Yakiniku Kumamoto

冬天凍冰冰 又就嚟到聖誕節 最啱就係約返三五知己去食返啲熱野暖笠笠🥰今次我地就嚟到位於銅鑼灣嘅熊本燒肉 位置非常方便 地鐵站一出行3分鐘就係 唔駛係條街比風吹到無知覺(˶‾᷄ ⁻̫ ‾᷅˵)唔知大家仲記唔記得有一日story問大家覺得呢到似香港定日本 雖然我見大部分嘅人都好醒揀咗香港 但呢到嘅裝修真係好似去咗轉日本咁!! 座位都舒適寛敞(⁎⁍̴̛ᴗ⁍̴̛⁎)我地今次就嗌左個晚市任食套餐($298) 另加38蚊可以任食澳洲和牛～值得一提既係而家做緊推廣社交平台share佢地一個post就會送海鮮拼盤 精打細算嘅我地梗係唔會錯過啦😛▫️秘制五花肉燒五花肉幾時都無得輸!! 秘制醬油淹得都入味 五花肉薄薄地一塊食落口好重油香 推薦大家食(˶‾᷄ ⁻̫ ‾᷅˵)▫️田樂醬五花肉其實本身唔知咩係田樂醬 食落口係會有一陣陣甜味 幾得意可以試下😚肉質就同上面個款都一樣 但自己覺得秘制醬油同五花肉夾啲 但任食關係就試晒兩款啦😋▫️醬燒牛三角肉呢個係298蚊餐入面我地encore得最多既肉🥰醬汁淹得好入味 口感軟嫩得黎會有少少咬口而油脂味都幾香濃 唔錯唔錯😋▫️薄切牛小排雖然係薄薄一片但牛味都相當濃郁 連埋啲燒烤味真係超級惹味 而且非常易燒好快就食得😋▫️安格斯西冷比起牛小排 西冷感覺更加瘦而肉味更加濃郁 但冇左牛小排隻油脂味 各有各好建議食晒兩款(*¯︶¯*)▫️辣味牛柏葉推薦❗️呢個晚市$298放題最大嘅好處就係款式真係超級多 連牛柏葉都有!! 牛柏葉爽口彈牙 味道辣辣地幾開胃 不過怕辣嘅朋友就要注意下喇😗▫️朝鮮醬雞翼雞翼又係懶人良伴既單骨雞翼 但我自己覺得唔算太入味 佢仲有隻黑椒味但太飽試唔晒(˶‾᷄ ⁻̫ ‾᷅˵)▫️辣魷魚推薦❗️我發現佢地嘅辣味都幾正不過都真係要食得辣先好嗌🤣魷魚同牛柏葉一樣都幾辣下 但又唔會蓋過晒魷魚本身既味道 食落口煙煙韌韌 我鍾意食到瘋狂嗌呢個🥰▫️清酒煮蜆碗蜆份量都幾多下 清酒味都幾入隻蜆 但我就覺得唔算太新鮮 而且食落有少少沙🥲▫️流心芝士年糕推薦❗️有啲後悔無留肚食呢個 淨係食咗一個🥺作為甜品呢個芝士年糕真係好高分 口感煙韌而芝士味都幾重 芝士控/年糕控必點( ´▽｀)▫️綿花糖串我覺得呢到最特別既係連綿花糖都有得燒 見住佢燒到咁上下脹卜卜咁真係好治癒(˶‾᷄ ⁻̫ ‾᷅˵) 燒到綿花糖半溶咁食真係好正🥰以下為+$38和牛專區:▫️澳洲和牛牛肩胛牛味比普通$298餐入面嘅牛小排同西冷更濃 而且油脂相對西冷又多返啲~▫️澳洲和牛牛板腱相對於牛肩胛 佢嘅油花更加多 食落比起牛肩胛會更重油脂味 我地自己就鍾意食牛肩胛多啲🥰▫️鹿兒島日本豚比起$298套餐嘅豚肉 呢個日本豚會肥瘦更加均稱 口感更加豐富 但一樣有濃濃既油脂味 好岩拎黎做燒肉ʕ•ᴥ•ʔ海鮮拼盤:👉🏻大蝦海鮮併盤入面既大蝦明顯比我地本身餐入面更加大隻 肉質更飽滿同彈牙~👉🏻鮑魚鮑魚都幾大隻下唔係細細隻個啲 口感一樣幾彈牙 鮑魚鮮味都幾重~👉🏻燒蠔蠔係用左蒜蓉汁黎調味 同鮑魚一樣 隻蠔都係相當大隻 就算熟左 蠔肉份量都唔少 蒜蓉汁又可以提返蠔既鮮味 幾好食😋❣️實在食咗太多野 無辦法逐樣野介紹 但總結嚟講$298套餐入面嘅選擇已經非常之多 都幾推薦🤍澳洲和牛都非常高質只需要加38蚊 其實我地都建議照加(˶‾᷄ ⁻̫ ‾᷅˵) 餐廳另外加多28蚊仲有刺身放題 不過我地就無試~ 飲品選擇都豐富 基本汽水同各式韓式飲料都有提供 仲有餐廳自制既茶飲都幾解膩👍🏻∞ 順帶一提 我哋呢個價錢係平日星期一至四去 所以會平啲~推薦指數：🌟🌟🌟🌟【𝐏𝐫𝐢𝐜𝐞: 4/5 𝐅𝐨𝐨𝐝: 4/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4.5/5】…Read More

由於我真係好鍾意食燒肉，所以放假我又同朋友去咗食燒肉啦而今次我哋試嘅係呢間勁多好評嘅《熊本燒肉》環境《熊本燒肉》嘅裝修好有日本feel🇯🇵我記得以前去心齋橋食燒肉，嗰間舖嘅裝修同呢間真係差唔多♥️所以我覺得自己好似坐咗時光機咁，即時去咗日本🤣呢度除咗好似日本之外，佢嘅燈光度都好柔和，我同朋友都坐得好舒服自在😌食物《熊本燒肉》提供幾種唔同價錢嘅燒肉放題。我哋就揀咁最平嗰隻$298 + $38 澳洲和牛放題🥩雖然我哋食最基本嘅熊本放題，但menu嘅食物種類都唔少❗️首先，餐廳會上幾款澳洲和牛先，份量都好多，食完基本上可以唔使再叫牛啦😂😂之後我哋再叫Menu入面其他嘅食物😋個menu有好多唔同部位同味道嘅牛、雞、豬肉啦，炸物啦，蔬菜啦，甜品啦，海鮮啦等等。而我最欣賞嘅啦就係佢嘅厚切辣五花肉同埋炸香蕉🍌前者整得好辣🌶️好入味，我忍唔住一叫再叫，後者嘅味道原來好得意，好好食而餐廳重有提供棉花糖tim😍😍燒棉花糖係我嘅至愛💕我唔叫唔得啦燒晒d有味嘅肉，先至燒個棉花糖，棉花糖就沾滿晒d燒肉味，正食唔到太多肉嘅朋友，可以叫個最平嘅熊本放題過吓燒肉癮🤤加埋一$300幾蚊左右，咩都有得食吓，又有嘢飲，又可以當去咗日本🗾都幾唔錯㗎🤩…Read More

有好一段時間沒有放縱食燒肉放題，今晚和太太一於豪一豪，上網找到這家熊本燒肉吃日式燒肉。餐廳空間寬敞，亦有幾張卡位，可以坐得舒服慢慢食，而抽氣直接在燒烤爐的上方，所以食完亦不會太大味。餐廳晚市燒肉放題收費$288加一，綜合食物質素，可以說是性價比高，另外十分建議加$38升級和牛拼盤、鹿兒島五花肉放題。刺身刺身料精而鮮，當中包括油甘魚、三文魚、珍寶帶子等，每種刺身都鮮甜可口，令人回味，特別是珍寶帶子，個頭巨大，鮮甜軟糯。熟食燒肉前可以先點一些熟食填填肚，薯仔沙律表現令人喜出望外。飲品櫃在外面，可以自取多種飲品，亦有韓國罐裝啤酒任飲。入座後侍者會送上圍巾，以防被油脂濺到，十分貼心。海鮮拼盤侍者先奉上海鮮拼盤，重本用上珍寶海蝦及鮑魚等海鮮，珍寶海蝦身型巨大，一咬蝦肉爽滑鮮甜，滋味雋美。和牛拼盤、鹿兒島五花肉加$38升級的任食和牛拼盤、鹿兒島五花肉，和牛有三款不同的部位，入口即化，油香豐腴馥郁，質地軟身，只加一點鹽提味，可品嚐本身的油脂香味。牛類而其實基本款的牛類亦絕不遜色，當中的牛側腹棋肌是牛隻的稀有部位，肉質如牛柳軟嫩，但同時肉味卻更濃郁，入口肉汁豐腴，十分滋味。燒烤爐上有一塊岩鹽，可以在燒肉時加上最天然的調味。豬、雞類除了牛肉外，其他肉類的選擇亦十分多，其中以明太子雞翼最為特別，一咬辛香微辣，十分惹味。蔬菜當然也要吃點蔬菜，中和一下飽膩感。最後也有甜品，布朗尼意外地香濃軟糯，每人也有一杯Haagen Dazs的雪糕。…Read More

都有一段時間冇食放題，特別係燒肉放題，今次揀咗呢間位於銅鑼灣謝斐道嘅「熊本燒肉」，因為上次食過同一座大廈既日本料理店，見到呢間燒肉店坐無虛席就想搵次慶祝節日嚟食，每個都有最場少會一日搵理由比自己食任食，就係同另一半嘅記念日環境環境都算大都寬敞，座位與座位之間空間大多，重點係成間店無乜油煙，空氣流通。每枱都會有塊鹽磚，就算唔調味，燒好之後係鹽磚上面沾幾下就可以，第一次見燒肉店有呢種服務。價錢參考是日星期日晚，120分鐘燒肉放題 $328+10%(星期五至日)，加$38有升級任食澳洲和牛，連加一即係$400頭一位。選擇由「升級選擇」至「沙律和食」有8個已包項目可選。刺身有9款選擇，當然要點三文魚、油甘魚、帶子，刺身質素一般，但不至於差。肉類升級任食和牛後就有「和牛拼盤」及「鹿兒島五花肉」可選。「和牛拼盤」每份有3件，就未有提及係咩部位，不過色澤紋路都幾靚，食之前係熱爐上面既鹽磚來回沾幾下就食到，肉薄但不乏牛味，冇渣冇筋，以$38任食嚟講可謂化算。而「鹿兒島五花肉」就比較肥，幾乎整塊都係肥膏，較肥膩。另外，非和牛類仲有好多選擇，例如醬燒牛排骨、安格牛肉眼、牛柳粒、牛里肌肉、牛舌等等，當中醬燒牛排骨好入味，雖然又係肥膏為主，但以我一個平時唔太食肥膏既人都覺得唔錯。仲有連牛柏葉、牛肚都有得燒,夠多款式。肉類仲有雞同豬，有燒肉少見既串燒，分別係雞軟骨串及大聰雞肉串，兩款都可試下，另外我最鍾意既係明太子雞翼、厚切辣五花肉，兩款都好入味！海鮮、蔬菜當然唔少得海鮮，只要讚好餐廳專頁，就送時令海鮮拼盤，包括有鮑魚、虎蝦、青口及帶子。虎蝦十分大隻，肉嫩彈牙，非常不錯！而鮑魚、青口及帶子質素亦都唔差。至於可供任點既海鮮就有7款，以魚為主，試左普通既大蝦、清酒煮蜆及辣魷魚，推薦清酒煮蜆，份量夠多，而且上枱熱騰騰，偶有幾隻有沙但問題不大。燒蔬菜冇咩點試，但翠玉瓜、菠蘿都鮮甜。沙律和食、雪糕、飲品任飲至於和食就有Brownies、泡芙可以做飯後甜品。最特別同得意係有我燒棉花糖滿足我呢啲次次BBQ都要食燒棉花糖夾蜜糖多士既人~~如果有埋有邊方包可以燒就正，就好似BBQ咁 每人送一客Häagen-Dazs杯裝雪糕，可選味道。總括而言，價錢中上，食物款式比預期中少咗啲，但勝左升級和牛價格唔貴，同埋讚好專頁會送海鮮拼盤，如想試下又想以優惠價錢食到，可考慮中午時段前來。…Read More

食親燒肉都中意叫到成枱食物，瘋狂掃晒食物落肚，叫嘅食物有海鮮、刺身、各款小食、肉類、甜品，平板機落單方便又夠快比較食肉獸，中意主攻肉類，例如：和牛拼盤、安格斯牛肉眼、薄切牛小扒、厚切牛舌、牛側腹橫肌、鹿兒島五花肉、特選豚肩、大聰雞肉串...等今次等我介紹點樣為之靚嘅牛，首先雪花❄️分怖均衡，冇出現變黃變灰，牛肉片上冇結上冰薄，而且牛肉片可以容易地屈曲，咁就好易睇出一間公司細唔細心地處理食材☝🏻🤤就如圖所示，肉質唔錯每間放題都有優勝之處，我覺得呢到嘅肉系佢哋最優勝之處，問過員工好似成塊鹼咁系爐上有咩用途，原來系「喜馬拉雅玫瑰岩」，只需要將熟嘅肉放上去兩下左右，咸味🧂就會落左肉質上，平時灑鹽都容易令咸味不均，呢個方法正正解決左呢樣問題，值得加分枱面亦其實一早預備好3款醬料俾客人選用，一款帶芝麻嘅醬偏甜味重d，覺得配刺身會更合適，中間應該系韓式辣醬，而最後一款應該系燒肉店鋪最常遇到嘅汁醬海鮮拼盤有鮑魚、扇貝、青口、大蝦等，都非常新鮮，特別欣賞青口同大蝦，青口肉汁鮮嫩大蝦配鹽烤過後嘅味道香口入味，停唔到口最尾仲有埋Haagen Dazs雪糕送贈，有朱古力🍫、士多啤梨🍓同朱古力曲奇🍪等口味，咁啱遇中我最想食嘅曲奇口味雪糕，滿戴而歸😋✍🏻整體上餐廳都幾高汁同幾細心，有預備定圍裙俾客人，會簡單推介食物同自取飲品位置系邊，位置坐得闊落，通風系統抽油煙好好，唔會太重油煙味，食完燒肉圍裙除一除出左街走一走肉味已散去，加上食材選擇又多，味道亦系得分，值得回頭🤘🏻…Read More

第一次經openrice book枱去食 提早入座都有位 勁開心🤣🤣4個人食俾張6人枱其中一個人Like facebook就會送翻海鮮拼盤一定一定記得like啊！超級正🤤🤤蟹蓋100分🥰一開頭店員勁有禮貌幫我地落啲海鮮落去燒，搞到我地勁吾好意思🤣之後我地都係自己燒翻🤭啲肉質都鮮嫩！仲有啤酒汽水飲！如果想再嗌海鮮，和牛，可以另外加錢！個度仲可以玩小遊戲，如果成功一字馬，會有奬品送翻，奬品越正隻腳就要越長啦哈哈🤣🤣🤣🤣🤣🤣🤣🤣🤣🤣🤣🤣🤣🤣🤣另外，book左枱會送翻一打生蠔架🥰人均消費317蚊…Read More

星期一同朋友收工約左去銅鑼灣行街，順便食呢間燒肉放題，朋友聽人介紹呢間質素好，所以我地就一齊去食下餐廳平日收費係成人$288(另收加一)，價錢係燒肉放題黎講算係正常合理價錢。.餐廳而家做緊promotion，係餐廳門口擺左一個拉筋遊戲，食客可以憑住參與遊戲拉筋去贏食材，最勁拉到一字馬係可以贏到和牛！不過因為我地幾個都係著裙，就無參與到啦.不過，我地都享用到另一個優惠，就係like 熊本燒肉FB page送海鮮拼盤！無諗過送嘅都咁有份量！海鮮拼盤按人頭計份量，入面有鮑魚、青口、扇貝、蠔、虎蝦同一個蟹蓋，海鮮十分新鮮又大隻，真係好抵！店員仲好細心幫我地燒海鮮同話我地知幾時食得，所以最後燒出黎嘅海鮮啱啱好，好食！我地一開頭點左啲刺身同小食食頂住肚先，之後先慢慢燒肉，當中清酒煮蜆幾好食。.燒肉又點可以無牛！所以，我地一聽到加$38/人 有得任食和牛就立即加左😂呢個決定係無錯嘅！因為和牛切片油份重啲，燒出黎更香更好食！我地四個人總共叫左30份（1份3件) 和牛🤣🤣🤣如果唔加$38，其實都有好多牛、豬、雞、海鮮同蔬菜嘅選擇。當中我最推薦係明太子雞翼、厚切牛舌同牛里肌肉呢度仲有得燒棉花糖，幾特別！食到最後燒番幾粒當甜品幾好，不過記住留肚食一人一杯嘅Haagen Dazs雪糕！…Read More

我同朋友都好中意食燒肉, 見到好多人推介決定一齊去試一試先. 位置好近銅鑼灣站C出口我地18:15入座 時間都算早 未算好多人住一坐低店員就講解收費同落單事項我地太為食啦 升級加$38 食埋和牛拼盤落單方便 唔需要叫人落單/填紙仔, 自己點完禁機落單就得!爐右上角有個係岩鹽,燒完可以點肉食 味道唔錯架送一盤海鮮拼盤 燒生蠔,青口,鮑魚最滿意係大蝦 肉質好彈牙同新鮮。重點黎啦! 點左幾款牛肉: 和牛拼盤, 牛小排、肉眼、牛舌同五花牛等，肉質新鮮細嫩,真係高質!! 仲有多款刺身任食，吞拿魚、希靈魚、帶子、甜蝦和三文魚有口感，新鮮肥美。除左肉類同海鮮刺身, 仲有好多炸物熟食小吃架推介稻庭烏冬 好幼滑 有豬骨濃湯同地獄辣我地2碗都點左 細細碗份量岩岩好而且好好食蒜香清酒煮蜆，蜆肉鮮甜有清酒香味！吉列炸餃子，香脆可口。蟹肉薯仔沙律都唔錯 好開胃岩燒雞翼同明太子雞翼都唔錯 可以一試仲點左大蔥雞肉串，雞軟骨串，鮮肉鮮嫩。最後每人一盒有Häagen-Dazs雪糕送 食埋甜品就滿足哂 呢餐食得非常豐富 食物質素高會再黎食…Read More

平日晚市120分鐘燒肉放題 💲288✅ 肉類選擇好多😍 豬牛雞🐷 🐮 🐔 樣樣齊 仲有比較少見既牛側腹橫肌 里脊肉等等都係一應俱全👍🏻 仲有少量款式刺身任點👆🏻 🐟 🦐 而雪糕係Haagen Dazs🤤 連曲奇🍪 同咖啡☕ 味都有✅ 小食種類好多🍱 有芝士年糕🧀 叉燒烏冬🍜 等 質素比一般放題好 其中明太子雞翼比較少見👀 佢係將明太子釀入雞肉入面 味道同口感都好夾😛✅ 店員會主動提出幫手燒肉😭 貼心服務✅ 上菜速度好快💨 而且可以一件不漏上齊唔漏單📑 難得一見既放題店♥️❌ 當日部分食物暫停供應😫👅Taste：3.25/5💰CP值：3/5🙋🏻‍♀️Service：4/5👁‍🗨Stylishness：3.5/5…Read More

一入到去餐廳，環境大之外，一d油煙味都冇，抽風系統做得非常好。而且利用ipad落單，唔怕漏單，而且有食物圖片睇。一入座，侍應就會教你點用落單機，當見到我地燒食物用錯方法，會過黎幫你，而且頻頻收碟，服務非常好，讚。任食2小時，最後半小時係last order，之後侍應就會收ipad。先送上海鮮拼盤，有鮑魚，青口，生蠔，帶子，大蝦。鮑魚青口鮮甜，而且燒完都冇縮水，原本有粗鹽，所以味道剛剛好。而帶子就唔駛連殻一齊燒，元貝好大粒，新鮮洗得乾淨。肉類選擇有牛，豬，雞。雞肉類中，個人覺得吸引既係大蔥雞肉串，以及明太子雞翼。雞肉嫩滑，燒完一d都唔乾，而且同大蔥一齊燒，健康好多。而雞翼入面饟住大量明太子，雞皮外脆熱辣辣。廚房既職員亦好貼心，係岩燒雞翼中間𠝹左一刀，方便燒熟而且令雞翼醃得入味。豬肉類中，必食特選豚肩，以及秘製豚排骨。豚肩厚切完好有口感，排骨醃過之後，燒完都唔乾身，肉汁鎖住哂。牛肉類中，醬燒牛排骨燒完牛肉味濃郁，不斷encore。燒到熟熟地，可以放係鹽板上再燒，肉味較濃。仲有牛舌，牛胃，牛柏葉，燒完外面脆脆地，後兩款會有少少辣，不過好過癮，可以燒牛既內臟。海鮮中有幾款魚，只要直接將錫紙連多春魚放上網燒，條魚完全唔會痴底，燒完完整一條。熟食既厚燒玉子甜甜，熱辣辣。而蒜味螺肉一碗有大約10粒，份量亦唔少。雖然餐廳主打燒肉，但刺身質素亦唔馬虎。刺身鮮甜，有陣海水鹹味，有八爪魚片，北寄貝，三文魚，刺身帶子。仲有好特別既馬刀貝，爽爽地，有d似貝殻類d裙邊，好食。飲品任飲，有粒粒橙肉既橙汁。而且ipad機入面亦有幾款甜品可以揀。朱古力布朗尼甜而不膩，紅豆和果子較為清淡，紅豆冇過甜。最後10mins侍應會送上客人揀好既雪糕口味，難得有咖啡味。整體，燒物熟食選擇多，而且特別。加上落單後食物好快就送到，侍應收碟又快。食完之後，身上冇油煙味，好值得食。…Read More

收工過到CWB，差不多10點幾先到達熊本燒肉，好彩趕得切最後入座時間一入座，店員都有介紹點餐方式、用餐時間，亦有推薦可加錢試和牛同任飲啤酒，不過肥妹仔第一次來都係睇下啲肉質素點先！首先上枱係海鮮拼盤，其實款款都新鮮，當中以大大隻貴妃蚌、鮑魚、蠔最正！枱面有牌仔教你每款要燒幾耐，冇經驗都唔怕！依度最出名當然係牛，肥妹仔都唔執輸差不多款款試哂但實在不能盡錄，加上用平板電腦點餐，難以影低哂！薄切jumbo牛小朳、牛里肌、牛側腹橫肌、牛仔骨、牛胸腹、安格斯牛、牛舌等，全部必試！大路同放題少見嘅牛部位都有提供，睇到花多眼亂哈哈！跟住當然要試埋豬同雞，當中明太子雞翼、燒雞朳、大蔥雞肉串、五花腩等最突出。另外餐廳亦有辣味可選，但提提大家，唔食得辣就不要點喇！肥妹仔唔多食得辣，食左幾件就頂唔順灌烏龍茶放題當然唔少得點刺身、小食，北寄貝、帶子、三文魚刺身唔錯，冇雪味霉味，貨色比爭X好小食方面，肥妹仔推薦炒雜菜(不會過油)、卷蛋(不會過乾)、烏冬(可試配上燒肉同吃)、南瓜忌廉餅幾有驚喜，咬落口感一流！另外亦有試芝士炸雞飯，但芝士味道有點假、飯量太多，反而炸雞不錯。最後食到好飽，都要食埋餐廳送的每人一杯迷你裝Häagen-Dazs雪糕，當日有雲呢拿、朱古力、咖啡可選。總結真係超級滿足！一個價錢食到咁多款高質牛肉，仲包埋海鮮拼盤、刺身、小食、任飲飲品加杯雪糕！性價比高放題開到一街都係，但要同時食咁多款都係高質素兼水準平均就唔係度度有自認牛肉狂迷想一次過試多個牛部位，或者大胃王想挑戰，都係一間不可錯過的餐廳！…Read More

食肉獸不能錯過的高質燒肉💓日式燒肉放題真係唔可以抗拒啊😍熊本燒肉又有靚牛肉又有靚海鮮仲有刺身任食 等我逐一介紹😛呢度點單用iPad 非常慳紙又環保環保小先鋒俾個like你👍🏻用電子方法落單 完全冇出現漏單嘅情況值得一讚加＄60就有得任飲啤酒 又有hoegaarden 又有stella 又有生啤 一邊燒肉一邊啤啤佢🍻想再高級啲加＄28就有得任食和牛啦😍‼️我當然唔執輸 不停升級再升級🤭海鮮拼盤就有大蝦 鮑魚 帶子 象拔蚌 仲有生蠔添 侍應哥哥好好 叫我地先燒左啲海鮮食 之後呢可以慢慢燒肉啦枱面上亦都有教每一款海鮮 需要燒幾耐確保啲海鮮燒得啱啱好 海鮮拼盤裏邊每一款海鮮都非常支持年二我最喜歡嘅就係燒生蠔同埋大蝦👍🏻等緊啲海鮮熟嘅時候 亦都order左刺身同埋一啲小食呢度嘅刺身款式都算多 最喜歡油甘魚 非常肥美 帶子都唔錯呀👍🏻小二 先來一碟和牛‼️和牛 嘅油脂分布都幾平均 輕輕燒一燒 禮成🤗我覺得加＄28食呢一個質素嘅和牛已經物超所值👍🏻燒牛肉類型都有好多選擇 我每樣都叫咗少少嚟試吓🤨其中最喜歡嘅係秘製牛五花同鹽燒厚切牛舌 我不停encore燒豚肉方面呢 我好喜歡辣度十足嘅地獄豚肉 佢係豬頸肉 醃得非常香口👍🏻明太子雞翼 釀左好多明太子！明太子粉絲記得bookmark‼️蔬菜類呢就嗌左番薯仔 燒雜菌同埋唔可以缺少嘅燒菠蘿😛最後最後我同朋友都不停落order叫棉花糖😂😂 兩隻手攞滿一串串棉花糖 勁好心機甘燒 好滿足💓last order嘅時候店員會順便問你要咩味嘅雪糕食埋個哈根達斯嘅咖啡味雪糕 就大滿足甘走嚕😛🍽 熊本燒肉🔎 銅鑼灣謝斐道477-481號3樓…Read More

突然又想食日式燒肉, 見哩間日式燒肉放題好似幾多好評咁就卜左食晚餐入面都幾寬敞, 個抽油煙機隊得好埋, 咁就唔使怕燒到好大煙用IPAD 點野食, 咁就唔使驚點錯/點漏先黎個海鮮拼盤, 有鮑魚,大蝦, 貝, 生蠔有個牌仔話埋比你知要燒幾耐, 咁就唔怕會燒過龍D 牛又砌得幾靚喎..另加28 蚊可以升級做無限和牛+鹿兒島豚肉D 雪花又幾靚喎.最喜愛O既玉子燒,之後仲ENCORE 多四件食住清酒煮蜆等燒肉注重均衡飲食, 當然唔少得食菜同埋和牛炒飯其實仲可以瘋狂叫串燒同埋瘋狂燒明太子雞翼加60蚊仲可以無限REFILL 啤酒但朋友身子關係, 唔敢暢飲.....咁我地就冇加了最後每人仲有一盒哈根大師, 認真高級同場加影..燒綿花糖任食燒肉O既好處就係唔怕自己手細會哂左舊肉因為可以有好多好多機會再試升級埋和牛, 就可以瘋狂燒靚肉了…Read More

兩小時任食，由入座到走都計算非常準時，7:15入座，8:45last order，9:15就被提醒離席，因為人氣餐廳，人流非常高，雖然好趕急地食，但服務員態度閃有禮貌都講，沒有hard feeling。食物味道中規中矩，分量都好「精」細，點露筍*1，真係得一條露筍，真係第一次見放題計算非常準確😂😂，正面態度：唔做大嘥鬼😈海鮮拼盤，有🍤、蠔、魷魚、大蜆，正常價色。肉類選擇多樣，有雞牛豬🐔🐷🐮，腩肉系列&雞翼都值得推介。個爐比較細，不停燒不停食，食左兩轉都好似食品飽，而且order速度時快時慢。熊本燒肉人氣的確非常高，假如openrice未能訂座，建議大家inbox餐廳，因為打電話長期無人接聽，因為我打過三日都沒有聽，最後inbox即時回覆。…Read More

一個機原巧合既情況下，比我見到呢間日式燒肉店口埤唔錯，任燒都係$278，仲要加$28就有和牛任食!!😍 雖然只屬澳洲牛，但其實油花都算唔錯，而且只係加$28咋喎，性價比相當高😋職員安排我地兩個人坐6人枱，坐位相當寬敞；不過抽風系統非常差!! 😫每個爐雖然都有一條吊掛式抽煙管，但如同無物，成個場都煙霧瀰漫😩安頓好之後，就二話不說同職員落左四份和牛一份有4件，雖然油花較為粗糙，但燒完之後卻滿佈油香，又唔韌我地兩個人都食左16份😆每枱都會送一份海鮮拼盤，有鮑魚、大蝦、蠔、貴妃妦、扇貝，當中只有大蝦同蠔可以免費任食之外，追加其他海鮮就要另外收費由於我地都唔擅長燒海鮮，所以全部都燒到比較乾身；但即使係咁，鮑魚同大蝦都仍然彈牙，大蝦更有Encore添貴妃妦亦都好好味，大大隻，啖啖肉!! 😋不過蠔就唔好，燒完縮左水，變到細細隻，食左都唔覺😑我地都係燒牛肉為主，齋牛肉已經有11個部位!! 胃真係唔夠大，只能試到9款，當中醬燒牛排骨、牛小排、安格斯都值得encore；中意重牛味而又唔怕肥既人仲可以試埋牛五花添。除左燒肉之外，仲有刺身同熟食試左幾款刺身，質素都係一般，但仍然有特別之選!! 😏呢度居然有平時少見既左口魚刺身😯：微微燒過既左口魚，魚油迫哂出黎，非常滑身，加上少許火炙味，一直都中意食左口魚既我覺得唔錯😋；熟食炸芝士年糕 – 同平時放題果D無分別炸南瓜餅 – 南瓜味無乜，反而食落係炸麵包味厚燒玉子 – 唔會話好甜，但我一直都麻麻地玉子，所以只食左一件海膽炒飯 – 本來對佢都幾有期望，但食左一啖之後真係頂唔順佢既怪味，唔能形容係乜味，只能講唔係我平時食開既海膽味😥炸雞芝士石鍋飯 – 炸雞就比較鞋同厚粉，但火炙過既芝士幾好味，而且芝士汁唔少，配上有點彈牙既白飯，唔錯；🤓呢度食物款式好多，燒肉既選擇都算多，而且仲有提供前菜、熱食、小食同刺身，可以滿足下唔同既食慾😌，加上係銅鑼灣以呢個價錢算係唔錯既選擇。不過需要注意限時2小時，如果一大班人想邊食邊傾就要留意下😐…Read More