Chiu Chow Hop Shing Dessert

傳統ga中式糖水鋪係香港已經愈來愈少，而且要揾到一間好食，更加就係難上加難。但黎到九龍城，除咗可以食到好好味ga清真牛肉餅之外，更加可以滿足埋我e個食傳統中式糖水ga願望。每次黎到e到，我都必定會食e個👆🏻潮州綠豆邊清心丸。咩係綠豆邊？其實只係去咗皮ga綠豆🤤再加埋煙煙靭靭ga清心丸，睇落煮法好似好簡單，但其實係好考功夫。有別於一般傳統ga中式糖水，糖水食落唔會好甜，而且會令你有好滋潤ga感覺，但推介一定要食熱ga,因為食凍ga話，佢會加咗冰同奶，味道就會完全變成另一回事了。…Read More

又係回憶之一嘅#合成 🙈我一住hall嘅9月頭就跟住啲同層友嚟食😋嗰時我根本唔知世界上有清心丸呢樣嘢，然後叫咗碗芝麻糊(如果冇記錯)😂😂而家就覺得嚟合成點都要叫清心丸❗️特別係#煙韌控 🙋🏽‍♀️.呢到糖水選擇非常多，配搭非常flexible。你講得出嘅配搭我相信佢地都整到俾你，因為反正佢地都係用車仔麵嘅運作形式，你要乜就筆乜。例如今次我望住menu幾十個選擇睇到眼都花，就直接同店員姐姐講「有冇係有#綠豆邊 又有#清心丸 又有蓮子，總之乜都有啲架😂」sorry呢個客人好麻煩🤭店員就即刻話「37號啦，然後加xxxxx」xxxxx其實我聽唔到😂不過都係話好😂.事關我都唔清楚自己叫咗咩，總之我呢碗有綠豆邊同清心丸，仲有半粒蓮子😂清心丸約有十粒，我覺得份量太少了，如果可以有再多啲清心丸就好啦🙈話說好多人以為清心丸係同芋圓嗰啲差唔多texture，但其實唔係架，清心丸雖然都係咬落#煙韌，但就實淨啲、硬淨啲的🙆🏻‍♀️其實落單時店員都有提醒我凍嘅要加奶加冰的，到我食嘅時候就覺得都係叫熱嘅好，因為凍嘅會不停食到碎冰粒😂所以建議大家都叫熱❗️.不過都係覺得40蚊一碗糖水有點貴🙈🙈…Read More

每次經過九龍城呢幾條各色各樣食肆雲集，寧靜中卻又有啲熱鬧嘅街頭上，回味緊晚飯嘅滿足，心裏面都會不期然想起合成甜甜淡淡嘅味道！潮州合成甜品嘅裝修十年如一日：光猛嘅燈光，大大細細嘅圓枱，古舊嘅卡位、貼滿舖內外嘅舊剪報雜誌，甚至係播放緊嘅上世紀時代流行曲，都正正訴說佢幾十年嘅歷史！嚟到呢啲舊式嘅中式甜品店，聽住老歌，食住水準依然嘅傳統甜品，真係有啲回到過去嘅感覺！呢度嘅甜品以潮式為主，糖水款式超過80種，大部份係店主自豪嘅蓮子、綠豆邊、百合、馬蹄同清心丸作不同種類配搭而成嘅傳統糖水，亦有小部份新派嘅生果甜品！潮州糖水素以多渣、甜度高又飽肚見稱，而合成就係當中嘅俵俵者，是夜我哋就點咗： 蓮子清心丸：雖然合成有好多糖水款式，但最好賣應該係加咗蓮子嘅糖水；店入面都有介紹佢係選用最靚嘅蓮子，去芯再以慢火熬足6個鐘頭，所以蓮子入口即化，而甜度亦啱啱好！如果嫌蓮子配清心丸唔夠豐富，仲可以加多隻蛋，佢啲蛋都幾大隻，蛋白滑溜彈牙，蛋味亦濃，個蛋黃香香粉粉嘅質感，令人好滿足！碗糖水熱辣辣，飲完一陣就全身暖晒！ 潮州綠豆邊清心丸：呢個糖水用料好足、火候亦夠，綠豆邊煲得好稔但仍然有咬口，質感粉粉軟軟，而且份量頗多；清心丸煙靱彈牙， 甜味隱約清新，純以質感取勝！糖水飲落甜絲絲，綿綿嘅質感夠晒滋潤！ 擂沙湯丸：擂沙糖丸有啲似糖不甩，只不過換上有餡嘅湯丸，湯丸面頭有好多花生芝麻碎！湯丸皮煙煙靭靭但又好薄，麻蓉餡好濃郁再加上甜甜嘅花生芝麻碎，味道豐富有層次！呢度地方都唔細，有上下兩層，而且隔離又有分舖，好快有位之餘，坐落都幾舒服！而招呼亦好殷勤，當我哋話比肥肥哋嘅老板知，我哋當中有老人家，唔係咁方便坐樓上，佢就即刻吩咐啲伙記樓下有枱要比我哋先，食完行出嚟仲喺側邊睇住，叫婆婆小心行，實在好體貼，希望佢可以長做長有，繼續將潮式糖水發揚光大！:)…Read More

要食合成一定要等天氣凍因為我最鐘意食佢啲清心丸，覺得熱食係最好味嘅！打完邊爐特登過嚟食潤番吓，我哋要咗： 潮州綠豆邊清心丸：清心丸仍然好煙靱彈牙， 淡淡嘅甜味可以比我更細心咁欣賞佢；綠豆邊份量好多好夠，唔會煲到稔晒冇得咬，食完好飽！ 蓮子馬蹄沙清心丸：蓮子味道甜蜜而質感鬆化，入口即溶，我估啲蓮子係先用糖煲或者佢係用咗糖蓮子，不過老公話比我聽新鮮的蓮子是甜的！呢個甜品因為有馬蹄所以仲爽啲，蛋花亦有蛋香，味道配搭唔錯！每年冬天會嚟多啲食甜品！…Read More