Thai Chef Thais Restaurant

泰式豬頸肉湯河茶餐好思念冬陰功湯，+$5可以將個湯底轉為冬陰功湯底，味道很香濃，豬頸肉經過炭燒後份外惹味，還帶有少少爽口感覺跟餐仲有杯青檸冰，在炎炎夏日十分解渴 泰燒和牛串少有泰式店舖會有和牛串，只需 $25 就有一串，份量都叫做多(因為厚度取勝)價錢合理，還配上自家制的醬汁，真係要一人一串先會過癮串燒沙嗲叫左一串豬肉同一串雞肉的串燒，食得出真係即燒出來的泰式炸蝦餅炸蝦餅因為都幾大塊，店舖幫我們切開一半，蝦膠好彈牙又熱辣辣店舖有兩層，坐位舒適又闊落，店員似係泰國人感覺很地道…Read More

已有一段時間無吃泰國菜，來到旺角，順便嚐嚐。樓高兩層的泰菜館，門口是串燒檔，內裏放了泰國畫像。馬拉盞炒椰菜苗($75)，椰菜向來給人爽中帶硬的感覺，馬拉盞更能突出椰菜苗的口感，特別是微辣的辣椒，令整碟椰菜更惹味和更顯得鑊氣足。再嚐串燒沙嗲(豬、雞各一，每串$15)。串燒沙嗲是每次必點的，因其醬汁極惹味，澆上串燒、撈檬或蔬菜都十分美味。豬肉和雞肉串燒兩者的口感差不多，豬肉比較有實在的肉口感，而雞肉比較滑。串燒中以泰燒和牛串($25)最惹味，厚實的肉纖維配上香草汁，令口感和味蕾都得以滿足。炭燒豬頸肉撈檬套餐($45)，撈檬的醬汁不多，如配馬拉盞椰菜苗吃，其鹹香會令撈檬變得惹味。豬頸肉量多，燒得香脆，配上極大份量的滑檬粉，非常飽肚。紅豆冰(套餐+$5)，甜度適中，紅豆多，如紅豆煮得稔一點會更好。至於三絲撈檬套餐($35)，有雞絲、蛋絲和扎肉絲，蛋絲微脆、雞絲帶點煙韌，扎肉絲則最爽口，配上撈檬，口感甚佳。三絲的份量同樣甚多，由於三絲的口感不一，形成多層次的口感。涼粉冰(套餐+$5)，細粒涼粉容易入口，甜度適中，涼粉量多。泰式鮮奶燕窩(凍)($58)，原來是鮮奶加上燕窩，與想像中的固體甜品不同。鮮奶為主，偶而吃到沉底爽滑的燕窩。在夏天喝這杯甜品，有泌人心脾之感。…Read More

相信只要行過金魚街嘅人都一定會知道依間泰國餐廳,門口有香噴噴嘅現燒串燒。所以一坐低我諗都唔使諗就order左串燒,有沙嗲豬肉同雞肉,仲有香茅雞翼。佢哋嘅沙嗲汁夠晒惹味同串燒嘅炭香味夾到十足。 泰燒和牛串味道令我最深刻,和牛燒得啱啱好,好Juicy。醬汁亦好特別並唔係沙嗲醬,而係用咗類似平時用嚟點泰式生蝦嘅酸辣醬,酸酸辣辣可以解膩。馬拉盞炒芥蘭夠晒鑊氣,而且份量好多食極都有,鹹香嘅味道用嚟配飯或者粉麵一流。炸蝦餅拼春卷亦係我嘅最愛,兩款都新鮮熱辣辣炸起夠晒香口,蝦餅口感彈牙,春卷餡料足料,絕對係必叫嘅香口小食。泰式炒粉絲即叫即炒,賣相雖然唔太吸引,但係味道都唔錯,粉絲炒得啱啱好唔會太乾或者太濕,而且好有鑊氣。最抵就係依碟青木瓜沙律,只要食夠$200就可以加$1換購,同平時喺泰國食嘅非常相似,爽囗嘅青木瓜加上香口花生碎同車厘茄再配上酸辣醬汁仲有醃蟹,添加一番鮮味,令人越食越開胃。…Read More

相隔一段時間再來泰廚，這次試試上次沒有吃過的食物。泰燒和牛串($20)，非常惹味多汁的串燒。和牛的肉味濃郁，燒過後的牛肉既有外層的香脆，又有內層具嚼感的軟爽。沙嗲串燒雞串($12)，很多人點的串燒。之前試了牛、豬、雞串，雞串的味道最出色。嫩滑的雞肉，配上有花生碎粒的花生沙嗲醬，是最佳配搭。吃串燒怎少得泰式椰青($38)。吃一口熱燙燙的串燒，喝一口鮮甜的椰青水，人生一樂也。這次的椰青肉有點難分開，但無損喝椰青的心情。馬拉盞炒椰菜苗($75)，沒有馬拉盞炒菜就不是東南亞的特色。味道偏鹹，椰菜曲較通菜爽口，所吸取的沾到的鹹味也較少，反帶出其香爽。泰式菠蘿炒飯($98)，在炒飯來說價錢有點貴。及後看到原來是半個菠蘿盛著飯，倒是覺得值得。菠蘿的肉與飯混在一起炒，加上提子乾，味道不俗。菠蘿的酸甜十分開胃。但我更喜歡比較便宜的冬陰公肉碎薯粉($40)，這是一個午餐套餐，比散點更優惠。冬蔭公很濃郁但不會太辣，薯粉很帶嚼勁，肉碎量足。唯吃畢整碗後嘴上帶點油膩，故配香茅或青檸冰比紅豆冰更適合。紅豆冰(套餐+$5)偏重椰汁，紅豆軟穩，個人比較喜歡少一點椰汁的紅豆冰。套餐本來包餐湯及香茅冰或青檸冰，友人喜歡紅豆冰，便加$5轉了。轉了飲品後沒有餐湯，這點要留意。依舊是大份量大滿足的一餐，平靚正。…Read More

事源係咁嘅,話說有一日喺旺角行完街,好想食串燒,諗嚟諗去,最近番屋企嘅車站,只係有呢家食店有泰式串燒,抬頭望一望,見佢豬肉雞肉同司華力腸都係賣$12蚊一串姐,所以就叫咗兩雞一豬番屋企啦,試完之後發現出奇地好味,尤其係佢隻沙嗲醬我好鍾意,又惹味又香,要咗辣嘅更加食到流口水,所以呢一晚就決定叫阿肥嚟入舖試下佢嘅full set泰國菜啦。我哋嚟嘅時間都差唔多夜晚十點幾,仍然係枱枱都有客,有個親切嘅哥哥店員招呼我哋,仲介紹佢哋其中一個特價菜單,原本係分咗星期一至日,每日都有一款平嘢,咁佢話過咗十點後冇分架喇,全部都一樣會特價Yeahhh,即係愈夜愈開心喇。我哋就點咗以下呢幾款：1.泰式豬手(例牌)2.泰式炸蝦餅拼炸春卷3.泰燒和牛串 x 24.串燒沙嗲(4雞2豬)5.泰式椰青6.泰式啡噢靚另外,仲可以用極級優惠價$1蚊一碟任選小食,我哋本來想叫泰式椰汁糕架,但原來賣哂了,所以我哋揀咗泰式生蝦。我本來以為一蚊咁平,可能應該都係一人一隻就算架啦,點知佢嚟到我見到總共都有四隻喎,開心指數即時提升人哋話生蝦唔好放太耐先食,驚有細菌,所以我拿拿臨就放入口,點埋佢提供嘅泰式辣汁,再加塊蒜片,就算係一蚊嘅都仍然好味道!!!串燒來了~即叫即燒,熱辣辣,無論雞肉同豬肉都一樣好味,阿肥怕辣都食得到,出面個專門負責串燒嘅姐姐應該已經經驗老到,唔會燒到啲肉乾爭爭,要再一次強調佢嘅沙嗲醬我真係覺得好正泰燒和牛串就會比較貴啲,要廿蚊串,一串有四粒和牛,中間會夾住啲青椒同洋蔥,我都覺得幾好食,幾香,和牛肉質都夠軟腍,唔會有筋,揀飲擇食嘅阿肥就挑走哂啲青椒因為佢唔鍾意食嘅🤷🏻‍♀️炸春卷就OK啦味道唔錯,不過個皮唔夠脆,所以唔夠香口~炸蝦餅就好食啲,有咬口同埋蝦膠都彈彈地牙,點啲泰式辣醬一齊食會更加美味,只係略嫌呢個拼盤要$71蚊就好似貴咗小小。個泰式豬手(例牌)個賣相就一流,好似入哂味咁,不過因為我一向都唔食豬手嘅,呢碟嘢係阿肥一人獨享,佢就食到好滋味,同我匯報話勁好食,啲肉好腍好入味,仲有幾條芥蘭同半隻滷水蛋伴碟添,另外仲有啲酸菜,應該係for解油膩嘅,哈哈😬最後就到飲品,阿肥話佢個椰青勁勁勁好味,裡面啲椰子肉唔會實的的,又唔硬,嘆完仲話想再encore,俾我制止咗而我嗰杯泰式啡噢靚,我本來係見個名咁特別,同埋$14蚊一杯又唔貴,所以點嚟試下~店員哥哥喺我落單嘅時候向我強調,係一杯甜嘅齋啡來~啱丫!齋啡我至鍾意喇:)總括嚟講,呢度嘅食物水準都算幾好,價錢亦算OK,如果要食泰國菜,唔一定要去九龍城啦…Read More

近來旺角多了很多泰國菜，剛巧路過這間。門外有小食、串燒，而且價錢合理。恰巧有位，於是入內晚餐。食物種類頗多，而且有些優惠的食物 友人太口渴，所以即點了「泰式香茅冰」。泰式香茅冰，味道清新，解渴！之後，我們點了「泰式肉碎生菜包 (豬)」、「泰式炒椰菜苗」、「泰式乾炒海鮮河」、「泰燒和牛串」、「串燒沙爹雞」及滿 $200 可用一元，選了「泰式木瓜沙律」。$1 的泰式木瓜沙律，份量當然會少啦！酸酸甜甜，爽口，開胃！友人最愛點這個菜，泰式肉碎生菜包 (豬)，肉碎份量頗多，鹹度適中，用新鮮生菜包在一起吃，不錯！泰式炒椰菜苗，很嫩，夠新鮮！新嘗試，泰式乾炒海鮮河，不再常常食 "Pad Thai" ^_<河粉炒得頗乾身，入味！門口有串燒賣，當然要食下串燒啦！點了一串泰燒和牛串及一串串燒沙爹雞，和牛串味道頗特別，肉質嫩滑！沙爹雞串，醬汁另上 (我怕太辣)，但食落，醬汁不太辣，惹味！…Read More

是日收工要去旺角先達放機，心血來潮想食泰國嘢，諗起之前朋友推薦過位於金魚街嘅lee間泰廚泰國菜館，於是決定一試眞味哇～ 七點左右就已經出現等位人龍～見到牆上貼住d飲食雜誌推介，於是乎我哋揀咗冬蔭大頭蝦湯、串燒沙爹豬/牛/雞、泰式菠蘿炒飯，同埋泰式豬手。餐廳有嗰promotion，消費滿$200，就可以以$1特惠價嘆4件生蝦！還有菠蘿炒飯，也是符合預期的出品。餐廳分兩層，我哋坐落下，只有兩個侍應招呼客人，服務還不錯，全單都係$300有找。我哋食完，門口已經係等位嘅長龍～ lee間可以搵日再回味。…Read More

泰菜癮起，要在平日去九龍城的話放工已太晏，在市中心好味地道的泰菜選不多，於是朋友在Openrice中找了這間非連鎖的小店店舖位於行人天橋橋底隔黎，都算容易搵，好近花園街，只係平時行街不會兜這邊走門口有阿姐主理的串燒仲有人排隊等外賣，都幾香除了主餐牌，仲有一蚊推介及逢星期幾的特價品[沙爹串燒]Peachy.foodie rating: ⭐️⭐️⭐️⭐️（4/5)被門口的串燒香味誘惑，先來一雞一豬新鮮燒起熱辣辣先取一分，沙爹汁惹味而不過咸，特別喜歡沙爹汁當中有大量花生碎，食上癮！可以和九龍城的出名沙爹有得揮[泰燒和牛串]Peachy.foodie rating: (4/5)食完沙爹串燒好想再食，於是決定試試貴少少的和牛串。伙記上菜時特別提醒綠色的汁是泰式特汁，食落口有微微的酸味，味道清新，加埋燒到甜甜地的青椒，味道好夾，牛肉肉質算OK腍[泰式菠蘿炒飯]Peachy.foodie rating: 5/5朋友是菠蘿炒飯的擁躉，指定要食，加上有廚師推介，所以一試。自己一向對菠蘿炒飯無咩好感，但這個超驚喜！泰國香苗炒得粒粒均勻、乾身，而且鑊氣十足，更驚喜的在於足料，內有很多海鮮，有魷魚、蝦、魚，幾乎每一口都食到海鮮，好食又抵食[蒜炒椰菜苗]Peachy.foodie rating: 3/5蒜味十足，同樣夠曬鑊氣，所以沒有青味[泰式木瓜沙律]Peachy.foodie rating: 3/5一蚊真係一蚊！只要叫滿$200就可以揀個一蚊之選，所以基本上兩個人以上就一定叫到，所以枱枱都在叫，店員都會提提係，我地就叫了個健康的沙律。都絕不馬虎，不過要稍為食得辣先得泰菜味濃，所以不少得飲品喜歡這杯[珍多冰]椰奶和甜味配合適宜，啱我偷拍了別人的[明爐烏頭魚]是逢星期四的特價菜，原條明火上，好吸引，好多人叫，可惜我落單後先見到，原來每一日都有逢星期幾的優惠，下次要醒目啲CP值高、菜色選擇多、地點方便，所以即使平日都幾多人…Read More

今天相約朋友到旺角逛街，到了晚飯時間走到了金魚街一帶，看到這間泰式菜館，泰菜來說價錢也不貴，就決定了今晚的晚餐。覇氣而簡單的招牌，門外不少人等位和走過。店外的串燒部。優惠很吸引:)但吃太飽了沒有選有一片薄薄的煎蛋蓋在飯上，肉鬆是甜味的，炒飯的蝦醬味沒有特別濃烈，但亦有足夠的蝦醬味。紅彤彤的冬蔭公，喝起來當然是辣，但其實不是十分十分的辣，所以不用擔心這個湯會太辣:)很有泰式的味道，有一點點酸味，很開胃，也不是特別油膩貨真價實的海鮮湯，有鮮蝦、章魚、青口等食材。豬頸肉很入味，淨食也有肉汁，切成一薄片，很好入口也不韌不油膩。精粹在於特製的醬汁，酸酸的泰式風味，很清新的感覺:)與豬頸肉十分匹配。味道較濃，偏向䶢味，每一根菜都吸收到醬汁非常入味。一串三顆和牛粒，肉汁不錯，加上椒類洋蔥等，更顯泰式風味。飲品點了泰式珍多冰和青檸梳打。珍多冰椰奶味很足，也很香滑。青檸梳打的梳打水則選用了Chang，杯中除了有青檸外，也有一點青檸甜醬，令梳打味道有點甜味。沒有加一，滿足的晚餐:)…Read More

平常經過太子通菜街必定會被這間香噴噴的串燒味而吸引🙎🏾今次終於有機會黎食啦😳當然要試下串燒啦😏我們叫了兩串🐷🐔沙嗲串燒（豬、雞）兩串泰燒和牛🐮串 兩串泰式香茅雞翼冬蔭大頭蝦湯泰式炒金邊粉並以$1換購泰式木瓜沙律 （凡惠顧$200以上可任選其一）沙嗲串燒(豬、雞）（每串$12）wow它們秘製的沙嗲汁真的很惹味😋😋😋🐷豬🐔雞串燒也燒得剛剛好 不會太老 啖啖juicy 肉質也很彈牙☺️係我食過咁多間泰國菜的串燒做得最出色的一間👍🏻泰式香茅雞翼（每隻$15）它們用的是雞全翼 以這個價錢來說其實幾抵食😚唯一敗筆在於香茅味不是很重可能是因為秘製沙嗲醬汁覆蓋了香茅雞翼本身的味道吧🙈泰燒和牛🐮串 （每串$20）一串有齊和牛粒 青椒 洋蔥真係幾抵食☺️和牛燒得8成熟 肉汁鎖住係和牛粒裡面一咬就要beat晒出黎😳冬蔭大頭蝦湯（$75）大頭蝦真的很大隻🖐🏻😳😳😳冬蔭功材料亦很充足👍🏻有香茅 蕃茄🍅 香葉🌱最重要是新鮮鮮甜的大蝦令到湯頭十分甜 有少少微辣 很醒胃😋泰式炒金邊粉（$68）個人十分喜歡吃炒金邊粉可是這裡的金邊粉是我吃過最難食的😖😖😖可能是因為它有很多order所以為求方便就幾單order一齊炒吧🙄點知炒燶了 整蝶都有燶味😭😭😭泰式木瓜沙律（$1）Erm...這個嘛份量有一個拳頭的多✊🏾以優惠價換購食物來說都算可以接受的🤔但千萬不要以平常價錢叫黎做主菜 🙅🏾🙅🏾🙅🏾因為絕對唔值🙍🏽似是青木瓜未熟就被人剖開黎做沙律🕵🏽所以青木瓜絲有點兒過生過硬 而且有點兒dry👎🏻泰式醬汁味道尚算正常😃可惜食材卻令到整道菜都大打折扣了😕…Read More

朋友不太喜歡日韓食品，但喜歡越泰菜，所以選了泰廚泰國菜館因為幾年前試過一次，印象不錯店內環境較像茶餐廳，看起來衛生情況可以接受，但不算十分整潔我們坐樓上，地方感覺較迫，但樓上較不乾淨，時不時有烏蠅和蚊陪你食泰式肉碎生菜包:食泰國菜點生菜包似乎是好多香港人的選擇今次的生菜包跟香港大部分的泰國餐廳都差不多，這個生菜包比其實餐廳的差不多，但意想不到的是佢的辣度，因為的確辣得幾過癮，不會辣得進不了口，而且味道很香口惹味 泰式古法烤槽魚:平時很少食泰式烤魚，見到餐牌有特價，原來他逢星期一至六每日都有一款優惠，今日優惠是烤槽魚，$99都幾扺所以點了試試原來這個泰式烤槽魚是用錫紙包著大量泰式香料一起烤，烤起後原份包著錫紙一同上菜，在你面前𠝹開錫紙，原汁原味！這個烤法令到槽魚味道幾特別，因為泰式香料味道十分的重，而魚吸收了不少這個味道魚本身味道都不錯，槽魚肉身較硬身，口感淡淡肉，旁邊的醬汁為泰式辣汁，跟點生蝦的其中一款汁好像，點後令魚肉帶多點鮮味泰式拼盤: 這個拼盤給我感覺像印尼拼盤，可能因為蝦片和串燒吧先說串燒，上枱時已經不熱，而串燒的汁真的像印尼沙嗲汁，味道普通不惹味左下的是蝦餅，蝦味很少，太大塊，食一口已不想再食，太膩了中間的是類似魚餅的東西，但裡面夾雜著其他小配料，口感不好，亦同樣好膩右下的是炸春卷，跟魚餅一樣裡面有不少東西，一樣口感頗差整個拼盤配一個泰式辣醬，辣醬跟平常食的有點出入，不香，味偏淡，所以點完都沒味泰燒和牛串:完全意料之外的和牛串！和牛燒得剛剛好，不會太熟，入口牛味十足！而上面配上泰式辣汁更和和牛完美配合，想不到這個辣汁可以這樣配法，惹味十足！中間還配上青椒和洋蔥，美觀而又好味泰式青檸冰:酸到差點不能入口，只是勉強飯完泰式珍多冰:朋友說不錯整體算ok，和牛串亦令整體評分拉高好多不過有樣不滿，餐牌說點滿$200可以$1點泰式生蝦一碟，但又說售罄 :(…Read More

看電影前要先醫肚，但又不想離戲院太遠，在旺角找到了泰廚泰國菜館，一嘗泰菜心願。一開始例必先點泰式串燒小食！泰燒和牛串 $20在牛肉粒之間串入青椒和洋蔥一同燒製，最後淋上香草青檸汁，很特別的另類配搭。酸味中帶點微辣。其實味道是不錯的，可惜肉質有點韌和"鞋"口，而且清檸汁有點過酸 ，好像蓋過了牛肉本身的香味。串燒沙嗲雞、豬肉串 $12/@相比之下，更覺用傳統泰式沙爹醬的雞肉豬肉串更為滋味。雞串豬串同用一款沙嗲汁，帶有點點甜味和花生醬味，惹味得黎又很開胃！好食！但如果要二選一的話，我會覺得雞肉有點"鞋"口，吾夠香嫩。反而豬肉就較為彈牙有口感，而且燒得比較香口。馬拉盞炒雜菜 $68味道不錯，馬拉盞的味道可以再重一點。因為朋友希望吃多點不同的蔬菜，所以叫了炒雜菜。要不然個人認為馬拉盞還是配通菜才是黃道。泰式生蝦 $1 (惠顧滿＄200)嘩，原來有咁好的優惠！凡惠顧滿＄200 即可以$1 驚喜價任選4款小食的其中一款！我們當然要來個泰國冷菜的代表作 — 泰式生蝦！蝦肉頗為爽口彈牙，帶點它獨有的黏黏的口感。我很喜歡這個特別調製的清新香草汁！酸酸甜甜的跟蝦肉非常地夾！而且感覺清爽又開胃。泰式豬頸肉冬陰公湯粉 $58因為加了$10轉冬陰公湯底。結果一上枱，紅到呢。。我不禁嘩了一聲XDD 湯底十分足料，擁有一貫泰國菜必有的香味佐料等香味。唯獨是喝不出有蝦味，一入口是帶甜的，其後便瞬刻綻放出強勁辣味，而且個人覺得味道有點太濃，比一般的冬陰公湯更濃，味道更重。有可能是本人不太會吃辣的關係，吃得有點吃力。但豬頸肉就算好食，有烤過的香味，煙韌得黎有口感。而河粉的口感也不錯，算香口滑溜，可惜真的有點太辣，沒辦法吃太多。泰式明爐烏頭魚 $130很有覇氣的一道菜，將整盆烏頭魚架在小火爐上，一直煮着魚肉，令菜色得以保持溫度而且湯汁會越煮越濃。魚肉上放有大量不同香料一同蒸煮，使得味道豐富。魚肉口感算鮮甜香嫩，而且發現配合附上的紅紅的醬汁一起食用，酸酸甜甜的，果然更為鮮甜美味！另外還附有一小碗魚湯，以便補充盆內被煮乾的水分。真的很貼心。餐廳還有其他的時段優惠，越夜越精彩。…Read More

今日去左旺角行街街，行到攰，搵左間食泰式野，當時已經9點鐘，但都仲係好多人，果然旺角幾時都咁多人流。入到舖頭坐低望望餐牌之後點了幾款餸。行到咁攰，叫返D飲品解渴先朋友叫左咸檸七我就叫左泰式龍眼冰，味道偏甜，龍眼肉好味，好快就食清曬。呢度嘅串燒真係好掂，都是由設於門外的燒烤爐架即叫即燒，另外燒烤醬都係好野味，加上燒好的肉串食落真係一種享受。泰燒和牛串呢個泰燒和牛串用上香草汁，感覺新鮮，而且中間還夾住青椒及洋蔥，三樣一齊食味道更有層次。串燒沙爹(豬,雞)各一 $12/串一豬，一雞都燒得好香脆，加上沙嗲醬夠甜，十分滋味。泰式生蝦刺身去食泰國菜我必點的泰式生蝦刺身，新鮮爽口，點埋個生蝦汁勁惹味。冬蔭大頭蝦湯大家都知道冬蔭功都是差唔多去親食泰式都必叫，冬蔭功係泰國的一種酸辣湯非常出名。今次試到的冬蔭功俾到我印象係充滿住大蝦的鮮味及很香的香茅味。蒜蓉炒通菜無論中式還是泰式炒通菜我都很愛食，所以呢個都唔例外，味夠濃，一流。惠顧滿$200就可加$1生蝦又點左，咁就揀左個泰式椰汁糕椰汁糕比較稀爛，令到口感不太好，這個就不推介了。建議大家揀點$1生蝦。…Read More