Running BBQ (Closed)

唔使同埋晚市同樣分成2個等級 成人價錢由$216到$391 豐儉由人 特別時段仲會有全單7折雞牛豬羊海鮮都有齊 齋係豬已經有10種🐚想重點講講海鮮 試咗扇貝鮮甜彈牙而且肉質鮮嫩軟韌 完全唔會乾乾柴柴🐮牛肉就當然揀我最鍾意嘅鹿兒島A5和牛！雪花紋理清晰 脂肪分佈十分均勻 切到好處口感有嚼勁而且有濃郁嘅牛肉香氣 油香四溢🥚溫泉蛋香蔥紫菜飯呢款同樣係mvp 要講句“last but not least啊”日本米飯粒粒飽滿 上面撒咗大量紫菜碎 味道鹹鹹香香重點最頂頂放咗隻溫泉蛋 戳破流心蛋黃令整體更濕潤 而且蛋香味都好濃郁 唔會話得死鹹味配翻上面講嘅燒鹿兒島A5和牛增加油香 令層次感更豐富食落更加係大滿足🤤…Read More

一大堆人去食午市，每位都唔洗兩百，又牛肉又海鮮。但是環境有幾個大問題。首先張枱太細，太近爐，令到飲品好易變熱。抽油煙機吸引力好差，我一路比煙煙住雙眼，好辛苦。張椅冇椅背，坐得唔舒服。然後拎鼓油，得一個角落，好多人排隊，我等左15分鐘先成功拎到醬油。燒既野食外，另外有熟食，上菜上得都快。除了上菜快，侍應動作都快，人手都夠，好快咁幫你換鐵板。然後是衛生問題，睇個廁所，簡陋同時清潔不足。7個人任食係飲，每位唔洗$200，食物整體質素也ok, 不能要求太多。…Read More

位於旺角彌敦道商業大廈的一間韓燒，非常方便。在疫情期間食韓燒都有點擔心，但決定同朋友即管一試。很特別的是，我與友人食完之後都竟然無任何覺得熱氣，相信同呢間韓燒提供既服務有關！一入去未坐低店員已經馬上為我地探熱，環境非常安全。另外，呢間韓燒提供一塊大白蘿蔔讓我地清潔燒過肉，滿是燒焦的爐面，而且飲品仲有涼粉爽，食完除左飽無任何熱氣唔舒服既感覺。講番食物，呢到唔單只有常規的燒肉，仲有例如扇貝，生蠔，蝦既海鮮，特別係燒生蠔非常好味！唔腥帶鮮味，連我平時唔食生蠔既朋友都覺得好味！另外，呢到仲有各種味道既炸雞(柚子，原味，韓式辣), 以及我最鐘意食既辛辣麵！真係第一次見韓燒有辛辣麵，大食既我陪住燒肉食左兩碗！最後講番燒肉，如果好肚餓係咁點牛肉就岩！好食又薄，非常快熟。…Read More

今天放工，專程出旺角和朋友敍舊，因為朋友要去外國生活一排，所以豪豪佢食餐放題farewell飯。依加肺炎咁勁，出街食飯真係揾命搏，朋友專程簡左間乾淨衛生既韓燒餐廳。依間餐廳一至四任食$110分鐘$258加一，openrice book位有七折，不錯。首先我地入去前要量體温，無發燒先可入去，門口也有handrub比客人使用。店員均有配帶口罩，執枱時也會噴清潔劑，確保下一手可以用乾淨既枱。衛生滿分。我地係入面坐了圓枱，坐得鬆動，和其他枱距離也遠，感覺無咁易同其他人感染。幾好既安排～我地入坐時，店員送上前菜：泡菜、芽菜同海帶。也介紹了自助吧區（自助醬料和自助飲品）自助醬料區有海鮮醬、燒汁等等。自助飲品種類都唔錯，有可樂同韓式樂天飲品。餐牌方面就真係豐富，有肉類、海鮮、菜和熟食。好正，不過注意每樣每次最多只可叫六件。我好肚餓，所以一到埗叫左一碗粉絲同烏冬食左先。份量都好大，粉絲味道好好，炒得乾身，烏冬配上些蘿蔔同洋蔥絲，湯底清，好好食。朋友就幫手叫左其他野食，我地總共叫左三轉，叫左啲牛肉如牛扒、五花肉，豬肉如豬頸肉、五花肉等。肉類醃得幾好，肉質燒出黎幾好。推薦五花肉！海鮮就叫左啲蠔、扇貝等。比較燒得耐先熟，不過也好食。推薦帶子，比較快熟且好味。蔬菜，我地每款都食左少少。品質唔錯。熟食我地試左粉絲、烏冬、紫菜飯同湯。每樣都好食，但注意份量較大，想淺嚐既朋友要留意。小食方面，都好超班，我地試左炸雞、餃子同魷魚，每樣都似即炸，幾好食。臨last order也比左甜品紙，我地食得太飽，只吃了一碗西米露。總結，此餐廳上菜速度不錯，各類野食也無伏，幾好吃，衛生也好好，若大家抗疫也想食，絕對可考慮。…Read More

次次都係一耐冇食一樣野就短時期內不停食，前幾日食完日式燒肉，今日就嚟食韓式燒肉，睇中佢有生蠔、扇貝、帶子、、炸雞、水冷麵等等，加上餐廳轉型前食過覺得好食，味道對我嚟講有保證，所以又返嚟食啦！環境彌敦道726號成棟都係餐廳咁制，都試過當中幾間，呢間「Running燒」係幾年前黎食過，果時係食單點韓國菜，估唔到已經變成任食燒肉店。餐廳唔算好大，但都坐得舒適。價錢特定時段有優惠，而我地嚟就食Running燒任食110分鐘 $258+10%。點餐紙免費項目3張紙，另一張係加錢飲品類別。餐廳提供一塊生蘿蔔，用以比食客清潔鐵板，我食咁多次燒肉都係第一次見，幾特別。牛/豬/香腸基本上所有牛既款式都點匀咁制，大部份都已經調味，當中醬汁牛五花肉、烤肥牛等醃得入味，火力夠，燒幾下已經食得，唔擔心會有老既問題。而豬方面，有較少見任食燒肉店有嘅豬頭枕，姐係豬勁脊肉，仲有回本既黑豚豬肉，唔少得韓式燒肉必不可少既五花肉等等。豬類既色澤都好靚，紋路清晰，肉質實而不韌，五花肉又唔算太肥，包生菜食啱啱好。至於香腸就正常冇特別。雞/羊雞翼好貼心地已經開左邊，方便煮熟，同樣本身有調過味，皮燒至焦黃再食，值得encore！仲有辣味雞肉、雞腎，後者夠爽口。有我鍾意食嘅羊肉，雖然得羊脾肉同香草羊西冷兩款，但羊味突出，頗夠羶香，都滿足到愛羊之士。海鮮揀呢間餐廳嘅原因之一仲有$300唔洗有得任食海鮮，當中最回本嘅心數係生蠔！仲有帶子、扇貝都係任食！生蠔好大隻，都洗得夠乾淨，冇乜腥臭味，食左4,5隻，而帶子就要比較有技巧地燒，否則好易痴底，要加比較多油同不斷翻面燒，都幾彈牙，扇貝、大蝦就正常。麵/飯/湯/小食叫左個什果沙律，估唔到咁大碗，份量驚人！少見放題有水冷麵食，所以就算咁飽肚都叫咗碗，有用冰挫底，夠凍夠開胃。亦試左炒粉絲，算入味，不過有幾條未熟。不能不試炸雞，估唔到外脆內嫩滑，而且味道十足，放題界中較高質嘅炸雞！總括而言，韓式燒肉店$300唔洗一位，價格合理，肉類大部份都已調味，所以唔會有味淡問題，最尾仲送每人一條雪條，捧住個肚走吖！…Read More

呢排天氣咁凍，緊係要去圍爐取下暖啦。今次黎旺角試呢間韓燒放題！其實之前已試同同事食過，佢同普通既韓燒有少少唔同，佢舖面相對較細，所以人無咁多的，無咁大壓迫感，舒服d！呢個場既裝修同氣氛相當年輕，一入門口已經係好強既泡菜音樂，睇住兩個大電視不斷播住泡菜mv，胃口都好d！不過傾計就要大聲d啦！我認為一間韓燒好定壞，係有3樣野需要考慮既，首先係"架餐"。呢間running燒爐具新淨，夾呀，油樽呀無油淋淋既感覺，佢既吸油煙機亦相當強勁，最正係臨走前可以用佢地提供既消臭噴霧噴一噴，即刻咩味都無哂其次就係佢既"醃料"，食韓燒，我就係個廚師！好唔好食就係睇佢既肉醃得夠唔夠，入唔入味，係呢個全部冰鮮急凍既年代，d肉都無話新唔新鮮。我幾鐘意佢既辣味醃料，少少辣零舍開胃，加上自由斟既蒜油豉油，夠哂滿足！另外仲有大量飲品選擇，唔驚口渴！第三就係服務，可能鋪仔細細既關係，人手好足夠，除左落單上菜快之外，職員都好貼心，換鐵板故之然唔會托手踭，甚至見到我地燒唔掂，主動問我地換過個好唔好，值得一讚！另外，佢地都有提供蘿蔔比我地做簡單既清潔，當堂襟玩好多。綜合呢3點，我絕對推薦大家食呢間韓燒，另外佢既小食都好豐富，泡菜，水冷麵，炸雞等一應俱全，我絕對會一戰再戰！…Read More

食過一次番尋味，晚市抵係因為有海鮮燒，鍾意海鮮既朋友唔好錯過。肉類，韓式小食亦唔錯添。海鮮有好多種選擇，每款都好新鮮，必食生蠔，扇貝，燒酒蝦。生蠔，扇貝好大粒，燒熟後冇咩點縮水，仲係脹卜卜，一咬就流汁。燒酒蝦熟後，香濃既酒味滲透入蝦肉裏面，令肉汁更醉人。肉類都係普遍有既牛肉，豬肉，雞肉，羊肉。今次個碟有間隔，方便多。尼個setting好過上一次。雪花牛仔肉，賣相好吸引，雪花紋路好清晰，每面輕輕一燒就熟，充滿住牛肉既鮮甜。醬醃春雞脾肉，好大件，但因為係雞脾肉，所以燒完仲好嫩滑，醃醬唔會太濃味。青陽辣雞粒，細細粒，辣味夠，一口一粒好正。熟食方面叫左一碗水冷麵同炸雞，炸魷魚鬚。水冷麵涼浸浸，配埋熱辣辣既燒肉，特別好味。飲品都係罐裝為主，想飲酒既可以寫紙order，另外加錢，有各款啤酒，燒酒，梅酒。最後會送甜品，我叫左紅豆西米露，食到飽飽。…Read More

再次同朋友黎食韓燒，抵食又好味！午市、晚市7:20pm前結賬、或9:30pm後入座，都做緊7折優惠，今晚計番每人都只係$175，就可以任燒各款海鮮同肉類。海鮮種類非常多，有生蠔、扇貝、帶子、大蝦、燒酒蝦、多春魚、魷魚鬚、魷魚圈……落單之後，好快就送上黎，擺盤有心思，睇上黎好新鮮，樣樣都大大隻，輕輕燒熟一食，好爽口清甜。牛肉有肥牛，薄薄地，好快就燒熟，肉汁好香甜。其他部位好似牛肋骨、牛柳粒都唔錯，醃咗少少，但唔會搶去牛肉原來嘅味道。豬肉特別推介豬頸肉、豬腩肉，肉汁非常豐富，而且好厚，好有口感。雞肉有調味雞肉、辣味雞肉，調味果款有少少鹹，辣味果款就剛剛好。羊肉有羊脾、羊西冷，我比較少食呢啲部位，原來係咁好味，唔會好膻。燒到咁上下，可以叫啲粉麵飯同小食。我叫咗一份炒年糕，好煙韌，個辣醬好濃郁，之後用黎做燒肉嘅蘸醬一流。又叫咗柚子味炸雞，甜度適中。最後有甜品，我揀咗椰子雪條，燒完野食食啱啱好。中途想飲飲品可以係櫃度任拎，可樂、汽水、水果茶……非常抵食既韓燒放題！…Read More

今晚同朋友食飯，知道朋友鍾意食韓燒我地就去旺角，因旺角好多選擇又可以去行下街。餐廳裝修幾得意，牆上畫上好多得意的公仔，每張枱都有條桐管來抽油煙。有個飲品櫃任飲，仲有個醬料區自己拎醬汁韓燒竟然有生蠔燒仲要是任食有好多海鮮燒有：帶子，大蝦大大隻好爽口，扇貝又大隻，生蠔又大隻又新鮮。肉類又多有豬頸枕，厚切豬腩肉，牛肋骨，牛柳粒豬皮，西施牛肉片，雞腎等。燒完先全部都好好味。有蔬菜燒茄子🍆，雞脾菇。炸魷魚鬚外層粉好薄又炸到好香口柚子味炸雞肉質嫩滑又香口，炸餃子🥟又好美味可口。炒年糕甜甜辣辣又有咬口。最後埋單可以自己選擇一種口味的雪條。…Read More

好耐冇食韓燒了，肉肉肉肉😍😍看看價錢啦！今日係星期三，我地係任食110分鐘 $248點餐紙，其實仲有2張係for 自費酒架！我地就唔叫啦 所以冇影肉來了 ，排到幾靚啊！打個卡先其實仲有前菜！哈哈，個人幾鐘意佢個泡菜！而白蘿蔔大家唔好食呀 佢係用黎洗個「獲」架！我地洗到咁燒肉啦！除左肉都有幾種海鮮，試試佢個人覺得最讚嘅係d蝦！而蠔都不錯！但呢2樣野加埋蒜蓉就perfect所以大家記得自己去拎醬同蒜蓉佢都有野飲任飲呀 都算多選擇。最後每人有一樣甜品我叫咗呢個！！個人覺得有一點唔好嘅就係佢太早送黎 d野食都未燒好，搞到有少少溶咗食得有點狠狽！其他都不錯呀。。。。 下次可以再黎食過…Read More

好耐冇黎RUNNING燒啦~~記得第一次黎係之前攪團購果時...事隔N年LEE度既水準仲keep住lee度既肉頖都好新鮮同埋唔會因為夜左份量縮減，唯一應該係飲品fill唔切﹗炸物即點即炸，炸魷魚鬚同炸雞都好味﹗我個人覺得帶子真係必encore item﹗任食韓燒~推介點﹗…Read More

同朋友喺旺角行街，行完街搵間韓燒舖，因為都有一段時間冇食韓燒啦。朋友話之前試過呢間，今次帶我嚟試下。餐廳係一幢有好多餐廳嘅大廈入面，平時唔係好覺眼，今次第一次到，原來真係選擇豐富同埋各種嘅美食應有盡有。等咗一陣，好快可以入座。雖然係食韓燒，但係唔會感覺好大陣油煙味，坐得都幾舒服，唔使同人搭枱。1) 生蠔 (⭐⭐⭐⭐⭐)估唔到食韓燒店都有生蠔食，叫咗好多生蠔。生蠔大大分，一齊放落去燒真係好有霸氣，打卡一流。生蠔嘅味道新鮮，可以一試。2) 炸魷魚圈 (⭐⭐⭐⭐⭐)炸魷魚圈係另一個亮點，當韓燒食物未嚟到，食住魷魚圈先。炸魷魚圈熱氣但係好好味，啱啱炸起，熱辣辣，真係幾喜歡，仲encore咗幾次。3) 肉類 (⭐⭐⭐⭐⭐)有唔同款式嘅肉類，牛肉、豬肉、雞肉等等，各有口感。個人喜歡豬頸肉，燒豬頸肉最正嘅。今次呢間韓燒店，我覺得雞翼都唔錯，幾香口。4) 韓式拉麵 (⭐⭐⭐⭐⭐)喺傳統嘅韓式辛辣麵，見到隔離枱點咗好吸引，我都想點。冇想像中咁辣，麵身煙韌，咬落幾有口感。拉麵放喺最後食比較好啲，因為始終都係主打韓燒，但係如果食完韓燒未夠飽嘅都可以試下。食咗個半鐘都食到超飽啦，結束咗美味嘅一餐。…Read More

返工呢排好悶，都係返工等放工，所以諗住見下舊同學，食餐飯咁，佢好鐘意食海鮮同Kpop，所以就試左呢間Korean bbq。一上到去就見到好特別既裝修，我自己幾鐘意呢種感覺，感覺幾舒服，有一種幾relax ge feeling，d 有number 既凳仔好似我細個係工廠返工暑期工果d，好有親切感。等左一陣位入到去啦，用膳時間係一百一十分鐘，所以諗住回本既我地要點左最鐘意食既海鮮先，呢度海鮮種類都幾多有貝類，魚類，蝦類。一般Korean bbq 都只會有魚同蝦。重點係呢度有生蠔叫呀。呢個一定唔可以錯過。話咁快就有海鮮食，一口氣把所有海鮮放係燒板上面燒，果種真係幾正。係呢個時候，我地都爭取時間，叫左小食同一個沙律。韓式炸雞幾高質，外脆內滑，幾juicy，唔會有一早炸起既感覺。至於炸鍋貼都唔錯，餡料幾足料，都有肉汁，唔會入面好乾，仲有我鐘意既炸魷魚鬚，都有返咁上下水準，的確係等海鮮燒熟時食既小食。沙律都幾大碗下，係兩至三人份量，可能同我地寫既人數有關，沙律菜望落去幾新鮮，食落去冇苦味，而dressing 呢係有小小辣既，雖然食唔出係用左咩sauce 去調出黎，但係整體感覺同沙律菜幾Match 值得一試。等左咁耐，終於都熟啦，鯰魚柳幾滑，幾彈牙，帶子，扇貝，同蠔都食到有鮮味，個人最鐘意有少少燒烤焦既感覺，配合埋自己整既醬汁，真係唔錯，而燒魷魚圈配少少辣汁就更加惹味。海鮮一定要再encore 多幾次，除此之外，我地都叫左d 紅肉類，質素亦不錯，每次黎份量都幾多，可以慢慢燒，慢慢食。臨走時，每人都可以叫一支雪條做甜品，我叫左melon flavour，呢隻係出名好食既雪條，雪條蜜瓜味濃，有少少軟綿綿的，好正呀...…Read More

呢間韓燒裝修走型格工業風，有粗獷 o既牆身、嵌o左鐵線o既磨砂玻璃、黑色o既鐵框同鐵絲網，仲有鐵桶做凳(有箍筍o既，d 凳可以打開揼d 袋入去)，令到d 抽氣管巧妙地完全融合o左o係個整體設計style 入面。鋪頭細細，無乜油煙，感覺好乾淨。一邊有兩部大電視，其中一部成晚環迴播住K-pop mv，睇住d 囡囡勁歌熱舞，食慾都大增啦！什菜沙律最早o黎，超大o既一碗(見圖中同筷子o既比例)，最初我expect 就是平時出去食飯跟餐一個飯碗仔咁dur dur……不過今日會食咁多肉，都要啪番d 菜平衡下o既。等肉熟，食住d 小食先。韓式炸雞少不免一定要點啦，仲點o左炸餃子同魷魚鬚。呢d 炸物真係好高水準，強烈推介，最初我以為係咪自己未有其他o野食覺得肚餓咋﹖但之後特登點多一round，真係好好食，一d 麵粉/油膉味都無，充滿鹹香，值得一試！ 燒肉食得喇，雪花牛仔肉油脂分布均勻，厚切豬腩肉好juicy，燒完都唔會成舊乾爭爭鞋澀澀咁。豬腸豬耳呢d 比較冷門o既o野都有得食，特別鍾意佢d 豬腸，鹵水汁醃得好入味好正呀！海鮮係是次晚餐o既重點之一，佢d 海鮮只有晚市先有得食o架。大蝦大大隻啖啖肉，扇貝好香滑，魷魚圈煙煙韌韌。龍脷柳都唔錯o既，大家燒時要落番多d 油，如果唔係會好似我咁黐底之後想起番佢出o黎結果舊魚散開晒……扇貝同生蠔都係任點任食！不過燒o既時間亦相對會耐一點。飲品雪櫃有lotte 忌廉梳打、芒果同蘋果汁等等，亦有其他soft drinks 同茶；如果想飲酒類飲品則要另外order (另外收費)，提供韓式汽酒、梅酒、啤酒、燒酒等等。最後每位客人會送一款甜品，芒果、蜜瓜、椰子味韓國雪條或者時果西米露四選一，點o左蜜瓜雪條。雪芭o既質感，奶香滑膩，蜜瓜清甜。鋪頭職員服務態度幾唔錯，下次可以再幫襯。…Read More

原定跟好友出去BBQ的，但因為下雨天的關係所以取消，但BBQ癮起…無論如何都好想去食燒肉的我們決定轉戰去韓燒。剛好在網上看到有人介紹說旺角有間放題形式的韓燒…嘻嘻~完全附合我們這班為食仔女啦! 限時110分鐘內只要比$228/位(價錢是分時段而定的，有加一收費) 就可以有多款食物選擇…任食唔嬲，感覺上很抵食…而如果9:30pm後入座的話仲有全單7折優惠添，其實真係幾抵食。一共有3張落單紙，選擇雖然不算有很多，但基本的牛類、豬類和雞類也有，另外還有羊類、多款海鮮以及蔬菜和熟食等…，一律任食。飲品方面以汽水和韓國果汁為主，但我個人特別欣賞的是有350ML的解茶供客人自取。對於主打食比較偏油膩的韓燒搭配解茶真的是首選!第一輪點的一定是肉類，因為實在超餓！肉類方面：牛類推介牛助骨和牛肉片，牛味不會很重但味道好好而已好軟嫩，一點也不會覺得韌；豬肉的話就是豬頸肉，食落爽而不油膩，還有豬腸也很不錯喔；雞類方面特別推介的一定是雞腎…超爽口而且惹味，另外雞翼也很好食…而且還貼心地幫雞翼開邊，易燒之餘仲好易熟添。海鮮方面選擇算是不少了，有海蝦、生蠔、帶子和扇貝等等，而且全部都好新鮮，海蝦算幾大隻…蝦肉好彈牙。生蠔不算肥美但味道不過不失，而且有好香的海水味。也許很笨…但韓國辛辣麵和炒粉絲我覺得都一定要食的，炒粉絲味道好正而且不太油；而辛辣麵的話…因為每個人的口味不一，所以建議跟職員說明調味粉分開上會比較好喔。最後當然是甜品，同樣是韓國的MELONA雪條。整體來說以約$250/位的價錢可以任食這麼多種類的韓燒其實也算抵食，而且味道都在水平之上，值得一試!…Read More