Lungor private club (Closed)

以前鄰近有間倫哥私房火鍋係我們一家人經常去打邊爐地方，因為勁多海鮮食材，海鮮又新鮮價錢平服務優質。搬遷去較為遠地區，所以很久沒有去過了。一班中學同學聚會我提議去食，來到佐敦店，環境更大寬躺設裝潢新座位舒適，服務員也殷勤有禮。雞煲仍舊肉質嫩滑濃郁香口，啖啖肉，很是滋味惹味，吃完雞件可再加，吃完更可加湯當作火鍋湯底，海鮮拼盤、刺身拼盤海鮮質素方面仍然新鮮超級正，但種類沒有以前多了，滿足不到我們愛食海鮮的人。雪櫃有超過40多款配菜及飲品都係任飲任食，還有任食美國肥牛。一大碟牛頸脊肉油花勁靚勁正超級抵食。我們另外叫了3隻江蘇大閘蟹，吃起來肉質口感緊實，肉嫩、香甜可口。…Read More

倫哥嘅火鍋放題出名抵食性價比高，見終於開返四人晚市堂食，就同屋企人近近地黎打返個邊爐。雞煲放題$198/位，免醬料費同冇限時，兩人或以上仲有海鮮拼盤送，所以就算平日都好多人食。雖然免醬料費，但醬料選擇一啲都唔少，除左常見嘅蒜蓉辣椒芫荽花花之外，連胡麻醬、泰式辣醬、黃燈籠辣椒醬同香醋都有。火鍋料全部都喺自助區自取，丸類、餃類、肉類、肥牛、蔬菜同麵食都有。飲品方面，果汁、涼茶同汽水都有，仲有韓牌Lotte。打邊爐必食嘅炸響鈴同炸魚皮當時亦唔少得。最後亦有炒飯麵、例湯同糖水。一坐低例牌每人拎罐野飲先。涼拌木耳酸酸地好開胃。雞煲由無辣BB辣大中小辣都有，因為屋企人有人唔係好食辣，就揀左BB辣。BB辣其實唔係好食得倒辣味，不過花椒鹹香味都幾突出，所以都幾惹味。雞肉唔會太鞋，唔夠喉仲可以無限添加。海鮮拼盤係一次性，兩位起就有得送，入面有青口、中蝦、帶子、蠔、蜆、脆骨腩同鯇魚片，海鮮都厚肉唔係細細件冇肉食，我特別鍾意個脆骨腩，好結實爽弾。肥牛同黑豚肉雖然只係平價貨色，不過都幾厚身有咬口。唔同嘅餃同丸都拎左啲試下，丸類方面雖然唔係手打，不過款式都特別，好多中間都有餡料，好似年糕丸、醬爆沙律丸、牛骨清湯丸、豬骨濃汁丸、芋泥包心貢丸、松露小籠包......等等，睇得出餐廳喺揀食材方面都有花過花思。餃類都有四款，每款都比較大隻，如果每款試勻都幾飽肚，所以我會建議細食嘅朋友先揀兩款自己想試嘅，寧願留返啲肚量食其他野。鵝腸好爽口，因為唔係個個啱食，所以平時同朋友或者屋企人出去打邊爐都未必會叫，哩度係自己食幾多夾幾多就唔怕。炸魚皮脆得黎唔會太硬。是日糖水係紫米露，唔會太甜，不過如果多啲紫米更好。總結，野食方面因為將貨就價都唔可以有太高要求，但質素都可以接受，一次性嘅海鮮拼盤質素唔錯，絕對係回本位，餐枱夠大就算拎左好多野食返黎都夠位擺，侍應收碟速度都快，想平平地打個邊爐倫哥都係唔錯嘅選擇，唔會有投訴。…Read More

去咗兩個星期歐洲，男朋友一返到香港就話要去食雞煲同打邊爐，所以前兩日就出咗佐敦食倫哥尊尚火鍋私房菜。基本上而家一大班人約食飯都會食倫哥，我一年都食幾次架，倫哥啲食材真心新鮮！我哋個套餐係海火鮮鍋(嚐鮮十二式)。一去到就有四款前菜，前菜有豆腐，木耳等，中規中矩。好快就有刺身拼盤，刺身好唔錯，最好味係牡丹蝦，鮮甜彈牙！食完刺身無耐就有蒸海鮮，我哋有蒜蓉蒸帶子，雖然帶子唔係好大粒，但勝在新鮮。帶子，蒜蓉同粉絲呢個組合係無得彈！之後又嚟咗炆花膠鮑魚，都炆得幾稔同入味。跟住就係重頭戲—雞煲。呢到嘅待應好友善，大約每兩分鐘就幫我哋炒個雞煲，其間仲加咗魷魚同豬皮落去炒，大約八分鐘就得喇！呢度嘅雞肉好嫩滑，重點係雞煲調味適中，食完絕對唔會口喝！惹味得嚟絕對唔會太重口味！食完雞煲就到打邊爐，通常我食完雞煲都無咩戰鬥力，但喺倫哥，我係會刻意留肚打邊爐，因為佢啲牛肉好正！今次我哋清清地要皮蛋芫荽湯。配料都有好多種類，有牛，海鮮拼盤，墨魚滑，蝦滑，水餃，響鈴，炸魚皮同蔬菜。最正嘅配料一定係個牛頸脊，有啲雪花紋，但又唔會太肥，重點係牛味濃！另一推介係手打墨魚滑同蝦滑，有粒粒原隻蝦喺入面！飲品選擇都唔少，除咗有一般嘅汽水同果汁，仲有自家檸檬薏米水，好清甜！最後仲有甜品—椰汁雪燕為呢一餐畫上完美句號。總括而言，倫哥嘅價錢係中上，但勝在食材新鮮，種類多，又服務周到，所以值得一再encore!…Read More

同屋企人慶祝生日 本身諗住星期六即日都好難book到位點知中午一whatsapp就成功訂到枱（食咗少少先記得影相😅)一入座先上前菜小食同雞煲店員好細心幫我地攪拌以防黐底雞煲叫咗bb辣 冇乜麻辣味但醬汁好香濃好惹味等齊人就上咗蒸象拔蚌仔、鮑魚花膠同刺身拼盤象拔蚌仔都算幾新鮮銅厚肉不過略嫌蒸過熟咗少少而鮑魚同花膠都炆到好入味 刺身款式多 亦夠新鮮食咗兩轉雞煲就叫湯底轉打邊爐今次揀咗蕃茄濃湯海鮮拼盤好豐富 款式好多質素都還可以仲有好多火鍋配料都係任食手打墨魚滑同蝦滑係必食之選口感好彈牙響鈴就唔夠脆 比較淋身最後仲有甜品如果用信用卡付款就會係黑糖冰粉現金付款就會係椰汁燉雪燕最後我哋揀咗黑糖冰粉冰粉口感滑捋捋 本身冇乜味但配上黑糖味道又幾夾埋單連加一$383/位以呢個價錢食到呢個分量同質素仲要係任飲任食 性價比都算幾高👍👍…Read More

老朋友飯局聚會，推介這店的打邊爐，刺身拼盤不錯，而海鮮，牛肉及其他食物水準中上，養生雞鍋清甜美味，年輕服務員態度不錯，收拾碟和垃圾爽手，環境整潔，坐位舒適，任飲飲品可以由其五花茶，送甜品黑糖冰粉必吃好味道，個個食到飽飽的，下次試試其他鍋底。希望這個品牌努力保持水準，客似雲來！…Read More

女友話之前食過倫哥好正，帶我去試試上到嚟，發現好大，全層都係佢嘅，好多vip房，下次夠人數book間房，有自己私人空間，開個私人party坐低後先送上一人一份蠔皇扣原隻鮑魚配花膠同埋蒜蓉粉絲蒸扇貝蠔皇扣鮑魚配花膠-鮑魚煙韌入味，花膠亦不錯蒜蓉粉絲蒸扇貝-都幾大隻，蒜蓉味很重，但沒有蓋過扇貝的鮮味，而粉絲更吸收了兩者的精華之後送上按人頭份量的刺身，有甜蝦，三文魚腩，帶子，八爪點，北寄貝，全部都好新鮮雞煲超好食，因為唔食辣，所以叫左唔辣，已經超好美，店員話要煮多八分鐘，每兩分鐘就炒d雞一次，以防燶，隔離抬叫大辣炒起來極香，比我哋唔辣的更香食完雞煲可以轉火鍋，不過雞煲係任添，記住食到夠先轉火鍋，我哋叫左豬骨牛乳湯底，好足料，有兩舊大大的豬骨第一轉配料不用寫，店員會自動送上，先有海鮮拼盤，再有丸，餃同牛頸脊左起：牛丸，年糕魚蛋，雲吞，九菜餃牛頸脊雖然不太肥，但肥瘦均勻，所以食落香滑，令人感到有想食多d眼感覺餐牌內，其實仲有其他配料可以點，保證你一定可以食飽最後還有甜品附送，因為我哋太飽，所以無要到…Read More

之前都食過好多次倫哥，今次一黎見佐敦開左旗艦店又約左一個好耐冇見既朋友就決定黎到呢到食返個火鍋啦！一開始就先黎前菜木耳同豆角，個人較鍾意豆角個調味好到位爽脆得黎又有啲辣，開胃！刺身種類繁多，其中三文魚同蝦既質素好似食緊日本餐廳一樣，食完之後胃口更好！跟著係其中重頭戲原隻蠔皇扣鮑魚，鮑魚煮得透徹入晒味，唔會係食橡膠咁值得一讚。下一樣都係海鮮粉絲蒸扇貝，扇貝size中等，熱辣辣食都係爽滑既口感，比多啲粉絲撈汁就更好。跟著係雞煲，今次我地都唔太舒服，叫左唔辣就算，但店員細心幫忙炒雞煲係幾舒服，同時雖然我地自己開頭冇留意時間煮耐左但雞肉都唔會老，食到一半加水魷同豬皮十分惹味。食完雞煲就到戲肉打邊爐啦，今次叫左豬骨煲，豬骨大大件，想食骨髓既朋友可以一試。同一時間上場有牛頸脊，雖然唔係任食但最緊要靚，見到佢都雪花均勻，食落都好軟滑。另一邊有海鮮，其中蟶子同象拔蚌bb好鮮甜，龍躉片厚肉結實，蝦都係新鮮彈牙。係打邊爐既時候有分到任食同加錢部分，其實前面食左唔少味菜，任食時段都未必食得落好多野，不過手打墨魚滑同年糕丸都係小弟至愛。最後今日有個提子乾黑糖冰粉，食完就完滿地抱住個肚返歸啦。總結佐敦倫哥座位舒服，員工服務都唔錯，三、四百蚊有咁多野食仲可以加雞煲龍躉的確唔錯。…Read More

倫哥食飯必定不會失望，每次吃完都同朋友極力推薦，地方大坐得舒服雞煲係任吃的，一坐底店員就會問辣度，食完雞煲就可以轉食火鍋，食之前仲每人送一盅足料燉湯😋猴頭菇炖雞湯，未飲都睇到材料好足再送黎大大盤刺身非常新鮮，超喜歡大蝦刺身，夠大隻肉質又肥美，帶子刺身鮮甜爽口店員突然走過黎叫我地抽籤，原來餐廳搞緊活動再送串燒🙈抽中左腸仔，好好食之後再另外叫多左碟燒蝦🍢雞煲味道香濃，醬汁越煮越濃，仲要係雞煲任食，辣度可以自己簡，沾滿醬汁既雞肉愈食愈開胃，記住留番肚再轉火煲繼續食😝火鍋湯底簡左蕃茄湯，清番個喉嚨食海鮮同牛肉餐廳牛肉質素高，每片都切得好薄，而且牛味好濃肉質軟嫩，油脂分佈平均，絕對唔係雪藏貨再配上海鮮超大盤，一上抬個個搶住手機食先📸海鮮都有好多款（蟹🦀蝦🦐扇貝、蜆、聖子……）另外墨魚滑同蝦滑都必叫，超彈牙又新鮮，出面食唔到…Read More

係佐敦地鐵站A出口行幾分鐘，抬頭一望就見到倫哥火鍋既招牌，今日既目的地就係黎佐敦分店呢到啦！  上到去二樓就見到倫哥私房菜既靚靚招牌，如果拎走條紅色帶就更好！ 店員俾咗個枱號我地，唔知點搵。原來抬頭一望，就會見到枱號！店內既裝潢都幾別緻。D碗筷好盞鬼！張紙會教你點整個雞煲~前菜有麻辣豆角同埋木耳，木耳用醋醃過，又用咗蒜蓉調味，香得黎，酸酸地，豆角麻辣得好過癮，兩樣都好好味。第一次黎食倫哥真係好有驚喜，係食雞煲前會有中湯飲，而且唔係普通中湯，而係燉湯，今晚係蟲草花燉雞湯，十分滋補。飲完湯之後，另一驚喜就會出場，係鮑魚花膠啊！花膠含豐富骨膠原，啱哂女士食。鮑魚細細隻十分彈牙，配埋D汁味道剛剛好。當你以為開始食雞煲既時候，店員又拎咗一盤刺身拼盤黎。有三文魚、牡丹蝦、帶子、八爪魚同埋北寄貝，每一樣都新鮮肥美，唔錯喎！食咗咁多正野，主角雞煲終於出場啦！本來諗住跟住張紙既指示去整，但係呢到D店員好好咁黎幫手攪。攪咗四次之後，個雞煲就可以食啦！我地怕辣，所以叫咗BB辣。一打開煲蓋，就立即香氣撲鼻，夾起一舊食，雞肉十分嫩滑，醬汁都十分惹味，最正係可以任食。食到一半，就可以放埋牛柏葉、豬皮同埋魷魚落去個煲入面撈，索哂D濃香惹味醬汁，非常美味！食完雞煲就可以轉打邊爐，等緊既時候，店員就拎咗串燒蝦同埋我一開始店員俾我抽籤抽中既串燒羊肉出黎。串燒蝦有椒鹽調味，而羊肉串燒一D都唔騷，兩樣都唔錯！湯底我地就揀咗牛乳湯，顏色呈奶白色，飲落清清地。等D湯滾起之後，我地就落野食啦！D蠔望落去大大粒，驚放入去淥會縮水，點知淥完之後都仲係飽滿多汁。海鮮拼盤︰又一驚喜之作！拼盤有海蝦、蟹、蚌、鑽石蜆、刀貝蜆、白鱔、龍躉、魷魚、鯇魚，十分豐富，絕對啱哂熱愛海鮮既我！打邊爐冇牛總係好似爭D野咁。呢盤牛頸脊擺盤好靚，夾起一片淥好之後品嚐，就會食到濃郁既牛味，而且有少許厚度，偏向有嚼勁。一片又一片，好快就清哂。墨魚滑同埋蝦滑係我認為無論幾飽都一定要食，因為真係好彈牙，而且仲有墨魚粒同埋蝦肉係入面，真材實料，味道鮮甜。打邊爐有雲吞水餃係基本！呢到既餡料都幾有水準，d皮唔會好重醶水味。食咗咁多肉，一定要食下菜balance下。仲有打邊爐常見既響鈴！如果想飲野，可以問店員拎一樽涼茶，又或者去飲品櫃拎汽水。食完咁多野，最後就係甜品！甜品係黑糖冰涼粉，有別於平時食既黑色涼粉，呢個係透明，而黑糖為這晶瑩剔透既涼粉帶來一絲絲既甜。食完好飽，要捧住個肚去埋單。之後見到呢幅圖，真係非常認同！「同志們，這家雞煲火鍋要常來！」…Read More

之前食過佢深水埗分店，知道佢嘅火鍋套餐未入正題前都相當多嘢食，大食友人話要試下，咁就同佢黎呢間新開嘅分店佔地全層，坐得相當舒服，今晚就食呢個餐港入對於火鍋時有埋刺身拼盤相信都見怪不怪，幾款刺身大路，個人比較欣賞隻牡丹蝦，相當大隻，食起黎肉多又彈牙!呢客"鮑你上位"，名字相當搞鬼，即係蠔油花膠炆鮑魚，兩者都炆得夠時間同入味同時間燉湯亦送上枱，熱辣辣嘅蟲草花燉鷄相當足料，味道清中但好夠味，飲完成身暖晒!係飲緊多嘅時候，侍員拎出籤筒示意抽一支，得到呢客燒韮菜，加上孜然粉，又幾好味喎跟住又送碟燒蝦，真係一時間食物已經放滿晒成張枱，腦海裏出現左6個字 : 不要問，只要食呢個時候要出凍櫃拎返罐凍飲COOL DOWN下先，順便用黎送鷄煲呢客阿鷄煲，辣度任選，鷄煲真係建議要少少辣先好味，侍應教要炒4次，每次相隔2分鐘，鷄煲加入大量洋蔥及芫茜，配入秘製惹味醬汁，鷄件入晒味，肉質滑中帶少少嚼口食到一半，再加埋水魷，豬皮及牛栢葉，三者都能夠索醬汁，咁食法係好味嘅!鷄煲係可以任食，但總不能唔留肚比火鍋時間架?!  呢個時候只需選擇湯底 (今晚選芫茜皮蛋湯底，清熱下火)，其他火鍋食材侍應會自動上枱每晚唔同海鮮上場，但至少有6-9款，今晚呢個海鮮拼盤包括: 蝦，半隻蟹，鑽石蜆，沙白，鯇魚片，魷魚，刀貝等，每款望落都新鮮靚仔蜆肉鮮甜又爽口蟹細隻但都有膏，鮮甜味美蠔烚完都唔太細隻，蠔味幾濃牛頸脊係我火鍋最愛，肉味濃，帶少少脂肪嘅香滑，可惜唔係任食，唔係嘅話真係不得了囉手打黑白滑，即係墨魚滑同鮮蝦滑，2款都係相當彈牙爽口雜菜籃包括幾種菜，喜歡邊隻可以再叫，今晚嘅西洋菜相當嫩口，不禁叫完又叫低鹽少油響鈴，細條的式D，口感又唔係幾食出少油，用黎索湯都OK嘅!仲有韮菜餃同雲吞，哇.......真係食食食.........!其餘可以追加嘅食材都唔少呀，但其實食晒以上嘅嘢都已經好飽仲有甜品送，呢碗係黑糖透明涼粉，透明涼粉真係第一次食，食落真係有涼粉味道但口感較滑溜，冰涼清甜，下火之選!真係有倫哥，個肚點會餓............?! 哈...哈…Read More