一生懸麵

Open Now

Now Closed

估唔到小小嘅得寶商場，有一間咁多人排隊既沾麵。排隊時候店員會派menu比你慢慢睇，拉麵沾麵任君選擇。我偏好沾麵，因為湯比較濃。濃香櫻蝦沾麵一嚟到，比海量的櫻花蝦嚇親😂店員提醒我搞勻先食。麵條可以選擇冷或熱，我喜歡有咬勁，選了硬➕冷麵條。沾麵本身附有半隻流心蛋和兩塊叉燒。每下沾麵都沾滿櫻花蝦，非常香濃。但麵條比較碎...而且幼身，唔夠咬勁。特濃豚骨沾麵的確幾濃，但比較油膩，食唔到好多啖。落d魚介醋可以減低油膩感，增添其他風味。

返左一個星期工，終於都到星期五，好攰😞唔想去得遠就近近地搵間拉麵店食算啦。店面好細，2張4人檯+10個吧位，吧位啲櫈會偷偷地自己縮矮🌚野食唔多揀，但做得好食真係幾款就夠。仲有一款期間限定，見到海膽係想食既，但一諗到响香港伏過幾次海膽，都係食返啲普通野算喇。自己填order紙，可以揀麵既硬度，要唔要䓤/筍等等。睇之前啲食評話個湯好鹹，原來張order紙都有講口味會比較濃，要淡口可以出聲。店員指示青檸汁唧落麵，湯汁攪勻就食得👍🏻我食麵一向第一啖都係試啖湯先，可能你覺得我廢up ，但魚介真係好有魚味，櫻花蝦真係好有蝦乾味🤣 叉燒夠淋身，麵我地都係食開軟麵，夠煙韌😋整體味道係好味，湯亦的確偏鹹，但美中不足係沾麵既湯汁唔杰身，掛湯方面可以改進一下。埋單時聽到原來可以轉粗麵，不過諗諗下唔係好掛湯情況下，我都係揀返幼麵算。

一直都想係觀塘區搵沾麵食，但好多時都係搵到啲連鎖店，點知最近搵先知道得寶入面開左呢間沾麵小店！😆 其實本來都係抱住試下既心態，唔會抱太大期望，但無諗過呢次都有驚喜！👻 -叫左一碗熱既濃香櫻蝦沾麵食，雖然價錢係咁多款最貴，但都係會覺得幾值！食落口有好香既蝦味又唔會好油膩，除左有兩三舊叉燒之外，仲有半隻溏心蛋同竹筍。🍜 我自己唔太鍾意好稠既湯，而呢度算係稀同埋唔算好鹹，所以呢度既濃度同質感對我黎講啱啱好🤤 同好多舖頭一樣，呢度都係有得俾客人揀麵既硬度，我自己就揀左標準，但都係覺得有少少硬，要浸稔啲先食～ -服務方面，枱上面有齊紙巾、水同各式調味料，任君選擇🙌🏻 一個女仔唔太大食既話份量我覺得啱啱好，但可能男仔會略嫌細份😝 上碟速度算快，唯一覺得唔太好既係鋪位實在有啲細，卡位得兩張，其他都係bar凳，所以晚飯時間都要等下先有位👻-P.S.上網search先知一生懸麵呢個店名應該係同日本有句quote「一生懸命」有關係，意思係做事好認真執著同努力既態度，食完之後都會認同呢間店既質素係值得多啲人試😋♥️

德寶商場嘅食店越開越多,依家連拉麵店都有,依間店裏面嘅座位唔多,只有十幾個位,好彩早一步到,坐低唔夠10分鐘之後已經有好幾個人係等緊位。除左拉麵之外依到仲有沾麵,男朋友叫左碗白湯豚骨拉麵而我就揀碗濃香櫻蝦沾麵。白湯豚骨拉麵嘅麵條比較幼,軟硬度亦適中,湯底亦非常之濃,有少少黏口嘅感覺。溏心蛋嘅流心效果吾錯,叉燒亦夠淋。沾麵嘅麵質可以選擇硬度,因為我唔鍾意食淋嘅拉麵,所以我就揀左較硬嘅麵,上枱後見到沾麵嘅櫻花蝦湯底充滿着櫻花蝦,但相反沾麵嘅湯底比白豚骨拉麵嘅湯底更加稀,掛麵效果唔太理想,但櫻花蝦嘅香味依然突出。麵條帶有少少煙韌口感,整體黎講如果湯底再杰一D就好啦。餃子味道一般並無特別,但係幸好唔會煎得太油。