Mini Friday (銀城廣場) (Closed)

約左舊同事happy Friday 食個飯聚下舊揀左呢間mini Friday 試下Book左7:00 準時入到去, 入去既時候廳餐都未坐滿我地叫左個 黑松露啡菇什菌pizza($138), 火焰脆燒德國咸豬手($288)同埋一個明太子忌廉帶子長通粉($198)另外再叫左大樽既冷泡水果茶($128)share飲, 大約每人可以飲到2杯Pizza既黑松露味好香, 一放落口就聞到黑松露味明太子長通粉就無乜特別食完呢2樣佢就上個豬手啦佢會先拎原隻豬手出黎, 再係你面前燒著佢比大家打卡用然後再拎入廚房幫你切返開一片片, 唔洗你自己切食哂主菜想叫個甜品share, 我地就叫左個心太軟伴雪糕野食都算唔錯, 不過一入黎d前菜已經放左係檯面感覺上好似放左好耐咁就有d扣分埋單總數$902, 每人大約$300…Read More

又再次選擇來敍餐～遲來的生日飯星期六中午來人流不算太爆可以同朋友慢慢食慢慢坐傾下服務態度都幾好食物質素都保持水準朋友點餐次次有驚喜Pizza辣肉腸巴馬火腿薄餅@168又脆又好味😋火🔥燄脆燒德國咸豬手@268～送餐出來完整一隻豬手，比我哋看住點火，熊熊烈火燒旺，燒完後再送回廚房切開佢，好細心。皮好脆肉質好嫩又吾係好鹹凱撒沙律 @58 + 煙三文魚@18 無咩特別蒜香炒雜菜 @68 又抵食好味喇沙帆立貝意粉 @178有3個係午餐套餐可配飲品再另加2款甜品～我喜歡上次食嘅Pancake～ 朱古力布朗尼配雪糕 @68～ 心太軟配雪糕 @68…Read More

今日收工約左朋友黎Mini Friday食飯，呢個朋友好中意食香口野，又好中意影相打卡厄like，呢度既招牌火焰豬手真係岩晒佢😂 我地另外仲叫左個DIY Pasta，揀左辣味茄汁併雞柳加大啡菇意式燴飯share～個燴飯幾分鐘就黎到好有效率😯 出晒煙新鮮熱辣👏辣茄汁既辣度比我地預期高但係都接受到，飯粒軟硬剛剛好，口感非常唔錯，仲索晒啲辣茄汁👍雞柳份量唔多同埋唔知點解會連住雞皮😅 但勝在夠嫰滑，配埋爆汁既菇，好食！😋店員送上豬手之後就會點火俾食客影相，影完相仲會幫我地切好晒，唔駛食咁狼狽😁豬皮超級香脆！！😍 味道唔會過鹹，裡面肉質好嫩滑，配埋芥末醬真係無得頂！😝呢度環境舒適氣氛浪漫，好彩我地未夠7點就黎到，因為好快已經愈黎愈full🙈我身邊有幾個朋友都好中意食西餐，黎緊聖誕又多個聚餐好選擇😁👏…Read More

同朋友都好鍾意mini friday食西餐，前排約了去旺角分店食，果然未到friday已好味到有friday的感覺！😋😋餐廳內燈光好似星空咁，而且坐得好舒服，真係可以同朋友好好relax下，傾下計。最有特色的莫過於火焰脆燒德國咸豬手，店員會在你面前點火，火焰豬手非常香，打卡一流至於味道亦好好😋火焰後店員攞返廚房切好後就上碟，的確好好service😍。燒了的外皮好香脆，而且肉質嫩滑，肥瘦均勻，配芥末醬一起吃，嫩香得來不會太膩！另一樣同樣出色的是自由配搭意粉～選了我最喜歡的材料，配搭成溫泉蛋芝士忌廉波菜天使麵（加龍蝦）。個溫泉蛋芝士忌廉好creamy，配菠菜+流心蛋，真係超級match😋就咁連醬食意粉都好滿足了。龍蝦肉質亦好好，而且個鉗夾碎了，一拆開就食到啖啖肉點pasta後還可以用$1食到是日甜品，對於愛吃甜品的我，真的非常吸引。當日甜品是芝士蛋糕，芝士味濃香，絕不馬虎。而這裡的前菜亦好用心，湯非常濃香且好多菜，沙律就係新鮮蔬菜混了juicy的橙粒粒。絕對是值得一去再去的餐廳😋😋😋…Read More

幾年前生日時已經去過Mini Friday到食, 好掛住果到既Wellintong Steak, 最近又再去支持下呢間良心小店!🔸黃到金雞翼 ($58)呢到有4款"時代抗翼", 每款個名都夠晒吸睛, 希望唔會比假博士話企圖打擦邊球啦, 因為呢款真係名副其實黃到金呀麻, 每啖都有鹹蛋汁同牛油香, 仲有一粒粒咸蛋黃又唔膩, 雞肉嫩滑, 外皮香脆! 必食呀!🔹威靈頓牛柳 ($298)對Wellington Steak真係百吃不厭, 幾年前係呢到食過翻尋味, 雖然今次既酥皮冇咁貼牛柳, 有少少分離, 但感覺分量比上一次食更大, 一樣金黃, 牛柳係上乘之作, 食落去有好濃牛肉味, 一啲都唔韌, 切開牛肉中間仲有少少粉紅色, 係medium rare既狀態, 整得岩岩好, 呢個價錢食到咁工程繁多既威靈頓牛柳, 算係超值喇!🔸火焰脆燒德國咸豬手 ($238)主食仲點左上次冇叫到既豬手, 店員會先用火槍點著豬手比客人打卡, 再拎入去切片, 豬手外皮幾超, 肉質嫩滑唔乾, 但就有少少淋過頭, 但配搭埋德國酸菜/ 蜜糖芥末醬汁好夾好開胃呀!🔹香草牛油焗田螺酥盒 ($88)超中意食田螺既我又點可以錯過, 呢款比上次食改良左用酥皮包住田螺, 咬開一樣好juicy得黎酥皮又好脆, 口感好豐富呀, 不過只有4粒, 性價比可能冇咁抵, 有d唔夠喉XD🔸菠蘿雪葩 ($78)最後食返個甜品, 賣相好靚, 用上原個菠蘿雪藏, 再將菠蘿雪葩放入中間, 啖啖菠蘿果香, 味道幾清新涼透心, 岩晒做飯後甜品!…Read More

Mini friday好評如潮 今日同朋友一試究竟一坐低 枱面已經有一小盤脆片 香口得黎唔太油膩▪️火焰脆燒德國咸豬手 $238店員會係客人面前用火槍點著豬手比你打一打卡 再拎入去切片 好貼心估唔到呢個豬手又幾有驚喜！真係睇得又食得！豬手外皮超脆 但又唔會過硬過厚 重點係外層脆得黎 肉質依然keep到軟嫩唔乾 鹹味十足 仲有啲肥仔至愛既肥膏 有咬口得黎帶點入口即化旁邊亦附有蜜糖芥末 醬汁唔會話好杰 微酸帶甜 幾開胃 味道亦更豐富▪️DIY pasta $158可以自選汁 粉 配料今次就揀左黑松露忌廉汁 配闊條麵同煙肉意粉軟硬適中 每一條都掛滿黑松露忌廉汁 creamy得黎 黑松露味好香當中加有香菇 略嫌煙肉唔夠鹹香DIY pasta仲包左田園沙律 餐湯 餐湯仲可以加多$1 換是日甜品白朱古力蛋糕 慕絲軟滑 唔會好甜膩 最底有一層濕潤既海綿蛋糕▪️黃到金雞翼 $58雞翼外皮無論擺咗幾耐都超脆！食落淡淡鹹蛋同牛油香 雞肉嫩滑 唔會好油膩不過重口味人士表示 如果鹹蛋黃再多啲再濃啲就好啦整體而言 食物質素有驚喜 豬手亦係近期食過數一數二岀色！值得一試！…Read More

九月第二個星期二晚上，旺角。友人工作勞累，加上政府朝令夕改的抗疫措施，很久都沒有在平日出來晚飯，最近晚飯時間放寬到晚一點，友人就先訂了西餐廳，下班後好好吃一頓。電梯門打開，就是一大幅貼滿復古風外國掛畫的紅磚牆，配上仿油路燈，很有外國家庭式小餐館的溫暖感覺。從門外的大燈牌可以得知餐廳主打自家製菜式，而且價錢走親民路線，裡面抬頭看到的星空吊燈又營造了浪漫的氛圍。黑松露野菌湯，熱騰騰的餐湯飄來陣陣菇菌香，每一口都是滿滿的蘑菇粒，足料又酸暖胃。柚子蜂蜜雞翼，在抗疫期間餐廳推出的新品，把醃好的雞翼煎香，用上韓國柚子蜜拌勻，雞翼變得晶瑩剔透，香脆軟嫩的雞肉酸酸甜甜，可口又有趣。時代抗翼還有咸蛋黃醬，辛辣跟胡椒蜜糖可以選擇，58塊有4隻，雞翼控真的不要錯過。1664可倫堡白啤酒，為了迎接主菜的來臨，我們各點一杯1664白啤酒，友人挺喜歡的，喜歡它獨特的花果香跟綿密的氣泡，感覺清爽沒有太多啤酒的苦澀感。火焰燒德國咸豬手，服務生把一大隻已經烤好的豬手端上桌，火槍一點，整隻豬手就在我們面前燒起來了，好壯觀啊！燒完以後就端回廚房切件再端出來，外皮又脆又有嚼勁，肉質嫩滑，雙重享受，配上一點德國酸菜Sauerkraut可以降低膩感，最喜歡吃豬手了！吃著喝著，聊聊天，可惜限聚到十點而已，真想再坐久一點呢。…Read More

💛火焰咸豬手💛🔸火焰脆燒德國咸豬手 $238Roasted Crispy German Pork Knuckle著晒火🔥嘅咸豬手，啱晒打卡😆店員喺我哋面前點火，等我哋影完相後，再切開豬手，方便食，幾貼心👍🏻豬手好大份，豬皮好香脆，肉質都幾嫩滑，加埋皮肉間薄薄嘅脂肪，幾惹味～除咗火焰🔥咸豬手，仲叫咗牛仔骨同「時代抗翼」入面嘅黃到金雞翼，兩樣都唔錯(≧∀≦)▫️🔸香草燒牛仔骨配蜜糖燒汁 Dinner Set $228Grilled Beef Ribs with Honey Gravy份量好多，有三塊！肉燒得啱啱好，唔韌，蜜汁🍯好好味，我同朋友舊舊都要點汁食😂覺得好食過豬手🙈▫️🔹黃到金雞翼 $58Chicken wings with salted egg sauce啲肉好嫩好juicy😋食得出雞翼外層嘅鹹蛋黃醬👍🏻時代抗翼仲有其他味揀，款款個名都幾特別💛～…Read More

提前係Mini Friday迎接聽日既Happy Friday.一入座，每張枱都已經擺左一籃墨西哥薄脆片既小食，炸得好脆口，味道有點似油炸鬼，但卻無半點油膩感，估唔到連小食都整得唔馬虎，令人好期待佢既主菜。二個人一共叫左2個菜式和1個甜品:火焰脆燒德國咸豬手 ($238)一上菜時，侍應生就會係你面前點火，燃燒隻豬手，十分有視覺效果。待火焰熄左，佢仲會幫你攞入廚房幫手切賣，先再次上菜，實在十分細心，唔係洗自己切得咁辛苦。 豬手皮炸得卜卜脆，十分香口，里面既肉質好幼嫩，一點也不“稭"，調味亦適中，唔會過咸，最重要係食完，完全唔會有油膩感，同罪惡感。黑松露啡菇水牛芝士薄餅。($148)味道十分有驚喜，出奇地各種配料都十分搭，而且各自既味道都好突出唔會被其他材料覆蓋左，黑松露味唔會過濃，不單止保留住自己淡淡既香味，更加帶出左啡菇既濃郁，每一口都相當滿足。整個薄餅底好薄，卜卜脆，就算擺左一陣都仍然保持住脆既口感，而且真係好抵食，2個人，每人食左4塊，但仍唔覺好濟。蜜桃雪葩 ($68)用原粒蜜桃去冰震，所以連隻碟都係凍冰冰，雪葩甜而不膩，冰凍左既桃亦都可以食，但就無咩味。Mini Friday 由小食到甜品CP值都十分高，份量十足，亦都可以睇得出d食物係好用心去制作，十分推薦，而且環境不錯，十分有情調，不單止有爵士樂做背景音樂，柔和既燈光，仲有闊落既卡位，如果有幸坐到近窗邊位置，更加可以一路食一路欣賞街景。而且呢度既侍應都好好，服務周到，真係要俾100個LIKE,有時食物質素緊要，但服務質素會令人更加加分。…Read More

每一區都有自己的特色，而旺角則有很多樓上既餐廳，自己也去過數間，主要是給年輕一輩的客人聚會慢慢吃，確實是不錯的聚會地方呀。在旺角的銀城廣場，之前已經去過數次，但都是買買雪糕逛一逛，如今在樓上真的開了很多不同類型的西餐廳。就像之前在觀塘見過的【Mini Friday】這裡也有呢。老實說這間名字蠻喜歡的喔！Happy Friday，呢間【Mini Friday】好多菜式都是自家首創既精緻價錢又不貴在旺角來說性價比屬不錯，Menukb不少選擇，有沙律、薄餅、扒類、海鮮、小食等等未睇得切個環境就見一盤墨西哥脆片係得面前啦，店員就送上免費脆片同芝士醬，脆片即使放左一段時間依然非常香脆，沾上芝士醬，有一種鹹鹹香香嘅感覺。口感很酥脆，帶些少油膩但好有風味，忍唔住好快就食鬼晒...除了食物，餐廳的環境也很重要，呢度空間感十足佔地都好廣闊，每張枱同枱之間都有一段距離，有一旁配上落地大玻璃可以坐著卡位，一邊睇住個景一邊食嘢，都唔錯蠻放鬆架，見到當既咁多人就知道呢度實係幾受歡迎啦。🔹火焰脆燒德國咸豬手 $218城中有得食鹹豬手既餐廳不少，但能品嘗到脆皮肉嫩又爆汁的正宗鹹豬手卻一點也不易。今日我在【Mini Friday】找到了。喜歡別鹹豬手就真的要來試試呀！脆烤德國咸豬手呢個表演項目道係會喺你面前放火燒一次。所以這道菜上菜時必須準備相機，必須把握機會影相。燒完後服務員會問我使唔使切埋，剛剛燒完嘅豬手暖暖地，眼看鹹豬手炸到非常香脆，皮脆肉嫩似的，流水口了，食左少少豬手皮口感真的脆爆，味道不太鹹，肉質剛好又多汁。咬落去脆卜卜次餘又吃到彈彈的肉感。經過廚師細心烹調，每一部分入味爽口而又濃味，令人回味無窮，賣相亦相當一流，難怪長期熱賣！豬手底部墊左D酸蘿蔔絲配菜，點完醬汁再加一口酸椰菜，酸酸甜甜油膩感完全清失掉。難怪有幾枱客人都有點吧！🔹西班牙海鮮飯 $228馳名的西班牙海鮮飯，源自西班牙東部之瓦倫西亞，西班牙海鮮飯是我很喜歡的一道菜，店主將燉飯專用的平底淺口大圓雙耳鍋端上餐桌，顏色鮮亮的噴香米飯鋪底，各式海鮮鋪滿鍋口幾乎掩蓋了米飯的蹤跡，讓人看一眼就食慾大開。配料則花樣百出以新鮮海鮮所煮出來的海鮮飯好香，「米」是西班牙海鮮飯的重點，挑對了米，就成功了一半。一般來說，西班牙海鮮飯的米吃起來要堅實，卻吸飽了湯汁。呢度就做到了。海鮮及蔬菜配料鋪在飯上每樣都好新鮮入味，西班牙海鮮飯最適合一大鍋大家一起分食，只要一端出彭湃的海鮮鋪在黃澄澄的米飯上面，馬上就會帶動歡樂的氣氛，而且人越多吃得越起勁。但呢度既份量可以分為3-4人都可以呀！吃到我倆太飽了。🔹心太軟配雪糕 $68朱古力心太軟即叫即焗製作需時日...熱辣辣呈上，配上一球雪糕，切開時朱古力漿如湧出，濃厚的朱古力不算膩，外面少少脆口入面鬆軟，兩者外脆內軟，兩種口感，口感不是太紮實，軟軟的，配上雪糕一冷一熱用上適當的溫度和時間！相信好多人都會喜歡，冇介紹錯喔！總括黎講，餐廳環境舒適，想搵間餐廳同成班好朋友 gathering或者情侶拍下拖都好適合。而服務上侍應亦很熱情，還會為我們介紹菜式。去到食物方面份量很足，價錢亦不會很貴，一定會再嚟。…Read More