Tong Sai Restaurant

一直同朋友gathering唔係食西就係打邊爐，但最近試左一間中菜，一試難忘（2個月內去左3次），地點有d冷門，但都非常近地鐵站。高水準菜式--冰鎮古佬肉，粉薄而脆，每舊都肥瘦均等。炸子雞，連雞胸都嫩滑，雞皮香口。啫啫生菜煲，用超熱石鍋放入唐生菜與一眾蒜蔥薑，香氣撲鼻，連清菜都可以煮到甘香！創意菜式--話梅豬手，豬手彈牙，極豐話梅咸香。芥末炸蠔，蠔大隻肥美，配上打成creamy 既芥末醬，yummy.....!見到隔離枱有盤好似荔枝甘既盤景，同埋有乾冰效果襯托既鮑魚，打卡最正，下次我一定會試。食後有感而發，好耐未食過甘高質，睇得出老闆係有heart去設計菜式，而最重要係唔貴，主要係地點唔係貴租，衣種嚮功夫菜裏面再加創意既餐廳真係好少有，所以大家黎的話，不妨聽老闆介紹去點菜，佢絕不會老點你。 PS* 大家打電話留枱記得預訂菜式…Read More

據悉是從灣仔某家食府搬到西環這裏重新開業。先來一壼熟悉感滿瀉的荔枝茶，熱茶温度由喉嚨流到胃部，激起了品嚐厚切茄子的慾望。茄子厚度如大姆指長，沾著鹹鹹惹味醬汁，茄芯燙嘴新鮮，是必食之選！然而一道正常發揮的拍青瓜，愛吃就點一客吧，芝麻香跟蒜蓉量都十足，絕不馬虎。黃金炸魚皮香脆可口，咸香令人垂涎欲滴。除了食物質素外，塘西豐味館還照顧到食客打卡需要。睇下呢道冰鎮柚子鮑魚，配個似水星的球體，誰也忍不住打卡。鮑魚煙韌有咬口，微酸柚子汁賦予帶咬勁鮑魚的生命。一波未平，剛以冷色調為主的擺盤，直接與紅噹噹的招財荔枝樹撞個正著。一粒粒由墨魚丸沾上米通炸脆的荔枝，脆口彈牙，旁邊放有一碟新鮮荔枝汁，淡淡荔枝清香，正好解炸物的熱氣感。（需要提早預訂）炸子雞想必很多食客都曾經嘗過，這裏的炸子雞特別之處就是嫩，外皮炸得通透卻不油膩，雞肉也保留了嫩滑肉質，就連雞胸肉也比坊間嫩得多。龍躉斑球與薯仔粒被甜蜜蜜糖包裹著，糖脆外身香滑肉芯，脆皮的裂縫中滲出魚香，啖啖肉入完一球再一球。這道蜜椒金薯花尾龍躉斑球要趁熱吃，涼了會變得很黏。真材實料砂鍋蟹粥，目測蟹蓋手掌大，鮮蟹將純白米粥染至金黃，湯匙一推，蟹香四溢，米粒分明，必點之選。…Read More

已到訪了塘西豐味館兩次，一次食午餐，另一次食晚飯。先講午餐果次，$60零蚊一個孜然乾炒牛河，跟熱飲同湯，十分抵食，最緊要碟牛河炒得很有鑊氣，香氣十足，而且牛肉夠淋，很合口味。至於晚飯，一行三人，點了脆炸豆腐、豬肺湯、炸子雞、蜜餞班球、荔枝墨丸及魚腐菜苗。雖然是新開小店，但份量十足，絕不欺場。我個人首推炸子雞，皮脆肉嫩，比酒店中菜廳還好吃，值得推薦。荔枝墨丸的賣相相當吸引，不單是美味佳餚，更是打卡首選的菜式。真想不到可以在這間新開的小店嚐到這些特色小菜，聽聞還有蟹粥及冰鎮鮑魚等菜式，下次一定再同朋友來嚐嚐。…Read More