底味稍稍醃過，唔過咸，味道正常。芝士撈丁個汁略為失色，濃是濃（夠用嚟撈麵），但冇咩芝士味，反而有些微酸味。下午茶神級炸雞髀皇（$45），比起套餐嗰隻，相對細咗一個碼（但都大隻過好多茶記），但可惜嘅係，成隻雞髀都炸得比較乾身。另外叫咗兩款跟餐小食炸薯角（$15），不是坊間那些，是用薯仔蛋切粒炸，再酒上辣粉及孜然粉，夠哂惹味。奶油脆豬（$20），即焗，豬仔包外脆內軟。…查看更多

神級炸雞髀皇煎蛋餐 🍗($92, 當中包含凍檸茶+$5, 蕃茄湯烏冬+$7, 奶油厚多士🍞+$15)和順記最出名係食雞髀, 初黎報道, 緊係要試試佢既名物。生炸雞髀一上檯簡直哇左聲, 極大隻, 而且岩岩炸起熱辣辣, 一切開好多肉汁, 好juicy, 一啲都唔乾柴, 值得一試。小編懷疑細食啲既女仔應該食完隻雞髀都飽左七成, 好彩小編係大食架啫。試埋佢個蕃茄湯烏冬, 有蕃茄味既但略嫌唔夠多蕃茄粒, 個烏冬一食落口就知係讚岐烏冬, 好彈牙, 加7蚊小編覺得值得既。個奶油多不得了, 好脆口, 煉奶甜甜地, 同牛油好夾, 好開胃。炸薯角 ($15)最後加左個炸薯角, 估唔到個薯角本身有七味粉, 唔洗點茄汁都已經有味。炸得好乾身, 唔算油膩, 好香口, 食到停唔到口, 好邪惡呀。😈🚲🚲🚲🚲🚲🚲🚲🚲🚲🚲🚲🚲🚲🚲🚲🚲🚲🚲🚲🚲Ranking (5分為滿)卡路里爆標程度: 😈😈😈😈😈Cheat Meal 推薦程度: 😍😍😍😍😍…查看更多

噚日(16-1-2022  Sun)同老公四餸前食早餐,我哋行嚟呢邊,見到呢間ready開門,於是等吓,開門喇,我哋睇完menu,決定要:3. 跟餐加$3.00嘅熱奶茶茶味唔算好濃,奶味多啲,加半包糖飲就ok.味道:2.8分5. 跟餐加$15.00嘅凍檸樂正常冇問題.4.$58.00嘅芥末牛柳配黑松露炒蛋飯由於相當吸引,所以要呢個.見到芥末汁係另上,牛柳口感鬆軟,牛味清淡但都夠,蘸芥末汁可以解膩.味道:4分薄薄嘅黑松露炒蛋夠味同嫩滑.味道:5分日本珍珠米飯ok冇問題.味道:3分2. 跟餐加$15.00嘅炸薯角份量正常嘅,加咗少少辣粉?但唔太辣,好可惜嘅係薯角裡面係未夠腍.味道:0.3分1. $68.00嘅神級雞髀漢堡落單時,老闆話睇吓有冇先,因為豬仔包未返貨.佢問完廚房後返嚟同我講啱啱重有一個.哈哈,我要買六合彩喇.呢個見到有炒蛋,揭開睇有芝士片同番茄,切開食得,豬仔包烘脆咗同牛油都好夠,正.而成個漢堡味道鹹淡適中,雞髀外脆內嫩,唔錯嘅.味道:4分環境係3.3分服務:好好,好有禮貌,而我哋一時唔記得用QR code落單,好忙嘅老闆都樂意用人手落,I  am very sorry.而職員送上一杯嘢飲俾隔離枱時,個女仔話落錯單,係佢自己叫咗錯,個職員主動話幫佢換返.價錢:明明神級雞髀漢堡係$68.00,但睇返張單,收少$3.00嘅?老公話聽到老闆講有折,多謝老闆,大家加油呀!2.8 分…查看更多