一鍋豐

好難得即慶約到幾個朋友出黎，唔知食咩好⋯所以就係旺角搵下有咩好食啦～經過朋友介紹就即刻打電話黎一鍋豐問下有無位⋯點知重有一張4人枱～好好彩我地就即刻上去🤪入到去地方都幾大，張4人枱感覺可以坐到六人～😂唔會好逼～坐得舒服～👍🏻佢有三個價錢揀既，我地因爲朋友都唔係樣樣食，所以揀左中間個價錢，一樣都有送個海鮮拼盤⋯都幾大盤～每樣大概有4隻，基本上都係冰鮮既⋯但都可以接受⋯佢自己落單有蜆同蝦可以叫⋯我地叫左都幾多～😂因爲蝦同蜆都好新鮮，好好食～其他野食都唔錯～食多兩轉蝦都回本啦😂同埋佢落單每樣都係俾人頭數你⋯唔會太多⋯唔洗驚浪費⋯另外牛肉都好食～有兩款揀⋯但我唔記得個名🤦🏻‍♀️佢飲品都好多款，都有唔同啤酒～滿足晒唔同既朋友～😉總括黎講呢間打邊爐野食新鮮，又多選擇～服務都唔錯～推介～👍🏻👍🏻…Read More

放假涼涼地又落雨，最適合就係去烚下烚下係旺角又好多選擇，而我今次就去左呢一間一鍋豐！其實前幾個月己經好想食，但可能太Full 啦！好難Book位！今次我就同老公好早就去到！所以都未算爆滿！呢間湯底都有好多選擇，有成12個湯底俾你揀，總有個岩你口味最特別呢到有個出面好少有的川芎天麻大魚頭鍋！可惜我老公唔鐘意，所以下次同朋友來先試下呢個湯底還有六款刺身任食三文魚，虎蝦，希靈魚，立魚，鮑片，八爪魚都算新鮮，唔錯仲有個海鮮拼盤鮑魚，馬刀貝，海斑，蘭花蚌....新鮮好味，由其是馬刀貝，勁大隻，鮮味滿口，肉質爽口手切肥牛肉質好鮮嫩，牛肉味亦幾濃郁！仲有任飲汽水可以出去自取，另有雪糕機供客人自行使用，更可加上不同配料！還有雪條，雪糕糯米糍等等....…Read More

好耐冇打邊爐啦！同朋友去打個邊邊，為開心嘅一日做完結。我地揀左呢間。因為未食過呢間哈哈😂我地去到揀左個象拔蚌海鮮火鍋套餐。呢個餐勁豐富，岩曬我呢啲中意食海鮮嘅人。呢到啲醬料、飲品同甜品都係自助嘅，可以自己岀去自行調配同選擇。飲品種類繁多，甜品種類可能唔算多，但有我最中意食嘅雪米糍，外皮煙韌，內裏甜甜的，好正呀！仲有呀！呢到有魚生食嫁，中意魚生嘅朋友千奇唔好錯過啦！不過我地麻麻地食魚生，就冇叫到嚕。而湯底我地就揀左皮蛋芫茜湯，因為中意較清嘅湯底。首先岀場就係套餐裏嘅海鮮拼盤。每一樣都好新鮮。而且係有冰係底，可以keep住新鮮，唔會變壞，亦可以保持口感。呢個餐拼盤共有7種海鮮。象拔蚌、聖子、蘭花蚌同馬刀貝咬起黎好有口感好爽口。鮑魚一啲都唔似擦膠，雖然我地淥耐左。。而海星斑就普通，淥一陣就好夾起啦，朋友驚唔熟淥左好耐，結果爛曬。之後想講佢啲牛肉，無論係鮮滑牛肉定手切肥牛都好好食好滑。淥耐左都唔會好韌。作為牛嘅終實fans，呢到啲牛真係好正。想買返打返屋企。呢個我地叫左3 round.之後就到蝦啦！蝦係我最平日最喜愛嘅食物之一。我中意呢間餐廳嘅蝦夠爽口同甜，睇得出好新鮮。朋友幫我剝蝦唔洗自己郁手，正。我地之後都係咁encore蝦。脆肉鯇係我打邊爐必備。爽脆嘅口感好正。我係偏好有口感嘅食物。而且切得夠薄，唔易啃骨。呢碟真係好特別。或者係我見識小？我未試過黃立䱽打邊爐。不過呢個就較多骨，要小心食。肉質就係普通魚嘅感覺，不過貪佢夠特別。手打蝦丸、墨魚丸同鯪魚球好彈牙好滑。好睇得出師傅功力。蝦丸同墨魚丸仲咬到蝦粒同墨魚粒嫁。另外仲有手打雞肉丸食，大家都可以試試。今次食嘅多以海產類為主，因為覺得好新鮮。野食好快上到。食到我同朋友都飽曬。非常滿足。下次再黎試下其他湯底先🤤…Read More

香港冬天時冷時熱，襯住仲係凍凍地都係同朋友去打多幾次邊爐先上網見到人推介話依間打邊爐有喇沙湯底，自己本身好鍾意食喇沙，所以即刻約人去試啦要！去到門口見到都幾多人等緊位，好彩咁啱有張二人枱比我地，坐位都幾闊唔錯唔錯〜原來要揀馬來喇沙大頭蝦湯底，就要叫$288既套餐，不過唔緊要〜我地本身就已經想叫象拔蚌海鮮套餐落單一分鐘左右湯底就勁快上咗，入面真係好足料咁有兩隻大頭蝦，而且個喇沙湯真係好香！然後跟餐既海鮮拼盤都上埋了。入面有七種海鮮，有象拔蚌、聖子、海星斑、鮑魚、馬刀貝等等，淨係食曬碟海鮮都飽咗一半呀哈哈之後我地就落單叫咗好多唔同既配料諗住咩都試下，餐廳好貼心咁會因人數而比合適既份量叫咗啲魚生，朋友食完之後話塊三文魚仲好過出面啲日本放題喎肉類方面特別推介大家點手切肥牛，食落真係食得出好過自己平時買嗰啲好多，所以我地食完一碟又一碟〜呀！同埋蝦都好新鮮，食落真係爽口唔係梅晒既鍾意食海鮮既一定要去試下，依度應該係我食過其中一間高質既打邊爐〜（ps.員工服務好好！好有禮貌）…Read More

我真係覺得係香港食物係無分國界，更無分季節！因為香港人一年四季都甘鐘意打邊爐而係越來越多過江龍來港，本地火鍋店都要好好甘去固定返本身既地位，所以出左任食任飲黎吸引更多客人。今日黎到旺角創興呢棟美食大樓，見到"一鍋豐"好大個廣告，而且之前見過有報導，所以就決定試下！一黎到就要揀餐先，因為每個餐既配料紙都唔一樣。今日就揀左$238 鮑魚海鮮火鍋套餐配料各類選擇都好多，而且刺身都係任食。一次滿足中日2種料理！！！值得一提，配料應該會依照落單寫既人數出，份量岩岩好，好貼心。飲品同醬料選擇都算多，而且唔馬虎，唔會放啲平價野飲出黎。刺身分別係 三文魚，白肉豚，赤貝，希靈魚，榮螺片。值得一提既係第一次見到火鍋店刺身會有白肉豚，而且油份好夠，入口即溶。赤貝雖然唔係太大件，但都好爽口好新鮮。鮮茄蜆鍋蜆份量好多，湯底都好紅。但可惜蜆有沙，會令到成煲湯底都有沙。可能食慣左重口味，覺得茄味唔算好濃，所以比較建議可以再單點蕃茄落去煲。附餐會有一盤海鮮，一共5款。包括有海斑，鮮鮑魚，有殼蠔，珊瑚蚌，馬刀貝。睇落都唔錯，色澤幾新鮮。蠔雖然會縮水，但都係正常size，味道幾鮮，但好可惜又有沙。幸好鮑魚水準唔錯，夠彈牙。海斑肉比較易散，會有少少骨。總括黎講，海鮮部分都不過不失。都值比$238一位！單點既蝦一份4隻 ，比想像中雪到梅既蝦完全不同。好新鮮好彈牙，殼好易剝。花膠由一開始煮到最後，好滑。但始終唔係頂級花膠，膠質唔重，而且可以吸左湯，所以有沙。魚皮 響鈴好脆，無油味。而且唔會好碎，加分栗米好甜，手打蝦丸比較實，食得出無落粉，但蝦味唔太明顯。推介！！牛根腩～～ 本身炆過再雪返。柱侯醬好入味，每一件都薄薄，件件都肉連根，好淋唔會煮到好硬。附加一張滿場既圖，可見香港人真係好熱愛打邊爐！！…Read More