Ten Million Japanese Restaurant

千賀係食磯燒水產同放題，睇落幾吸引，成日行過都想試，今晚就試下先。呢度供應嘅放題限時2小時，任飲任食，可以任飲somersby蘋果酒添。餐廳環境唔錯，為配合磯燒，設置左抽氣嘅設備，食完都唔會一陣油煙味。有自助吧，供應沙律、壽司，涼拌小食，熱盤方面有炸薯角，同埋多款嘅雪糕同甜品，最吸引嘅係有個candy corner，可以俾人夾包小糖果走，小朋友見到真係超級開心。食品方面，有刺身、壽司、天婦羅及燒物等等選擇，種類都幾多。刺身我地order左三文魚、甜蝦、鮑片，非常新鮮。另外壽司就先叫左鰻魚同火炙蒜蓉三文魚壽司黎試下，件件都又大又厚 ，三文魚配蒜蓉原來都幾夾，我地再encore左。天婦羅，炸得好香脆。牛肉豆腐鍋，豬推薦呢個，豆腐好滑，牛肉又多，另外有娃娃菜做底，味道唔錯。芝士忌廉焗帆立貝，熱辣辣，好香忌廉味，帆立貝算大粒，又係再encore左一次。主角出場！每枱都有備有燒烤爐，2-4人共用一個，入座後店員會簡單介紹燒烤方法，磯燒新手就唔怕無從入手啦。海鮮供應分兩類，會先黎一個海鮮拼盤，唔夠嘅話都仲可以再叫，但有d會收費，所以可以望清楚。海鮮上枱時仍然生猛，好正!任食海鮮有大蜆、青口、海蝦等，雖然種類唔算多，但水產質素甚高。店員同我地講，燒海鮮唔洗加太多調味，燒烤時，可以加d稀釋左嘅清酒，有降溫功效，避免燒燶爆殼之餘，亦可以令水產提升鮮味。 海鮮以外，亦有牛油粟米、金菇、菠蘿等燒。最後食埋甜品就大滿足，個肚又漲卜卜喇，係時候散步行返屋企喇…Read More

餐廳寬闊，座位舒適，而且抽風設備十足，慣常一坐下來就地四處走走看看有什麼即食、果然大發現多款飲品，蝦片、麻辣炒花螺、甜品小食沙律等，飲品極為豐富，汽水以及韓式啤酒和烏龍茶等，一應俱全👍🏻。首先送來的是一份海鮮拼盤鮮帶子、新鮮活蝦、貴妃旁、聖子、活大蜆各式海鮮肥美香甜，特別是新鮮活蝦，你可以看到手腳不停擺動的新鮮感😄，有善的店員更不停替我們烤各種海鮮。多款新鮮刺身拼盤三文魚、甜蝦、希靈魚、鮑魚片、榮螺片...當中最愛的三文魚，魚香柔嫩，色澤鮮豔，入口即溶；鮑魚片味道較濃，我的朋友未吃完已經加單😂。榮螺片爽口彈牙👍🏻。燒物方面：菠蘿、雞軟骨、肥牛卷、芝士焗生蠔。放在火爐上的菠蘿，在烤製時候，菠蘿的香味四溢，真的難以抗拒，而且味道更清甜，確係值得推介😋。呢個時候當然唔少得一罐韓國冰凍烏龍茶榴槤炸彈炸到飛起，榴槤獨有的濃郁香氣，遠處聞到都已經流口水🤤，內有新鮮榴槤果肉，冇得輸。😘最後當然唔少得我的最愛（雪糕）多款口味有排試！餐廳特別之處好，更有戲在後頭！範選擇自助套餐顧客，都可親自包裝一套精美糖果🍬，的確是又食又拎！ 😋😋吃得新穎過癮！…Read More

老朋友剛剛生完BB，今日專程去元朗玩BB，行過屋苑附近見到千賀水產，門面簡潔，入面已經坐了很多客人，見時間尚早，就決定在這裡食個午餐先去搵朋友。見到隔離枱食緊磯燒海鮮好正，諗都唔諗我就決定叫午市磯燒星級放題3.5小時任飲任食，可以由12點食到3點半，時間充裕。餐廳員工也很好，我們兩個人食放題也給了我們一張4人枱，令我們坐得非常舒適。而且雖然枱枱人客都食磯燒，但抽氣好好，環境絶對唔會焗促。午市磯燒星級放題3.5小時任飲任食非常多元化，啱晒我鐘意試晒不同口味的人。其中的餐點紙、自助飲品及自助小食。坐下無幾耐，店員就先送上磯燒海鮮拼盤，海鮮非常新鮮，隻蝦送到時仍然彈彈跳，食落爽口彈牙；貴妃蚌好大隻，而且洗得好乾淨，食落鮮甜爽口；大蜆、聖子、青口，同樣洗得好乾淨，入面無沙，食落同樣鮮甜美味；蠔肉隻隻賬卜卜，美味。這盤拼盤實在太好食，所以Encore了好幾次。燒得七七八八後，我們還選了蟹皇海膽粥放在磁燒爐上煮，煮過的粥配上磯燒好的食物食，正。刺身同樣新鮮美味，尤其三文魚肥美厚切，甜蝦新鮮爽滑，馬刀貝貝味濃爽口彈牙。千賀焗黃金蠔及芝士焗扇貝，燒後的蠔及扇貝可以拉絲，燒得沒有過火仍是非常Juicy；燒牛舌切得厚厚的，食落Juicy；;網燒牛扒，生熟程度剛剛好，好味。鹽燒鯖魚，熱辣辣，外面卜卜脆，入面依然滑。台灣辣腸，好有台灣風味。醬燒雞扒，熱速辣，好Juicy。榴槤炸彈，啱晒我這個榴槤控，哈哈。麵豉湯、日式蟹皇翅、雞軟骨串、四季牛肉卷、牛肉生薑燒，樣樣都好好味。…Read More

老婆喜歡吃海鮮，又見呢間有海鮮，仲係可以自己「燒」，又近近地，就去試下啦~一入到去，因為係平日啩，所以冇想像中咁多人，一嚟就先有海鮮拼盤，都算新鮮，生猛蝦真係驚燒燒下佢自己彈返出嚟，不過有兩隻蜆燒燒下，唔開口之餘，仲突然「啪」一聲，成隻蜆飛彈走，好在無彈到人咋。。。食物飲品選擇不算太多，不過質素尚可，可以一試的…Read More

窩夫之前跟好友們光顧過銅鑼灣的千賀水產の鮮鍋道場，印象不錯，日前便跟蝦子餅試試主打磯燒的千賀水產，星期六下午五時入座七時離座，成人收費每位198元。第一輪落單不用點磯燒海鮮，餐廳會先為客人準備海鮮拼盤。餐廳在落單紙上教客人怎樣燒海鮮，十分細心。桌上有清酒、鹽和七味粉讓客人自己調味。蝦子餅依照指示細心地燒扇貝，火喉控制得很好。其實不加任何調味來燒海鮮，吃它的原汁原味也不錯，最重要是海鮮夠新鮮。飲品方面，竟然可以任飲西柚橙味的Hoegaarden Radler。第一次試這韓國牌子的白桃梳打和提子梳打，味道不錯。刺身的選擇共有11款，窩夫與蝦子餅點了三文魚、油甘魚、甜蝦、榮螺片、北海道帶子和馬刀貝等，全部都很新鮮，窩夫特別喜歡北海道帶子和馬刀貝。網燒牛扒和燒牛舌叫人有點失望，不吃也沒有損失。第二輪的刺身，三文魚比之前那些更肥美呢。這些是可以任點任食的磯燒海鮮，當然不能跟海鮮拼盤相提並論。千賀焗黃金蠔和芝士黃金焗扇貝的水準不俗。燒過的溫室菠蘿特別多汁特別甜，牛油香菌和牛油粟米可以補充一下纖維素。壓軸有蟹皇海膽粥，將蟹膏、海膽和飯等所有材料放進清湯裡，煮滾後再加入雞蛋拌勻即可。蟹皇海膽粥是驚喜之作，值得一試。窩夫的胃放不下自助甜品櫃裡的水果、啫喱和泡芙等。窩夫只吃了一支充滿童年回憶的「古力樂」雪條當飯後甜品，蝦子餅則吃了一支蜜瓜雪條。…Read More

哩間水產店既前身都係一間放題店，點知開左兩年我都仲未有機會試，就轉左做哩間以水產加放題做招來既磯燒食店！磯燒喺元朗區黎講真係好少見，襯佢開左冇耐就一於試下！我同朋友六點鬆d到，已經見到幾乎滿場！原來七點前離座每人唔洗$200，計落都幾抵食嫁。一坐底，店員就主動同我地講會上左一盆海鮮拼盤先，其他海鮮再自己剔紙仔。哩個拼盤好正！有海蝦、鮮鮑魚、貴妃蚌、蟹蓋同埋生蠔，哩盤海鮮真係夠哂鮮，鮑魚同貴妃蚌最正😋鮑魚肉質夠淋又有彈性，貴妃蚌大大隻夠爽口又夠鮮甜！刺身… 三文魚刺身雖然唔係好大片，但就好厚身！味道新鮮有三文魚既油脂香。另外榮螺片同象拔蚌都好爽口，甜蝦亦唔差，蝦頭仲有唔少蝦膏嫁！壽司…我鐘意哩度既壽司，因為我覺得放題既壽司一定要飯少！而且佢俾我既感覺係新鮮整，壽司飯微微暖，上面既魚生就好新鮮！芝士肉醬焗茄子…哩個係unexpected咁好食，因為出面好少會咁整，茄子整得夠淋，但又唔會夾到爛，配上滿滿蕃茄味既肉醬同拉絲芝士，係一個可以送十碗飯既小菜😂😂蟹子芝士BB薯… 本身以為係日本蕃薯仔，其實原來係炸香左既薯仔粒！上面就鋪上拉絲芝士同蟹子！又一新驚喜，不過就油膩d，最岩三、四個朋友開心share喇！自助飲品櫃、甜品櫃、前菜區…有Apple Cider!任飲😍 當然仲有好多罐裝同茶包啦！ 甜品都有六、七款，試左佢既cake同埋藍莓雪糕波，第一次見就咁一球既雪糕，味道幾好幾天然。而前菜都不外乎沙律菜、八爪魚、螺肉粒、青瓜絲、蟹柳，仲有我好鐘意既蟹子！…Read More

今日約朋友出黎敘舊，佢哋約咗去元朗食磯燒放題，平時食日本放題食得多，食磯燒放題就係第一次～去到千賀水產，見到門口出面都有人等位，好在之前朋友訂咗枱，唔使等～入到去，舖入面都算幾大，有廿幾張四人枱，每張枱有爐比客人燒海鮮～每枱未order前都有一個海鮮拼盤～入面有鮑魚、蠔、大蜆、扇貝、蟹蓋、大蝦，隻隻蝦都有手掌咁大～磯燒海鮮，除左鮑魚、蟹蓋、生蠔再order要額外加錢外，其餘大蝦、蜆都不需額外收費～自製磯燒蠔仔粥～另外，刺身亦好新鮮～三文魚好鮮甜飲料任飲，仲有Somersby 添~正甜品亦有幾款選擇，又有好多雪條揀配合價錢、質素、服務，加埋一$300/位任食2小時，不算太貴～…Read More

見到新開張嗱嗱琳去幫襯,因為通常新開大件夾抵食,大約6點都已經坐滿9成客燒海鮮咁嘅價錢唔係貴刺身試左甜蝦有殼果種都可以,榮螺新鮮有鮮味,象拔蚌就唔知自己食緊咩,帶子夠厚肉鮮甜但切得太細粒無口感霜燒牛肉壽司普普通通無油脂香味,焗天火蠔得沙律醬連芝士都小蠔細粒到搵唔到,露荀牛肉卷肥牛好重牛味油脂好香露荀夠嫩,雖然未身無味道但加燒汁後好好味雞軟骨炸得好脆唔油膩,豬頸肉不試無可惜,燒牛舌夠林但唔係爽口果種,係大牛舌一絲絲肉嘅感覺,但咸咸香香感覺都唔差吉列蝦蟹卷炸粉比較厚,軟殼蟹卷比較好大蝦size超勁但肉唔新鮮梅梅地剪走晒蝦腸都成口沙,甲羅燒無鮮甜味,珍寶蠔睇唔出有幾珍寶完全無味肉質又梅扇貝比較細粒但都可以,提議群邊唔好食好多沙，聖子唔食都冇損失,蟹蓋殼好簿放上爐後蛋已經係咁滴中間有個洞仔,陪均後食唔出鮮味未食過咁辣嘅清酒蜆,照舊無鮮味無清酒味,海蜆比較有鮮味細細隻好食,蟹肩燒起好香但肉痴晒殼食唔到,迷你尤魚筒肉簿林身,特別但唔好食牛油蛋就係一舊牛油一舊蛋燒熟食,但好香好滑蟹膏粥好玩但唔好食又淡又無香味,而且問店員攞匙子時叫攞埋碗，只俾多個碟你食勁搞笑藍梅益力多味冰球好得意,味道唔重但唔會太甜,提早攞等一陣先食唔係會牙都爆總結:啤酒種類吸引2個半鐘時間吹水食小食唔錯地方,但如想食海鮮就去錯地方,雖然提供好足但因溶雪關係件件無味,而且太部分有沙,但只想回本就一定得燒爐俾想像中夠力,食物好快熟…Read More