반찬앤쿡 Banchan and Cook (太古城中心)

Open Now

Now Closed

Banchan & Chan 你一定會諗起蛋包飯，但太古分店就有點不同了。上前一看，店中跟其他分店一樣是走韓國小清新風，裝潢簡潔而明亮，總給人眼前一亮的感覺。有什麼不同？餐廳採半自助形式，客人先付款選購，便會有一枚提示器，當提示器發出聲響，便可到取餐處取餐，相當方便，重點係...慳番+1服務費！進店後更發覺眼前一亮，以天幕設計，顯得空間感更擴闊，還可把自然光滲透入內，配上超凡的乾花配搭，令人舒適、自然的感覺。流心蛋牛油果酵母麵包 / 玫瑰咖啡牛油果碎粒放上麵包上，再加上水波蛋及荷蘭醬，輕輕一切便把水波蛋切開，流出香濃的蛋汁，夾起來一起進食，入口香滑可口，配上鬆軟的酵母麵包，口感極佳。玫瑰咖啡入口順滑，淡淡清香，甜度得宜。全日韓式早餐 / 泡泡焦糖咖啡 全日韓式早餐非常豐富，當中有：烤菇、薯餅、煙三文魚，炒蛋多士，沙律菜，車厘茄、煙肉、香腸、茄汁豆，其多款選擇正適合我，可每款嚐到一點，正。泡泡焦糖咖啡賣相一流，面層加上順滑忌廉後再撒上朱古力粉，十分吸引；入口焦糖味香甜，還有陣陣的咖啡味，真是一杯必試之選。

又到假期，邊度都多人，去遠少少行吓，到太古一樣多人，但人患已經算冇咁嚴重，行到攰又係時候食返啲好嘢chill吓坐低飲杯水先，呢間半自助形式嘅韓國餐廳，好少見，由斟水、攞餐具到落單，自己嚟出去落單埋完單返埋位等機震出返去攞餐未除口罩已經聞到好香玫瑰味，更唔使講飲落口係幾咁花香爆棚泡泡咖啡超香口，cream控必點，有奶香又唔膩用彼得包配煙三文魚，感覺非常新鮮估唔到韓式都有all day breakfast，薯塊好脆口，番茄一樣好fresh咁又過咗一個chill tea喇

最鍾意呢啲可以慢慢hea下既cafe 唔洗急急腳走人 （都有人係度做功課）呢度既環境好闊落而且光線好好，好舒服。牆身係落地玻璃加上天花板都有玻璃可以透射啲光線落黎，環境係俾人一種放鬆既感覺。嘢食都好新鮮，幾唔錯。

環境寬敞闊落，天幕設計，自然光透入，坐得舒適。乾花設計，優雅，有幾張枱有楓葉乾花佈置，岩哂打卡。價錢偏高，主打韓式，不過同平時西式早餐差不多。✨味道75分，半自助形式，自己揀位，自己取餐。.🔸韓式全日早餐($96)沙律菜，烤菇，薯餅，煙三文魚，炒蛋多士，車厘茄，煙肉，腸仔。腸仔咬落少許油吱出，十分香口。香菇再稔返少少，會再入味啲好食啲。炒蛋本身已經放咗喺多士上面，令多士有啲稔。.🔸流心蛋牛油果酵母麵包($88)麵包好脆，上面舖滿滿既牛油果蓉。水波蛋一咬，暖暖濃郁既蛋黃流出。上面既醬汁唔濃味，唔會掩蓋牛油果同雞蛋本身嘅味道。.🔸泡泡焦糖咖啡最底有焦糖，上面係咖啡，最頂有厚厚既cream.🔸濟州綠茶鮮奶綠茶味本身好濃，加埋鮮奶中和，味道剛好。