Prawn Restaurant

今晚收工去觀塘開源道既流水蝦食燒烤，主題係自己係個位隔離魚缸度即夾即燒生猛大頭蝦，任飲任食2.5小時，平日晚市黃金時段6到10點，成人每位折實連加一$312。呢度既特色係可以睇住新鮮生猛游水蝦係你旁邊游水，而你可以將佢地即夾即燒，包新鮮，要成功夾到都有少少難度，d蝦游得好快，都幾好玩。先放喺冰上面整暈佢，之後先燒，啲大頭蝦係冰上面彈吓彈吓。服務員開爐之後就放低一打椒鹽大頭蝦喺個爐上面。不過我都係鍾意自己夾自己燒好玩d，食落都好似好食d新鮮d。價錢包海鮮船同美國Prime級牛肉。海鮮船有連殼鮑魚兩隻：極度新鮮彈牙鮮甜；連殼扇貝兩隻：肉就難離殼少少；連殼蜆9隻：質素同自助雪櫃既差唔多，可以隨便加添；白鱔兩塊：雖然非常迷你，不過我燒到好脆皮又燶燶地，極度美味。美國Prime級牛肉有牛6塊，係兩塊圓形大切割加4片長形切割，唔洗燒到全熟，食落好淋又濃牛味，唔洗點醬汁都夠好食，而且厚薄適中，有口感。今次呢d牛肉片質素特別好！牛粒4粒，肉汁豐富牛味濃，不過要咬。自助雪櫃有多款海鮮同肉類俾你自己夾黎燒。多款蔬菜。熟食有自助炸物，包括蝦片，魷魚圈，餃子，雞塊，雞翼，薯角。自助熱食有兩款，包括芝士西蘭花同焗大頭蝦。仲有湯。沙律有沙律菜同車厘茄俾你自己攞。水果有西瓜粒，同兩款蜜瓜粒。西瓜多汁又甜又夠凍，好解渴。自助甜品有馬卡龍，日式和菓子，泡芙，朱古力糯米糍，朱古力蛋糕。細杯裝雪糕：呢度雪糕係Cocoberry牌子。細細杯又輕飄飄，食多幾杯都無問題。包裝雪糕球用膠袋包裝嘅Cocoberry牌子雪糕球，曲奇忌廉好好味，同大路牌子味道差唔多。自助飲品櫃有汽水，兩款韓式樂天罐裝飲品，王老吉，冰紅茶，烏龍茶，各款楊協成，多款包裝果汁等。6色調味架自助。今晚個爐好勁，食物烤熟速度快過食既速度，我食咗個半鐘就飽。大大滿足！…Read More

好耐之前香港都流行過釣蝦場，我玩左大半日係一隻蝦都釣唔到嘅🥲。。。但依家越來越多流水蝦放題燒烤，包你夾到蝦，試到新鮮燒烤大頭蝦仲可以食到飽！每枱會包一隻海鮮船，牛肉拼盤。海鮮類有鮑魚，青口，大扇貝，蜆，鱔片，青花魚，秋刀魚，多春魚，墨魚仔，魷魚等等。肉類有自家醃製嘅牛仔骨，牛柳，BBQ豬扒，雞翼，雞腎，雞軟骨，雞肉串，蜜味雞扒，仲有冇醃製嘅豬肉片，牛肉卷等等。蔬菜類及丸類，大部份諗到嘅都有。飲品特別有清熱飲，等你燒完野食都冇咁熱氣。一次過就食到流水蝦+燒肉放題。其中流水蝦好乾淨，D蝦夠大隻又有蝦膏，蝦子。燒肉肉質及調味都不錯，而且地點方便，未試過食流水蝦燒烤可以一試。鍾意佢嘅甜品，其中有榴槤雪糕，仲有馬卡龍，Brownies，cream puffs。…Read More

大家成日都話成 #流水蝦 究竟有咩咁吸引呢？！今日我知道啦🤣🤣原來又有得食 又有得玩🥳🥳枱與枱之間又魚缸間隔 兩旁嘅食客就可以知道捉🦐啦～邊食仲可以邊睇著啲蝦游嚟游去😂😂入坐後 先嚟 #海鮮船 及 一盤 #美國prime級牛肉海鮮船有四款海鮮～ 扇貝、鮑魚、沙白、海魚件另外，出面仲有雪櫃 有多款任食配料肥牛、蠔、墨魚、雞翼。。。等等另一邊就有熟食同小食～芝士焗西蘭花、炸雞翼、炸魷魚圈、麥樂雞。。。等等主角當雞然係🦐🦐🦐🦐🦐佢地採用 #大頭蝦 所以蝦頭好多膏若你揀中蝦乸 蝦膏仲多 蝦身都有雖然啲蝦唔係好大隻 🤔屬中size啦所以剛剛好一啖一隻😋而且好新鮮 肉質好彈牙飲品櫃任飲 比較特別嘅有呢四款～小編就偏好 #白桃烏龍 甜品就主要係雪糕🍦當中呢款 #雪糕球 唔錯喎～有四隻味💁🏻‍♀️榴槤 朱古力 豆腐 芋頭款款都咁正 記得要留quota🤭依家佢地做緊8️⃣5️⃣折優惠 晚上有早鳥同黃金時段 折後💁🏻‍♀️星期一至四早鳥 1700-1930 成人$274 小童 $179黃金1800-2200 成人 $312 小童 $208星期五、六、日、公眾假期及前夕早鳥 1700-1930 成人$322 小童 $208黃金1800-2200 成人$360 小童 $227成人生日 仲有四位可享一位半價…Read More

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️即夾即燒流水大頭蝦 5/5夾既過程超級好玩😍 一邊夾d 蝦一邊逃跑😆特別係頭大，而且呈橙色嘅蝦！蝦膏好多好好食☺️非常幸運，捕捉到抱卵既蝦😎😎有蝦籽食😆每隻大約燒5 分鐘，中途反一反轉就熟度岩岩好😍唔洗加調味料，鮮味滿分！海鮮船 4.5/5船上有大鮑魚，扇貝，沙白，鱔！扇貝配上牛油蒜蓉燒～ 美味非常！沙白鮮甜☺️鮑魚彈牙！prime 頂級美國牛肉拼盤5/5牛柳粒入口即化😍果然係頂級！在場仲有青口、生蠔、馬友等各種海鮮😍雪糕口味好多！有榴連味、芋頭、芒果、乳酪、朱古力等等☺️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️…Read More

新一年要開心🥳蝦蝦蝦🦐🦐🦐每張枱既座位🛋旁邊有蝦缸🌊即夾🥢即燒🔥既新鮮游水大頭蝦🦐~•~•~•~•~•~•~•~•~•~•~•~•~•~•~•~•~•~•~•  🔸 任飲任食𝟐.𝟓𝐡𝐫𝐬 🔸(唔同時段價錢💰唔同， 可參考以下圖📝) ▪野食 ▪️頭幾款會由店員送上🙇🏻‍♀️包括💁🏻‍♀️▫️椒鹽大頭蝦🦐 勁多隻，店員姐姐會幫手排晒係爐到燒🔥(加左椒鹽好惹味，冇過鹹😝) ▫️海鮮船⛴ ：𝟐隻扇貝 • 𝟐隻鮑魚  •  幾隻蜆 •  𝟐件白鱔 (貝殼類🐚既海鮮 : 我地仲自己加左蒜蓉🧄 • 辣椒仔🌶調味先燒) ▫️美國𝐏𝐫𝐢𝐦𝐞級牛肉🐃 : 𝟐款係片 • 𝟏款係粒粒 (全部都好淋，唔韌🤓)  . ▫️游水大頭蝦 🦐每張枱座位🛋隔離都有流水蝦既蝦缸🌊客人可以自己夾🥢自己燒🔥蝦🦐好生猛，彈彈跳。 雖然唔係隻隻蝦頭都有蝦膏,  但一有就係滿滿個種😏. ▪自助區 ▪️▫️野食 生料 : (肉類🥩 • 海鮮🌊 • 丸類🍢可以自己夾) ⚠️ 記得出去拎野食要😷戴口罩 ⚠️ 生蠔🦪(要燒熟) • 青口 •  蜆 • 原隻魷魚🦑 •  墨魚仔🐙 •  鯖魚… 肉類🥩 : 豬🐖 / 牛🐃 / 雞🐓 / 肉串燒🍢都有，有調味 • 醃好晒😌丸類🍢 : 牛丸 • 包心丸 • 蟹棒 • 腸仔 • 午餐肉…… 蔬菜/蔬果類 : 翠玉瓜🥒 • 粟米🌽 • 冬菇 •  金菇 • 娃娃菜🥬  •  菠蘿🍍…… 💕特別推介💁🏻‍♀️ 乳酪多士🍞(自己改既名)，面頭加左糖🍬𝟐面都輕輕燒🔥到焦香，食落甜甜地😝. 熟食 : 芝士🧀焗西蘭花🥦 • 焗豬扒飯🍛 • 炸物✨(蝦片 • 咖哩角 • 春卷 • 麥樂雞) . ▪️野飲 • 甜品 • 生果▪️▫️野飲 任飲❣️汽水 • 包裝果汁• 無糖茶 • 涼茶… .▫️甜品雪糕🍨任食❣️𝐂𝐨𝐂𝐨𝐁𝐞𝐫𝐫𝐲🇭🇰香港製造🇭🇰有杯裝 / 雪糕波波😙比較特別既味道有榴槤 • 沖繩海鹽🧂 • 菠蘿椰子🍍🥥 • 紅豆 雪櫃❄️仲有泡芙 • 𝐌𝐚𝐜𝐚𝐫𝐨𝐧 • 和菓子 • 朱古力蛋糕仔… .▫️生果 : 西瓜🍉 • 哈密瓜 • 密瓜 (用有蓋杯裝好晒，全部都勁甜) .  ~•~•~•~•~•~•~•~•~•~•~•~•~•~•~•~•~•~•~•  🔺 店員姐姐會定期幫我地清🙇🏻‍♀️裝蝦殼既桶仔🗑🔺爐火🔥好夠力，記得夾蝦🥢時都要留意👀住，唔好燒燶野呀🤪🔺枱面有唔同調味粉🧂 (孜然粉 • 黑椒 • 辣粉 • 鹽) ~•~•~•~•~•~•~•~•~•~•~•~•~•~•~•~•~•~•~• …Read More

流水蝦係泰國食唔少 呢個新模式都傳入香港了💁🏻‍♀️見到網上評論褒貶不一 今次就一探究竟！最抵食嘅係星期六日嘅午市 人頭$245對於放題嚟送價錢算係比較相宜至於一至四晚市$279 五六日晚市$3227點半前離座仲有早烏優惠🐤一至四$245 五六日$288 (以上所有價錢折後包加一)同一般放題一樣店員都比較忙碌😂以下幫大家做定功課先😎 店內分左兩個區域 👉主區域放置咗其他可以燒嘅食物人流多啲 見到蝦量非常充足👉副區域人流比較少安靜啲 要行過隔離拎嘢食.🎈生猛大頭蝦 蝦係屬於無限量供應 即夾即燒一坐低店員就會放上一排調味好嘅大頭蝦因為夾蝦過程真係需時😂😂😂大頭蝦質素ok 不時都見到有蝦籽同蝦膏🦐店員有定時係缸入面加冰 確保返水缸溫度唔會熱親啲蝦 但難免有啲暈左🧐大部分嘅蝦都係非常生猛 係展現男友力嘅好時機😈1️⃣水缸旁有啲夾用嚟夾蝦 要眼明手快夾 啲蝦走得好快好大力真係好生猛😂2️⃣成功夾上嚟之後放係枱上嘅冰桶凍暈佢 記得要㩒實一陣啲蝦好有掙扎😛 會跳出來的3️⃣凍得差唔多就可以用剪刀剪走觸鬚 不過懶嘅唔剪都冇大影響 只會個爐燒斷左啲鬚根😂4️⃣之後就可以落爐燒 想惹味啲可以加啲調味料 變哂橙色就食得了👍.🎈海鮮船 (限量送一份)有扇貝鮑魚同魚每人各一 仲有幾隻蜆🤣鮑魚有殼比較難燒 建議大家剪出離殼要放上爐🧐蜆幾有海水味 燒完咸咸地主區域有得refill蜆添！其他就只有一份.🎈美國Prime 級牛肉 (限量送一份)得一份嘅Prime 級牛肉😂有牛肉粒同薄燒嘅牛肉 每樣有少少係放題質素嘅牛肉 入到口唔會肚痛的🤓.🎈其他放題食物 {以下係任拎的)👉海鮮: 有成條魚 蠔 蜆 魷魚等👉肉類: 有照燒雞串 雞軟骨 豬肉 牛肉等 款式都算齊全👉丸: 常見既丸類都有 仲有腸仔蟹柳等👉甜品: 海量雪糕同雪米糍👉飲品: 飲品櫃有大約10款飲品 基本可樂7喜都係任拎.🎈總括而言呢個新形式係幾得意既😂有得食又有得落手落腳捉蝦工廈區環境就唔會話特別舒服 不過位置都鬆動 可以比你大展拳脚🤣…Read More

幾個月前試過呢間流水蝦，覺得好新奇，今晚收工又去返尋味！呢間流水蝦位於觀塘開源道，係食燒烤放題，任飲任食2.5小時，平日晚市黃金時段6到10點，成人每位折實連加一$279。流水蝦當然主打流水蝦。即係自己可以係個位隔離魚缸度即夾即燒生猛大頭蝦，自己用夾夾啲蝦上黎，先放喺冰上面整暈佢，之後先燒。叫得大頭蝦，果然蝦頭又大又有好多膏又多汁，雖然身體就細細隻，肉質好嫩滑，蝦殼又香又脆，仲有蝦籽食。啲大頭蝦堅生猛，到後期啲冰融融哋唔係好整得暈啲蝦，啲蝦直頭喺個熱爐上面彈吓彈吓。首先服務員放低11隻椒鹽大頭蝦喺個爐上面，椒鹽味調得好，好香但係唔過鹹。蝦殼好脆，某啲蝦頭仲有橙紅色嘅膏㖭。仲送海鮮船同美國Prime級牛肉。海鮮船賣相幾靚，有以下海鮮：連殼鮑魚兩隻：非常鮮甜嫩滑連殼扇貝兩隻：鮮甜又唔太韌連殼大蜆兩隻同幾隻細蜆：鮮甜不過太迷你 白鱔兩塊：雖然非常迷你，不過彈牙又鮮甜美國Prime級牛肉美國Prime級牛肉有牛7塊（如果個爐頭勁d，快熟d會好食d），同牛粒7粒（肉汁豐富牛味濃，不過要咬）。今次被安排坐喺另一個場，都有飲品同雪糕櫃，不過其他食物要行去隔離主場攞。海鮮同肉類除左以上食物，自助雪櫃有海鮮同肉類俾你自己夾，包括青口，蜆，魷魚，秋刀魚，鯖魚，墨魚仔，章魚，肥牛，豬肉，豬肋骨，雞肉，唔同調味嘅雞翼，串燒，蟹柳，9款丸類，腸仔，午餐肉等。今次居然見到有蠔食，手快有手慢冇。雖然啲蠔好似雪到好實，不過味道唔錯，如果質地可以實啲仲好。今次居然有椒鹽雞軟骨，好香脆又唔過鹹，又易熟，我哋大量燒黎食。當然都有蔬菜，包括娃娃菜，金菇，雞脾菇，啡菇，茄子，翠玉瓜，秋葵，粟米，紫薯，蔥，金菇肥牛卷，另外仲有麵包，菠蘿。娃娃菜同金菇用錫紙包住，加左少少蒜蓉汁調味。自助炸物有六款，包括好香脆既蝦片，魷魚圈，餃子，雞塊，春卷，三角雲吞。自助熱食有兩款，包括香腸同芝士焗豬扒飯。但求等食物燒熟又肚餓時，可以頂頂肚。仲有湯同白飯。沙律有大大兜新鮮沙律菜同車厘茄俾你自己攞。水果有西瓜粒，蜜瓜粒，同哈蜜瓜粒，質素正常。自助甜品有好多款：馬卡龍：至少見到五款口味，包括士多啤梨，綠茶，雲呢拿，朱古力同檸檬，質素好好，外脆內煙韌，唔算太甜，層果沾都幾厚，喜出望外。日式和菓子兩款泡芙朱古力手指泡芙 朱古力糯米糍朱古力蛋糕包裝雪糕球：用膠袋包裝嘅雪糕球，有5款口味，包括榴槤，熱情果，朱古力，雲呢拿，曲奇忌廉。曲奇忌廉好好味，值得encore嘅雪糕。另外仲有4款細杯裝雪糕，包括比利時焦糖餅，芒果，冲繩海鹽，菠蘿梛子。菠蘿梛子好正，味道好自然，值得encore。冲繩海鹽係海洋嘅藍色，少少鹹，味道適中。比利時焦糖餅焦糖味好重。芒果味似牛奶公司。水果同甜品都係一兜兜用有蓋膠盒装好，唔環保不過好衛生又易攞。自助飲品櫃有汽水，各款韓式飲料，王老吉，各款楊協成，多款包裝果汁等。有6色調味架自助，不過我哋冇用到，都係食食物本身鮮味就夠。枱上面有三色調味料，膠手套同紙巾，方便衛生。呢餐係幾好玩既，2個半鐘必夠食飽。冷氣好勁，吹正我哋個爐，如果個爐勁啲就好啦。…Read More

趁住開學日我收工去左試新餐廳（其實根本無關係），地點係位於觀塘開源道既流水蝦。聽個名唔會知道係食燒烤放題。由於Openrice既資料實在係太少，等我寫個詳細少少既食評啦。餐廳細細間，一共十張枱，是日全場滿座。食物櫃分佈喺唔同角落，唔洗同人爭。一入到去就聞到好香烤蝦殼味，攪到我口水直流。任飲任食2.5小時，平日晚市黃金時段6到10點，成人每位$279再75折，另加一。仲送海鮮船同美國Prime級牛肉。叫得流水蝦，究竟係點玩法？原來係自己可以係魚缸度即夾即燒生猛大頭蝦。果然每個位隔離都係水缸，有大頭蝦喺度郁，自己用夾夾啲蝦上黎，服務員提示先放喺冰上面整暈佢，之後先燒，如果唔係佢會喺個爐上面彈出黎。又幾好玩喎！雖然啲大頭蝦細細隻，但係質感好好，仲有蝦籽食，連香脆蝦殼一齊食都得，我唔洗點醬食。首先服務員放低椒鹽蝦11隻喺個爐上面，雖然調左味，食落同新鮮蝦都冇乜分別。海鮮船賣相幾靚，有以下海鮮：扇貝兩隻：好鮮甜，又唔太韌，配蒜蓉好味鮑魚兩隻：非常鮮甜爽口大蜆兩隻同細蜆11隻：超鮮甜同嫩滑白鱔三塊：雖然細細塊，不過又彈牙又多汁，好味美國Prime級牛肉有：牛7塊:：算嫩，兩塊圓嘅牛特別嫩口牛粒7粒：好多肥膏，肉汁豐富，不過要咬除左以上食物，自助雪櫃有海鮮同肉類俾你自己夾，包括：青口：都幾新鮮又唔韌蜆：質素同海鮮船嘅差唔多，我哋主攻呢款海鮮肥牛：牛味濃又唔算韌豬肉：豬味濃又脆脆哋魷魚，秋刀魚，鯖魚，墨魚仔，章魚，豬肋骨，雞肉，唔同調味嘅雞翼，串燒，蟹柳，唔同種類嘅丸類，腸仔等當然都有蔬菜，包括娃娃菜，金菇，雞脾菇，啡菇，茄子，翠玉瓜，秋葵，粟米，蔥，金菇肥牛卷，另外仲有麵包，菠蘿。自助炸物有六款：蝦片：好香脆魷魚圈：仲有少少脆，炸皮又唔過厚，可以餃子雞塊春卷炸雞自助熱食有三款，包括芝士焗西蘭花：可以嘅，唔洗燒就簡單有菜食，方便大頭蝦炒麵：啲蝦就凍左湯：唔知係乜湯沙律有獨立兜裝水果沙律同兩大兜沙律菜，隔離有提子乾。自助甜品原來有好多款：馬卡龍：至少見到五款口味，包括士多啤梨，綠茶，雲呢拿，朱古力同檸檬，質素好好，外脆內煙韌，唔算太甜，層果沾都幾厚，喜出望外日式和菓子：有兩款，都有豆沙餡，煙煙韌韌，都可以喎泡芙：入面啲忌廉好滑，外皮都可以朱古力手指泡芙朱古力糯米糍：好濃朱古力味包裝雪糕球：我第一次見呢款用膠袋包裝嘅雪糕球，有六款口味，包括桃，梛子，曲奇忌廉，榴槤，朱古力同豆腐。我全部都試過，基本上全部都好味，又好滑溜，個人最鍾意桃味。另外仲有一款細杯裝雪糕，不過得芒果味，味道似牛奶公司。水果有西瓜粒，蜜瓜粒，同哈蜜瓜粒，仲有原個水果如蘋果橙。質素正常。水果，甜品同大部份沙律都係一兜兜用有蓋膠盒装好，唔環保不過好衛生又易攞。自助飲品櫃有汽水，忌廉溝鮮奶，檸茶，各款楊協成，其他罐裝飲品等，最正係有多款包裝果汁，我哋只係飲呢隻，當中菠蘿西柚味最好飲。自助調味有6格。座位正常，服務都可接受。呢個地方有呢啲食物質素都幾驚喜，折咗每人唔洗$240，都係一次唔錯嘅體驗。不過油煙味重，抽氣要做好啲。…Read More