新泰東南亞餐廳

Open Now

Now Closed

今日到尖沙咀食泰國菜。好彩有訂枱好快就有位了。餐廳枱與枱之間有著足夠空間，座位也幾舒適。我們點了香芒軟殼蟹米紙卷，泰式炸蝦餅，燒鮮菠蘿，蒜蓉包，泰式干炒雞河，泰式甜品大拼盤。香芒軟殼蟹米紙卷：軟滑米卷包著軟殼蟹，芒果，牛油果，香草令到口感更好更清新，味道更多層次。泰式炸蝦餅：8件大蝦餅，炸得金黃香口配合泰式醬汁食更加可口。蝦味濃又爽口彈牙。燒鮮菠蘿：燒過表層鎖住菠蘿汁更加好味道。蒜蓉包：烘得鬆脆可口，法包配上濃郁蒜蓉及牛油香味。泰式干炒雞河：份量都算多，好多新鮮蔬菜，加上雞肉炒得夠鑊氣。泰式甜品大拼盤-椰青大菜糕：大菜糕做底層甜甜地。泰式椰汁西米糕：椰汁味濃加上底層西米，芋頭，粟米更有口感。千層糕：軟軟地又煙韌既口感好得意加埋椰汁味。椰青班戟：煙韌既口感加上濃郁椰青味道。芒果糯米飯：酸酸甜甜芒果，加上黑糯米及白糯米不同口感配起甜甜地椰汁更加好味道。

今日到尖沙咀新泰東南亞餐廳食晚飯。朋友預約好時間，去到好快就有座位了。今日點了泰式炸蝦餅，燒鮮菠蘿，肉碎生菜包，蒜蓉包，泰式炒椰菜仔，越式蟹肉炒粉絲，泰式凍奶茶，珍多冰，芒果糯米飯。泰式炸蝦餅：炸到金黃色，外面脆入面熱。蝦膠味道和口感都好。燒鮮菠蘿：外面脆完美將菠蘿入面菠蘿汁鎖住，鮮甜可口 肉碎生菜包：豬肉碎加入香料爆香，辣辣地開胃好味道，再配以新鮮生菜包著來吃感覺好。蒜蓉包：香口蒜蓉包，味道口感都好。泰式炒椰菜仔：椰菜仔新鮮好味道。菜炒得岩岩好唔會太淋或太生。無草青味，帶出菜新鮮鮮味。越式蟹肉炒粉絲：粉絲份量都多，炒得味道好，軟硬岩岩好，配合蟹肉菜等配料好味道 。泰式凍奶茶：奶茶茶底香茶味，奶茶滑口。珍多冰：味道好加上有咬口果肉一流。凍凍地解暑。芒果糯米飯：芒果果肉甜及多汁。糯米飯軟硬度得宜，椰汁加上更加好味道。

今日同好友約好去到尖沙咀食晚飯。每人點一兩樣想食的。今日點了泰式炸蝦餅，串燒沙爹（豬，牛，雞）,肉碎生菜包，泰式柚子蝦沙律，泰式干炒河，泰式甜品大拼盤。泰式炸蝦餅🍤：炸得香口，熱辣辣。蝦餅口感同蝦味道俱佳。串燒沙爹（豬🐷，牛🐮，雞🐥）：肉質良好，入味。沙爹醬香口配起串燒食非常好。肉碎生菜包🐷：用生菜包住食，肉碎香料夠，少少辣非常開胃，洋蔥帶起味道配合香料同辣，正。泰式柚子蝦沙律🍤：少少辣岩岩好，柚子鮮甜可口。泰式干炒河：夠晒味既炒河，雞肉河醬汁整體好味道。泰式甜品大拼盤：飯後必吃之選，滿足埋甜品胃。芒果🥭夠甜，椰汁糯米飯味道同口感都好好。班蘭糕，椰汁糕同樣出色。

這是我們第二次到這間餐廳，訂了晚上6:00，可能是因為假日繁忙時段，今次有限定時間，入座起計90分鐘，7:20就last order了，食得有點急。炸蝦餅，蝦肉彈牙，又唔太咸肉碎生菜包，賣相麻麻地，生菜有點細塊，味道尚可金邊粉，好好味，又唔乾泰式生蝦，差不多檯檯都叫，我就冇食菠蘿炒飯，呢個一般啦，味道略為淡 燒豬頸肉，燒得岩岩好，肉質又嫩又彈牙 串燒，有齊雞牛豬，我試了雞串，雞肉好嫩有汁青咖喱雞+ 印度酥餅，咖哩裏的雞肉略為太少，只得幾塊，而且酥餅太硬太乾，一點也不鬆脆，這味餸稍為失色冬蔭功，不辣，1-3人飲其實岩岩好芒果糯米飯，必叫，椰汁比較多，$68試吓無妨這間餐廳門口日日排長龍，相信是因為味道好而且價錢合理，室內裝修又靚坐得好舒服，侍應都是泰國人，食物有保證，下次必定會再來

新泰東南亞餐廳 （尖沙咀） 同朋友係尖沙咀睇完戲就係附近搵啲野食，行過見到有間泰國餐廳裝修好特別，而且2:30－4:30入座有八折優惠，就試下啦😆😆 餐廳裝修得好有泰國feel，燈光偏暗，都有feel，啲坐位都好闊落，坐得幾舒服👍🏻叫咗2個午市套餐：泰式海南雞飯，黃咖哩海鮮配白飯，加配咗份泰式炸蝦餅，同埋鴨肉生菜包🍴🍴 🍴泰式海南雞飯個湯偏重口味，雞肉嫩滑，配菜係凍咗，個飯睇落似黃薑餅不過冇乜味。 😋😋😋🍴黃咖哩海鮮配白飯材料都幾豐富，有蝦、魷魚、魚柳、蛋花，咖啡唔算辣，甜甜地， 但係食到最後就有少少濟。😋😋😋 🍴泰式炸蝦餅外皮脆，蝦肉彈牙，配埋泰式酸辣醬就一流。😋😋😋😋 🍴鴨肉生菜包好重香料味，肉碎彈牙，有啲辣，但係好食！😋😋😋😋😋

聚餐朋友建議去食呢間泰菜，間餐廳環境幾靚，星期一既夜晚，客人都源源不斷，真係要訂枱先好黎但無做隔板間隔，感覺同前後左右距離好近我地3條友都叫左好多野食不過最後食唔哂，朋友仲拎左部分返去比老公🤣***先黎個泰式柚子蝦沙律，實物與相片不附，又少又細碟，得兩隻蝦，要$78唔抵食，不過勝在味道唔錯，甜酸適中冬蔭公(S) 幾好飲，都幾夠辣（食埋啲辣椒😂），細size同樣地得一隻蝦開邊變兩隻，不過湯都分到3碗飲泰式炸蝦餅。好味喎呢個可以推薦，脆口&彈牙豬肉碎生菜包。豬肉碎加蔥粒生洋蔥，味道唔錯，係生菜比較少左啲者，豬肉碎就多，其實可以叫個飯撈黎食添，但當然無叫，邊食得落😆泰式炸春卷。炸得都好脆口，但相比之下覺得炸蝦餅比較好味😋泰式芒果糯米飯：椰汁熱辣辣，白糯米軟綿綿，紫糯米軟硬適中，芒果甜飲品就真係太普通，無咩特別同特式馬拉盞通菜，基本上係泰式餐必叫既菜，味道尚可，但炒得比較濕潤，唔夠野味仲有可以推介呢個燒西冷牛扒燒得岩岩好，再沾埋佢啲醬汁總結：餐廳食物ok,但價錢相應份量上，唔太化算，比較細碟，今次無叫到任何粉麵飯，見到個麵包咖喱軟殼蟹好似幾好食，下次可以再黎試多次其他食物

今晚同女朋友想去尖咀Donki 行下， 咁岩見到附近有間泰國野食 呢排好耐都無食過所以就試下 reception同埋侍應都好似係泰國人 所以我相信都正宗既 見門面都幾靚 原來落樓層下一層先係餐廳 餐廳都好大間 大約有3000-4000尺地方 仲有卜房提供 唔講咁多 望一望個menu先 都真係好多選擇 有d花多眼亂 而且驚喜位係甜品選擇都比較多 但今日我地2個都唔太肚餓 所以就留返下次再黎食果陣叫～第一樣野食叫既就係泰式炸蝦餅（$88） 都幾classic既一樣泰式野食 所以每次食泰國野都叫比較一下 蝦餅炸得外皮香脆，入邊又夠爽彈，加埋泰式辣醬，惹味！ 第二道就係肉碎生菜包（雞）（$72）食落清新爽脆又開胃 不過食唔到辣既朋友可能就要注意啦 因為對你黎講可能都會偏辣既 但味道的確好開胃 而且香草味較重第三道菜就係豬牛雞串燒啦（$88）配埋串燒汁 肉身多汁juicy 唔乾身 而且肉味好出 唔會燒完後成條柴皮咁 鐘意食串燒既人都值得試一試！整體黎講 呢間餐廳既環境唔錯 好岩靜靜地想傾下計既朋友/情侶黎食 而且係偏暗少少有格調 價錢上我

無得去泰國，唯有食泰國嘢止下癮😭如果唔係朋友介紹都唔知呢度有間泰國菜，仲要抵食夾大件，唔怪得咁爆場啦🤔【泰式柚子蝦沙律】非常足料，蝦同柚子都大大粒，要嚟做頭盤好開胃😋【泰式炸蝦餅】新鮮炸起熱辣辣，咬落彈牙👍🏼【肉碎生菜包(豬肉)】份量十足，如果香料味重D會更好🤔【麵包焗咖哩軟殼蟹】比較有特色嘅一道菜，賣相非常吸晴🤩咖哩汁夠濃郁，要嚟配麵包一流👍🏼👍🏼👍🏼【泰式蝦炒金邊粉】金邊粉炒得夠乾爽，入口酸酸哋食得多都唔覺膩🤤【泰式奶茶】個人覺得如果可以少甜，同埋茶味再重D會更好😆【椰青沙冰】每一啖都隱約食到椰青肉，沙冰裝滿晒成個椰青，椰香十足🥥👍🏼

周六晚接完老媽子放工👩‍👧就係尖沙咀附近諗住食埋飯先返屋企啦，阿媽突然話想食pad thai😂咁就唯有去搵泰國野食。原來係K11對面開左新泰東南亞! 之前去過另一間分店都唔錯架😋餐廳係地庫，一落到去發現原來餐廳都幾大下，由於我地早到所以我地兩個都可以被安排坐卡位，所以坐得更加闊落。先叫左個啤酒🍺同菠蘿沙冰🍍阿媽話menu好多野食好難揀🤔最後揀左個小食炸蝦餅🍤估唔到有8大舊😮佢係一個大圓再開半咁，排左8舊即有4大個圈圈😂🤣個蝦餅既肉好有蝦味好足料，係有少少實，但都炸得好香口😋我就一定會叫冬蔭功，係我既最愛😍😍呢個冬蔭功🥘好好飲，比九龍城好多間都更好!!! 海鮮料夠多，酸辣度剛好，椰奶唔會太多或太少，滑得黎都仲係以個酸辣同海鮮味為主。另一樣我好鍾意係佢有好多草菇，係我既最愛!! 不過我食既時候唔小心咬到尖青色既指天椒🌶🌶🌶辣到我呢😡即刻飲哂成支啤酒🤯🤣個炒金邊粉最後上桌，嘩，賣相真係幾好!! 而且D金邊粉好幼但又唔會好油，加左青檸🍋汁即刻感覺好清新，佢入面都好足料，好多隻蝦，而且D蝦肉🦐好彈牙。另外D魚蛋絲、肉絲、芽菜呢D交足功課。份量都幾大，4個人分都得，所以我地兩個卒之都要打包D粉同兩