Explore Kitchen

連月來的社運，減低了一般市民的外出就餐意欲，影響了不少餐廳食肆的經營。是日週末，要出油麻地睇醫生，經openrice篩選結果，揀咗樓上舖的explore kitchen，探索美味廚房。樓底夠高，裝潢簡約略帶文青風；落地玻璃設計令感覺更光猛開揚。男友格外喜歡飲湯，普通餐湯滿足唔到佢，唯有加錢upgrade龍蝦湯俾佢過下癮。味道整體👌但略嫌不夠香濃；但都有幾粒蝦肉過下口癮，爽口。常言道，細節決定成敗。調味料架好的骰，也很乾淨。職員送上微暖的餐包，沾義大利醋吃，即使是澱粉，也分外香甜。最愛鵝肝多士！香煎過後的鵝肝外脆內軟入口即化。略嫌多士唔夠脆。通常都是伴水果，而這款是義大利油醋沙律，新鮮，醒胃。興之所至，我們order了一瓶house wine，增添了用餐氣氛。酒色深不見底，氣味偏青澀，口感比較厚重，整體性價比正常。太耐冇食水牛城🐔翼啦～ 見到就忍唔住order咗一份。餐廳好貼心，一開二變成單骨雞翼，不夠份量睇起身就顯得略少。酸酸辣辣，很開胃；雞翼冇乜雪味，唔錯。通常義大利飯都是以肉、魚或菜為基底的高湯燴制，但explore kitchen有龍蝦湯燴飯，梗係要試啦！同頭先嘅龍蝦湯相比，這款義大利飯的味道更顯香濃，很意外。大蝦很新鮮，肉質爽口，香煎過更美味。跟餐飲品揀咗果汁，中規中矩。這份西冷我哋揀咗5成熟，基本準成。西冷外圍有一條呈白色的脂肪，肉質柔嫩；大理石紋脂肪分布均勻，入口嫩滑多汁。Chef很一絲不苟，連伴菜都略煎過。主張均衡飲食嘅我哋自然將所有蔬菜都一掃而空。再來就係甜品—tiramisu，為今餐劃上了完美的句號。可能係樓上舖嘅關係啦，性價比不錯，有機會再試其他出品。…查看更多

這間餐廳剛剛開的時候都有留意，今次相約友人黎到試下！餐廳位於旺角鬧市中的大廈裡，環境舒適！看過餐牌後，決定點他們的二人套餐($598)，套餐包括有麵包、湯、小食、頭盤、主食兩份、甜品及飲品！麵包鬆軟，好香芝麻味，面層仲有點脆添！餐湯一個是蕃茄湯，而另一個是加錢轉了龍蝦湯！蕃茄湯夠酸，夠哂開胃！而龍蝦湯味道濃郁，湯內仲有蝦肉，值回票價！水牛城雞翼，小食有三款可以選擇，而我就揀選了我最愛吃的水牛城雞翼！這裡的雞翼是單骨的，方便食用。而水牛城醬亦剛剛好，酸酸地辣辣地，非常惹味！西班牙風味炒蜆，呢個小食非常惹味，有我好中意食既辣肉腸，呢個做法亦係第一次食！蜆肉脹卜卜又鮮甜，配埋佢辣辣地既醬汁，炒埋一齊食非常創新！炭燒美國安格斯西冷，西冷都幾大塊同厚肉，牛肉味濃，能夠整到5成熟的效果，肉質鬆軟，還有燒汁和鹽俾你自行調味！而伴碟有秋葵、車厘茄和原個蒜頭，很健康呢！香烤西班牙黑毛豬柳意大利飯，這個意大利飯跟平時食的不一樣，這裡的是用上辣肉腸炒的，不是平時常吃的忌廉意大利飯，所以個飯非常惹味！而豬柳有稍稍烤過，所以幾香口！提拉米蘇，這裡的蛋糕好香咖啡味，唔會太甜！日本水蜜桃雪葩，加錢轉了其中一個甜品做雪葩，店員說盛著雪葩的水蜜桃也可以吃！雪葩清甜，好香水蜜桃味！餐廳環境舒適，好適合跟朋友一齊來食飯談天！…查看更多

Happy Friday約了朋友晚飯，在開飯搜尋一番，見Explore Kitchen的二人套餐幾抵食，交通也方便，就決定扑取。＊＊＊＊＊＊＊＊＊＊＊＊＊＊＊＊餐廳環境relax不嘈雜，座位不會太迫坐得都舒服。晚市有二人套餐或單點，套餐($598/2人)包餐湯、麵包、小食、頭盤、主菜、甜品和餐茶，見套餐都有我們想點的菜式，而且幾抵食，就點二人餐。餐前麵包上枱時仍有暖意，入口都鬆軟。餐湯是日餐湯是甘筍湯，幾creamy甘筍味亦突出。水牛城雞翼雞翼味道偏甜，而沒有辣味，雖然味道都可以，但略嫌醬汁有點過多。西班牙風味炒蜆蜆肉大小適中，中間還有火腿絲，味道帶點微辣幾惹味。軟殼蟹黑松露忌廉汁意粉軟殼蟹都幾大隻，不會過油，意粉軟硬適中，黑松露味都可以，不過醬汁有點過多，吃到滿咀醬汁有點狼狽。炭燒美國安格斯西冷網紋很治癒，西冷肥瘦適中沒有筋，點了五成熟，沒有血水滲出肉質亦不會太鞋口，比不少貴價餐廳還要好吃。TiramisuTiramisu咖啡味剛剛好，蛋糕亦夠濕軟，做得不錯。跟餐包$40或以下飲料，基本上只可選普通咖啡或茶，加$18可轉Mocktail。左: 細菌小子由菠蘿汁和益力多調成的特飲，乳酸味突出，都幾好飲。右: 度蜜月主要由橙汁和桃汁調成，以香橙酸甜味為主，飲完幾消濟。總結，二人餐很豐富，如果食量不特別大，更足夠三個人分吃，味道不錯，其中牛扒比不少中高價的餐廳做得出色，環境寧靜很適合傾偈。…查看更多

平日上班都比較忙碌，難得今天空閒些，可以準時下班，便與朋友到旺角吃餐飽飽。今次去的餐廳，可說是靜中帶旺，好適合情侶去的。燈光有些暗暗地，聽下浪漫情歌，好有情調。我們點了二人套餐，價錢不算太貴，並且份量十足，食物很豐富。餐湯、意大利麵包。小食都有四款選擇，真的有選擇恐懼症。最後選了水牛城雞翼，酸酸甜甜，炸得好香脆。頭盤是選了香煎鵝肝多士，有半隻手的Size 鵝肝，好香嫩滑，配薄薄一片多士，口感剛剛好。主菜點了炭燒美國安格斯西冷。西冷不會太鞋口，燒得好香濃，好有口感。配上美味雜菜，好味到全都吃掉。黑毛豬柳意大利飯，豬柳真的無筋且腍滑，是豬最柔嫩的部位，配吃少少辣的意大利飯，好有意國風情Feel。甜品提拉米蘇，好大件，抵食，好美味，整得有心機，不馬虎。…查看更多

油麻地站A2出口附近起咗一楝新大廈「彌敦562」，平時行過只知道地下個層係賣潮流服飾，但今日再細心留意下，先知原來樓上有餐廳！咁啱又同另一半苦惱緊食咩好～～～就一於去4樓 「Explore Kitchen」試下啦！餐廳樓底好高，配以落地玻璃，既開揚又空間感十足。感覺舒服，絕不局促Menu食物款式頗多，最後我地order咗兩個主菜⭐️南瓜湯 ＋餐包 ( 免費 ）南瓜湯：味道香濃 但湯底唔會太杰身，當中仲可以食到一點點清甜嘅南瓜蓉餐包：麵包有烘焗過，所以上枱時仍保持外皮香脆和暖度沾埋橄欖油同香醋一齊食，絕配！⭐️炭燒美國安格斯西冷 ($248)一上枱已經聞到好香嘅炭燒味！非常吸引。我地叫咗5成熟，切開牛扒，肉身呈粉紅色，可見烹調時間控制得很好！牛扒肉味非常濃郁，肉質鬆化，就算不沾醬汁，也非常美味。（ 注：碟旁仲有少量海鹽供客人有需要時添加調味，非常貼心。)另外，不得不提配菜亦同樣出色 - 原個焗蒜頭 & 香烤秋葵 蒜頭焗到淋淋地，沒有太大苦澀味但帶輕微甜味，我地極速就清了兩整個 而秋葵入口爽甜，剛好能清一點油膩感⭐️炭燒西班牙豬鞍架 ($198)同樣係一上枱已經聞到好香嘅炭燒味！！！！豬鞍份量都幾大份，肉質有口感但絕不鞋口，仲非常Juicy！ 絕對有驚喜！碟旁配以煮過嘅蘋果蓉，初初只以為係裝飾嘅一部分。但同豬鞍配埋一齊食，味道卻相當的夾！酸酸甜甜，剛好能帶出肉味同時又有解膩作用。⭐️西班牙肉桂條伴雪糕 ($48)果然係「精選推介」哩道甜品非常美味！肉桂條 表層香脆鬆化，內裡帶點煙un口感，上枱時仍然保持微暖。配上朱古力醬 同 雪糕，味道極佳！令人好想再追吃嘅一道高質甜品。總括而言，今晚晚餐很滿意～～～餐廳地點非常就腳，環境舒服寬敞，中價位但食物質素很高，下次約會或跟朋友聚會，又有好地方啦！！！…查看更多

旺角呢座大廈開左之後都無黎過，帶住嘴刁嘅朋友搵食梗係搵間新嘅味道都唔會被左右嘛。平日夜晚黎呢度唔算多人，加上樓頂高樓層高，配埋有格調嘅裝潢，其實係幾好 feel ，不過兩個女仔黎又使乜feel 唔 feel 呀😂大家都唔係澱粉人，所以叫左幾款前菜小食～我想講佢真係好高級，每碟菜式擺盤都相當精緻，真係藝術品咁呀。傳統炸一口芝士(金文拔)$68一口芝士都幾多粒，外層炸到好酥脆，裡面d 芝士仲係流心狀態！芝士佢用上靚少少嘅款色，所以幼滑度大大提升，唔點醬食都唔會覺得好膩，個醬少少酸，點左就可以食多幾粒卷心生菜鮮蝦蟹肉沙律 $68純粹想食菜先點佢，無諗過最好食係佢！視覺上滿分好打卡～～～生菜好新鮮，就咁食都好甜，完全無臭青味，一片一片咁食都幾過癮，而且佢同蟹肉好夾，係會令人上癮嘅沙律來呢～～西班牙風味炒蜆$78同普通最大的分別就係醬汁唔同左,有少少辣,由於加左唔少香料,所以D蜆特別惹味,作為小食會令胃口大開~D蜆肉都相當足料幾有口感又唔腥,整體感覺幾與別不同,可以一試炭燒美國安格斯西冷 $248佢有得揀肉眼同西冷，我地選擇左後者～首先塊扒都幾大塊，最好係唔多脂肪，入口即融，本來叫左7成，但牛肉質素高，所以raw D應該都得～而且佢真係有炭燒的味道，更加有風味！日本水蜜桃雪葩$58食完正餐梗係要食甜品啦～～雪葩落肚剛好可以解膩～～成個presentation都好精美,不過個雪葩實在太凍,敏感牙齒要小心,哈哈~味道方面水蜜桃味都幾濃郁同時keep到清新感覺,食少少已經好足夠呢,連雪葩都有水蜜桃蓉,不錯不錯!…查看更多