616 Hot Pot (Chik Fu Street)

⧖作為一個一年365日都鍾意打邊爐嘅人🍲突然想打邊爐咁就當然去咗食616, 晚上9點後入座仲有8折✨雖然有8折, 但佢都係照收加一, 所以都等於無折過咁🙂‍↔️但店員話可以Join WhatsApp group,下次晚上9點後入座可以75折,就可以再平少少啦🤏🏻🥹➢ 花雕醉蜆鍋 $𝟷𝟼𝟾 (不可折扣🙅🏻‍♀️)- 本身唔太好花雕陣味, 但湯底都唔係話好多款同埋店員有介紹呢個湯底係期間限定, 所以就試咗✨結果又唔差喎, 俾到驚喜我, 蜆肉新鮮鮮甜, 湯底仲可以飲返一兩碗😆➢ 匙柄 $𝟺𝟿➢ 雪花胸肋 $𝟼𝟿➢ 日本牛頸脊 $𝟼𝟿➢ 滑尾龍 $𝟺𝟿➢ 牛心 $𝟺𝟿➢ 封門柳 $𝟼𝟿- 嗌咗呢幾款牛肉, 全部都好鮮好有牛味❣️大推就真係牛頸脊同滑尾龍, 次次嚟食都會嗌!!😍個人食法會將滑尾龍放到最後先食, 因為有蛋汁,免得影響個湯底變咗做蛋花湯🤣➢ 鮮製手打烏冬 $𝟷𝟿- 仲有616必食嘅手打烏冬!! 其實烏冬仲有稻庭烏冬可以選擇,但覺得30蚊個烏冬就真係太貴啦😥美味：★★★★★扺食：★★★★服務：★★★★★#大圍美食 #沙田美食 #香港火鍋 #打邊爐 #616火鍋 #namkam大圍…Read More

鴛鴦麻辣牛骨鍋 $82簡左個鴛鴦鍋以防萬一個麻辣鍋太辣，可以食下牛骨鍋沖淡，同埋牛骨鍋可以用黎煮菜😆麻辣鍋越煮越辣，好惹味，辣既程度可接受。信洲和牛後腿肉 $98今期限定，點左一個試下，後腿係牛整日會郁既地方，雖然會有較多既肌肉，但都有一定程度既油花。呢到好多牛既唔同部位可以食，大部分都係第一次聽，好貼心咁有張紙話比大家知，每個部位係邊到同需要煮幾耐。滑尾龍 $48花雕醉牛 $48兩款都好食，唔會韌，醉牛就算經過完麻辣鍋，都食到好濃既酒香。水蓮菜 $28好鐘意食呢個，份量都唔小，唔可以煮太耐，咁就食到佢個種爽脆感。我地仲叫左粟米🌽、響鈴、油豆腐串、公仔麵，食得好滿足。價錢可能仲比同出面任食平d，同埋可以食下d其他地方冇既野。…Read More

有一種味道叫做「食過返尋味」。距上次不足一個月，又再次光顧《616牛肉火鍋專門店》，再次食價錢親民的日本長野縣信州和牛。和牛，這次只點了「神州和牛肩胛」，喜歡它牛脂最多最濃油味。另外推介的是「牛駝峰」，牛肉味最突出，而且有嚼勁。嚼勁而言，「蘇格蘭雪花胸肋」是這次的no.1。如果喜歡嫩滑一點的牛肉，可以嘗試「滑尾龍」和「花雕醉牛」。前者打了一隻生雞蛋，混著蛋漿一起吃，肉質嫩滑到不得了，可惜蛋味減低了牛香；後者都是不太需要咀嚼的肉質，但在比較之下還是前者更嫩，至於花雕味則很濃很入味，喜歡的人會大愛，我就稍微覺得太花雕，蓋過了牛肉香。湯底選了鴛鴦鍋=酸菜+牛骨湯。正式吃火鍋前慣常喝一碗湯，牛骨湯清甜，有種養生的感覺，而且燙牛肉吃是最適合的。…Read More

【 大圍 🇭🇰616牛肉火鍋專門店  】🍲 - 打邊爐💰- 人均$250 終於有機會試大名鼎鼎嘅616🏅呢間主打打住邊爐食牛嘅不同部位🐄，價位唔算高，一碟介乎$48-$68，食完都覺得值得encore！如果唔知揀咩肉，可以望望枱面嘅「牛總」推介，根據自己喜好試吓唔同口感唔同油脂比例🤤① 鴛鴦青花椒牛骨湯底 $𝟩𝟪湯底揀左半辣🌶半唔辣🥩青花椒愈淥愈出味，帶點淡淡嘅清麻，個人好中意😍清湯亦相當有誠意，入面起碼有三四舊牛骨肉，有咬口，煲好耐都唔韌，非常入味👍🏻② 匙柄 $𝟦𝟪牛的肩腹肉🐄中間會一條明顯嘅肉筋紋，好似鑰匙柄咁，因而命名🤫呢個部位非常矜貴，牛味濃郁，有少少韌度但整體好鮮嫩。③ 吊龍伴 $𝟨𝟪牛腰脊肉的兩側🐄肉眼扒嘅邊邊，薄切有少少脂肪但唔會過膩，食落有筋，會較有咬口。④ 滑尾龍 $𝟦𝟪牛的後腿肉🐄肉質較厚，同生蛋🍳拌勻後再淥20秒，意外地好食😚又柔軟又滑，表面鋪住嘅一層蛋花足以令味道昇華～⑤ 手打牛滑 $𝟦𝟪墨魚滑🦑就聽得多，牛滑真係第一次😂夠爽口，不過牛味就唔算太濃郁，都係鍾意食一塊塊嘅牛多啲～食物(5分滿分)⭐️⭐️⭐️⭐️環境(5分滿分)⭐️⭐️⭐️價錢(5分滿分)⭐️⭐️️️️️️⭐️⭐️「三頓飯」推介指數 🍚🍚🍚…Read More

616呢間火鍋店，雖然唔係第一次品嚐，但知道大圍開了呢間，都好想去試，616即用淥一淥來取名。616就熟，吃得。店舖的裝修，其實好吸引，因為內部裝修是同舊時香港的設計，好相似，例如，木椅木枱窗戶，還有雜貨店的裝修，非常得意！ 🤩到達餐廳時，大約18：15，天氣又熱，所以決定早些入餐廳吃飯。大家都應該覺得，夏天天氣熱，店舖一定開大冷氣，特別是打邊爐的鋪頭。 18：15店鋪已經有2枱客人在吃火鍋，好犀利呀！順帶一提，講明每枱只限吃100分鐘。所以都應該可以好快翻一次枱。我同朋友仔，決定要坐得舒適點，選擇了卡位坐，正想放下包包時，職員告訴包包可以放入枱隔離的盒。👏👏 店舖服務好細心，因為每枱都會提供一個盒俾大家放包包，非常好。值得一讚，原因是打邊爐，包包放在座位後，很容易吸味，有盒後，包包可以減輕吸味的情況。我同朋友仔坐低後，就用 ipad 點菜。首先我們選了鴛鴦湯底 -- 青花椒拼牛骨湯底。呢個鴛鴦湯底，價錢：78元，可以接受，因為其他火鍋店，沒有青花椒啦～ 嘩，當湯底送來的時間，全場有幾個人都打乞嚏，因為花椒味都好鬼攻鼻攻眼 😯，因為湯底的鮮花椒太搶味。湯底是以鮮花椒配上鮮青指天椒，加上惹味的湯底，絕對能提升牛肉的味道。我覺得不算太辣的，非常正！而牛骨湯就不辣的，當中有蘿蔔，甜粟米和牛骨 淆製的，非常入味！醬料是自助的，連熱水都有提供的。自助醬料，有牛肉汁，非常正。每位收10元。首先，點了“616罕有系列”吊龍伴（價錢：68元），“616特色系列”牛肉餃（價錢：48元），“616推介系列”牛朴肉（價錢：48元），安格斯嘅橫隔肌（價錢：48元），牛心（價錢：48元），“鮮蔬”娃娃菜（價錢：28元）和紫菜卷（價錢：38元）。後來，我們再叫封門柳（價錢：68元），匙柄（價錢：48元），菊花桂圓露（價錢：12元），616原漿手工啤（價錢：38元），滑尾龍（價錢：48元）。還有生果送（西瓜），即可消暑，又可以解喝。紫菜卷其實是響鈴同紫菜的混合版，非常新鮮感，沒有油臭味，很好，當然要夠淋先好吃，不用脆口地吃，我喜愛。牛肉餃，非常好味，皮好薄，牛肉汁好多，再用埋青檸汁，正呀！滑尾龍，加了雞蛋，我同朋友仔都覺得，呢個似滑蛋牛肉，同埋肉質有點不夠嫩滑啦！616啤酒很好飲，只是有點唔夠冰凍，還給一隻 不銹鋼杯，好細心。封門柳其實是牛既橫隔膜下面的一條柳，每隻牛只有2小塊，非常好味，好淋，味道好正，好濃。安格斯橫隔肌，即是牛頸脊，非常嫩滑。牛心，沒有脂肪的，口感非常爽口，應該可以補心…Read More

相約朋友到大圍，打算邊吃邊爐邊聚舊，碌下碌下便能詳談到夜深大概8:3到達616大圍分店，從地鐵站走過來只需3分鐘路程，十分方便！望進餐廳入面，裝飾得具有香港特色，完全不像傳統火鍋店，非常有創意店內都擺放著不同舊年代香港的生活用品，十分有特色，拍照一流餐牌是採用平板電腦形式落單，比起傳統菜單更乾淨，落單更方便快捷又準確這個牛駝峰是我最愛牛的部份，脂肪與肌肉的比例得宜，入口香又即融於口腔牛上肋的牛味較濃，能夠吃得出牛的鮮味，較有口感今次是我第一次火鍋吃牛舌，出奇地覺得十分爽口彈牙，比一般在居酒屋的更能嚐到牛味滑尾龍沾上了蛋漿令牛肉更加嫩滑，也添加了一些蛋香朋友還點了一個菊花冰粉，吃落十分清甜，像能吃的菊花茶般，十分解油份，打邊爐下火一流我們還點了一個娃娃菜和油麥菜，都十分新鮮，份量也是十分多整體而言，616是一間性價比十分高的火鍋店，而專吃牛的火鍋店在香港比較少見，像616一樣能保持到水準可謂難得埋單只需402元，我們二人最後要捧著肚子走走616…Read More

朋友住大圍，相約在區內晚膳，說有特色的介紹，我當然躍躍欲試。原來朋友所指的是區內一間牛肉火鍋專門店，屬於有多間分店的連鎖集團，店舖面積不大，而且座位較為擠迫，多點幾碟擺放就會較為困難，不過同區很多小店都是有相同的情況。店舖還有為用膳時間設限在100分鐘之內，不過一般都會在一小時多些就完成，所以除非是要等人，否則都應該足夠的。佈置以懷舊為主題，但配置了些新元素，例如用的是電子爐，點菜落單更用上一枱一板腦。而醬料區除供應一般的醬料外，亦有秘製的牛肉汁及牛肉醬油。店舖是以推介牛的不同部位為主題，大多都不是平常在街市或超市可以買到的。小時候，好多家庭都是人數眾多，家境又並不豐裕，所以買牛肉也會加些牛心椗，雖然是較為硬，勝在較便宜，可混合牛肉一同煮。另外，牛薑也是便宜但非常韌，現在已經很少人會食這些部位了。店內牆上張貼著、宣傳單張以至枱上用的餐紙，都在介紹牛的各個部位，與及建議各部位的灼食時間，非常方便。我們選了牛骨清湯 ($38)、金花趾 ($68)、 安格斯橫隔肌 ($48)、牛駝峰 ($48)、牛朴肉 ($48)、滑尾龍 ($48)，另外還有娃娃菜 ($28)及稻庭烏冬 ($28)，後來再加多黑百葉 ($68)及飲品。金花趾是牛腿部位，筋和紋路明顯，口感爽脆，最為彈牙，但如果灼多了就會變硬及韌。按板腦時封門柳及店員推介的澳洲和牛都已售罄，唯有改點安格斯橫隔肌，與封門柳同屬牛的橫隔膜肌肉，顏色較深，牛味濃郁。牛駝峰是在牛的背部，頸部對下的位置，脂肪較多而油香肉味都不錯。牛朴肉又叫雪花肥牛，是牛頸脊部位，油花分布均勻而比牛駝峰為少，入口爽滑，牛味香濃。而說到滑，當然要數近牛尾部位的滑尾龍，加了生雞蛋，非常嫩滑，口感一流。值得一提的是稻庭烏冬十分爽滑煙韌，不會過腍或糊口。後加的黑百葉就不如想像中的爽脆，更加不能灼得太久，否則就會縮小及變硬。平均每人消費$233。…Read More