Kane Tsuru Ramen (Kowloon City Road)

今日黎到土瓜灣，俾我見到一間幾和風餐廳 《金鶴拉麵》，入到去見店面有個吧台同2張枱，心諗呢間舖咁細既。我就坐左係吧枱，因為可以睇下師傅整野食，後來發現原來舖入邊有條樓梯有2層既。我本身都好鐘意食鰻魚，見到佢哋餐廳推介活燒蒲燒鰻魚飯，睇張相就已經覺得好好味，叫咗一客，原來佢哋嘅鰻魚飯，係即叫即燒，要等15分鐘先會燒好，一陣姐，冇問題。由於我坐吧台，落order後望住師傅喺我前面燒鰻魚，睇住條生鰻魚，慢慢燒熟加埋嗰陣蒲汁香味，真係流曬口水。鰻魚大大條，又厚又香，堅好味，可能太好味，飯份量就略嫌小左D,或者都係我大食😂，要叫多份串燒食。下次要帶埋屋企人黎食先得。…Read More

之前喺呢間鋪食佢嘅拉麵多，今次特登嚟試佢個鰻魚飯。7:00鋪頭未坐滿人嘅時候環境真係好舒服，好有日本feel～對上一次見到餐牌入邊嘅鰻魚飯已經覺得好吸引，今次終於一償所願～由於鰻魚係即叫即燒所以需要等較長時間。朋友仔嗌咗醬油拉麵，原本我極力推介佢食雞白湯拉麵，但因為佢想食清啲就食咗醬油拉麵啦。朋友仔話個湯底清清地，但豚肉好濃味，仲對舊雞讚不絕口，話好嫩滑！都話冇介紹錯㗎啦～等左一排我嘅活燒蒲燒鰻魚飯終於到啦～實物真係同張相一模一樣㗎！舊鰻魚好厚身！！仲要係外皮燒到少少脆，入邊啲肉熱辣辣，仲要彈牙！！！真係好新鮮好好味！！啲飯入邊都有好多鰻魚汁，正！另外仲有一碗用鰻魚骨煲嘅湯同芥末魷魚，消消滯。食完真係超級無敵滿足呀！以後喺呢間鋪除咗雞白湯拉麵之外又多一個選擇啦！依家諗返起都流口水呀！…Read More

最近先知土瓜灣新開咗間拉麵 睇評價好似唔錯就同咗frd去食 雖然佢個位好唔顯眼，但裝修得好靚，好高級。我地叫咗最出名嘅金鶴雞白湯拉麵，試完之後真係覺得好正😋雖然係拉麵，但個湯味濃郁，原本都想試佢地好出名嘅沾麵，但兩個人實在食唔到咁多。湯底又唔會太咸或者油膩。叉燒同雞肉嘅質感都恰到好處，浸落啲湯到食更加野味。個麵質仲好有咬口，排名第一果然名不虛傳，強烈推薦！我地仲嗌咗個鰻魚燒飯，雖然198係有啲貴，但真係物有所值，個燒汁甜甜地，鰻魚亦都好厚身，啖啖肉，燒到啱啱好，撈埋個汁食，個飯一啲都唔乾，個set仲包埋個味噌湯同魷魚小味，成個食完啱啱好。裝修日系，環境都好舒適，服務態度都好好，野食又好味！下次一定要再黎食過😍…Read More

這天我約了朋友在土瓜灣吃晚餐，經過其他朋友的介紹，我們決定來到這間日本菜餐廳試一試，店內環境清潔衛生，餐牌上的選擇很多，餐廳會播著一些音樂，令客人可以在一個很舒服的環境進餐，每張枱都有提供濕紙巾客人使用，濕紙巾的設計十分美觀辛味拉麵($88)拉麵十分彈牙，糖心蛋十分軟綿綿，菇軟彈煙韌 ，露筍爽彈鮮美，白茫的蔥，日式叉燒香稔軟嫩，雞肉嫩滑細密，木耳絲軟彈煙韌，細碎的紅椒絲，筍爽口微彈，配料十分豐富，而且味道恰到好處，會太辣，食物的定價也不貴，可以一試活燒蒲燒鰻魚飯($198)厚身的鰻魚，非常新鮮，是即點即燒，十分有誠意，所以需時十多分鐘，我還是覺得是值得等待的，食物的賣相非常吸引，份量非常非常多，鰻魚汁的味道恰到好處，不會太甜，應該是餐廳自己調教過的，白飯是用高質素的日本米，前菜是芥末八爪魚粒嗆鼻十分彈牙，用鳗魚的骨來敖湯，比較清淡，不落味精，食得更健康，前菜、餐湯和主食也有，十分豐富，食物的定價雖然是略高一點，但以食物的質素來說，還是可以接受，值得一試整體來說，食物的質素非常高，食物的選擇十分多，食物的份量延多，食物的用料非常新鮮，食物的賣相很吸引，餐廳十分細心，餐牌上附有食物相片再加以說明，食物的定價相對合理，而店員亦有積極的服務態度和有禮貌，最後我認為這間餐廳是可以再去惠顧的…Read More

又係食飯時間，今日係土瓜灣附近工作朋友知道我喜好拉麵，就帶左我去一間推介到一試啦入到黎，日本風環繞四周，地方闊落之餘仲會令人有種放鬆既感覺，黑色做主題既店面，更有種高級既氛圍一上枱就已經比炸到金黃鬆脆牛蒡吸引但係食拉面係要飲啖湯先，湯底何止濃郁，簡直濃縮左雞湯既精華什至有黏口既感覺，夾起拉面，有掛湯既效果呈現雞胸白肉用慢煮既方式，令到整片都滑嫩叉燒亦輕輕用火灸燒，令肉既香味更加顯著，整體上係味重濃厚，所以主廚加上大量京蔥碎，並唔係裝飾配菜咁簡單，清爽微辛既口感，為成碗拉麵減低負擔開蓋一刻，厚實既鰻魚舖滿整個飯盒，油份慢慢滲透出黎，令飯中多添一份魚油香氣，由於鰻魚夠新鮮，厚度簡直一絕就係因為呢一個厚度，令到燒後仍然充滿彈牙爽口，魚皮仲有增加脆口既風味…Read More

🔥活燒蒲燒鰻魚飯 $198🔥聞名已久鰻魚飯，號稱於店內劏及生燒，即叫即燒，務求最新鮮最熱辣辣咁呈現喺食客面前！🔥店員一開蓋，我就知道係美味嘅開始😍🔥色 - 鰻魚塗滿燒汁上色，外皮燒到微焦🔥香 - 燒汁、蒲燒香湧出黎🔥味 - 一入口，外皮微脆有焦香，內裡鰻魚肉無骨、厚身、彈牙、豐油香。燒汁味道剛好，唔會過甜，食到鰻魚的食材味。日本七星米就正常，雖然唔算特別有米香，但混合燒汁同魚油，入口無得輸。🔥色香味俱全！唔單止食材新鮮，烹調亦出色，絕對唔係坊間啲乜乜乜原條蒲燒鰻魚飯可媲美。🔥湯係鰻魚骨麵豉湯，唔會太咸。小食有八爪魚，都係正正常常。🔥下次再試試另一個招牌 - 金鶴雞白湯拉麵Feast Level: 🔥🔥🔥🔥🔥/5…Read More

之前已經食過金鶴拉麵嘅雞白湯幾次🙆🏻🙆🏻次次食親朋友都極度推薦我試下鰻魚飯今日咁啱要去土瓜灣唔知食乜好嘅時候發現原來土瓜灣都有一間分店🤓🤓就決定入去試下個鰻魚飯☝🏻✌🏻之前食都見到師傅整鰻魚嘅時候大大嚿又厚肉已經好想食🤤 仲見到師父會每條鰻魚都慢慢挑的骨出嚟 真係好想試下😍😍土瓜灣分店依然都係日式裝潢🎎🏮🎐 比佐敦分店闊落行入去會係吧檯可以望祖師傅整嘢食行多兩步就會有樓梯仔上去座位 裝潢幾有格調😎😎仲有大大幅金鶴圖🍛活燒蒲燒鰻魚飯 $198鰻魚係即叫即燒好新鮮 🐠鰻魚好肥美夠晒厚肉 食落仲有焦香味 外脆內嫩啖啖肉😋😋 而且醬汁係薄薄一浸 唔會太甜太濃味👍🏻👍🏻 仲有啲魚油香好正  飯粒粒粒分明 好有咬口又夠彈牙😆 鰻魚飯仲配埋麵豉湯🍵同埋芥辣八爪魚🐙 🍜金鶴雞白雞拉麵 $98炸牛蒡唔會太濃味脆卜卜 雞白湯好滑溜🤗🙆🏻 慢煮雞肉🐥 口感軟淋 肉質嫩滑 🐷叉燒仲有炙燒過好香口 🥚溏心蛋啱啱好 配料仲有黑木耳同埋竹筍 口感豐富😋😋10% Service Charge💰…Read More

一般的拉麵店的座位都很擠迫，每次去都很想吃完即走。但土瓜灣的金鶴拉麵，座位則難得一見的非常寬敞舒適。店面以黑色為主打，感覺很有日本武士風。沒想到拉麵店的服務都能如此周到，餐前店員會送上優質厚實的日本濕紙巾抹手，洗手間更有牙具提供。一般吃拉麵，我都比較鐘情豬骨湯，濃郁的味道令我忍不住一口又一口往咀裡送。金鶴拉麵以雞白湯為主打，湯頭以六小時熬製，熬成牛奶般的奶白色。試過雞白湯後，它成為了我心中比豬骨湯有過之而無不及的拉麵湯底。雞白湯拉麵雞白湯味道香濃得來，比豬骨湯少了一份油膩感，而且質感很幼滑。拉麵完份吸收了濃郁的雞白湯，味道好就肯定的了。雞肉嫩滑得出奇，原來是用慢煮的方式烹調，難怪又嫩又juicy。叉燒同樣肉嫩，脂肪位的肉味特別香。炸牛蒡不要浸進湯中，要趁脆快吃才好。活燒蒲燒鰻魚飯店家採用新鮮的鰻魚，即場在廚房生燒。即燒鰻魚的肉質保留著豐富的彈牙感，焦香的魚肉厚實啖啖肉。一客鰻魚飯，熱騰騰剛燒好的鰻魚蓋滿在飯上，份量絕對充足。跟鰻魚飯有漬物前菜和湯。八爪魚漬物味道不錯，湯品中加入了三文魚骨，令湯味道更鮮甜。如果獨自一人來店，在雞白湯拉麵和鰻魚飯之間選其一，實在是兩難！…Read More

朋友話有間新開嘅拉麵店想食，我上網睇啲相好似幾吸引咁就同咗佢嚟食呢到嘅裝修好靚同乾淨，感覺好整齊好舒服有投影機介紹食材製作我朋友叫咗雞湯拉麵，我用個碗仔筆咗小小嚟試，佢個湯湯好純好creamy, 雞肉好淋好香雞肉味好好食，好出色炸牛蒡佢係另上比我地，佢炸到好脆味道有好輕微嘅焦甜地咁個味道好特別幾好食作為鰻魚愛好者嘅我就梗係叫鰻魚飯食店員話係即叫即燒燒所以要等耐小小，一上枱原來係set嚟，店員打開蓋已經聞到好香鰻魚味佢啲鰻魚又大塊又夠厚，而且燒到勁香個皮脆脆地咁好有口感，鰻魚肉燒到好燉滑仲帶有焦香味，真係好好味好出色我個人覺得仲好食過我係日本食到嘅嘅，鰻魚愛好者必點…Read More

今天和姨姨特意去土瓜灣的金鶴拉麵，目的只是要一嚐它的活燒蒲燒鰻魚飯，因為我去了數次佐敦店都售罄，所以今次來土瓜灣分店吃午餐，碰碰運氣，姨姨亦知道我吃不到的話是不會心息的。我一入座就問店員今天有活燒蒲燒鰻魚飯供應嗎，店員說有，我立即下單要一份活燒蒲燒鰻魚飯，其他吃的稍後才決定。姨姨挺欣賞金鶴拉麵裝潢，高雅的白鶴畫，讓她想起日本民間故事白鶴報恩，完全將日本氣息融入店鋪之中。活燒蒲燒鰻魚飯製作需時，我們先吃點餐前小食。煎日式餃子微微焦黃的餃皮，又夠薄透，光是視覺已贏了。馬上咬一口煎餃子，湯汁已在噴射，肉餡飽滿扎實，鮮美度破表，超讚。唐揚炸赤雞個頭不少，呈現金黃的色澤，酥酥脆脆的外層已令人垂涎三尺。咬開唐揚炸赤雞可感受雞肉的鮮嫩和熱騰騰的雞汁，毫不油膩。炸赤雞本身沒有調味，原汁原味吃已很美味，不過炸赤雞旁配有調味料供沾點提味，隨客人個人口味選擇。雖然我瘋狂地嚷著吃活燒蒲燒鰻魚飯，但金鶴拉麵的金鶴雞白湯拉麵其實也非常出色。雞白湯湯頭鮮甜，看得到雞的油脂，也不失雞湯的濃郁，讓人回味無窮。金鶴雞白湯拉麵叉燒是雙拼的，雙拼叉燒為慢煮日本摩薩赤雞胸肉和火炙日本黑豚叉燒，慢煮日本摩薩赤雞胸肉白滑不乾柴，火炙日本黑豚叉燒蠻大片的，肥瘦比例很不錯，肉質軟嫩，嚐到陣陣黑豚香味。拉麵麵條爽彈，即使吸飽湯汁也不會變得軟腍，嚼感恰到好處，味道更順口。黃澄澄的醬漬日本糖心蛋誰人不愛，糖心蛋細緻滑溜，嘴裡盡是甜香，很棒的拉麵配菜。炸牛蒡絲如酥脆的絲帶，擺出一種華麗的氣勢，讓人賞心悅目。酥炸過的牛蒡絲酥酥的口感很涮嘴，搭配金鶴雞白湯拉麵動人美麗，牛蒡絲獨有香氣，令人一口接一口。雖然之前沒吃過活燒蒲燒鰻魚飯，卻見識過廚師如何拆骨處理鰻魚，相當費功夫，所以今次能一嚐活燒蒲燒鰻魚飯，我都細細品味著。活燒蒲燒鰻魚飯的前菜為芥末八爪魚，八爪魚爽辣彈牙感，十分過癮，甚為開胃。其湯可不是一般的味噌湯，而是以鰻魚肝和鰻魚骨熬煮而成，充份利用鰻魚每一個部位。第一眼湯品看來清徹，由於湯沒太多調味，清淡非常，在吃完濃郁厚重的活燒蒲燒鰻魚飯後，喝上一口清新熱湯，頓時脾胃舒暢，奧妙之處在於此。油亮噴香，閃耀著焦糖色澤的活燒蒲燒鰻魚超誘人，亦挺有份量的呢。筷子輕輕一夾鰻魚就開，鰻魚肉肥厚極致，入口馬上感受到細緻綿密的鰻魚肉，盡是油脂香氣，滿滿的膠質，魚肉吃起來更柔潤，在口腔中久久不散，幾乎是入口即化。粒粒分明的七星米飯吸附了蒲燒醬汁，搭配鰻魚一起入口，焦香濃郁帶點微甜的完美比例，口感層次極佳，真是太幸福了。蒲燒醬汁濃縮了所有美味精華，鹹香適中不過甜，搭配白飯滿分。…Read More

已經唔係第一次食金鶴拉麵，之前喺佐敦分店都食過好多次，但係土瓜灣分店都係第一次嚟食。次次嚟都食雞白湯拉麵無乜新意咁，今次就試吓其他嘢，睇吓係咪一樣都係咁好食。首先叫了咖喱炸雞肉飯 $78，喺呢間餐廳入面來講都算係較平嘅主食，但係嚟到嘅時候，我同友人都覺得係物超所值。在炸雞有三大舊，同隻溏心蛋對比，你就知有幾大。炸雞同我喺日本食嘅質素差唔多，完全無炸粉嘅感覺，外皮薄、金黃色、香口，肉質非常鮮嫩。咖喱汁份量多，只有少少少少辣，夠惹味，但又唔會過辣影響其他食物嘅味道。活燒蒲燒鰻魚飯 $198 好似係呢間餐廳嘅另一名物，今次都係我第一次試，鰻魚非常厚肉，燒到外皮有少少焦，食落口，除咗有鰻魚汁嘅濃郁，亦都有陣陣嘅焦香味～需加一服務費，埋單2人約$300。P.S. 店內日式裝潢非常之靚，好有日本傳統老店嘅感覺。但同時廁所又非常之先進同貼心，廁所蓋係識自動掀起，廁所亦配備有電視機，超sweet 嘅係，佢入邊有提供牙線、牙刷、衛生用品等等。 (我都唔想食評post出埋廁所嘅相，但真係唔讚唔得🤦🏻‍♀️)如果你鍾意睇我嘅食評，不妨關注我，支持吓我，謝謝你☺️💕…Read More

今日去朋友新居house warming, 啱啱搬黎土瓜灣嘅佢已經識得四圍揾食, 話附近有間拉麵🍜佢有coupon買一送一🤪. 去到排左一陣, 經過Bar枱, Bar枱正正係Open Kitchen, 我地上幾級樓梯, 係別有洞天的, 甚有日式高級餐廳feel.>金鶴. 雞白湯拉麵 (HKD98)由於見到幾乎每枱都食雞白湯拉麵🍜, 我地叫左兩個一樣的, 原價係HKD98即係HKD49一碗啦, 超抵食. 別以為買一送一就必然係hea整, 兩碗拉麵🍜由賣相至味道都一絲不苟, 首先同menu一模一樣, serve提提我地面頭挺起嘅炸牛蒡要趁脆口吃, 而兩件雞肉則係凍食. 原條炸牛蒡脆卜卜似食薯片, 一下吸收勁多纖維呢! 兩件白雞肉經過慢煮, 係意想不到嘅嫩滑多汁, 個人認為湯底才是亮點, 濃滑而不稠嘅雞湯, 口感有點似發過嘅忌廉咁, 唔會油淋淋之餘仲好豐富collagen呢, 平時我喜歡麵質較soft嘅拉麵, 估唔到粗身啲嘅拉麵口感味道都咁正! >活燒蒲燒鰻魚飯 (HKD198)大食仔揀左鰻魚飯, 等左三個字左右, 一打開鰻魚飯個盒蓋大家不禁”嘩”左一聲🤩. 點解...件燒鰻魚可以肥美成咁？佢even厚身過menu張相. 第一啖, 好驚喜, 活燒同整熟左先燒係高下立見, 塗滿醬油燒得非常均匀, 口感極細嫩, 皮都有𡁻口. 平時食開鰻魚飯總覺得飯底好似好多咁, 但li個係相反🤣, 事關件鰻魚實在太•肥•厚! 燒汁實在太•美•味. 我地一致認為佢性價比超越左成田嘅川豐. 同埋價錢圍返yen計, 真心抵食.>不得不提嘅洗手間🚾忍唔住....要講下佢嘅洗手間-完全打破左一般食店洗手間嘅形象!!! 首先佢有分男女(好多都係男女同一格的!), 入到去, 好Spacious好luxurious, 有冷氣恆溫, 所有設備都係超乾淨brand new的, 貼心地有牙線, 女仕用品, 牙膏牙刷, 杯提供, 仲有電視📺..照顧得實在太周到了!>Remark: 強烈建議如果想食鰻魚飯, 可以打去留條鰻魚先. …Read More