Thalassic Thai Restaurant (Closed)

泰尚泰國菜館位於西環堅尼地城厚和街，平常比較少嚟呢一頭嘅朋友可能唔太熟路，其實就喺出名烤雞脾店嘅附近！今日一行幾人幫襯午市，感覺座位都比較鬆動，餐廳裝潢亦有十分多泰式裝飾同埋有泰皇佈置。首選比較推介可以一試海南雞飯，雖然油飯比較淡味，但整體海南雞好滑同埋肥瘦適中。其次青咖哩送飯亦都唔錯，可惜牛腩味道就較一般。而燒烤方面，豬頸肉同串燒（豬牛雞）都幾香口，如果無咁乾身可能較好。至於濕炒方面，金邊粉同肉絲河粉都還可以，味道唔太突出不過勝在夠大份！而泰式奶茶茶底都沖得唔錯，如果茶底再濃少少會更好味！整體亦算係抵食嘅泰菜，5個人6碟餸包飲料埋單只係$70唔駛，實在係性格比超高。味道 ⭐️⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️⭐️…Read More

我好鍾意食泰國菜，仲要係喜愛正宗泰菜口味，所以成日周圍試，希望搵到心水泰菜。今次去西環既食街搵食，呢間泰菜都屬於連鎖店，主店因爲客滿，所以店員帶我地去隔一個鋪位既客房，呢度雖然冇主店咁靚咁有feel，但裝修都企理，牆上掛左幾幅泰國風圖畫。泰式咖啡，個人覺得好飲過茶記咖啡，因為少一分甜多一分甘。泰菜必食之一，馬拉盞通菜，炒得唔錯，通菜又爽又翠綠，如果再濃dd再辣dd，會更惹味。泰式濕炒河，茨汁有水準，河粉又炒得靚，最最最重要係個調味架，辣椒粉、魚露、酸醋汁係必需既。海南雞飯，雞夠嫩滑，不過唔夠雞味，好彩有個酸辣汁。…Read More

11月22日, 今日呀菲話想食d辣辣地嘅野, 因為之前食過呢間泰國菜水準唔錯, 所以我地黎睇下有冇d啱胃口嘅lunch~ 咁啱佢有冬蔭公河, 咁我地就決定食喇~::: 海南雞飯 + 熱檸茶 ::: $35上次黎食過佢d炒粉麵唔錯, 今日坐低見到隔離枱有海南雞賣相仲幾好添~ 所以我都叫個海南雞飯試試~ 首先黎個例湯, 有肉碎同椰菜, 清甜得黎帶少少肉味, 唔會係味精湯飲完口乾~ 海南雞飯佢俾咗雞髀肉, 我覺得佢好好, 因為大多數都只係俾雞胸~ 雞肉嫩滑雞皮又冇乜肥膏, 配上少少辣嘅汁刺激味覺, 很不錯~ 油飯唔算太油, 所以味道差少少, 要撈d 辣汁先得~因為上次叫過奶茶中咗招, 所我今次我地要檸茶, 不過檸茶都係有dd怪, 茶色睇落已經好橙, 味道比港式紅茶澀, 原來唔只係奶有事, 茶都係咁…::: 冬蔭公河 + 凍檸茶 ::: $35 + $2冬蔭公味道算是十分正宗, 香料清新, 湯底酸酸辣辣, 食落好開胃! 雞肉, 磨菇, 車厘茄等配料份量適中, 雞肉都似係比咗d雞髀位, 望落好似會鞋但咬落又ok嫩! 河粉夠爽入口彈牙~ 食得出全碗野都係freshly prepared!喺西環尾泰國菜呢間都算係最好, 又坐得舒服, 又唔會太多人. 所以話質素keep得住, 唔怕冇第二轉~…Read More