❀一笑爐端燒❀🎏超隱世嘅爐端燒日本料理店，呢個位置本身已經唔多人去，而且餐廳仲開喺一樓唔係地舖，要發現佢哋有啲難度，所以一定要出𝐩𝐨𝐬𝐭介紹俾大家去試吓！😆🦞餐廳主打多款鮮活海鮮以及居酒屋料理，價錢唔貴可以食到高質又新鮮嘅海鮮真係好正！亦設有戶外座位，多款酒品及酒餚，可以同朋友𝐜𝐡𝐢𝐥𝐥住咁一路飲一路食好西！♡流心爆膏瀨尿蝦 $𝟒𝟖𝟖-$𝟔𝟖𝟖/隻❥老闆重點必食限量推介！超新鮮勁活躍嘅瀨尿蝦王，重點係佢真係爆曬膏，燒到𝟖成熟食嘅時候蝦膏流晒出嚟！真係未食過流心嘅瀨尿蝦王🤤🤤🤤 可以先食咗原味食佢嘅鮮味，之後再點特製嘅柚子牛油汁食。♡蘇格蘭牛油蟶子王 $𝟕𝟖-$𝟏𝟐𝟖/隻❥超大隻蟶子王我哋叫咗一隻切開咗𝐬𝐡𝐚𝐫𝐞食，鮮甜爽彈，牛油汁加咗日本香蔥同黑松露好香。♡牛油肝醬燒鮑魚 $𝟗𝟖/兩隻❥鮑魚嘅𝐬𝐢𝐳𝐞唔細隻，一客有兩隻，非常彈牙，個鮑魚肝醬好濃郁好好味，我之後仲用嚟點其他串燒食😆♡清酒燒北寄貝 $𝟗𝟖/隻❥亦都係大大隻好新鮮嘅北寄貝，好甜所以佢就咁加清酒燒已經好好食。♡一笑花甲粉 $𝟗𝟖/份❥老闆推介必食花甲粉，果然冇介紹錯！從來未見過花甲粉會鋪滿花甲咁誇張🤣 佢哋仲排得好靚🥰 花甲好鮮甜完全冇沙，粉絲份量都勁多，味道有少少辣辣地，泰式風味。♡清酒燒生蠔 $𝟔𝟖/隻❥好大隻，燒到𝟖成熟好鮮甜，清酒味好香。♡鵝肝多士 $𝟏𝟎𝟖❥非常厚！煎到外脆內軟，多士係用咗芝士粒麵包做，中間夾咗一片蘋果，呢個配搭唔會令人失望。♡燒日本長芋配明太子 $𝟑𝟖/串❥最近愛上咗食日本長芋，即係我哋嘅淮山。好鍾意佢嗰種有少少黏稠嘅口感。加咗明太子醬好濃郁好惹味。♡厚燒牛舌心 $𝟗𝟖❥好厚又彈牙唔臊，咬落去有肉汁咇出嚟。♡鮮雞尾 $𝟑𝟖❥估唔到有雞尾食，呢個部位唔係個個都鍾意，但係我極歡喜😍 比較肥嘅部位，燒到外皮香脆一啲都唔覺得油膩。♡另外有多款清酒及限量手工啤供應🍶🍻 我哋叫咗兩杯黑啤個杯仲好得意好搞鬼👺💕呢度每樣料理都真係整得幾好食！絕對係會再回頭嘅餐廳🥰🥰…Read More
