環境寬敞闊落，天幕設計，自然光透入，坐得舒適。
乾花設計，優雅，有幾張枱有楓葉乾花佈置，岩哂打卡。
價錢偏高，主打韓式，不過同平時西式早餐差不多。
✨味道75分，半自助形式，自己揀位，自己取餐。
.
🔸韓式全日早餐($96)
沙律菜，烤菇，薯餅，煙三文魚，炒蛋多士，車厘茄，煙肉，腸仔。
腸仔咬落少許油吱出，十分香口。
香菇再稔返少少，會再入味啲好食啲。
炒蛋本身已經放咗喺多士上面，令多士有啲稔。
.
🔸流心蛋牛油果酵母麵包($88)
麵包好脆，上面舖滿滿既牛油果蓉。
水波蛋一咬，暖暖濃郁既蛋黃流出。
上面既醬汁唔濃味，唔會掩蓋牛油果同雞蛋本身嘅味道。
.
🔸泡泡焦糖咖啡
最底有焦糖，上面係咖啡，最頂有厚厚既cream
.
🔸濟州綠茶鮮奶
綠茶味本身好濃，加埋鮮奶中和，味道剛好。
