Ming Kee (Portland 180+)

爹哋鍾意食潮州菜，特登揀咗呢間慶祝父親節位置比較難搵，上到去裝修幾特別除咗潮州菜式，都有好多其他小菜，唔驚唔啱食▶️ 滷水鵝片 ($188)鵝片好薄身，肉質鮮嫩🪿滷得入味底部係嫩滑嘅豆腐，仲有花生粒▶️ 韮菜豬紅 (+$8)叫夠$300可加錢換購，份量足一嚿嚿四方磚形狀嘅豬紅，口感似啫喱，滑捋捋好得意▶️ 椒鹽鮮魷 ($148）好大碟！勁多椒鹽粉，夠晒惹味入口香脆，炸粉好薄而且乾身魷魚煙韌大條🦑▶️ 薑蔥霸王雞- 半隻 ($138)雞肉雖然係蒸🐔但唔會太乾好有肉地，唔淨止得骨雞肉調味幾好👍🏻又唔會太油▶️ 蜜椒一口牛柳粒 ($160)賣相似模似樣牛柳粒食落好腍唔韌，中間粉粉地色醬汁甜甜地薯仔都覺得唔錯🥔外層焦香，唔係爛蓉蓉▶️ 金銀蛋娃娃菜 ($108)個菜就細咗少少，不過好足料，上面勁多鹹蛋鹹蛋白撈飯好正😋娃娃菜清脆且索湯▶️潮式蠔仔餅($118)經典潮州菜式，間間製法唔同呢個冇咩麵粉，大部份蠔表面鋪滿金黃色脆脆，香口▶️ 蜜餞欖角焗肉排 ($118)每件大大嚿，都算有肉▶️ 得意熊仔冰凍檸茶 ($42+8)每張枱都會見到，打卡嘢🤣係幾壯觀嘅，成1L咁多熊仔冰可愛🐻味道就同一般檸茶一樣，略嫌味道被冰溝淡一杯可以兩人份▶️ 白飯x4 ($16/碗)-食物味道唔錯😌味道到位又幾有鑊氣份量夠足而且多肉不過服務有待改善，落單姐姐好唔耐煩，又落錯晒⋯⋯然而上菜幾快手嘅環境比較嘈，酒樓格局性價比唔錯，大概$200/人如果你想打冷，可以考慮呢間…Read More

在旺角地區吾易找的大廈內，大廈上了一層係茶餐廳，好彩問吓樓面服務員，轉個彎再上一層就係《明記》，因朋友話要食地道潮洲菜，就試下呢間，原來此店只做晚市。潮州菜一定要叫《豬紅韮菜》《滷水鵝肉》《豬大腸拼墨魚》等等。環境比較嘈，有啲服務員比較惡。最後發現檯檯都叫《熊仔檸檬茶》，我哋有叫左杯來打卡，真係好得意。訂位都係用Openrice 超方便。…Read More

麻甩系的我最愛打冷大排檔！最近跟友人談起以往經常到荃灣宵夜，原來它在旺角有一旗艦店，決定下班後看看跟老店有什麼分別大門位置貼上很多明星跟老闆及員工們的合照，看來這裏是明星飯堂餐廳環境新潮，有傳統打冷小菜，亦有新鮮游水海鮮內有一個海鮮大魚缸，有各式各樣的海鮮，即叫即撈，保証新鮮甫坐下，啤酒推廣大使便為我們送上一瓶來自新疆免費的烏蘇啤酒！味道清新，口感清爽，容易入口:)店員推介椒鹽瀬尿蝦，上桌時貼心地為我們一開三，方便進食瀨尿蝦的外殼炸得香脆沾滿椒鹽，蝦肉保持鮮甜多汁，香口惹味辣酒煮海花螺辣得惹味，花螺大小適中，肉質爽甜那種又麻又辣又香的滋味，令我直接用湯匙勺起醬汁喝起來來到潮州菜館又怎能錯過金牌滷水鵝片:)醇厚滷水很入味，鵝肉緊緻有咬口，鵝皮肥美甘香六週年優惠，凡惠顧滿$300可以優惠價$8選購滷水雜錦拼盤拼盤有紅腸、墨魚、豬大腸、豬腩肉、豬耳等，更有大豆芽墊底，用料十足每款食材都有獨特的口感，不管下酒還是下飯都很合適…Read More

有朋友遠方來，想找間潮州打冷食店來解ㄧ下他們鄉愁。上網查看後，在旺角找來這間樓上舖試試。我們訂了檯不用等，侍應很快便安排了我們入座卡位，座位寬闊，可對座詳談真好。環看店內佈置甚有港式風味，令人好有親切感。在牆壁上還看到有個優惠，只要每檯消費$300，店主會送一個滷水拼盤給食客，我們當然有受惠啦！拼盤內有六款食材，包括有墨魚、豬大腸、紅腸、鵝腸、豬耳、芽菜。各款食材都滷得好入味，份量亦不少，這個優惠真不錯。食物方面都好多選擇，首點當然係鹵水鵝片: 鵝片肥瘦適中又入味，滷汁味香，不會只是咸味。煎蠔胳 : 炸得香脆可口，不油膩。蠔仔粥 : 湯底泡熟蠔仔好鮮甜，ㄧ口接ㄧ口，正!潮州凍馬友 : 平時多數食凍烏頭，今次轉下食馬友，味道鮮味，魚油豐富，好快便全條食晒！燒汁炸牛腩 : 外層用薄薄炸漿包裹牛腩炸脆，再配上燒汁食，又唔錯。石鍋啫啫芥蘭 : 上檯時石鍋熱，令香濃的醬汁，發出啫啫聲，再嚐ㄧ口芥蘭，真係惹味非常。雪𥚃紅鮮竹茄子 : 好惹味，鮮竹和茄子都好嫩滑，配飯ㄧ流。總括來説，座位寬敞， 食物質素都不錯，下次一定會再來。…Read More

朋友去完旅行回來，我們相約食飯順便拎手信，朋友話好耐都未食過潮州打冷，所以就搵下啲食打冷食店，留意到呢間潮州食店在旺角，貪佢大家都交通方便，所以就揀佢。呢度環境都好大，侍應安排了卡位給我們，卡位好寛敞，我們坐好後，周圍望，原來呢度做緊啲優惠，食滿$300就可以免費有滷水拼盤送，我地有四個人，可以有個中既滷水拼盤，我地睇完餐牌都好快點好菜。小菜來到，第一碟係滷水鵝片，鹵水味啱啱好，唔鹹，份量都算適中，鵝片唔肥，食多幾件都唔怕肥！滷水拼盤，入面有墨魚，紅腸，鵝腸，滷水豬肉片，豬腸，豬耳，芽菜等，墨魚唔靱，鵝腸好爽脆，滷水豬肉片肥瘦得宜，豬耳爽脆，豬腸都好好食，唔會食到有臭味。滷水一樣唔鹹，味道剛剛好！蠔仔粥，我地有四個人，所以叫左個大的蠔仔粥，蠔仔份量都唔少，粥底冇出面坊間的咁鹹，感覺冇味精，粥底用上方魚做湯底，好鮮味！燒汁脆牛腩，切到一片片，邊位炸得好脆口，入面牛腩好有牛味，份量又夠多，點埋個醬真係好好食，我都不其然咁食左好多件！哈哈！！石鍋啫啫芥蘭，用石鍋盛載令芥蘭不失溫度，芥蘭好爽脆，好青綠，好新鮮，味道好惹味，份量都好多，送飯一流！潮州凍馬友，魚肉都好肥美，凍食我都是第一次，原來馬友凍食都可以咁好食，入口甘香，魚肉順滑鮮味，成日都食烏頭，今次食馬友都不錯選！煎蠔烙不嬲都係食潮州菜的不二之選，所以我唔會錯過。蠔烙煎得好乾身，好脆，唔油，入面好多蠔仔，粉醬多左少少，但味道都做得唔錯，點埋魚露真係回味無窮！雪裡紅鮮竹茄子，呢個菜真係好驚喜，鮮竹同茄子用上雪菜炒，雪菜唔會鹹，唔會搶走茄子同鮮竹味，但鮮竹吸晒雪菜的味道，鮮竹仲應該用油炸過先炒，所以食落會食到鮮竹脆脆感覺，茄子好腍，好入味，一個字＂正＂在旺角食潮州菜通常都會在地舖一啲小菜館，今次第一次去這些大舖食，仲要係一個旺角地方，環境同衞生都比其他街舖好，侍應好有耐心解釋菜色，同朋友聚舊真係冇得頂！呢度又係我可以收藏的好地方！…Read More

打冷店近幾年越開越多，已經不是男人至愛，好多老中青都喜歡一班人圍埋一齊，飲下酒食下滷味，這間在旺角佔了全層的明記潮館，地方大且座位寬敞，坐得舒服。店員先送上小食泡菜及魚仔。韮菜豬紅超級大碗，豬紅腍滑，下面墊著韮菜，不過味道較咸。滷水鵝片鵝片素面不會太多脂肪，肉質嫩腍，滷得入味，下面墊著滷豆腐及花生，花生炆得很腍。紅燒豆腐豆腐外層炸過，裏面嫩滑，旁邊還有冬菇及菜心，食了太多肉，可以清淡一點。蠔仔肉碎粥蠔仔脹卜卜，完全無腥味，粥底是方魚湯底，加上肉碎，飯粒不會太腍，味道鮮甜飽肚。…Read More

明記潮館，知名度都有翻咁上下，主要係食潮州野，打冷個啲。三個人唔太大食，叫左三樣餸炸，分別係潮州炒麵線，潮洲蠔仔肉碎泡飯，滷水鵝片。1. 潮洲炒麵線自己未食過呢個餸，所以個感覺都幾新鮮。首先，有好多蛋係個麵上面，所以成個麵都有一陣得蛋香嘅味道。潮州麵線感覺食落好似米粉，定唔知真係米粉。除咗蛋之外，裏邊仲有啲蝦仁仔，魷魚絲仔，但係感覺啲蝦人仔唔夠新鮮，因為食落去都唔夠爽口彈牙同埋蝦味唔夠濃。仲有，就係可以炒得乾身啲，乾身嘅炒米粉係最好食嘅。2. 潮州蠔仔肉碎泡飯同一般蠔仔泡飯冇咩分別，唯一可以講既係有信心保證，一定唔會唔好味。3. 滷水鵝片一個例牌既滷水鵝片都幾貴，$148。好在份量都唔算少，味道都唔錯，啖啖肉。下面既滷水豆腐都唔差。總結：貴得有佢道理，因為啲野係有水準保證，座位亦都算闊落。…Read More

有喜歡啖味潮州菜的好友去過位於旺角的明記潮館後,認為平靚正的賣點值得一去再去,於是問及我與另一好友,有聽至此,當然馬上答應了;七時多的旺角地鐵站也是人群擠擁,但從地鐵站出來以後走到餐館所在的大廈卻是頓感輕鬆得多;尤其是由好友帶路,更加順暢;但大廈的設計或許有點複雜,所以沿路一直有指示牌標示;但當來到餐館時,就另有一番光景呈現眼前;一邊是以復古式的大排檔設計,另一邊又有西餐茶座樣式,再另一邊又有尖咀鐘樓景點佈景,而其對面就是一些以奇特名字命名的房間......將所有東西混合,配合著一個有高樓底的大堂,又有不錯的效果!觀其餐牌,選擇非常豐富;好友指定要我們一試韮菜豬紅與鵝片,其餘的再跟各人喜好再各點一道菜;而且全單消費滿300兼送一碟滷水拼盤(中),難怪好友大加推介!韮菜豬紅份量足,嚐起來十分爽滑,偏向重調味,剛好祛除本身腥燥味!鵝片的厚度片片均勻,肉質也足夠嫩滑,較輕的滷水調味,蘸上些許醋汁,啖味在口中,即時隨醬料香味過後有鵝肉本味透出!奉送的中碟滷水拼盤的碟頭份量也不輕,我較喜愛的墨魚片與鴨腎的肉質皆爽脆彈牙,滷水的調味也恰到好處!煎蠔烙的蠔仔數量很多,鴨蛋也煎得香口,但略嫌芡粉有點過頭,雖然尚是可口,但整體未算很平衡!而我點的孜然牛仔肉,牛肉本身質地嫩滑,孜然粉與黑椒的香料由內而外滲透進去,與牛肉本味相結合後,加上在肉汁與油份提升下的溫潤口感,滋味特佳!作為收結的潮州炒河粉,河粉份量多,配料也豐富,以蝦醬為主味,可口之餘也是飽肚佳選!多得好友的推介,又認識了一間位處旺區的平靚正兼坐得舒服的潮州菜餐館,值得再與更多的好友去品嚐更多的菜式!…Read More

黎到旺角，同朋友食飯，講起想食潮州嘢，咪朋友就介紹去明記食。呢度真係好大架，有二層。而且裝修得幾靚，好有香港特式架。每一枱都會有甜酸醋，辣椒油，花生，咸魚仔.....過下口癮先。豉蒜虎皮三蔬＄70裡面有涼瓜，尖椒，四季豆，吃落好香蒜味。滷水雜拼 $108幫襯$200以上，每台就送滷水雜拼，好大碟架裡面有好多選擇，有滷水大腸，鵝腸，豬耳，魷魚，紅腸，芽菜，味道又岩岩好，吾會好鹹。滷水鵝片$108這個我會推介，真係好食，鵝片肥瘦適中，色相吸引，肉質鮮嫩入味，放落枱之後嗰陣就冇晒。豉椒炒花甲呢個好香，份量都適中。煎蠔烙 很大塊炸得好香，蠔都好大粒份星適中，份量都夠食。凍烏頭無腥味，魚肚放左幾片檸檬好大條，仲好香檸檬味，配合麵豉醬一齊食，更加美味。總括而言，價銭非常合理，食物質素亦不錯，環境都好舒服。食物：8/10環境：8/10服務：7/10價錢：6/10推介指數：80/100…Read More

同男朋友想食潮州野，就搵左呢間試下。喺樓下搭電梯上去，以為間野冇乜人，點知上到去發現好多人，好旺場，所以我地都等左陣先有位。兩個人坐4人枱，坐得舒服鬆動。呀姐服務態度都好好。呀姐話嗌野食滿200蚊就送細滷水拼盤。其實個拼盤對於兩個人食都唔細，食完都飽飽地🙈再嗌左鵝片，好好味份量唔少，墊底啲豆腐又滑又入味👍🏻叫左石鍋啫啫芥蘭，熱辣辣，好惹味，不過我覺得略咸，食完好口渴😛蠔仔粥等到頸長先黎，唔知係咪唔夠人手，碗粥差唔多成個鐘先黎。我地叫左細蠔仔粥，食埋真係超級飽🙈蠔仔都幾肥美，令碗粥味道鮮甜呀姐service 好好，諗住幫我地分埋。我地問佢拎匙羹，佢拎比我地之前再用熱水沖沖👍🏻…Read More

Happy Friday!!!一眾港女們突然興緻勃勃咁話要去旺角打冷!!!平時10字不沾陽春水+是日近30度的高溫,, 真幻想唔到佢地話要去坐街邊打冷~去到飯店先知原來係新場~~係一間乾淨企理又有冷氣的樓上打冷食店！！！！！店鋪裝潢以香港街邊風味為基調,,,也保持了開揚式的位置for 客人揀海鮮食材的地道傳統~可看出是有心經營的室內陳設~店鋪入口~~開放式的揀海鮮地方~室內都有包廂座~好耐無食過豆角~~~呢碟野出黎打冷食小菜不會陌生~~有鑊氣~味道剛好不會過醎,,我啲女仔朋友見到都忘了食相狂啪~~明記的招牌沙拉蝦~~ 隻隻蝦都大大隻,, 啖啖肉~薑蔥爆蟹煲~~ 肉蟹來的,,, 算大隻同埋有肉有羔食,, 絶不呃秤~(利申: 我是一個蟹控,,,有蟹就開心~嘻嘻~  )這個大size 的蠔仔粥~ 啲蠔的分佈係超！級！密集式！幾乎啖啖粥都要有蠔仔送埋一齊先會食得晒～蠔亦新鮮，這點相片已說話～呢個滷水鵝片超抵食！話說其實這個鵝片係同蟹煲pair up跟餐點的,,以為佢實係細細碟啦,,點知呢個係一個例的size,,即成枱七/八人食飯都叫一碟果啲size,,仲要墊左滷水豆腐,,超好味~~正宗一雞兩味,,正!!!港女們不忘要拍個成枱都係野食的全家幅才大貫滿吧~!!!…Read More

公公係潮州人, 每次一見面公公都對佢既家鄉潮州菜讚口不絕, 高鐵又未起好, 去潮州既交通唔算好方便, 所以暫時先係香港搵下潮州菜食。經同事介紹, 明記潮館既潮州菜味道唔錯, 推介我去一試!而正正交通最方便既旺角都開左"明記潮館"分店, 每晚六點開至第二日凌晨, 岩哂我地呢d夜鬼放工出黎搵食。店內分為兩邊, 一邊為四人既細檯, 另一邊為四人以上既大圓檯, 地方整潔呢邊更設有潮州特色既滷味吧, 很有風味....一坐低, 店員先送上前菜。呢度除左主打既潮州菜, 仲有多款中式小炒, 款式都幾多! 我地Order左幾款試試...【滷水鵝片】HK$108食潮州菜必點既滷水鵝片, 鵝片完全無骨, 厚薄切得幾乎一致, 份量幾多, 鵝片沒有太多既肥油層, 色澤鮮嫩, 入口肉質軟糯, 滷水很入味, 肉汁juicy!【滷水鵝腸】HK$68鵝腸好爽口, 底層有少少芽菜墊底, 不過可能芽菜有點出水, 食到一半, 滷水淡左d, 但鵝腸冇咩肥膏連住, 唔錯!!【滷水三拼 (自選3款)】HK$108三心兩二想試多幾款滷水, 可以選擇三拼價錢自選滷物, 我就揀左以下三款, 初時意為份量應該每款都為少, 點知....又係大大碟滷水墨魚 - 略帶爽彈鮮甜滷水大腸 - 帶點肥膏, 但可接受, 又林又入味滷水鵝腎 - 比較有咬口, 幾爽【韮菜豬紅】HK$55味道好濃, 豬紅好入味, 豬紅中心位都有鹹鹹地既味道。而且份量比預期中多好多, 怪不得有唔少人入黎都會order黎食!【椒鹽腰果雞軟骨】HK$98除左潮州菜, 呢度仲有多款中式小炒。我就點左平時我最中意既雞軟骨試試...雞軟骨同腰果份量一樣同樣既多, 雞軟骨外表炸得幾乾身, 一d都唔油膩, 夾住炸蒜蓉食, 好香口, 軟骨位仲略帶咬口【潮州炒麵線】HK$98見到呢個菜名感覺好奇, 未見過潮州麵線, 既然黎到潮州菜館, 當然要一試!原來麵線同台灣麵線幾乎一樣, 麵線炒過後還帶點濕潤, 材料有札肉、蛋碎、蝦仔同埋墨魚鬚炒得好有穫氣, 多款食材配料一定食, 口感豐富呢餐潮州菜比預期中好食得多, 份量又大大碟, 味道唔錯, 店員招呼周到, 不時為我地主動加茶, 價錢亦唔貴, 免前菜+茶芥, 有機會定必要回encorn!!…Read More

旺角呢個商場前身係南華戲院，但係自從改裝左成為商場之後一直都好少人流。直到最近我見到佢開咗呢間係荃灣過嚟開分店嘅明記潮州菜館，當然要想去試新野啦。我去嘅時候佢哋仲係試業，所以連紅紙都未拆一上到去地方好闊落，見到有好多圓枱、大枱，仲有好多大房，真係一個好適合一大班朋友食飯吹水嘅地方。而且睇得出佢哋嘅裝修好香港地，好揼本架！講返個餐牌，佢哋唔止有潮州打冷嘢食，其實仲有好多中菜小炒。食品嘅種類都好多，正！今次叫咗幾款打冷食物，分別係雜錦拼盤，叫多一份墨魚併鵝腸，因為我真係好鍾意食墨魚架😍本身以為雜錦滷水拼盤會有埋鵝片，點知只有大腸、鵝腸同墨魚，不過勝在勁大碟。味道來講可以嘅👍🏼因為大腸同鵝腸都冇臭腥味，洗得都算乾淨。墨魚就堅係整得好好食，本身材料係新鮮嘅，所以入口會唔會有一啲好霉嘅感覺。反而鵝片我就覺得麻麻，因為有陣鵝穌味😢不過加返辣椒油，味道又會變得好翻啲。伴碟嘅豆腐有好香豆味，有炊煙味，好用心去做每一個細緻位食打冷野梗係要食豬紅啦！佢呢個韭菜豬紅都幾好食架👍🏼好滑我哋叫咗兩個即煮嘅煲，雞腳煮得好入味，好味道。但係令一個鹹菜門鱔，我就覺得咸咗啲。雖然只係一啲馬拉盞炒通菜，但係佢真係好夠鑊氣，好惹味好好食。真係可以話係我食過咁多間，最好食嘅炒通菜。呢個係佢哋推介嘅小炒王，雖然每間嘅小炒王都冇太大出入。不過佢哋又真係炒得幾香口嘅。唔錯架蠔餅係值得推介嘅！因為佢個粉漿唔會好厚，炸完出嚟你唔會覺得成口都係粉。熱辣辣好脆身。而且入邊嘅蠔仔都好多。必食！最後呢個係燒汁牛柳粒炸豆腐，三個字冇！得！輸！豆腐炸到脆卜卜，配合埋呢個較為濃味嘅燒汁。送佢嘅潮州粥簡直係一流。而牛柳粒佢哋整得好林，而且牛肉冇起根，真係啖啖肉。又一必食推介。事業期間有咁嘅水準當然值得同大家開心share啦。希望佢繼續keep住水準，做到我成日去嘅飯堂。…Read More