Sashi Japanese Yakiniku Restaurant (Changed Hand)

📍#尚鮮日式燒肉漁市場🇭🇰香港銅鑼灣謝斐道496號金利文廣場3樓🌐銅鑼灣 #MFJ銅鑼灣 #MFJ日本菜人均消費: HKD328味道: 👅👅賣相: 👀👀👀價格: 💰💰環境: 🌹🌹🌹服務: 👨🏻性價比: ⭐️⭐️⭐️回頭率: 🔆銅鑼灣金利文廣場出名飲酒，原來都有幾間餐廳！一直尚鮮日式燒肉漁市場，但評價普通，不試又不心熄，所以括出去！沒有訂枱， walk in要等20-30分鐘左右，坦白說，店員態度的確不太有善！誰不知等了30分鐘後，才告訴我需要搭枱！若早知要搭枱，我根本不會等😡他們有兩個餐選擇，一個是安格斯牛肉放題$298，另一個是和牛放題$498，基於接收的評價不太好，我就選擇了安格斯牛肉⭐️海鮮拼盤海鮮拼盤是送的，但之後要點海鮮需另外加錢有帶子，鮑魚，蠔，蝦和甲羅燒，整體每樣都算不錯，比我想像中好味帶子和蝦比較出色！鮑魚和好會比較乾身，但味道都不錯！甲羅燒比較難掌握燒得有點乾，食落不算太香🆗刺身刺身選擇大概10多款，點了三文魚，北寄貝，帶子，鯛魚，甜蝦，榮螺和赤貝味道是可以接受，但食不出鮮味，除了三文魚叫大件一點外，其他都非常細，無口感⭐️壽司雖然壽司飯比較普通，但整體味道挺不錯！我們只點了火炙牛拖羅，左口魚裙邊，芥辣八爪魚，三文魚籽，辣味三文魚，但每款都很好味！以燒肉放題來說，比其他日式放題更出色🆗前菜小食前菜小食點了味付螺肉和芝麻八爪魚，味道正常，但醬太多有點濃🆗肉類燒肉放題來說，肉類選擇真的不多，整個list看似很長，其實是每款肉類有三種不同的味道，主要是原味，鹽味和韓式！賣相一點都不靚，口感普通，肉味亦不算太香若不是放題，肉類是不ok的！其一是選擇少，其二是味道普通⭐️蔬果類蔬果類點了糖心菠蘿，冬菇和車厘茄冬菇越燒越乾，味道普通但糖心菠蘿和車厘茄都十分好味！尤其菠蘿， Juicy又香甜⭐️炸物炸物點了榴槤炸彈和炸雙皮奶炸雙皮奶完全是兩回事，第一沒有雙皮，第二裏面是有紅豆的但榴槤炸彈超級出色！裏面的榴槤蓉軟熟香濃，口感像吃炸芝士年糕一樣，榴槤愛好者必食之選！🆗飲料普通汽水都有，啤酒有一款，其餘都是看師傅不同味道的飲品$290/人價錢中上，整體食物質素好壞參半，最失望是燒肉水平比較低，估計點和牛套餐可能會好一點但回頭率極低，主要原因是店員態度不有善，安排又不太好！例如搭枱，中間隔着一塊板，調味料在另一邊，我問他們額外拿一套時，他竟然叫我要用時從隔離拿🤷🏻‍♀️最有趣的是，短短120分鐘，已經聽到幾台人說因為他們的態度而不會再來😂😂#sashimi #sushi #seafood #BBQ #JapaneseBBQ#mfoodjournal #instagfood #foodstagram #foodie #hkfoodie #fooddiary #foodblog #hkfoodblog #tastyfood #foodphotography #相機食先 #食好西 #吃貨 #香港美食指南 #香港美食 #銅鑼灣美食…Read More

食燒肉食上癮，對上一個星期先食完，今個星期又食，數數手指，一個月食左三次真係自己都嚇親，但今日黎既呢間唔係只食燒肉，係放題+燒肉形式，仲要係食A4和牛，再加刺身壽司、小食炸物都係任食！環境第一次黎「金利文廣場」，樓層唔多，呢間放題店位於三樓，面積真係十分之大，但長期滿座，最好一定要BOOK定位，否則Walk-in都要等。餐牌任食A4和牛放題  $378(星期一至四)、$398(星期五六日及公眾假期)如果唔食和牛就$278，加$100就可以任食A4和牛，仲送海鮮拼盤，當然唔洗諗升級至$378，可以任食A4 宮崎和牛、鹿兒島和牛、各式燒肉、壽司刺身。打開平板電腦落單,有和牛類、特選燒肉類、燒烤類、刺身、壽司、小食、炸物、冷盤熟食。雖然當中發生左個小插曲，就係我地個爐得一邊有火，火勢又好慢，燒咩都燒唔到，通知左店員，前後整左兩次，最後要徹底換哂所有野個爐先用得返，整爐都用左30分鐘左右，店員都好明白事理，係我地要求下都加返時間比我地。浜燒蠔海鮮拼盤有活鮑魚、虎蝦、扇貝、甲羅燒、生蠔，樣樣都咁新鮮，當中既活鮑魚包保新鮮，一路燒佢一路郁，虎蝦夠彈牙，送甲羅燒感覺十分回本，因為平時出去食一隻都唔平，蟹膏亦頗甘香，高質海鮮拼盤！和牛類總共有10款──8款和牛A4及2款黑豚肉，分別係一口黑毛和牛、A4宮崎黑毛和牛脊肉、A4宮崎黑毛和牛頸脊、A4鹿兒島黑毛和牛三角、A4鹿兒島黑毛和牛板翼、A4鹿兒島黑毛和牛背峰、A4鹿兒島黑毛和牛嫩肩肉、A4黑毛和牛腿、伊比利亞一口豚、伊比利亞黑豚梅扒。一上枱見到脂肪及肉層色澤分明及新鮮，A4鹿兒島黑毛和牛板翼同埋A4鹿兒島黑毛和牛背峰顏色比較鮮紅外，其實都偏粉紅色，當中既和牛三角及和牛嫩肩肉比較多脂肪，食起上黎油脂口感豐富，而其餘既和牛食落比平時牛味要濃郁，雖然唔算厚切，但食落仍然有口感。黑豚肉只有2款，兩款質素正常，未有太大驚喜。特選燒肉類選擇非常多，不能盡數，例如有霜降牛五花、霜降牛肋肉、秘製牛肋條、牛肩胛梅花、牛肩胛、牛仔骨、安格欺牛頸脊、牛胸腹、牛舌、牛肋肉、韓式腩肉、豬頸肉、雞腿肉等等。當中再分左唔同口感醃製，有炭燒、岩鹽、韓式、麻辣。我自己個人就比較中意韓式或者麻辣口味，食落帶少少辣會再惹味啲，而肉方面較岩我口味既有牛肩胛梅花、牛舌、秘製牛肋條、韓式腩肉，牛舌唔似平時一塊塊上，而係切左一細條，但口感十分爽脆；秘製牛肋條十分入味，真係必點；由於豬五花肉沽清，但有韓式腩肉，絕對娉美豬五花肉，十分大片且肥膏佔三分一，中意食肥膏既你一定不能錯過。燒烤類有清酒煮蜆、麻辣煮蜆、各式蔬菜等等，試左麻辣煮蜆，一份份量都幾多，蜆冇沙質素正常，蔬菜類就冇咩點試，因為都主打食A4和牛同其他肉類。刺身選擇不少，有一般放題店既三文魚、希靈魚、帶子、北寄貝、鮑片等等，口感味道都係正常，最好食係一口吞拿魚蓉，每件都會配上紫蘇葉食，一流！覺得可惜同美中不足係冇油甘魚。壽司種類亦多，如火炙三文魚壽司、鰻魚壽司、火炙和牛壽司、花之戀等等，飯都黏濕度拿捏我幾好，飯團細細舊一口咬得落，配料都新鮮，壽司做我唔錯。小食、炸物有炸雞、炸魷魚圈、炸雞軟骨、蟹棒天婦羅、炸香芋丸、炸榴槤丸等等，試左炸雞、炸魷魚圈、蟹棒天婦羅，用既油都新鮮，唔會好大股油溢味，但炸粉都比較厚身，肉好少。冷盤熟食有芥末象拔蚌刺身、熱烏冬、沙律等等，推薦芥末象拔蚌刺身，少少辣同噲鼻好開胃，加上口感爽脆，食左幾次芥末象拔蚌刺身。飲品、甜品飲品自助，有一系列果汁類飲品，另有一個櫃有一款啤酒同幾款汽水，但冇照顧到女士需要，得Coke Zero，但冇純烏龍茶、綠茶果啲。而甜品出面有一個櫃仔可以自己拎，賣相比較一般唔吸引，但埋單時每人會送一客Movenpick雪糕，仲可以比你揀味。總括而言，每人$400左右可以任食A4和牛、伊比利亞黑毛豬，仲有刺身壽司，呢個價錢真係好抵，你諗返係日本餐廳散叫既話$400真係食得唔多野，一間性價比高餐廳，可以改善既係有關漏單情況，其實一開始冇漏單，但食到尾段就全部單漏哂，唔知係咪因為我地整爐多左既30分鐘廚房唔知，所以之前既單都冇做比我地，希望能改善。…Read More

很多有時候，聚會在乎的不是食物，而是同行者，所以如果懶得去想食什麼，食放題是一個不錯的選擇。今次一行四人試了這間燒肉刺身放題。首先送上贈送的海鮮拼盤，每人有一隻扇貝，鮑魚，大蝦和貴妃蚌，還有兩隻甲羅燒！贈送的海鮮全部很新鮮，鮑魚和蚌都很爽口，而且甲羅燒已不會腥。.龍蝦刺身也是送的，賣相一流，而且肉質鮮甜爽口，我們一致認為很美味！當吃完龍蝦刺身，店員會收起龍蝦殼，再煮粥。至於這碗粥，我就嘗不出有龍蝦味，不過反正是附帶的，我亦不會有什麼抱怨。我們還點了珍珠蠔，蠔燒完後十分多汁， 很不錯，所以之後再追加了一次。海鮮類還有蝦和魷魚，都不錯吃。食放題的一大重點當然是刺身！ 這裏的刺身選擇算不錯，連帆立貝也有！接著就是肉類了！ 選擇不算很多，但基本的牛舌，牛柳粒，牛腹腔肉，豬頸肉，五花腩，雞扒都有，而且芝士魚餅也不錯。接著再叫了些小食，有蟹柳天婦羅，炸香芋圓，炸榴槤丸，烏冬，壽司等。炸香芋丸和榴槤丸值得推介，煙韌又不會太甜。甜品環節有美味的Movenpick雪糕！ 我選了朱古力味，味道十分濃郁，是一個很好的收尾！…Read More

今日放左工就同啲同事，三五知己一齊來食位於銅鑼灣的尚鮮燒肉放題！我自己都係首次來食😁這裡環境都算乾淨，座位舒服！而且仲有usb 叉電🔌點單仲係用平板電腦，非常方便，而且環保👍 今次都係為咗食佢地的海鮮拼盤而來，只要集齊四隻腳就可以免費食到啦❤️入面有鮑魚、生蠔、海蝦、甲羅燒、扇貝和花蟹👍樣樣都好新鮮，隻鮑魚仲係郁郁下架😆 除了海鮮呢度仲有燒肉！這裏的燒肉質素高！比普通放題還要好😋😋牛肉好有肉汁，而且有牛肉嘅鮮味❤️ 這裏還有刺身❤️刺身雖然新鮮，但如果可以放上冰盤上就更加涼快啦😆 不得不提個炸物👍👍👍超級香口，好味而且熱辣辣鍾意食榴槤的朋友，一定要試試榴槤炸彈超有榴槤味道而且炸得好香😋記得一定要熱食，因為凍左冇咁好食 最後食咪個movenpick 雪糕就飽了😽雖然呢間尚鮮價錢比較貴但食物好有質素👍👍👍直得一試😋 …Read More

草根爸媽常說年紀大了，胃口大不如前，無法如年輕時食得多，所以近年都很少再去吃放題了。不竟價錢動郁都要二三百元，而且不少放題店質素參差，自己吃的又不多，感覺上要「回本」不易，很多時還是寧願以同樣價錢找間餐廳好好地吃一餐算了。不過人總是貪心的，間中總會想去吃一頓放題，放肆地把菜單的食物都點上一遍。早陣子聽到草根媽媽提出想吃放題，草根當然馬上為此籌謀。正因不會常去，故一定要先做好功課。免得中伏之餘，總希望吃到與價錢相乎的美食。得知銅鑼灣有一間集燒肉、海鮮、刺身於一身的放題店，預先訂位更可享有四人同行送龍蝦二食的優惠。聽上還挺吸引，就選定這間試一試。到埗後店員說只要'Like'及"Share"尚鮮的facebook post就可享有「尚鮮浜燒」海鮮拼盤一份，拼盤內有2件甲羅燒，帶子、生蝦、鮑魚、生蠔各四隻。海鮮新鮮，當中草根最愛莫過於甲羅燒及鮑魚甲羅燒上面有蟹膏及鵪鶉蛋，燒時要同時攪拌，燒至水份收乾就可以食用。味道鮮甜有驚喜，每人只有半隻真的不夠喉呢!!鮑魚燒熟後仍然十分柔軟鮮味十足生蝦、生蠔可以任點!!當然還有特意前來一試的龍蝦二食!!首先送來龍蝦刺身，食完後店員會取去頭及尾部去煮粥。炸物還是第一次吃，肉質爽口鮮甜不錯!不過份量不多，一人大約兩三片龍蝦粥就非常普通，粥如白粥般淡味然後店員指示我們可以用ipad點餐，所有食物都可以在ipad上選擇，好方便又環保! 落單後很多食物就相繼送上，很有效率。燒肉當然是必點了，選擇多得令人驚訝! 點了好幾樣試試，整體還不錯，有肉味，而且燒後仍然保留不少肉汁。點了一上要燒的食物，當然由草根爸爸動手了。刺身點了三文魚、甜蝦、呑拿魚、鮑片、北寄貝、松葉蟹棒及劍魚腩。質素比想像中高，當中以三文魚及鮑片最出色，前者肥美油潤，後者十分鮮甜。同樣，壽司味道亦很好，細細件，多食幾款也不會很易飽。特別推介三文魚籽軍艦、火炙牛施羅壽司及海之卷。三文魚籽新鮮脆身，富鹹鮮味，想不到放題也有如此質素。牛施羅油潤富肉味，肉質細嫩好吃。海之卷放上了帶子和海膽，同樣十分好吃。由於燒烤類製作需時，所以點了一之後還是乖乖地點炸物好了，餐廳一早做好，可以即叫即食，不用苦苦等待。每次食放題必叫的榴槤炸彈、芝士年糕、炸蠔、炸蝦都很好吃，反而餐廳獨有的炸雙皮奶則怪怪的，不合口味。飲品可以自由到汽水櫃選取，都是一般的大路貨式。當晚的甜品令人失望，甜品櫃中只有果凍，其他甜品是一早被人取去嗎?最後每人有一杯Movenpick雪糕(可選朱古力/士多啤梨/雲呢拿/紅莓)，Movenpick高質人人都知，總算彌補了沒有其他甜品的小缺陷。全晚送菜效率都很高，沒有漏單的情況，看來用ipad下單真的十分準確。海鮮、燒肉、刺身及炸物的質素也十分不錯，尤其肉類選擇很多。甜品是最弱的一環，要是有更多甜品選擇就更好了。不過以一至四$278的價錢而言也算合理，可以一戰!!…Read More

最近經常在銅鑼灣區工作, 今晚辦完正事後已到晚飯時間, 我倆都不想走動太多, 所以決定在附近吃飯。今日特別想吃燒肉, 看見這間好像不錯, 於是立即電話訂座, 而且幸運地能有座位安排給我們, 實在太好了！是晚每人$278加一, 讚好及分享餐廳的帖子會額外贈送一客海鮮拼盤, 非常吸引! 點菜亦很電子化, 只需透過ipad點菜就可以, 感覺很有伊賀燒肉的影子(詳見以往食評)。除部分標示了價錢的食物外, 大部份海鮮和牛肉都可以免費任點, 亦有壽司, 卷物, 小食, 炸物等可供選擇, 飲品更可無限自取, 相對伊賀只有熱茶, 飲品要另外收費, 感覺這兒會更貼心。主角是燒肉, 但今次只顧吃, 都忘了替它們拍照。牛魔王當然主攻牛肉, 幾乎把這兒的牛肉都試了一遍, 發覺不是太肥(佔超過60%), 就是肉質太鬆。真正有質素的, 個人首推一口牛, 雖然又厚又大粒有點難燒熟, 但又因大粒肉厚, 口感才夠juicy, 一咬油脂慢慢滲出來, 不會過於油膩, 不錯! 海鮮拼盤大蝦有少許不新鮮; 帆立貝和蟹正常, 不過不失; 甲羅燒跟蠔有驚喜, 特別喜歡甲羅燒的蟹膏鹹鮮味可惜兩人只送一件, 有點少刺身三文魚只有首輪(上圖)不錯, 第二輪的三文魚被分配了很近魚皮的位置;帶子微鮮, 尚可, 蟹棒和八爪魚正常壽司蟹棒壽司上的蟹膏味濃且鮮, 不錯三文魚亦不錯, 只是飯太大件。炸物炸物有不少選擇, 有魷魚圈, 蝦, 雞翼, 蠔和蟹柳等, 可惜沒有放題常見的紫心香芋丸 有少許失望。味道方面, 除炸蠔外, 其他不過不失吧！炸蠔多汁鮮甜, 確實難得 放題不能缺少甜品, 不過今晚的甜品水準, 讓人非常失望!甜品蛋糕約有6-7款, 除大福味道較正常外, 其他如朱古力慕絲, 芝士蛋糕和藍莓芝士蛋糕等, 味道非常淡。不是朱古力味不夠, 就是芝士味欠奉, 失望!總體而言, 食物水準整體一般, 但如果想滿足燒肉癮的話, 也可一試。另外, 特別一提的是服務員服務態度, 確實值得一讚。我們的燒肉點了好一段時間都沒來, 向服務員詢問後, 他立即列印食物清單跟我們了解, 跟進漏單項目。…Read More

星期五晚忽然間凍番咁多，當然要搵番D熱野食啦！係銅鑼灣搵到呢間新餐廳，又Sell燒肉海鮮又有刺身，當然要試一試。勁多人，不過油煙就大左少少，但係我地坐角落位，所以唔算好大油煙感海鹽+黑椒，呢個組合加燒汁黎沾野食最正！有高湯同清酒比我地自己加煮野食時加清酒煮蜆呢道菜真係唔少得煮7丶8分鐘左右就開蜆啦！湯汁甜甜咸咸又有DD辣，味道幾豐富。而蜆的肉質都唔錯，冇咩死蜆，味道幾甜送左一盤燒海鮮比我地，有鮑魚丶扇貝丶海蝦丶花蟹同埋燒蠔，重送多個蟹蓋甲羅燒添！鮑魚原隻連殼燒，肉質幾腍，味道清甜。而扇貝大大隻幾好肉，都唔錯海蝦同蟹比較難燒，小心燒燶呀！甲羅燒就味道比較甜，味噌味唔算好重，但係蟹膏香都幾正呀！燒蠔，好多汁，唔錯！刺身款式都唔少，最驚喜既係吞拿魚竟然都幾肥下。估唔到係放題形式的店鋪可以有呢個質素既拖羅部位老老實實，放題D炸物成日都中伏，但呢度我竟然有Encore!!炸雞翼同埋豚肉餃子都唔錯，但最正既係炸鮮奶，外面酥脆，而入面奶漿甜甜地，好食~！燒肉時間到~~~~~~~~叫左牛舌丶牛柳肉丶一口牛丶牛仔骨丶五花腩等部位一次過叫哂，好正！當一口牛同嫩牛柳遇上炭火，油脂滴落炭火發出滋滋聲，再燒到表面焦香入面多汁，正呀！一口牛的肉質較嫩滑，油香味重;而牛柳部位就油脂較少，肉香比較重得黎都幾軟身，唔錯凍既天氣食燒肉再加杯啤酒，真係熱氣到爆炸，但又好爽味道有D似飲茶的時候食既咖哩牛肚味haha原條五花腩自己燒再剪過黎食，味道幾好！有驚喜。而且唔算太肥膩，好香口！最後食番杯雪糕清一清味蕾，真係爽呀~~…Read More

今晚, 我和一位朋友到了這間放題餐廳吃晚飯。我很滿意他們的食物供應種類, 種類非常多, 包括刺身、壽司、肉類、燒物、小食等等。 另外, 還有很多款海鮮供客人選擇。由於我們兩個不是太肚餓, 所以點的款式和數量也不是太多, 主要是點菜和肉類。我很喜歡他們點食物數量的方式， 是每件計的。例如若你只想吃一粒蕃茄, 只要你在平板電腦菜單上的番茄欄寫上一 , 店員便會給你一粒蕃茄, 這樣才不會浪費食物。我們二人叫了個浜燒海鮮x日式燒肉放題組合~ 個人推介牛舌、刺身和粟米。 刺身很鮮甜, 牛舌爽口彈牙。另外, 2月份有優惠, 晚市放題每位送「尚鮮浜燒」海鮮拼盤一份！ 甜品還有movenpick雪糕, 非常抵吃呢!…Read More

看過openrice的多篇食評推介，告訴大女兒很希望一嘗尚鮮。女兒提醒我openrice的食評有很大水份，不過為了滿足這個吃貨媽媽，星期六晚上我們一家五口就到尚鮮晚餐。跟openrice的食評全然不符，通風完全不善，成間店煙霧彌漫，亦沒有所有文中提及的附贈刺身船和燒肉頭盤，不過可以利用平板點選自己喜歡的燒烤肉類和海鮮，還有壽司、魚生、炸物和甜品任點。提供的肉類質素普通，未曾完全融雪，欠鮮味和肉質麻麻。女婿要啤酒時，侍應沒有提醒有免費啤酒，多付了58元連加一約64元。最最失望，我們滿以為每人會有一客Movenpick雪糕，侍應都說缺貨，没有了！說明每一節燒烤時段有120分鐘，我們6:30到，未到8:00就告訴我們last order！平板也呈計算中，不能下單，雖然已向侍應表示平板已鎖定不能下單，侍應亦說會開回給我們，但到8:30，平板仍未解鎖定！很有呃錢的感覺！…Read More