Dai Wagyu Stone Grill (Closed)

今日心思思好想食牛，見到九龍灣呢頭有間大和牛石燒專門店，一邊可以自己燒，控制返最理想嘅熟度，一邊又可以享受美食，滋味同玩味double up❤️澳洲M6和牛小排 ($218/200g)- 和牛小排厚身，油香十足，一上檯就令人眼前一亮，滋滋聲勁誘人，係㷫烚烚嘅石板好快就熟，表面燒到香口微焦，有埋黑胡椒同岩鹽調味，風味倍增，食到舔舔脷😋炸雞翼 (+$18)- 雞翼大大隻好有肉地，炸得好香脆，隻隻都係金黃色，超級誘人🥰飲品方面叫咗雪碧，冰涼解膩，係夏日炎炎嘅最佳之選😄餐廳內部有配料區，例如有沙律、湯、醬汁可以攞，任君選擇，而且內部空間感十足，坐得舒服，食得開心😃…Read More

今餐係我嘅生日飯，朋友話俾我決定，一於試食石板燒和牛！我哋一行三人叫咗日本，澳洲同美國和牛同Sapporo 生啤！所有湯，飯同沙律可以無限追加！我哋將三款和牛放在熱辣辣的石板上，燒出自己喜好的生熟程度的和牛每張枱上有岩鹽和黑椒自己調味，其實只要落少少已好好味日本A5和牛肉眼蓋200克有兩大碟，肉眼蓋係較罕有的精華部位，油脂花紋分佈均勻，但我覺得油分係三款中最高，唔怪之得配以薄切，牛質嫩滑，配上珍珠米，味道一流！澳洲M6和牛小排油花紋路分佈均勻，油分較美國為高，燒後肉汁多，油香與肉香並重！美國SRF和牛板腱有細密的油脂紋路，吃起來口感油潤有韌勁，鮮美多汁滿口香，我最喜歡依款肉質有咬口嘅口感！三款和牛各有特色，令人一試難忘雖然今餐食豪D，但真實餐牌中有很多不同豐儉由人嘅選擇！我下次會再嚟試吓豚肉同雞肉 …Read More

今日又去咗關心住喺三彩嘅獨居長者，然後就同佢落咗去得寶商場搵食，長者朋友話呢間石燒牛開咗一段時間，一直都好想試，今日就一於同佢去試吓啦！呢間大和牛總共有八款牛肉俾你揀，而且仲有豬肉同雞肉可供選擇。店內裝修簡潔，所以牆上嘅呢隻牛牛公仔尤其突出，成為了餐廳嘅亮點，下面就係一個矮櫃，放有不同嘅餐具，而枱上面就係自助區域，客人可以自取沙律菜、湯、白飯和一系列嘅醬汁。沙律菜切得幼細，用料新鮮。湯係雜菜湯，入面有洋蔥、蘿蔔、西芹等，感覺清新，可以解去一點點肉類嘅油膩感。我就最鍾意白飯任裝啦，哈哈！枱上有黑胡椒同粉紅岩鹽，可以自行為牛肉作適量嘅調味，不過我就覺得原本嘅肉味已經好足夠。因為我同長者都超鍾意食牛，所以揀咗澳洲M6和牛小排($298/300g)。店員首先會將牛小排嘅表面稍稍煎過，然後就會放上熱石上面供客人自己再烹調。然後我自己就將牛小排切成小件，再每邊煎一下。長者朋友真豪氣，仲叫咗日本A5和牛肉眼蓋($278/200g)。 A5和牛上枱嘅時候已經係薄片，所以慳返唔少功夫，放喺石上面大概每邊煎10秒就可以享用。和牛嘅油花真係好靚，所以食起上嚟非常甘香，絕對值得一試。呢一餐有咁美味嘅牛肉，仲有任食嘅飯同菜，真係非常滿足！…Read More

近排食得日本菜多，想轉轉口味食肉，大熱嘅石燒牛扒就啱哂我！呢晚我去咗搵個住九龍灣嘅朋友食飯，佢陪我食大啖肉😛，食咗位於德寶商場嘅「大和牛石燒專門店 」。跟同類型嘅石燒牛店比，呢度環境好舒服，餐枱大好多，衞生又好👍。再者，女店員超級有禮貌，主動提醒客人要注意嘅事項。餐廳主要食牛，但都有一兩款豬同雞揀；我同朋友心有靈犀，一致被A5同M6嗰兩款牛吸引。價錢亦係最高嗰兩款🙈，人一世物一世即管試下。落完單後我哋隨即到自助區拎嘢食，🍴餐具、碟同圍裙等亦係擺喺嗰樹。呢晚有唔少客人，好難等到無人先出去，哈哈。🇯🇵日本A5和牛肉眼蓋($278/200g)，呢款肉好矜貴，係Ribeye最頂嘅位置✨，一大隻牛都無幾多片。200克嘅份量係兩碟，咁100克即係得一碟，我相信100克只係好勉強夠一個人食🙊。肉眼蓋嘅大理石紋靚到一個點😍，脂肪分佈好平均，油脂滿滿的，一放入口感覺到好重油份，食其他部位嘅肉真係無呢個效果。⚠️留意番，由於肉質薄薄的一片，所以基本上放上熱石將兩邊輕輕一燙就食得！🇦🇺澳洲M6和牛小排($298/300g)，牛小排其實係指牛胸肋骨部位嘅肉，簡單啲講即係去骨嘅牛仔骨，咁樣會易明啲😆。300克嘅牛扒相當大件，餐廳會預先幫我哋切成四件，咁就會易煎的。一上菜嘅時候，🐮牛小排已經放咗上熱石上面煎緊，唔係全生。第一個步驟建議先將佢搬出隻碟度，想食時再拎番上嚿熱石上面燒，咁就可以避免煮得過熟同肉質變韌。牛小排牛味濃郁，口感有嚼勁，唔錯😋。自助區拎嘅湯同飯亦算係咁，最重要係熱辣辣的🔥。白飯任裝嘅情況之下，一定會夠飽哈哈🍚。另外，沙律菜都幾新鮮。醬汁主要有兩款，亦係喺自助區到拎。食大塊肉真係好飽肚，有令人滿足嘅感覺🥩。店員超好人，見熱石開始唔熱，就幫我哋換過嚿，好細心😊。總括嚟講，我無諗過德寶入面竟然有間高質牛牛石燒店🐂🤤，餐廳喺各方面都較同行表現出色，不過價錢就貴少少，但都同肉嘅質素掛鉤嘅。點都好，呢餐晚餐好豐富，令我哋好愉快！…Read More

同朋友附近行街經過哩間鋪頭，聽到入面"炸炸聲"，望入去原來係熱石燒緊牛排既聲音，見到都好吸引。每款食物都可以選擇大份或細份，主要係食牛，但如果唔食牛肉既都有豬肉同雞肉揀，不過款式選擇相對較小。沙律菜、飯、湯都係可以無限添加，必定可以食得飽，我自己食左好多蔬菜，因為沙律既胡麻醬好食，而且可以解一解牛肉既油膩感。日本A5和牛肉眼蓋($278/200g)，總共有2碟牛，每碟有8片，牛肉呈鮮嫩粉紅色，油脂分佈均勻，放上石燒一燒好快熟，放入口即刻滿口油份，油脂既香味真係無得頂，和牛果然非同凡響，一分錢一分貨，哩款牛肉必定要食，點埋個牛肉汁味道更加夾。澳洲M6和牛小排($298/300g)，份量確實好大件，岩晒食肉獸人士，牛排表面熟，內裏呈鮮紅色，估計係煮至7成熟才送到客人，如果想熟d可以切開係石上再燒一燒，哩款牛肉身較結實，但牛味較重。…Read More

自從石燒牛在香港掀起熱潮，專門店開得遍地開花，上星期就來到位於九龍灣的大和牛石燒專門店吃晚餐。餐廳雖然面積不大，不過座位排得頗寬敞，環境光猛衛生。餐牌亦是獨沽一味賣石燒肉，最平燒雞脾只是$68，價位親民，不設加一服務費。枱上有黑椒和岩鹽，可以自行調味。日本A5和牛肉眼蓋 200g $278200g 份量很足，肉眼蓋為肉眼牛排的精華部位，脂肪稍多，因此肉質特別柔軟。A5和牛色澤嫩紅，大理石狀紋既細緻又分明，佈滿霜降花紋，燒烤時帶有陣陣油香。當牛肉接觸到灼熱火山石的一剎那，滋滋咋咋，煙霧瀰漫，熱氣逼人，燒得香氣撲鼻。一放入口就吃得出是上乘品質的和牛，A5 和牛的脂肪溶點較低，入口如同雪花般融化，緩緩地在口中化開，滿口瀰漫著牛脂香氣。澳洲M6和牛小排 300g $298厚切和牛小排有300g重量級份量，上枱時已呈外熟內生的狀態，帶有較多肉筋，肉質相對較結實。燒肉時最好燒好一邊才反轉，切忌兩邊反來反去流失肉汁，當石燒板放久了不夠熱時，店員亦會再加熱。澳洲和牛脂肪分佈平均，肉與油香相互平衡，牛味香濃，不需過多調味已能牽引出濃郁有層次的肉香。自助區提供任添沙律、味噌湯和白飯，保証大胃牛魔王也可吃到捧腹而歸。吃完這麼多和牛，添點清爽又輕怡的沙律，可以中和肉食的油膩感。和牛肉質細嫩，肉汁豐富，加上甘甜香醇的日式照燒汁，相當好下飯。飲品就加了兩罐汽水 $10。…Read More

高質牛，有平有貴，最平$68、最貴既$298，不過都成300g咖，物超所值‼️-仼食沙律、湯、飯💕 日本A5和牛肉眼蓋 (200g) $278💕 澳洲M6和牛小排(300g) $298-💕 日本A5和牛肉眼蓋 (200g)［滿星］⭐️⭐️⭐️⭐️⭐️‼️200g有2碟既A5和牛，每塊都鮮紅色🥰其大理石油脂花紋分布均勻，肉質滑嫩，十分鮮甜，一放上石燒板上肉汁滿溢😍😍高質到有80%似係日本食靚牛既口感！必食！/💕 澳洲M6和牛小排(300g)［滿星］⭐️⭐️⭐️⭐️⭐️‼️300g有3大塊和牛😍和牛脂肪分佈平均，肉與油香平衡，牛味香濃，放上石燒板時加少許的鹽便能夠引出澳洲和牛的香濃肉味，肉質軟腍，必食！-環境：8/10服務：8/10好味指數：10/10回頭率：10/10…Read More