Seafood Thai (Closed)

星期六到郊外走走所以選了去屯門行山。行完山後體力耗盡，友人提議不如到屯門三聖吃海鮮，便選了這間泰國風味的海鮮餐廳。首先要喝湯暖下胃，這個海鮮湯充滿媽媽嘅味道。用了好多海鮮包括賴尿蝦，峴，魚，蕃茄同薯仔煲的，非常甜和香濃。之後就來個小食—泰皇芝心蝦丸。新鮮熱辣香脆，切開仲有流心的芝士，麵包糠炸得香脆，放了一會也不會很淋🥰之後終於到到期待的上湯焗龍蝦🦞，龍蝦的肉彈牙可口，每一啖都吸收上湯的精華，每一啖都入味🙂侍應推介了油鹽水煮蝴蝶蚌-的確蚌的外殼很像蝴蝶🦋，油鹽水煮法保留了蚌的原味，本人最喜歡這種煮法。再來是油鹽焗奄仔蟹，蟹膏多得不得了（尖叫）!!!做法把蟹的原味道都帶了出來，不用點任何醬汁亦都非常鮮味，吃到海鮮的新鮮。這個是我最期待的菜色-砵酒焗桶蠔。這是這一餐我最欣賞的食物，做法比較複雜，桶蠔有輕微煎過，完全吸收了砵洒的味道。請看看，桶蠔有多大隻🤗最後來一個總結-白酒忌廉煮花甲烏冬底。這絕對是一個值得加分的fusion菜，白酒味撲鼻，烏冬吸收了白酒忌廉的味道，花甲煮得剛好，為這餐畫上完美句號。…Read More

三聖邨是吃海鮮的好地方，既新鮮又好吃，所以間唔中會跟家人來吃大餐。今天到附近探望親友，親友推薦這餐廳，於是便相約一同到來這裡飯聚。位置在商場外面的一個獨立小屋。店員親切，還向我們推介當天新鮮的海鮮。油鹽水煮蝴蝶蚌形如其名，看起來跟蝴蝶🦋一樣。蚌用上鹽水煮，不用其他調味料，更能突顯蚌的鮮味。白酒忌廉煮花甲烏冬底，食物一到來便聞到很香的酒香，吃下去有很香很香的忌廉和很重的酒味甜味， 配搭起來十分香甜好吃。油鹽焗奄仔蟹老人家較喜歡鹽焗奄仔蟹，因為此煮法最能保留它的鮮味。奄仔蟹味道鮮甜，滿滿的蟹膏，肉實膏香😍啱晒蟹膏痴嘅我。砵酒焗桶蠔超大的桶蠔，肉質肥美，一來到各人都嘩一聲😍！外層焗到香脆，味道甜甜的帶著酒香又惹味，令人食到停不了口。上湯焗龍蝦🦞煮得剛剛好，味道鮮甜，口感有彈性泰皇芝心蝦丸，招牌菜之一，形狀超大。蝦丸用上一粒粒麵包皮包着，切開來滿滿的芝士醬流出來。吃下去有多種層次和驚喜，不但外面炸得香脆，裏面的蝦丸十分彈牙，還有有香濃芝士醬海鮮湯十分足料，而且魚味重。每一道菜份量十足又新鮮價錢合理可以encore…Read More

雖然搬來好幾年了 也是海鮮為食怪但令人驚訝地 身為屯門人沒去三聖朋友們興起 就約了一團去豪擦海鮮菜式幾驚喜 廚師周大媽也煮不出來-🥘海鮮湯沒想到成為今日最愛 鮮味超級濃郁用香煎過的魚 瀨尿蝦大量蜆去熬湯上面嗰盤係湯渣 無哂料連渣都食埋-🦐青山灣焗龍蝦選了龍蝦兩味 焗龍蝦算是特式食法大量芝士在龍蝦表面 焗得非常脆身惹味香口 爽口肉質形成雙重的口感某朋友讚口不絕 我則偏愛原味做法-🦐上湯焗龍蝦上湯食法可算是經典 相對地很清淡然而我就是喜歡蝦有蝦味 甚為欣賞高湯配新鮮龍蝦肉 可恨是分得半隻-🍤泰皇芝心蝦丸在我心中較平凡 因是周大媽拿手菜皮不是糠是麵包炸成 香酥而且鬆化可惜是流心的芝士不夠多 不夠濃味-🦀油鹽焗奄仔蟹油鹽焗也是非家常食法 整體不錯的個頭不大但很肥美 裡面幾乎都是膏-🥢豉油皇鮑魚豉油下得有點重手 擋了鮑魚的鮮味貼心的𠝹花賣相靚而且易咬 鑊氣夠-🥂白酒忌廉煮花甲烏冬很西餐的賣相味道 中西合壁的感覺花甲好澎湃 烏冬滑溜且與酒香好夾愛淺酌的我表示有點驚喜 頗為喜歡-🥢豉椒蟶子皇豉椒蟶子最緊要夠鑊氣 調味夠重味 炸米粉底很吸醬汁 貌似不錯但飽了-🐓招牌炸子雞海鮮全餐也要來個肉吧 叫了炸子雞皮脆肉嫩有飲宴的水準 最後吃清光-整體不錯 想擦海鮮餐可去三聖試試…Read More

今日同朋友們一起入屯門三聖食海鮮今日有房坐,可以慢慢食住債下計了.之後點食品了海鮮湯,泰皇芝心蝦丸,青山灣焗龍蝦,上湯焗龍蝦,白酒忌廉煮花甲烏冬底,香茅瀨尿蝦,咖哩炒蟹,豉椒蟶子皇米粉底.,薑蔥鮑魚煲海鮮湯-材料十足,大量海鮮,鮮味十足泰皇芝心蝦丸-蝦味好濃配合麵包脆,真係美味青山灣焗龍蝦-香口好味,不但香脆而且帶有鮮味上湯焗龍蝦-新鮮原味龍蝦,口口清香可口白酒忌廉煮花甲烏冬底-烏冬吸收晒日月精華,花甲鮮味加白酒清香香茅瀨尿蝦-新鮮瀨尿蝦走一走油真係香口加鮮味,在口中溶合鮮味咖哩炒蟹-蟹肉大隻新鮮好味道,咖哩辣辣地唔似有太多椰油,真係好正.豉椒蟶子皇米粉底-鮮味蟶子配合埋米餅底去食,更加好食薑蔥鮑魚煲-新鮮鮑魚味道,加上薑蔥更加帶出鮑魚鮮味…Read More

今天同三五之己一起入三聖泰海鮮食好野好快就有位,大家一人點一樣野食海鮮湯,泰皇芝心蝦丸,青山灣焗龍蝦,上湯焗龍蝦,白酒忌廉煮花甲烏冬底,香茅瀨尿蝦,咖哩炒蟹,豉椒蟶子皇米粉底.,薑蔥鮑魚煲海鮮湯-好多料,有瀨尿蝦,蜆,魚仔,薯仔令到個湯好鮮甜好味泰皇芝心蝦丸-外脆內暖,蝦味十足青山灣焗龍蝦-焗完龍蝦香口再加埋鮮味上湯焗龍蝦-新鮮好味道,龍蝦味正白酒忌廉煮花甲烏冬底-好香白酒味道花甲冇沙好味,烏冬吸收埋味香茅瀨尿蝦-鮮味十足,香口好味咖哩炒蟹-咖哩汁辣辣地,非常可口,而蟹肉實肉好味豉椒蟶子皇米粉底-蟶子好鮮甜味道薑蔥鮑魚煲-薑蔥的香味完全令到鮑魚味更好味,爽口彈牙…Read More

星期六下午同朋友一大班人食飯，話有間屯門海鮮唔錯，心諗去到咁遠食？！不過食完覺得非常值得！下面就係果日嗌既餸：白灼九節蝦聽佢介紹唔係度度食到九節蝦，一場黎到就試下。佢既肉好爽脆，非一般，加埋食蝦必需之物辣醬油，係唔錯，值得一試。薑蔥鮑魚煲平時好少食鮑魚，因為唔覺有咩好食，但朋友叫左，試過後，因正係配料！大廚應該用呢個煮法煮咩都好食。鮑魚未食曬，薑蔥已經就快無曬。豉椒蟶子皇配煎米粉底煎米粉係第一次食，幾得意，都幾好食。野味食法，加埋淺味既米粉底中和，唔錯既菜式。大大條蟶子係有驚喜。海鮮湯清甜鮮香，無落味精，完全係用海鮮既原味煮出黎。如果食左Ｄ濃味菜式，一定要叫呢個黎飲，推介！白酒忌廉煮花甲配烏冬就咁睇個樣以為同一般忌廉烏冬無分別，一食落去，一股濃烈酒香出曬黎！雖然有忌廉，但呢道菜食極都唔會膩，正。必食豬扒聽個名都覺得串過人，一咬落去果種鬆軟就明點解係必食，的確同一般豬扒唔同。除咗有咬口，味道都一流。泰王芝心蝦丸呢個蝦丸真係無得頂，大大粒蝦丸包住融化咗既芝士，大啖到唔可以一口食曬。芝士味超濃郁，一人一粒剛剛好。砵酒焗筒蠔平時都食開生蠔，好少會食熟蠔，但呢道菜完全無令人失望。比酒焗完後，啲鮮位出曬黎，仲有洋蔥癖走蠔本身既腥味，送飯一流。蒜蓉粉絲蒸大元貝啖啖元貝肉，因為本身好鍾意食蒜蓉，一聞就比香味吸引。記得要趁熱食先正。蒜蓉炒豆苗其他人可能會覺得豆苗無咩特別，但喜愛吃菜的我會覺得呢味餸簡直係福音，健康得黎又平衡下味覺，話曬食咁多海鮮都會悶悶地。…Read More

家人話要去屯門食海鮮，去到三聖買完一堆海鮮之後，當然要搵間優質既廚房，而加工費合理既食肆加工架啦成枱都係香噴噴既海鮮宴就咁出現左西方食品，中式煮法香濃既忌廉汁用上偏辛口既白酒，中和忌廉既膩口鮮甜既花甲點上醬汁，令蜆肉更加提鮮彈牙煙韌既日式烏冬亦黏滿醬汁，香，濃，鮮，滑都一次過享受將桶蠔裹上炸漿，炸到酥脆無比蠔肉一啲都唔腥，厚度充足，鮮甜味封閉係酥脆既外表之中，形式一個香氣炸彈熱氣既食物真係會食唔停口連大元貝都要酥炸埋一份肉身炸到一啲都唔過熟，仍然保持到濕潤度鮮甜嫩滑既元貝肉依然仲持酥脆之中用瀨尿蝦、沙白蜆、加上一啲雜魚煲成一個番茄薯仔湯帶有胡椒既辛口感令各種鮮甜取得平衡，唔會互相破壞一啖湯落口，溫暖在心頭一般都係伊麵底，今次聽部長推薦，嘗試下炒飯底芝士醬濃而不膩，焗到帶有微微焦香炒飯夠火侯，粒粒分明，夠哂香口而龍蝦既香味亦都焗到滲透落炒飯底之中最後滿意收場…Read More

難得齊人一年一聚，特登入到屯門的三聖食海鮮我哋最enjoy食海鮮都可以一條龍，由買海鮮到烹調嘅方式都可以揀，食到最新鮮最靚嘅海鮮。今次再到關財記揀海鮮，揀咗奄仔蟹，花甲，大扇貝，仲有好少見嘅蝴蝶蚌。加上我哋最鐘意嘅海鮮湯～大滿足白酒忌廉煮花甲配烏冬鮮甜嘅花甲，加上鮮忌廉同彈牙烏冬，每啖都好正，不膩不滯。蒜蓉粉絲蒸大扇貝 見到咁靚嘅大扇貝，厚身嘅程度可以用「扇貝扒」嚟形容。用刀切開可以見到一絲絲肉。炸過嘅蒜蓉同爽口粉絲吸收咗海水的鮮味同扇貝嘅甜味，送飯一流，齒甲流香。鹽油焗奄仔蟹簡單的監油焗蟹已經可以帶出蟹本身的鮮味，從中間分開一半，蟹身有好多膏，又要再添一碗飯！海鮮湯上次試過姐姐推介嘅海鮮湯令我地十分難忘，今日再試，仍然保持一貫嘅水準。魚，加試瀨尿蝦，沙白蜆，還有蕃茄同薯仔調味，真心推介最值得一試嘅煮法。湯料又可以食，滿足晒我地呢班海鮮精！油鹽水蝴蝶蚌最後一味蝴蝶蚌，時令海鮮之一，爽口嘅肉質，用最簡單嘅做法是最好味。…Read More

好耐無同呢班朋友食飯了，想食海鮮但唔想太貴，決定去比西貢及鯉魚門便宜的屯門三聖邨，去得三聖，當然選擇去泰海鮮，一行八人，當然訂返間房坐得舒服啲，記得訂房但唔記得訂炸子鷄。首先去三聖海鮮街揀了一些海鮮，有龍蝦、鮑魚、大扇貝、花甲、桶蠔、奄仔蟹、海鮮湯料，再由店員帶同海鮮一同到泰海鮮俾侍應，再秤斤両後向侍應講其煮法或由侍應介紹烹調方式。除買了海鮮加工外，另響泰海鮮點了一些網上推介的名物，本身想點炸子鷄，但唔記得要預訂，於是點了必食豬扒($96)、黃金鮮魷($108，餐牌無的，問咗師傅今晚無咁忙，專登做俾我哋食的)，蒜蓉炒菜心，另外6樣加工海鮮同海鮮湯。必食豬扒先出場，眼看無乜特別，但咬落去好淋身又夠入味，洋蔥炒得好夠香，魚仔又夠脆香，剩低嘅洋蔥同魚仔用嚟撈飯食。黃金鮮魷，睇到係用好多鹹蛋黃去煮的，鮮魷夠嫩又彈牙，配上黃金鹹蛋黃去煮，非常邪惡。白酒忌廉煮花甲配烏冬，呢味又係名物，白酒忌廉夠香滑，配上彈牙烏冬一流，花甲沒有煮得過熟，剩咗嘅汁又可以撈飯。酥炸桶蠔，大大隻桶蠔，外面金黃香脆，裏面剛剛熟，百感交集。海鮮湯，睇到湯渣有雜魚、瀨尿蝦、沙白蜆、番茄薯仔湯，啲瀨尿蝦仲好鮮甜肉嫩，有咁多料一齊煲，點會唔好飲？蒜蓉炒菜心，菜心夠爽脆。薑蔥鮑魚煲，呢煲重點係薑蔥，爆得夠香夠惹味，點之我享受薑蔥之餘，有人連我隻鮑魚都食埋，食咗兩隻鮑魚嘅佢話啲鮑魚夠入味而且煙韌彈牙，還返隻鮑魚俾我呀？蒜蓉粉絲蒸大扇貝，隻大扇貝真係比平時啲大隻同厚身好多，成塊扇貝扒咁，直頭要用刀叉食，肉嫩鮮甜，配上蒜蓉粉絲一齊食，味道更出。鹽油焗奄仔蟹，有4隻，一人半隻，仍然好爆膏，正。芝士焗龍蝦配炒飯底，通常芝士焗龍蝦都配伊麵，但其實配炒飯底都好好食，芝士黐滿飯粒，又香口又邪惡，龍蝦肉厚彈牙，居然食哂啲飯而剩返少少龍蝦。關財記海鮮買咗約$1,600，而泰海鮮張單加埋茶芥、汽水啤酒、白飯約$2,000，不過唔坐房會平啲，一人$450左右，抵食。…Read More

「Yeah, she's a real fine babeYo, wish me luck to all your ownCan you hear me out there?」在深入大西北三聖既長征路途上，播到手機歌單上呢首十五年前既老歌。食罷這餐。共鳴感爆燈。每一遍來泰海鮮。一味總不能少。一定係海鮮湯！呢個番茄薯仔底，配上雜魚、沙白、蝦、尿蝦去煲。根本冇得輸。「Charm me charm me you make me crazyHow can I say I love you want youHow can I say you're beautiful beautiful'Cause when I see you you make me melt」Encore得最多既一定係白酒忌廉煮花甲。基本上配乜粉面底都好食。烏冬底清啲。煎米粉底香口啲。面底就脆啲。但係比著係我就會就咁叫個白飯。白酒既香，忌廉汁既滑，花甲既鮮。撈飯係最直白既共鳴箱。汁搶曬，飯仲有淨。食海鮮從來唔洗擔心。因為簡簡單單蒸個蒜蓉粉絲元貝。啲蒜蓉豉油已經足夠去清埋佢。元貝越食越大隻。又夠厚肉又鮮甜。當然啲粉絲都係吸曬啲精華。泰海鮮啲粉絲唔小器。唔洗打交爭「愛上殺手超過限期後除非今天你手槍生銹我怎得救何時下手請決定時候如子彈足夠攤位裡的木偶　多準確無敵手」食海鮮唔洗擇日既，有子彈就去食。享受下啦！…Read More

屯門友約食飯，既然他家住三聖，不用多想又來這裡開餐。海鮮湯～我稱它為「不能錯過的海鮮湯」，當知道(見到)用料後，一定無人反對 - 雜魚、蝦、沙白蜆、瀨尿蝦、番茄及薯仔等，想像到是何等的鮮美嗎？逢到必喝是當然的了！必食豬扒～繼「不能錯過的海鮮湯」後，另有「必食豬扒」，聽侍應說，豬肉全用人手挆軟，免鬆肉粉；頗費人手，曽停賣了一段時間，徇眾要求才再次推出。肉質果然鬆軟有肉味，卻又不失咬口，面頭的香脆銀魚仔是點睛之作，香酥可口，實在不錯。酥炸鮑魚～酥炸生蠔吃得多，換換口味又如何？酥脆的外衣包裹著新鮮彈滑的鮑魚，鮮甜煙靱，不錯吃。油鹽水瀨尿蝦(3隻)～一講起瀨尿蝦，多數人都只懂點「椒鹽瀨尿蝦」，當然也跟大部分食肆只獨沽一味提供單一烹煮方法有關。其成品確然香口惹味，可遇上新鮮而碩大的佳品時，簡單的煮法才能突顯食材的鮮美，油鹽水便是其一；原汁原味盡得保留，啖出滿口鮮香，果然Less is more！青山灣焗芝士龍蝦～再來的這味以截然不同的濃郁芝士入饌，超大的Size卻仍keep着嫩滑緊緻的肉質，如以上湯焗煮；定能更合我意。誰說屯門沒美食？三聖不正是個好地方嗎？泰海鮮地址: 屯門三聖街6號三聖商場地下5-8及14-16舖電話: 24599313…Read More

有同事生日, 一班人一起去三聖食海鮮,我都係第一次去三聖食.因為有同事住係屯門,順道食完去佢屋企玩.我地係「關財記」買左d海鮮,之後拎d海鮮黎依度加工.蒜蓉粉絲蒸元貝D元貝好大隻,肉好厚,都未見過咁大隻元貝。平時係屋企自己整都冇咁大隻. 時間蒸得剛剛好,食落去有鮮味,十分推介海鮮湯依個海鮮湯就不得了, 勁多料,有魚,蝦,蜆,番茄同薯仔,飲落去好鮮甜, 飲完唔會覺得口乾,d番茄同薯仔煲到淋哂,番茄味融入海鮮湯的鮮味,好好飲泰皇芝心蝦丸如果你係芝士迷就一定要食,外脆內軟, 裏面依然有流心芝士,但記得要攤一下先好食, 如果唔係會燙口。豉椒蟶子皇配煎米粉底d豉椒味好香, 蟶子好肥美肉嫩, 火候控制得啱啱好,不會乾硬。豉椒醬汁剛好，不會太咸。第一次食米粉底，脆卜卜，很有咬口，再配合帶有蟶子鮮味的豉椒汁，正！…Read More

由於，端午節那天早上，媽咪跟朋友們，到屯門碼頭睇龍舟競渡！ 她見屯門碼頭一帶環境不錯！便打算下一個星期日，帶我行吓！在兩星期前的星期日，恰巧！當天約了一班朋友到屯門三聖商場 <泰海鮮> 來一頓豐富海鮮午餐！ 早上跟媽咪行屯門碼頭及海濱花園，來屯門半天遊！<泰海鮮> 附近是海鮮街，雖然當天烈日當空，但是食飽飽尚有充裕時間可到訪！如果有時間，可以行吓青山灣海濱長廊，當時又熱又曬！我到此一遊(前段)影相！聽聞可以行到屯門黃金海岸！海鮮街外的海邊有好多魚船停泊，這裏是一個避風塘！當日，由朋友先到海鮮檔「關財記」選購生猛海鮮，拿去價格實惠的 <泰海鮮> 加工煮，真是麻煩了他！並由他發辦點菜！*另外，加工費方面，房間價每兩+$1)泰皇芝心蝦丸 $78/3粒 (每加一粒 $28)炸至金黃色香脆的外層，輕輕咬開彈牙的蝦膠，香濃的流心芝士隨即流下來！ 口感層次豐富！豉椒蟶子皇 $108 以豉椒洋蔥爆香烹調蟶子皇，惹味的醬汁把本身鮮味的蟶子皇，有效提升其鮮甜味！火喉恰到好處，保持帶嚼勁的口感，教人回味！海鮮湯 (每位 $20, 兩位起)以雜魚、蝦、沙白蜆煲蕃茄薯仔湯，相當足料！散發鮮香的海鮮湯，滿載鮮味！而且少油！令人安心喝！砵酒焗桶蠔 $124以砵酒焗桶蠔，表面被醬汁包圍，變成深褐色，桶蠔的賣相完全面目全非！ 大大隻的桶蠔已熟，外層略帶酒香微脆濃味，正好鎖住水份，依然保持鮮味嫩滑！薑蔥鮑魚煲 $100 以薑蔥煮鮑魚，香氣十足！兩者口味好夾！鮑魚大隻又厚身，彈牙又鮮味！用上煲盛載，就算我是最後一個夾，仍是熱辣辣的！芝士焗龍蝦配炒飯底 $283轉用炒飯底，代替伊麵底；炒飯本身炒香之餘，還吸收了芝士醬汁及龍蝦鮮美的精華！ 加上伊麵是油炸，炒飯炒得乾身而粒粒分明！感覺上，比前者少了一份油膩感及膩滯感！與鮮爽彈牙的龍蝦同食，簡直滋味到一個點呀！ 不容錯過！…Read More

是日跟友人來到了三聖嘆海鮮，姐我戒牛也不好肉，唯有菜和海鮮才是每天要吃到的，於是滿心歡喜的跟著友人們在三聖海鮮街選海鮮、討論烹調方法等等。先上的是花甲白汁煮烏冬，由於白酒忌廉汁味道太過霸道了，很可惜蓋過了花甲的鮮味，又幸好烏冬與白汁出奇地配合，所以結論是白汁煮烏冬是出色的。接著上菜的是花竹蝦刺身，為什麼冷盤不是頭一道菜呢但真要讚賞這花竹蝦肉爽鮮甜(主要是讚好海鮮店的來貨)，配上酒家自家製的醬汁OISHII冷盤過後又是熱盤湯品，湯料十足包括魚、蜆、瀨尿蝦、番茄薯仔底，鮮味到不得了的啊~~~ 番茄薯仔底是店家推介的，搭配度高達90%，姐我都喝了兩碗呢。其實之前從沒想過會直接將那麼一大袋的海鮮直接煲湯的，因為始終是有點浪費的感覺，於是我們都不由自主地吃起「湯渣」來，還是津津有味地吃這個是薑蔥鮑魚香噴噴的，好吸引啊。果皮蒸鮑魚吃得太多有點厭悶了，而這個惹味有鑊氣，妹仔肚的還可以吃下那些又大又甜的蔥，也很入味的啊！去年秋天並沒有吃到季節限定的大閘蟹，於是我們來個羔蟹解千仇...  鹽油焗奄仔蟹，啖啖都係羔啊(也是賣家出品優良的原故啦)，雖然每年農曆七、八月才是奄仔蟹的當造期，但這天吃到的也還不錯啊，而且這個鹹中帶鮮甜，個人認為如非其膽固醇奇高，我們每人可以吃到1-2只。酒家環境一般般啦，但煮功及此價錢絕對是值得一試的…Read More

就快過年，又係時候約食團年飯兼聚舊喇！朋友們住新界西多，今次就揀咗屯門三聖村大排檔～～ 泰海鮮食團年飯。呢次係我第二次嚟呢度食，雖然佢叫泰海鮮，但我哋並無叫泰菜，反而都係以海鮮宴為主。你可以喺餐廳直接叫，又或者去附近海鮮檔 （今次部份海鮮喺關財記買），揀生猛海鮮帶入餐廳比師傅加工，無論係白灼／清蒸／豉椒炒／炆／蒜蓉蒸等等，總之你想點煮都得，明碼實價列晒加工費幾多。嚟呢度必點海鮮湯，用雜魚、瀨尿蝦、沙白蜆、番茄薯仔去煲，用料豐富，味道勁鮮甜！不過記得要趁熱飲先好飲呀！我對「泰皇芝心蝦丸」念念不忘，以麵包粒包住去炸，入面蝦膠勁彈牙，再咬落去啲芝士流心咇出嚟，口感豐富，小心熱呀！（一碟3粒，我哋再加錢)鳳梨鮮排骨，酸甜惹味，送飯一流！呢碟係最快清晒，可想而知幾受歡迎？青山灣焗芝士龍蝦(3隻開邊)，每隻都好大隻，焗到金黃色，賣相吸引！你睇我用筷子篤入去，啲芝士幾厚？咬落脆脆哋，肉質嫰滑，啖啖芝士鹹香，食龍蝦都飽飽哋 @@砵酒焗桶蠔，呢個係我哋買入嚟加工，師傅提議用砵酒焗嘅煮法 (加工費每細桶$62)，少少脆，肉質肥美，少少甜又有少少酒香，真係唔錯喎！呢次團年海鮮飯頗滿足呢！…Read More