Thai Chiu (Graham Street)

過開中環做嘢、收工突然間想食泰國菜。上網一search、原來中環都唔少泰國菜。眾多嘅泰國菜當中，我就最揀咗泰潮。一嚟泰潮好評眾多，二嚟睇到餐牌價格都好相宜。未去到餐廳、我就已經揀好咗，要點晚市2人套餐B。晚市2人套餐B，有一個湯、兩個小食、兩個菜、一個例牌海南雞、兩個飯、同埋兩件甜品。 咁多嘢食都只係$298，確係好抵。同埋份量其實三個人食都足夠。冬蔭功湯湯有豬肉丸、大蝦同雜菌、都算係幾足料。湯嘅味道好好，但如果可以再辣少少就更好喇。酸辣鳳爪食酸辣鳳爪，我最驚就係太過辣。泰潮嘅酸辣鳳爪就剛剛好。而且鳳爪就住每一隻趾位剪開咗，一口一條，唔會話多咗幾隻趾會食到成咀都係。泰潮海南雞泰潮嘅皇牌菜，雞好滑好香，又唔見有脂肪。連埋雞皮入口完全無罪惡感。點埋海南雞用嘅醬汁，提升海南雞嘅味道。再配埋雞油香飯一齊食先係皇道。雞油香飯有得揀香油雞飯，當然會叫依個啦。粒粒飯都係金黃色，充滿住雞油嘅香味。可惜嘅係唔記得咗個2人套餐有招牌咖喱。早之應該叫一個雞油香飯、另一人叫絲苗白飯。泰式炸蝦餅拼春卷雖然單碟嚟睇份量唔算太多，但以整個2人套餐嚟講，其實就好足夠喇。蝦餅彈牙有蝦味。春卷就係齋春卷嚟，變咗唔會食太多肉，相對比較健康。招牌咖喱招牌咖喱可以點配牛筋腩、豬頸肉、或者雜菜。我哋點咗配豬頸肉。咖喱非常之香、同豬頸肉都好夾。豬頸肉好鮮嫩。唯一可惜嘅係我哋兩個飯都點咗雞油香飯，早知應該一個雞油香飯、一個絲苗白飯，咁就唔會浪費咗咁香咁好味嘅咖喱喇。泰式蒜蓉炒雜菜蒜蓉味好夠，係依一餐嘅蔬菜主要來源，整份菜都好好味道。泰式甜品甜品係兩件細細嘅椰汁糕、清甜好味。幫依一餐劃上完美嘅句號。…Read More

《食左當去左系列~曼谷篇》以前上機之前都會係T2食泰潮，如今T2不在，旅行又去唔到，咁就上開飯網搵泰潮，先知原來有咁多分店，而中環呢間有最多好評，所以就黎會一會我日思夜想既泰式海南雞~menu有單人套餐/2人餐/4人餐，見2人餐咩都有d，為食既我就即刻order冬陰功湯~冬陰功湯非常足料, 有豬肉丸、蝦、車厘茄、秀珍菇, 味道夠晒地道,酸甜+ 椰奶香泰式青木瓜絲沙律~青木瓜絲沙律係一道開胃前菜﹐青木瓜既酸配上泰式特有既沙律汁,非常醒胃泰潮海南雞(例牌)~米芝蓮海南雞係名副其實,海南雞已經去晒骨﹐皮爽雞肉滑身﹐另上既醬汁惹味(門過店員,全部自家制)﹐配上雞油飯﹐一解水門雞之癮!!泰式蒜蓉炒雜菜~咪以為炒雜菜好普通,呢度既雜菜好有蒜香,亦不失鮮甜 , 連最怕既甘筍草青味都冇晒(椰菜、木耳、甘筍、芥蘭、栗米芯)泰式炸蝦餅拼春卷~炸蝦餅春卷每件各一﹐炸物夠熱夠脆身招牌咖哩 (牛筋腩)~咖哩唔算太辣﹐牛筋牛腩份量都幾多下,牛味香~~ 配菜用上三色椒replace左薯仔, 原來三仔椒煮咖哩都幾鮮甜是日甜品~椰汁大菜糕為ending 非常好, 清甜不膩!!最後要特別讚揚呢度既SERVICE~1) 就算2個人黎到, 餐廳會盡力安排4人台,2) 上冬陰功湯既時侯會問要唔要幫我地"不"埋,但作為相機食先既吃貨,都係自己黎岩D3) 本身餐台上已經有TISSUE, 但食到中間,店員都會續張台問要唔要extra tissue¬¬…Read More

👉呢度裝修擺設已經夠泰式，坐低仲有收音機傳嚟嘅泰文歌，真係好似去咗泰國🇹🇭呀！打開餐牌有我至愛嘅套餐，懶人之選，唔使諗😄📌晩市二人套餐 B $298，包埋2⃣️個飯，油飯、白飯🍚任揀📌冬蔭公湯 ～ 超足料：大蝦、菇、連丸都🈶️，湯頭充滿椰香、香茅味突出，辣度啱啱好！📌泰式青木瓜絲沙律 ～ 用料、味道同泰國食嘅一樣㗎！📌招牌咖喱豬頸肉 ～ 成碗都係豬頸肉，不過辣度略嫌不足，如果可以加辣即刻唔同晒！📌泰潮海南雞 ～ 皮脆爽口肉嫩，雞味濃，點埋汁醬簡直絕配🤤📌泰式炸蝦餅拼春卷 ～ 炸蝦餅真係不得了，爽口彈牙，等如出面2塊咁厚，超有口感😍📌套餐冇包飲品，加$10 叫咗椰汁🥥冰🧊！貨真價實，好味！2⃣️人套餐咁豐富，3⃣️個女士都夠食呀！中環區竟然仲🈶️咁抵食嘅食肆！…Read More

星期六阿媽陪我去中環診所覆診完，時間已經係黃昏，所以一於搵地方食埋晚飯先走。每個星期嘅難題又出現了，好彩係Openrice搵搵，見到「泰潮」，我之前喺深水埗食過午餐都OK👌。喺出面望，係睇唔到舖頭入面原來都幾大，環境算乾淨企理，牆身仲畫咗以香港中環為主題嘅壁畫🖼。店員們好友善，向我哋推介晚市2人套餐，有A同B款，主要分別係多碟前菜，其餘內容大致一樣，價錢爭$30而已😊。胃食嘅我哋要咗Set B，個套餐真係勁勁勁多嘢食，好誇張啊擺到成枱都係。計埋甜品總共有8樣食物，全部菜式嘅賣相都好吸引，唔會求求其其👍。湯品有得揀冬陰功湯或者扎肉肉碎湯，我哋要咗前者，惹味啲嘛🤤。店員就算好忙，都不忘幫我哋分埋湯，好細心呢。冬蔭公湯唔會太辣🌶，因為有椰香作調和；另外湯料好足，有4隻蝦、4粒豬肉丸同大量菇菇。前菜可以揀泰式青木瓜絲沙律或者酸辣鳳爪，我哋要咗鳳爪，味道微酸，幾開胃，而且份量好多，成10隻都有！不過最緊要係鳳爪無骨🦴，咁先食得開心。泰式炸蝦餅拼春卷，每人每款一件份量剛剛好。雖然炸物係好好食，但食太多會膩同滯住。🍤炸蝦餅大大件，口感又夠彈牙，好食；春卷就正正常常，無乜特別。泰潮海南雞🐓(例牌)，一望碟雞我就知道我會鍾意食，因為海南雞整整齊齊乾乾淨淨上碟，而且亦係去骨㗎！啖啖肉食真係好正，加上雞肉好滑呢，點埋個辣醬食無得輸😋，果然係招牌菜，無令人失望。泰式蒜蓉炒雜菜🥦，蒜香口味恰到好處，唔會太淡或太濃。因為係炒雜菜，菜嘅種類真係好多，包括西蘭花、芥蘭、蘿蔔、粟米仔同木耳等等。阿媽食咗大半碟😂。招牌咖喱🥘可揀配牛筋腩／豬頸肉或者雜菜，阿媽唔食牛，所以要咗豬頸肉。🐷豬頸肉份量都多，不過就比較細粒；脂肪不會太多，口感亦不柴，唔錯。至於咖哩係唔辣的，帶有椰香，伴菜係紅黃綠燈椒，如果轉薯仔會更正，不過都食唔哂🙈。米飯🍚方面，有得揀泰國絲苗白飯或者雞油香飯，依個真係諗都唔洗諗，屋企日日都食白飯，出到嚟就梗係要油飯啦！油飯每粒都黃色的，好均勻，食落亦不會油，而且米飯好軟熟，一啲都唔乾。最後，就係跟餐泰式甜品2件，椰青大菜糕口感爽爽的，有少許椰肉🥥，不太甜，幾清新！但好搞笑地甜品個Size對比主菜係非常細，哈哈。總括嚟講，我對依餐除咗滿意之外，就係好滿足😍。泰潮晚市套餐性價比真係極高，8樣食物每人$150都仲有找，而且真心每樣都好好食！唯一美中不足就係套餐唔包飲品🥤，要另外加錢，不過其實每杯特飲都係加$10啫，相當抵，我要咗青檸梳打，同樣出色💯。…Read More

泰潮 #中環❗️連續十年獲得米芝蓮推介嘅泰國菜❗️呢間泰國菜連續10年獲得米芝蓮推介✨非常利害。雖然今次去嘅係位於中環嘅分店，而唔係獲獎嘅深水埗本店，但味道的確唔錯，大件夾抵食。二人餐B👭🏻$298呢個二人餐多到可以夠四個女人食🤯無加一每人賣單都唔使$150🤩有齊晒湯、沙律、小食、獲獎嘅海南雞、咖喱、甜品，抵到爛。1️⃣冬陰公湯🍲酸酸地唔係好辣，有大量蝦肉、豬肉丸2️⃣泰式青木瓜絲沙律🥙同大部份青木瓜沙律一樣，都係用上泰式酸甜魚露調味，青木瓜爽口份量多。3️⃣泰式炸蝦餅拼春卷🍤超大粒炸蝦餅，春卷包住蔬菜絲，炸得非常香脆。4️⃣泰潮海南雞🐔呢個絕對係佢哋嘅招牌菜式，事先起晒骨，雞肉嫩滑，面頭仲有啲雞油，配上辣椒醬同埋油翻夠晒好味。5️⃣招牌咖喱牛筋腩🐮咖喱椰香味重，甜甜地唔會太辣。特別欣賞佢啲牛筋真係超級淋，感覺超強骨膠原，好似食緊花膠咁。6️⃣泰式蒜蓉炒雜菜🥬貌似普通嘅炒雜菜，但蒜香味幾重，有茶餐廳嘅鑊氣。7️⃣雞油香飯或者白飯🍚不得不提佢嘅雞油飯真係好香，算係我食過咁多間海南雞飯之中最濃！而且根本有成兩碗飯咁大，女仔根本冇可能食得晒。8️⃣泰式甜品🍰最後送上一個椰汁大菜糕，清清甜甜。❣️整體來講❣️呢間泰國菜嘅性價比真係冇得輸，兩個女仔食冇可能食得晒😳見有唔少上班一族放工咁嗌個飯都夠。雖然菜色唔算特別，但獲得米芝蓮推介，水準的確唔錯，平平哋值得一試✨。泰潮 (中環)🚩中環嘉咸街7號地舖…Read More

今天到中環逛街，找附近的餐廳看到這間米芝連泰國餐廳，當然要試一試餐廳位於街市旁邊，跟著地圖去也不算難找餐廳內非常宽敞，乾淨整潔我們點了二人餐冬陰功湯 - 熱騰騰的，微辣味道十分醒胃湯也十分足料，有鮮蝦，什菌，泰式貢丸酸辣鳳爪 - 酸酸甜甜的泰式醬汁配鳳爪令人胃口大開泰潮海南雞 - 是餐廳的招牌菜，有自家製的醬汁，更可令雞更惹味雞肉非常嫩滑，而且是沒有骨的！泰式炸蝦餅配春卷 - 炸蝦餅非常有驚喜，是厚厚的炸得非常香脆可口， 而且蝦餅很有咬口招牌咖喱牛筋腩 - 咖喱汁非常香濃，送飯一流，套餐可選擇雞油飯或白飯，雞油飯帶重油香，同時也非常邪惡泰式蒜蓉炒雜菜 - 套餐有青菜是十分貼心的，味道正常泰式甜品是椰汁糕，味道清淡，有解腻作用二人套餐份量很多，特別海南雞是非常出色的，這個價錢可以吃到米芝蓮的推介真是十分抵食…Read More

連續十年獲米芝蓮推介不客易，難得的是價錢相宜小店位於中環街市附近，位於兩小巷交界，招牌尤其顯眼，門外有一泰國Tuk Tuk青蘋果色的座位予人光猛衛生的感覺晚市二人套餐只須$268，超值扎肉肉碎湯連鍋上，可一直保持著溫度泰式炸魚餅炸至金黃，拼春卷皮脆餡香，醮一些酸甜醬很滋味招牌菜泰潮海南雞肉質爽滑，雞味濃郁，醬汁香濃微辣招牌咖喱蝦球爽口彈牙，很有椰香味泰式蒜蓉炒雜菜夠大碟菜類多吃海南雞當然要配雞油香飯！飯有咬口，吸盡雞油至金黃色，煙韌甘香 泰式甜品為椰青蓉大菜糕每一口都可以享受到椰子水和椰子肉的清甜還要免加一，性價比奇高…Read More

星期六同朋友去中環行左成日再睇埋村上隆展，出到黎已經好攰好餓，朋友想食泰菜見到附近有間就衝左過去。打開menu好快就決定order個2人餐，呢個2人餐真係超抵食超飽，每人都係$150有找！不得不提中環店6月有週年優惠，夜晚6點後有7折，性價比超高！泰潮海南雞我自己個人偏向鍾意食雞脾，因為一直怕雞胸鞋口，但食左舊雞胸發現竟然唔乾，仲幾嫩！加埋必有既泰式海南雞醬汁，好好食。泰式黃咖哩豬頸肉佢哋嘅黃咖哩係有小小辣，雖然辣但都依然食到有陣椰香味，豬頸肉易咬爽口，仲要佢個狀態岩岩好，唔會好水亦都唔會好杰，餸飯真係perfect！冬蔭功湯我同朋友都覺得好好飲而且好足料！我哋都唔鍾意偏酸嘅冬蔭功，而佢呢個正正係不偏酸但有啲辣。泰式炸蝦餅拼春卷 炸物通常都係一段冇咩特別，但出奇地炸得超好食！個炸蝦餅好厚肉，春卷超脆，真係冇誇張！朋友一咬勁脆勁大聲！泰式青木瓜絲沙律同冬蔭功湯一樣都係偏辣唔係偏酸，都幾清新好食。…Read More

今晚在上環食晚餐，選了這間網上好多人話海南雞正，原來是2018米芝連推薦的餐廳！好易認的門面，有一架綠色電單車！環境以紅色燈飾及綠色的椅子為主，好搶眼，牆上有泰國店牌及不同圖畫裝飾，以簡約為主！服務親切有禮，主動幫助收碟、加湯，上菜又快手！食物好多花款選擇，我們點了2人餐。包了1個小食，1個湯，1個炒雜菜，2個主菜，2個飯，好抵食！小食：泰式炸魚餅拼春卷熱辣辣香噴噴，炸魚餅好入味香口，有香草拌在魚餅中，有咬口又野味，好正；春卷脆卜卜，卷得好靚，大小剛好，內餡包著好多蔬菜紅蘿蔔絲，醬汁也好好味，推薦喔！主菜：1. 泰潮海南雞去骨的雞嫩滑無比，唔會太肥，雞皮香又滑，啖啖滑滑雞肉，配上秘製醬汁（辣椒、香葉、蒜蓉等）一同食，滋味得不得了！配飯或單點都正！必點之選2. 招牌咖哩蝦球咖哩好野味微微辣味，加入了椰汁好香好滑，蝦好爽脆彈牙，配上脆脆三色椒，又靚又好食；咖哩配飯又是一流的！泰式蒜蓉炒雜菜多種類不同菜蔬，有可愛爽口紅蘿蔔片、香軟入味椰菜、爽脆翠綠的芥蘭、粟米仔、爽口通血管大大塊木耳等，蒜蓉炒好香又唔會太咸太油，好味又健康！湯：扎肉肉碎湯上特色的銀鍋上枱，蓋上的可保溫；扎肉切成條及一粒粒豬肉碎，加上生菜絲，豐富多料，但咸了點！飯：白飯及雞油飯好大碗好香軟，雞油飯粒粒黃色好分明，口感軟硬剛剛好，喜歡喔！甜品：喜歡這個椰汁西米糕，分開2層的，好清香的味道！為我們口腔清一清味道，好好的配搭！…Read More

朋友很喜歡食海南雞飯，就提議試下中環這間連續獲得米芝蓮推介的明星泰菜～ 不過一場黎到，冇理由唔試埋其他食物，所以最後叫了二人套餐($268)——————————🔹冬蔭功湯味道剛剛好，不會太酸、太辣或太鹹。本身朋友不喜歡飲冬陰功，覺得口味太濃重，但今次就接受到！湯的配料豐富，有蝦、肉丸、蘑菇、車厘茄等，兩個人各飲兩碗都還有剩，抵飲👍🏼🔸招牌咖喱蝦球咖喱味濃郁，帶淡淡椰香味，整體不覺太辣，還有很多蝦球，超級下飯！🔹泰潮海南雞 配雞油香飯最期待嘅海南雞飯終於出場！海南雞已經完全去骨，方便進食～雞肉嫰滑，雞皮爽脆，配上超香雞油飯，無可挑剔❤🔸泰式炸魚餅拼春卷魚餅和春卷即叫即炸，香脆可口。魚餅本身沒有下太多香料，食起來帶點魚味☺脆卜卜的春卷內是雜菜，沾上泰式醬，好好食👍🏼🔹泰式蒜蓉炒雜菜炒雜菜份量很多，內有多種菜，但就冇乜蒜香味🥴🔸泰式甜品最後以椰青糕作結！清甜帶淡淡椰香味，好好食~ 不過份量太細啦😭…Read More

星期五晚上約了朋友到蘭桂坊飲嘢， 見朋友之前到泰潮吃晚餐， 泰潮有很多間分店， 之前食過深水埗的分店， 印像都唔錯。 看過餐牌之後，我們選擇了晚市二人套餐B $298， 套餐有扎肉肉碎湯， 泰式青木瓜絲沙律， 泰潮海南雞（例牌）， 泰式蒜蓉炒雜菜， 泰式炸蝦餅拼春捲， 招牌咖哩牛筋腩， 雞油香飯兩碟。泰式青木瓜絲沙律～ 味道酸酸甜甜好開胃。泰式蒜蓉炒雜菜～ 雜菜有芥蘭，粟米仔，椰菜花，椰菜，紅蘿蔔和菇菌類。 一次過可以食到咁多款蔬菜， 健康又有益。泰式炸蝦餅拼春捲～ 炸蝦餅和春捲都是香口美味的食物，兩款都炸得香脆金黃。扎肉肉碎湯～ 本身想點冬陰功湯的，可是有少少喉嚨痛，所以選擇了扎肉肉碎湯。 肉碎的份量很多， 但味道稍為鹹了一點， 如果可以淡返少少就更加好飲。泰潮海南雞（例牌）～ 最喜歡吃這裏的海南雞，雞皮光澤新鮮，肉質嫩滑。招牌咖哩牛筋腩和雞油香飯（兩碟）～ 咖哩味香濃又不算太辣， 牛筋腩炆得好入味。 用咖哩汁配雞油香飯簡直食到停唔到口。凍檸樂～ 吃泰國菜味道比較濃郁，飲返罐凍檸樂解渴， 這裏的凍檸樂都很便宜，只需$10。最後還有泰式甜品～ 口感有點似椰汁味蛋菜糕。中環區來說泰潮的價格算是很便宜， 兩個人點了一個二人套餐再加一罐凍檸樂埋單只需要三百幾蚊， 已經可以吃到非常飽了。…Read More