樸一拉麵

小弟我食過咁多間拉麵店，我敢肯定旺角區最好食嘅拉麵店。撲一，為咗呢篇食評小弟親身分別嚟過五次（即係排過五次隊）食哂我最期待嘅拉麵（當中海老拉麵食過兩次），小弟呢邊食評係誠意之作係開始之前，我想讚一讚店員小姐，有一次我漏咗把遮喺入面，佢都幫我keep住，勁窩心，係招呼客人排隊入去之前，好有禮貌，會預先俾定菜單排隊嘅客人睇入面舖頭唔算好大，目測可以坐到大約20人，如果夏天會比較熱，因為冷氣唔算好夠麵底嚟講有兩隻：白麵（博多），比較幼身，硬少少，適合配濃湯黃麵（東京），粗少少，比較滑，口感好啲，適合配淡湯第一碗海老拉麵好好味呀，所以我食過兩次，個湯幾濃，非常重蝦膏香味，上面亦有啲櫻花蝦乾，將成個蝦湯嘅鮮甜升華到另一個層次，非常濃郁，因為濃郁所以我選擇咗黃麵，隨湯附送一隻蝦佢有得俾你揀厚叉燒/慢煮叉燒，今次我揀咗厚叉燒，簡直完勝慢煮叉燒。我覺得海老拉麵係撲一代表作。同場加映唐揚魷魚，油溫控制得啱啱好，外面卜卜脆，入面非常Juicy，用嚟佐酒一流！想講最特別係個綠色醬汁，雖然唔知咩嚟，食落去好好味，好特別特，有冇朋友仔知道係咩醬？第二碗蟹膏拉麵同海老拉麵不相伯仲叮噹馬頭，要我揀邊碗係冠軍？真係係好困難。相比起海老拉麵，蟹膏拉麵比較清淡，一如既往，清淡嘅湯，就係配白麵，但如果你哋想濃少少，不妨將上面嘅蟹膏同蟹肉碎，撈勻落啲湯度，將成碗湯嘅蟹味昇華！好似食緊隻蟹咁隨湯附送一個蟹鉗仔，老實講，冇乜味⋯今次我試咗慢煮叉燒，俾我揀100次，100次，我都應該要揀返厚叉燒，簡直係完全兩個境界，每個人都有唔同嘅口味，可能有啲人鍾意食慢煮叉燒多啲。同場加映冷凍廣島蠔，一啲都唔腥，而且非常鮮甜，個醬汁有少少辣，用嚟作為開胃菜一流，唯一缺點係限定期間發售，所以朋友仔見到呢個食評嘅時候，應該冇得食:(強烈要求撲一將佢列為常規菜式第三碗魚介拉麵一飲啖湯，超濃郁鰹魚香味，口感有些少流沙質感，應該係鰹魚粉，非常重成本點解會有一塊慢煮叉燒，一塊厚燒叉燒？因為師傅話嗰塊厚燒叉燒，份量比平時細，所以送一塊慢煮叉燒俾我，好佛心有良心特別嘅係竹筍吸收晒啲鰹魚味道，而且非常爽口，上面嘅木魚片撈埋啲湯飲，木魚mix鰹魚，味道非常好。同場加映黑松露魚餅，作為小食係非常高分，魚餅炸到好熱，而黑松露醬係凍凍地，黑松露配魚餅真係第一次食，呢個組合意外地夾，出乎意料好食最後一碗豚骨拉麵豚骨拉麵港人至愛，但點樣可以喺云云豚骨拉麵之中脫穎而出？撲一拉麵做到。其實個湯底做到好香豬骨味，再加少少豬油脂肪，令到成件事好「豬」就得㗎啦，起碼有人會記得你，比其他豬骨湯特別，啲湯再配埋啲脂肪，好順滑，用條脷頂一頂，啲豬油香出晒嚟總括嚟講：撲一拉麵全部菜式都係高水準水平，個人認為唔應該賣呢個平民價錢添，不論係師傅對客人嘅態度，因為塊叉燒份量少咗，加多另一塊慢煮叉燒俾你作為補償，淨係呢個做生意嘅態度，喺香港仔邊度搵？似日本嗰啲匠人精神，而且侍應小姐都非常有禮貌，價錢平，不在話下，食物嘅質素先係重點。佢係香港所有拉麵店之中，係我心目中嘅top 1。我好少會讚到一間拉麵店咁好，亦都花咗好多心機去打呢篇食評，我唔係打手賣廣告，一蚊都無收過，撲一拉麵，你值得的。Hong Kong deserves the best last forever.…Read More

旺角鬧市中發現超水準日本拉麵舖❤️，肚餓經過橫街窄巷通菜街，拉面香味帶領我地入坐🥳🍜醬油拉麵 $82湯底香濃醬油味，配上硬身東京黃麵，兩者混合食落口十分享受，連湯底飲乾淨。仲有4 大塊口感嫩滑慢煮叉燒，食完超級滿足。😍😍🍤海老拉麵 $92上枱已經聞到海老香，加入大量櫻花蝦，湯底濃郁，配上軟身拉麵，嘴嚼口感一硬一軟，值得加分。🥰🥰☻味道：8.6/10☻環境：7.2/10☻服務：7.4/10☻價錢：8/10☻回頭率：80%☻人均消費：$100…Read More

呢間位於旺角嘅隱世拉麵店，店面一到晚上6點就有條人龍，究竟有咩特別令大家冒名而來呢？Caca 今次食乜嘢？🦐海老拉麵 $92呢度嘅拉麵有兩種，分別係（東京）黃色同（博多）白色，黃色拉麵平時試得多，今次就試下白色嘅博多拉麵啦，感覺味清而幼細，不會膩！厚切嘅大叉燒，先以醬油煮過再以火炙，食落面層香而微脆，整件啖啖肉，啱晒愛食肉肉嘅人，如果想無咁heavy可以選慢煮叉燒，係薄身而一片片一半浸於湯中，一半鋪滿碗邊，配料有滿滿香口嘅櫻花蝦同木耳，亦可自選不同配料，例如糖心蛋、紫菜等！食後感：拉麵湯底濃郁偏帶油，食材配料都有誠意，而且上菜快，整體值得嘗試！…Read More

而我就揀咗要硬嘅麵質，✨重點梗係要濃嘅湯底啦！及上面多好多櫻花蝦!仲配多隻成隻蝦比你，而湯底就濃厚蝦香好飲🦐叉燒少肥，但肥厚肉淋，先到大廚先浸叉燒，再用火槍燒兩面，炙得香氣中足，好味😋😋不過美中不既係麵，面無乜特別，尤其面質唔夠彈力，幼面基本上㨂左硬都會係淋左，或者可能有粗拉面會好啲，另外就係你嗰條原隻蝦就麻麻😅（或者當佢係配角就無乜所謂）。$90蝦一碗面嚟講就算係唔錯，回食指數都好高今次有成：80分…Read More

好耐冇食拉麵喇，見有人介紹樸一就去試下先，平日7點靚鐘都要排3，4張枱，小店細細，食完出黎條隊再長左呢🙈麵條🍜有2款選擇，一款係白身幼麵，另一款係爽身啲既黃身麵，2款麵都偏幼身，面質獨特，有點中式style🤣。叉燒🐷都有2款可以揀，慢煮叉燒薄身啲，肉質軟滑，但肉味唔濃。厚燒叉燒以醬汁慢煮再用火槍輕燒，帶微微焦香。職員係order時會提醒係五花腩部份會肥少少，啖啖肉好有口感，不過可以再煮得入味啲同淋身少少#海老拉麵 🦐🍜小妹係睇中海老拉麵專程黎試😛揀左配白身硬麵，厚燒叉燒，有1隻虎蝦🦐同櫻花蝦係面，虎蝦爽彈，唔連殼方便食👍🏻橙紅色嘅海老湯底，蝦油好香，蝦味濃，小妹飲晒全部湯😋HKD90#南瓜拉麵 《期間限定》🎃🍜臨近Halloween, 小店出左應節既期間限定南瓜拉麵🎃一黎到之後，嘩左出聲，慢煮叉燒同厚燒叉燒各有3塊，仲有半隻糖心蛋同一球南瓜蓉！肉既份量多好多，岩晒食肉獸😆淡黃色湯底，帶啖啖清甜南瓜香同豬骨湯底味，如果撈埋南瓜蓉落去會變得更濃郁，想試既朋友仔要快呀！如果介意湯底帶甜味既朋友仔要小心🙈HKD92湯份量偏少，如果可以多啲就好了坐Bar枱望住師傅煮麵同燒叉燒好正，不過會全程俾啲煮麵煙蒸住塊面🤣…Read More

最近成日去旺角, 但又唔想食之前食過嘅餐廳, 咁啱上網見到有新開嘅良心小店, 就一於試試~ 今日介紹嘅就係呢間食拉麵嘅樸一拉麵, 星期六夜晚7:00 已經開始好多人排隊~ 不過, 我地6:50就到咗, 所以等咗10分鐘就有位lu~.呢間拉麵鋪都幾得意, 好多野都可以自己揀~ 首先, 係拉麵嘅麵, 有博多(白) 同東京 (黃) 兩種揀, 之後就到麵質, 有軟同硬, 之後就到要唔要蔥; 配菜要木耳定芽菜; 叉燒要慢煮定厚燒; 最後就係個湯要普通定濃啲 對於有選擇困難, 應該會揀死咗LOL.海老拉麵 $90我次次食拉麵或沾麵, 如果有海老, 我都會一定會叫 XD 所以, 今次都唔例外~ 而我就揀咗要硬嘅麵質, 作為蔥嘅愛好者, 當然係要大量嘅蔥, 配菜要木耳, 叉燒係慢煮, 而重口味嘅我, 當然就梗係要濃嘅湯底啦! 話明係海老, 當然就梗係有好多好多櫻花蝦! 比較特別既係除咗櫻花蝦, 佢哋仲有成隻蝦比你 而湯底都幾好飲, 好濃嘅蝦香味, 麵質有幾好食, 煙煙靱靱的~ 因為我叉燒揀咗慢煮, 所以佢比咗啲比較瘦嘅叉燒我, 正合我意!! 因為我真係好唔鍾意食肥膏!! 而冇咗肥膏嘅肉質又唔會話好柴, 幾好食~ 所以, 唔鍾意食肥膏嘅大家, 記住揀慢煮啦!! .魚介拉麵 $86魚介都係不錯嘅, 不過相比起海老就無咁香, 無咁濃郁~ 如果你鍾意比較清少少嘅, 呢個湯都好適合你~ 好香嘅魚味! 魚介會附送一條魚仔, 都幾得意, 同普通拉麵鋪有少少唔同~ 如果你鍾意食肥叉, 就一定要點厚燒, 佢又好香嘅醬油味, 整體嚟講係唔錯, 幾高質嘅拉麵鋪!!.P.S. 佢牆上啲明信片好得意~ …Read More

下班經過這間店，平日的晚上，店外總是排滿人，這次約了友人一起試試這間拉麵店的拉麵。店內有吧台座位和普通座位，位置不多，牆上掛了少許裝飾，晚上十分熱鬧。點了一碗海老拉麵($90)，選了普通的濃淡度、慢煮叉燒、木耳、軟麵。個人覺得選「普通」的濃淡度，味道已很足夠，因為拉麵本身有大量櫻花蝦，櫻花蝦的鹹度也會增加整體的鹹度。慢煮叉燒是薄片的，有點像薄火腿，頗軟滑又帶點微微煙韌。木耳非常爽脆，配另一種爽脆度的櫻花蝦很適合。麵條還可選東京黃麵和博多白麵，這碗博多白麵的比較爽口，有點像平時吃的幼麵而沒有皂水味。爽口海老放在拉麵中間，配上鹹湯頭，整體味道濃郁香口。至於蟹膏拉麵($92)，選了濃湯、厚燒叉燒、芽菜、普通麵硬度和東京黃麵。蟹膏拉麵的味道相對柔和，友人比較喜歡這款。一點蟹膏配一口湯喝，蟹味更鮮。厚燒叉燒厚度足，除了能嚐到叉燒扎實的口感，還嚐到入口即溶的嫩滑，在味道和口感上都比慢煮做得出色。東京黃麵與博多白麵的口感差不多，掛上湯底後，東京黃麵的味道更出色。看見附近的人大多點博多白麵，似乎兩款也有其特色之處。小食唐揚魷魚($28)，小食份量適中，魷魚本身非常鮮爽，搭配酒類一流，建議可減些少用鹽，配同是鹹味的拉麵吃便會更適合。…Read More