放假就諗住周圍行下，係附近行完，就諗不於係大坑搵下野食，因為六點時間都仲係早，所以都未算太多人，睇睇下就揀左間越南野食。我地六點左右入黎，但唔夠半個鐘已經坐滿哂。佢有單叫又有得叫套餐，套餐有大頭蝦套餐同埋火車頭套餐，見到火車頭套餐都幾岩食，所以就懶得再睇了，然後再加杯飲品，荔枝特飲。火車頭套餐都幾多野食，總共有六樣野，一個人都係188蚊。頭盤有大蝦柚子沙律，大蝦加左調味料再煎過，幾香口，柚子夠甜，沙津食落幾清新，開胃。扎肉就有四塊，同蝦一樣都係煎一煎過黎，香口好味D。同場仲有兩件特色蒸粉卷。之後就有馬拉盞炒時菜，我地驚太辣，所以叫左小辣。不過黎到都有小小辣，惹味小小。跟住就有咖喱雞配法包，咖喱味濃但唔係好辣，岩我地口味，咖喱雞有四件，煮到好腍入哂味。法包就暖暖地，用黎浸咖喱黎食一流。我覺得主角係火車頭招頭湯河，影相可能唔係好覺，但其實佢個碗勁大，兩個人既分量黎。湯底好有牛味，睇介紹有牛骨等十幾樣材料一齊煲。材料好豐富，有肥牛肉，牛肉味濃而且又嫩滑，仲有牛腩、牛丸同牛栢葉。加埋杯野飲一個人225蚊左右，性價比高既越南餐廳。…Read More
火車頭湯河,其一選了此招牌菜,我好怕濃味的牛湯,飲了一湯匙,幾濃味下,河粉幼身而好滑, 牛丸夠彈牙, 牛筋雖然淋但無味,重有生牛肉同牛柏葉,都幾多料,重有香葉任放,食者覺得味道還可以
龍眼冰,比其他店香同好多龍眼肉,消暑飲品,正!:)
