Tiew Ruea Tor Charm (Hau Fook Street)

今次來到一間泰國過江龍餐廳-船皇餐廳環境很細, 一張枱坐4個人有點逼枱上有魚露, 辣粉, 泰式酸辣汁, 甜醬油先看看Menu, 主食分湯麵和撈麵, 每樣有4款可以選擇第1款是豬肉, 第2款是雞肉, 第3款是牛肉, 第4款是豬牛雞都有頭3款還可以選擇大碗或細碗, 還可以選擇辣度至於麵可以選蛋麵, 米粉, 金邊粉或河粉船皇湯麵午市套餐 ($78)配料有炸豬皮, 牛腩, 牛肉片, 牛丸, 雞絲, 雞翼, 豬肉, 豬肉丸和豬潤當日豬潤賣完了, 所以店員說多給我一粒豬肉丸, 配料味道沒有特別船皇湯麵我點了河粉, 這個河粉和平時我們常見的不見河粉很寬很大一塊, 口感和一般河粉一樣湯底都非常濃郁, 河粉吸湯力強, 食到最後湯差不多都沒了泰妹雞翼其實就是炸單骨雞翼, 旁邊有酸甜醬, 味道不錯春卷+蝦卷蝦卷外邊用薯仔絲包住再炸, 都算脆, 不過蝦比較細春卷入面一樣是蝦, 只是外面不一樣而已凍柚子蜜這間店凍飲是用碗盛着的, 很特別, 味道很甜, 柚子醬下太多了總結, 這間店做得最好是湯底和麵, 配料和小食都很一般…Read More

在厚福街步行不需一分鐘，地點非常方便。😍船皇份量適中，未到晚上也不算人多，喜歡船麵的我當然要一試。每個船面有四款面底選擇，蛋麵亦十分特別，船麵配料亦十分多，有牛腩、牛肉片、牛肉丸、雞絲、雞翼、豬肉、豬肉丸、豬潤，咩都有d，中意食船面既朋友一定不可放過。整體上，船面的湯底十分充足，味道濃郁。😊😊😊😊😊串燒選擇亦非常多，有雞皮、豬頸肉、牛柳粒、牛舌、魷魚鬚，亦可選三款醬汁，有泰式辣汁、沙嗲醬、泰式燒烤醬。🍺🍺🍺仲有泰式手工精釀啤酒俾你揀，一路辣著條脷，一路飲酒，非常過癮。下次經過尖沙咀，一定再黎食！湯底一食難忘。👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻…Read More

疫情關係我同朋友嘅工作量度大減，收入大減。所以呢排我哋都搵啲價錢相對親民嘅小店幫襯下。今日就去咗尖沙咀厚福街“船皇“食泰式車仔麵。我哋叫咗一碗 船皇撈麵(大碗)$58，大大碗已經有齊曬所有嘢例如雞翼，肉丸，牛腩，豬潤等等 。 而家天氣咁熱食碗麵 個份量就啱啱好唔會好滯 。另外餐廳係所有嘢嘅價錢都係 十零廿蚊左右。兩個人就可以叫一碗麵兩份食加啲串燒小食就剛剛好。我哋仲喺咗一份泰妹雞翼$22，一堆串燒一個通菜同兩杯嘢飲， 泰式青檸梳打給泰式龍眼冰嘢飲個器皿好特別， 增添咗泰國風味，埋單都係一百蚊鬆啲，但係已經食得好滿足。呢度雖然係泰菜，但係普遍食物都唔算辣 ， 而且位置仲喺尖沙咀厚福街十分方便 ，性價比嚟講，普羅大眾一定啱食。…Read More

厚福街可以話係香港一條食街，今日黎到船皇食晚餐。今次我就揀左豬肉豬肉丸撈河粉，泰妹雞翼同埋龍眼冰。豬肉撈河粉味道唔錯，材料豐富，豬肉係用左腩肉不過唔係肥既，唔會食到成口油，而豬肉丸細細粒又幾夠味而且好彈牙，成個粉既整體感覺唔錯，不過可能係因為我揀左河粉既關係，佢就會成碗野痴埋一齊，觀感冇咁靚。小食叫左泰妹雞翼，一客5隻既單骨燒雞翼，配泰式辣醬。雞翼上枱時係幾香，食落脆口而且好入味，係值得推介既餐點。另外叫左杯龍眼冰，船皇既龍眼冰比起其他泰式餐廳既龍眼冰甜好多，我心目中既龍眼冰應該係淡淡地再加埋龍眼肉，而船皇就好甜，不過佢地用左新鮮龍眼肉就搶番唔少分數。總括而言船皇既價錢合理，味道不錯，係值得推介既餐廳。…Read More

星期六同朋友睇完戲，又行左去厚福街搵野食。其實條街都幾多唔同既野食選擇，有魚生飯，米線，西餐，泰國野，茶餐廳等等。因為頗長一段時間都無食泰國野啦，所以就去左船皇食泰式粉麵。佢選擇都幾多下，有唔同配搭既粉麵，串燒，小食同泰式飲品。因為見佢而家有個升級和牛既優惠，所以我地叫左一個船皇湯麵升級和牛，同埋一啲小食share。船皇湯麵我地揀左河粉同升級淨和牛。河粉大大塊，唔係平時食開一條條好整齊個啲，厚身又軟滑，不過有少少難夾起身。湯底好濃，平時我食泰式湯麵都鐘意自己再落醋或者其他調味料，但呢個本身就好夠味，正！和牛方面相對失色左少少，雖然佢本身都好軟滑，唔會起渣，但因為湯底濃味既關係，其實唔係太食到佢牛肉既香味。串燒牛舌燒得剛剛好，而且又係厚切，口感十分好，又香口，又彈牙。泰妹雞翼炸得好香脆，雞肉都仲係幾嫩滑。切開左單骨一條咁樣，比較容易進食。秘醬通菜係後加既，因為落單之後突然見到佢牆面有呢個菜，就馬上加左～我本身已經好鐘意食通菜，佢既醬好似有啲蒜蓉，柑橘類既果汁之類，仲有啲魚露，十分開胃又惹味！飲品方面，我地叫左一個凍泰式奶茶，同埋凍柚子檸檬梳打。呢間餐廳比較特別，係用碗上，而且凍奶茶係唔會有冰。奶茶幾好飲，唔會話真係太甜，不過茶味可以再重少少。柚子檸檬梳打都唔錯，因為柚子落左好多，所以都夠味。不過相對黎講就唔算太特別，要飲泰式飲品既話都係建議叫番泰式奶茶～～～…Read More

對我而言，船皇既船麵食過返尋味既美食，今天去左位於尖沙咀既新分店，睇下水準有冇保持到。對比銅鑼灣分店，尖沙咀店內既行走通道比較窄，不過裝潢仍然充滿泰國既夏天氣息。木製傢私同橙色牆身亦係一般傳統泰國餐廳擁有既元素。朋友第一次食船皇，所以叫左最出名既船皇湯麵，材料非常豐盛，有齊牛腩、牛肉片、牛丸、雞絲、雞翼、豬肉、豬肉丸同豬潤。湯底藥味重帶小辣。麵條方面，朋友揀左河粉，比一般河粉更粗，掛湯能力亦提高。食過船皇湯麵既我叫左船皇撈麵，材料同湯麵一樣咁豐富。職員提醒我食之前要先落醬汁，並且撈勻。辣汁同醬汁撈勻之後，連平時討厭嘅芽菜都變得惹味。眾多材料中，炸豬皮仍然最難忘，酥脆蓬鬆，一啲豬皮既腥味都無。小食總共叫左兩款，泰式炸蝦卷外面竟然有一層炸薯蓉絲，以自己特別鍾意薯蓉所以特別香脆。泰妹雞翼脆卜卜，鹹香十足。旁邊仲有酸辣醬，不過個人認為就咁食已經夠味道。船皇不愧係船皇，湯麵同撈麵各有特色，個人鐘意湯麵多啲。…Read More