Wonyi Ramen

由佢啱啱開冇咩人排隊，到而家大排長龍。近期再加開太子分店，作為熟客倍感安慰。估唔到喺日本食過嘅虹吸做法嘅拉麵都有，自家製麵條喺重點，拉麵沾麵都正。湯嘅溫度一定夠熱，麵一定冇鹼水味，蛋一定有蛋味同流心，每件事都做到剛剛好。沾麵汁凍咗可以加熱，細心過韓國暖男。食咗兩次雞二郞限定店員就認得我，記性好過Chat GPT。希望嚟緊會有多啲新限定，有返雞白湯同魚介沾麵就好。十八區分店都有一間。泓一作為香港世一絕不為過。…Read More

、泓一拉麵成日見到人推薦，想試好耐，但係見個個都話去到要排好耐隊，所以就打消左呢個念頭。今次終於下定決心去試！食完完全冇失望！不過要排咁耐隊食就要諗諗了。  1️⃣雞白湯拉麵（$98） 每碗拉麵本身都有筍、蔥、慢煮雞胸、叉燒同埋一隻溏心蛋。一上台，奶白色既奶泡完全遮蓋曬底下既配料。湯底係好香濃既雞湯味，唔會油膩亦都唔會過鹹。慢煮雞胸好滑！然後佢地既糖心蛋又係非常出色！入曬味而且中間係橙黃色既好好食！最特別既一定係佢地既麵🤩有啲黃色一點點咁，食落有咬口得黎帶少少麥香～  2⃣️海老沾麵（$98） 個沾麵都唔錯！本身就係衝住佢既雞白湯拉麵而來，冇諗過佢地既沾麵都幾好食！麵條比起拉麵果款再粗身啲，口感更加彈牙，而且都係果種有啲小麥點點既麵條😌海老味道都幾濃！掛汁！   …Read More

響黃埔附近突發想食拉麵，上網搵到呢間，食完先知係人氣店。鋪內一張長吧枱有6-7個位，提供自助冰水，有日本店面嘅感覺。今次幸好前面只有3組人，等位時間尚可接受。\\\ 點餐 \\\►雞白湯拉麵 $98店嘅招牌拉麵之一，湯面發打了一層奶白泡沫，湯底飲到清香雞湯味。麵條用上店主自家製作的幼身捲面，能看到一點點麥粒，煙韌彈牙，值得推介！麵上有慢煮雞胸及叉燒各一片，雞胸肉質嫩味淡，叉燒薄切偏紅，以真空低溫烹煮，入口軟淋。溏心蛋高質，咬開流心蛋汁溢出，充滿蛋香味！►海老沾麵 $98沾麵同樣給了一片雞肉及叉燒，不同的是換了伊面闊度般的粗麵，更有嚼勁。湯用了蝦膏、蝦頭等熬成，放了一堆櫻花蝦乾。蝦乾香撲鼻，湯味濃郁帶鹹，味道很出。由於湯的稠度非常高，加上麵條很掛湯的關係，吃到中後段有點膩，想喝水。個人口味而言，覺得沾麵湯降低一點稠度比較好，不用那麼「傑」。►日式煎餃子  +$25 (任何拉麵款額外加配)餃子皮薄，肉餡比較咸一點，煎得剛好。\\\ 整體評價 \\\★想encore指數 -  8 / 10 ★湯底和麵條都挺出色的，最欣賞是麵條，有咬口兼軟硬度適中。…Read More

⭐️Overall Highlight ⭐️————1️⃣ 雞白湯拉麵（$98）😋評分：8/10🐣泓一最出名就係白雞湯🐣白雞湯湯底濃郁,表面起曬泡咁，飲落好香好creamy 🥰麵底仲要係自家制既幼身麵條，麵既質底幾彈牙，好快就清曬成碗。配料有糖心蛋、雞肉、叉燒、豆苗同洋蔥——🥚糖心蛋的蛋黃呈橙紅色，色澤光亮，蛋黃香非常濃郁。可惜蛋白冇咩醬油味。———-2️⃣海老沾麵（$98）😋評分：8/10海老湯底味道偏鹹香，鮮味主要係蝦味為主。湯的質地較厚身，粗麵條食落更加煙韌有咬口，好掛湯。 配料有糖心蛋、雞肉、叉燒————3️⃣ 自製叉燒（$28）😋評分：7/10有4大塊又幾抵，叉燒係真空低溫烹，食落好嫩滑😊有意式煙肉🥓既味道。————-…Read More

半年前第一次嚟果陣咁啱撞正餐廳裝修，食唔到，所以特別掛心😶。今次特登睇埋佢FB，確定聖誕假期有營業，同埋午市有雞白湯先出發🤓。12點15到達，門外已經有7位客人排隊等候。本身見人龍唔長，仲以為好快有得入，點知….結果等左70分鐘….😣柯打後等多10分鐘，拉麵終於嚟到我面前😭雞白湯 $98呢個拉麵賣相真係好靚😲，面頭D泡泡好加分，雖然幾油，但雞味真係幾濃🙊。可能因為我先試雞味濃郁嘅泡泡，所以令之後飲嘅湯無乜雞味🤔。配料有一塊豚肉同一塊雞肉，前者普通、無記憶點，後者濕潤、鬆軟，而且有淡淡嘅煙燻香，幾特別。溏心蛋煮嘅時間啱啱好，流心蛋黃，可惜無乜蛋香，而且亦無醬油香😐。麵量偏少，而且生洋蔥同大蔥放太多，好搶雞味。海老沾麵 $98拉麵係厚扁有麥粒嘅拉麵，揀左硬麵，食落有口感。個蝦湯唔會好鹹，食完唔會好口渴，但略嫌糖落多左，甜味太出；由於個拉麵係凍嘅，個熱湯好快比佢整凍左，所以會越食越油膩🙉。由入座到食完離場用左35分鐘，店內只有7個位，3位職員。當日星期日，下午2點後人龍更長😯。值唔值得排隊真係見人見志。…Read More

雞白湯拉麵 $98飲一啖就有濃濃嘅雞湯味，唔會鹹，反而仲有種純雞湯嘅感覺，冇其他雜味，好飲😋 雞叉燒好嫩滑，有淡淡嘅煙燻味；豚叉燒就係薄薄嘅豬腩片，好大塊，而且完全唔柴唔膩；溏心蛋正常，做到流心效果；拉麵幼身，麵質彈牙，唔錯👍🏻海老沾麵 $98海老湯底非常濃稠，可以用「汁」嚟形容，好重蝦頭味，味道好衝擊😅 不過有少少鹹。沾麵比拉麵粗，而且係扁身嘅，麵質有咬口，亦都好掛湯。食到最後加咗清湯，個味比較順口，不過因為個湯稀咗，所以啲沾麵就冇咁掛湯。〰️〰️〰️〰️〰拉麵湯底有招牌嘅雞白湯，鹽味，醬油同鰹魚湯；如果沾麵嘅話就淨係得海老湯底。雞白湯拉麵，如果同之前介紹過嘅鳥華亭相比，呢間餐廳會高分少少，因為佢嘅拉麵同叉燒都做得比較好；但如果計埋等位，環境等其他因素，我絕對會揀鳥華亭，因為唔洗排咁耐隊，而且都好食🤣餐廳好細，最多得8個吧枱位，客人全部自動波，一有人走，自己就會行入去，店員都唔會行出嚟帶位，會直接係吧枱到等你，問你落咩order。可能因為得幾個客，店員服務態度都好好，好有禮貌同效率😂今次排隊前面大概有12人，等咗個半鐘，嘢食係好食嘅，但曬住等咁耐真係不了，下次如果等超過30分鐘，我都唔會排😅〰️〰️〰️〰️〰️食物:4.5/5消費: 3/5 環境: 3.5/5服務: 4.5/5Revisit: Maybe…Read More

店面座位唔算多，但充滿日式貼心✨檯面下面可以掛袋而且提供冰水，好似去左日本咁♥️🐔雞白湯拉麵最受歡迎嘅雞白湯果然好值得期待，面頭嘅泡沫令麵體變得非常滑身湯底好濃厚，但食落嘅負擔感唔重，唔會好鹹好膩拉麵嘅小麥味好香好突出，會想特登咀嚼耐啲去感受佢嘅香氣叉燒嘅煙燻味同雞湯配合得好好雞胸肉亦唔會柴，口感軟嫩🦐海老沾麵沾麵湯有好濃厚嘅蝦味，不過味道比較單調叉燒無浸住湯，會食到更加明顯嘅煙燻味可以自己加檸檬汁，風味有明顯提升♥️🥟日式餃子正常水準，不過外皮稍腍…Read More

泓一好細間，只有8個座位，加埋隔板之後，其實只有3組枱比人坐，所以要等比較耐先有得食。海老沾麵（$98）：沾麵湯非常濃郁亦夠味，不過唯一係上菜時已經不夠熱，但整體都係好味！雞白湯拉麵（$88）：湯底都非常濃郁好味，有做到如 cappucchino 般的奶泡效果，非常順滑；但麵質不夠韌，個人認為未夠掛湯，食完之後有少少口渴。御好燒風味餃子（$36）：係想像到嘅味道，餃子比御好燒強烈嘅味道完全蓋過，御好燒味係唔會唔好食嘅～留意返佢午市做到4點就落場，我地食食下見到店員出去截龍真係鄧佢哋傷心💔…Read More

黎過呢間小店幾次都空手而回😅因為實在太多人排隊啦💕 佢既沾麵質素好高CP值又高吸引唔少人💰食完都覺得排得值回票價👍🏻沾麵值得試一試🤩⭐️ 海老沾麵 🦐濃厚既魚介湯底每一口都充滿海洋既鮮味🌊 面頭既櫻花蝦係不錯既點綴🍤令到湯頭更鮮 沾麵既Texture超有口感🥰食到絲絲小麥味🧡加湯更加唔會腍曬 配料有雞肉叉燒同味玉🥚 超豐富❤️⭐️ 雞白湯拉麵 🍜鍾意清單口味既朋友可以一試🤪湯頭似屋企煲既雞湯好清澈🐓 但係比較中式感覺 中環某雞白湯名店相對更有亮點😅 雞肉好嫩滑比較趁呢個湯底呢🤩…Read More

排隊情況11:30就到，得一個人係前面，準時12:00開舖就第一輪食得。但入面得5個位，我12:00入去時已經有10幾人係後面，我盡快食完出黎都要12:30，所以後面嗰啲都真係有排等。.食物[雞白湯拉麵]湯底: 呢度最出名就係個湯底，的確好香濃，感覺真材實料淆左好耐，但有少少似呀媽煲嘅花膠雞湯，好特別呢又唔係。冬天飲一定勁soothing，耐何四月嘅香港經已好熱叉燒: 肉質幾嫩滑，但無乜肉味麵: 麵質一般無特別出色[海老沾麵]湯底: 呢個反而有驚喜，蝦味好香濃，美中不足係唔夠熱，同埋塊檸檬🍋都無話同個湯底好夾。麵: 呢款係用左粗麵，麵質比雞白湯隻麵彈牙性價比8-90蚊一碗拉麵其實都好ok，但係無想像中咁好味，就未必會再黎排過啦…Read More

拉麵唔一定要濃郁，清清地既雞白湯拉麵都可以好食～加埋紫洋蔥粒令湯底更鮮甜；重口味既應該會更加鐘意佢地既海老沾麵，蝦味濃到好似去左大澳咁！！🦐.而且佢地既叉燒真空低溫烹煮，肉質嫩滑；溏心蛋煮得岩岩好，流心得黎仲食到淡淡既醬油味；個人覺得比較失色既係佢地每日自家製拉麵，口感偏彈牙、較黏口同掛湯力低…Read More