Satay Inn

之前黎食過胡椒蟹一試難忘，黎到附近姊妹話想食海南雞飯又想坐得舒服少少就醒起呢間餐廳。沙嗲 $138雞豬牛各2串，個人認為豬最為出色；雞亦都好滑；對比之下牛比較乾同硬；醬汁好香花生味，一流！家鄉福建薄餅$78睇個名以為會好似煎薄撐，黎到發現係薄餅卷埋豬肉同菜，再配以花生辣椒汁。清新、特別，但唔吸引。喇沙海鮮摻摻蝦竟然得半隻，豆卜、魚片、魚蛋配小辣既湯底好惹味同易入口。海南雞飯$168冬瓜雞湯非常之清好好飲；油飯粒粒分明，好夠味又唔油膩；雞已去骨亦好淋好滑，係雞下面既椰菜充滿住雞味好好食；醬汁方面豉油太甜，辣醬好好味。…Read More

地方寬敞闊落, 坐得好舒服, 酒店環境, 平民價錢! 海南雞飯 $142 ~ 出色, 雞好嫩好滑有啫喱, 飯唔會太油膩, 薑蓉係綠色嗰種, 正宗好味道! (之前講過啫喱呢度唔再講喇) 福建蝦湯麵 $108 ~ 湯頭略淡, 無乜味道, 肉片嚡口, 呢碗麵好一般叻沙 $108 ~ 中規中矩之作! 湯頭可以再濃厚 d, 豆腐卜完全未入味! 巴東牛肉 $115 ~ 這個唔錯, 係重椰汁嗰種巴東牛, 牛肉唔會靭, 送飯一流的! 胡椒脆雞翼 $88 ~ 有點失望, 炸得太乾! 印度千層酥餅 $46 ~ 太飽, 只食左指甲大少分量, 幾鬆脆! …Read More

誠蒙城市花園酒店邀請去試食他們新推出的星加坡美食，十分感謝！沙嗲軒位於酒店大堂內，樓梯往下走一層就到。早兩個星期才吃過星加坡菜館的菜色，今次又是另一番的景象。畢竟酒店的擺設一定較一般餐廳為寬敞舒適，整齊潔淨，給人一種悠閒的感覺。就是桌子也稍為大些，即使幾樣餸同時放下也不致於太擠迫。看看餐牌，其實都有好多選擇，但因為是被邀請來試食，所以菜色已經安排好，省卻去點菜。先來的是前菜的三式併盤，計有黃金脆魚皮，雞、豬沙嗲各兩串，與及星洲蝦羔什菜沙律。黃金脆魚皮近來在香港掀起熱潮，出現限購的現象。一般麵店做法是一次過炸很多，然後放在玻璃樽內待沽，難免放涼了就沒有那麼脆。這裡是新鮮炸好，隔了油就上枱，所以仍保持鬆脆而不覺油膩，味道不錯，只是鹹蛋味較淡，好在吃起來不覺有一粒粒的鹹蛋漿的感覺。雞、豬沙嗲也很入味，燒得剛剛好而不會太熟太嚡，配以略帶甜味及有花生粒的沙嗲醬，配合得很好，吃完沙嗲再吃幾粒青瓜，一濃一淡，非常合拍，亦可清清口腔。星洲蝦羔什菜沙律有脆肉瓜、蘿蔔、芽菜及青菜，加上炒過的蝦羔，香而不辣，味道吸引。繼而是海南雞飯，秉承一貫海南雞的嫩滑雞肉，而且份量都不少，只是沒有甚麼雞味，這可能因為香港都多用冰鮮雞的關係，所以與我以前在星加坡文東記食的有些分別。下面鋪了些生菜，其他如油飯都做得不錯，醬料方面都有齊黑醬油、薑蔥油及海南雞辣醬以供選擇，好在雞肉的件數多，可以每件去醮不同的醬汁試試，而且還有一碗冬瓜湯，清清地可以中和一下油飯。麥皮牛油大蝦份量都不少，而且炒得很乾身，我嘗試舀些麥皮來吃，發覺乾身得來味道頗甜。相信大蝦是與牛油及麥皮一同炒，肉爽有鮮味卻少了些肉汁，使得蝦肉也較為乾身。還有一些炸脆了的葉子相伴，增加了口感及色彩。香辣通菜都很大碟，而且不太辣，幼嫩的通菜加上參巴醬及蝦米來炒，甚為惹味。飲品方面我們選了柑桔梳打及美祿哥斯拉，柑桔梳打清新得來帶少少酸甜，是東南亞菜的好拍檔，而美祿哥斯拉是美祿加了雪糕，味道配合得好好，既是飲品，又有雪糕可食。最後是甜品，馬六甲椰汁西米布甸將煮熟的西米壓成一個倒轉杯型狀，伴以椰汁及焦糖作為味道的來源，本身沒味的西米煙韌有咬口，椰汁及焦糖清淡得來略帶少少甜，配合一起來食味道不錯。嚤嚤喳喳亦是東南亞有名的甜品，香港的喳咋多了些豆類，較為濃稠，這個嚤嚤喳喳就只有芋頭及西米，再加了些果凍，配以香濃而不太甜的椰奶，芋頭的香與椰奶的香滑相輝映，令到這個晚餐完美的結束，多謝酒店的安排。…Read More

論美味既海南雞飯,我一定首選HYATT,但係始終係貴一點今次食完呢度既海南雞飯,覺得性價比一流,可以過下口癮,仲近屋企添但係要發掘呢度真係比較容易,因為常常睇到佢地既廣告價錢來講其實以酒店餐廳角度是平既,海南雞飯$128,EXTRA雞油飯都係$25最貴既應該係海鮮類$388都有場內裝修非常簡約,完全不是我所想$??凍咖啡,無咩特別,港式風味,但很濃.建議用白咖啡o個類,地道麻,而且飲品選擇不多,連桔仔水(Lime)都無主角海南雞飯$128出場,份量不少,雞肉當然去骨啦,肉味一般,但雞皮彈牙不油膩,十分清新.雞肉亦是有彈牙既感覺,雖然有著彈牙就唔會太滑,但係都不是乾鞋,不錯喔油飯份量也十足,壓得實嫁所以好多米.味道以雞油香為主,沒有太多香料味,飯粒的確充滿雞油鮮香,而且十分乾身.如果HYATT是油感一點加上彈牙米粒,呢度既就係乾身有口感,其實各有風味,但係飯通常太乾身總是不太好,又唔係炒飯湯就係加左菜/蘿蔔之類,但味道以清雞湯為主,沒有菜既味道,但雞味不會太強,比較平衡清淡(並不是說無味,都咸嫁)$88胡椒脆雞翼個名吸引左我,但係好改善既地方雖然胡椒味係足夠,肉都算滑,單骨類風格亦容易入口但一來胡椒唔入味,二來本身雞翼調味不足,亦單調,絕不惹味總體上呢度既海南雞飯真係唔差,加上呢個FRIENDLY既價錢(酒店餐廳來講,性價比高)有機會約人來食下其他野先…Read More