Tsukemen Mitaseimenjo (Soundwill Plaza II - Midtown)

好少係香港食拉麵嘅我，因為朋友話想食拉麵，所以去咗呢間三田製麵所晚餐。友人曾經幫襯過話唔錯，所以佢揀咗呢間！大約8點半嘅時間直入唔使等直入！餐牌有一人餐/二人餐，啤酒仲做緊買一送一，我地選擇各自叫一人餐🤓一人餐$120，有拉麵、小食、飲品三樣嘢！我要左唔辣嘅沾麵、炸雞、烏龍茶濃厚豚骨魚介湯沾麵 - 要讚下麵質，滑、些少咬口、成件事好實在！湯底都有80分，沾麵嘅湯底一般比較濃，所以我本身唔太好呢種拉麵，但佢呢個加左柚子係湯入面，令我覺得冇咁膩，加上湯嘅魚介味幾出，所以值得一讚。叉燒係碗麵上面相對普通，冇評價比到佢😅炸雞 - 好似係招牌之一？唔錯嘅，但未係好到“嘩”一聲～餃子 - OK啦，好難同日本嘅比！友人食辛辣，佢表示：都幾辣下！烏龍茶 - 正常整體 - 係香港有呢個質素算係咁，下次想食沾麵都可能會再幫襯！…Read More

好記得2019年10月尾，爆發Covid-19 前係我最後一次去日本旅行，當時在大阪幫襯《三田製麵所》食沾麵，店內播放天氣之子既主題曲；在疫情期間經過香港分店，都會話「起大阪食過呢間，幾好食㗎😚」；直到口罩令解封既2023年，終於再次幫襯《三田製麵所》，不過係銅鑼灣分店🤣🤣🤣店面同大阪差唔多，店內當然總會有啲唔同啦，不過最重要係碗沾麵☺️同朋友分別點左魚介湯、海老湯，魚介湯依然出色濃厚、海老湯有特色，入口有濃烈嘅蝦味，但不會重口味！麵底我地都揀左冷麵，冷麵麵質會比較Q彈，配搭濃湯係一流的👍🏻碗湯剩下3分1，再請店員額外加熱魚介水，令濃湯一下子變成一碗上湯，味道更加好美😍😍！聽朋友講，有啲鋪頭係加飯到濃湯內再拌吃，如有機會都想試試☺️除咗沾麵，亦點左小食炸薯條配明太子沙律醬，佢個名都改得幾有趣😄《福岡紅白混醬薯條》，同呢位朋友一齊食晚飯，甚少會食晒碟薯條🍟，起三田居然食得晒紅白混醬😯可想而知，個醬係幾咁美味🤤，果然明太子+沙律醬係絕配🩷🩷🩷個人覺得呢間沾麵算幾好，雖然打唔低我心中的第一位🤭🤭…Read More

登龍街都有幾間拉麵,今次黎試下三田製麵所,套餐價錢都幾抵食,一個餐有埋小食同野飲,而且個麵有分冷麵或熱麵,大中小都係同一價錢,唔洗驚食唔飽,不骨大份都真係幾大份,真係唔會食得晒😂《濃香豚骨魚介沾麵 $121》呢款豚骨沾麵比較膩,較重口味,味道相對濃郁🙈個汁都幾掛麵,質地比較濃稠,唔會太咸!《鯛魚沾麵 $131》呢款係期間限定既,食落比較清新,魚味幾鮮,而且冇豚骨沾麵咁膩,個人中意呢款多啲😎每碗麵都有半隻溏心蛋,一片叉燒同筍絲🍜跟餐既小食叫左兩款,分別係《日本唐揚協會 金獎炸雞》同《自家製炸雞翼-唐辛子口味》炸雞🍗其實好普通,唔覺得有咩特別,反而炸雞翼就好食啲,加左唐辛子會有小小辣,但係幾好食😋個餐包埋野飲,都係罐裝烏龍茶同檸檬茶,冇特別🙈整體覺得呢間性價比幾高,好抵食!三田製麵所銅鑼灣登龍街1-29號金朝陽中心2期Midtown地舖[⭐️5分為滿分]味道⭐️⭐️⭐️環境⭐️⭐️⭐️服務⭐️⭐️⭐️價錢⭐️⭐️⭐️推薦⭐️⭐️⭐️…Read More

同女友行銅鑼灣，夜晚就去登龍街搵餐廳，見到呢間小人排隊，睇餐牌又好似ok，就等一陣入去。入去點左2個一人餐（2人餐個前菜唔多岩我地口味）。我就要辣拉麵，女友要左沾麵，配左餃子同埋忌廉蟹餅。沾麵唔錯，湯夠熱，湯味幾濃，而且麵既份量大，麵條又粗，好食👍👍女友食唔哂要比一半我。我覺得叉燒係夠淋，一咬就爛。但唔夠肥，對我黎講，叉燒一定要夠肥先好食，呢件我只比合格。拉麵味道幾好，湯濃而唔太咸，麵條比沾麵幼啲，而且份量比沾麵小三份一，好彩我有沾麵加持😁😁，如果拉麵可以選擇沾麵既麵，咁就正。餃子份量比較少，得三隻，如果多1-2件會好啲。忌廉蟹餅2件就夠，炸得酥脆，咬落又熱又香又爽脆，個人就好鍾意。2個一人餐覺得銅鑼灣黎講算ok，不過又唔覺真係好好食既。如果諗唔到食乜，可以黎試下。…Read More

日本沾麵連鎖品牌「三田製麵所」，係日本多個旺區都開左分店，係一股新勢力黎到香港都係揀旺區銅鑼灣開，外表同日本店基本上無分別，連鎖既保證，座位唔迫幾舒服下既餐牌當然係以最人氣嘅沾麵為主，濃骨魚湯，仲有4款麵既份量俾你揀，唔想食沾麵都有幾款拉麵濃香豚骨魚介沾麵，中，招牌菜，當然要試既，豚骨魚湯真係好濃，一落麵就掛晒係麵上麵偏粗身，幾彈牙下既，唔重蛋味，入口都滑既湯汁超濃豚骨味，魚味都勁香，各香料、調味都屬重口味既，中意既會好中意，唔中意重口味既要有啲心理準備叉燒唔太燒烤feel，但肉質都幾嫩，味道唔錯蟹肉忌廉薯餅，外面好夠脆，咬開就爆出蟹味忌廉薯蓉，忌廉味既薯蓉好正好加分蟹味都幾重而成件事好夾，個人認為仲正過牛肉薯餅，好creamy好滿足半熟蛋三田特製拉麵，三田麵加半熟蛋加沾麵汁變成既湯底，都係豚骨魚介，中意飲拉麵湯或者有啲怕太濃淍既，依個湯會較易接受，豚骨仍然濃但較易入口，魚鮮味仍然，濃湯一碗麵因為浸住，會較沾麵腍身，個人認為更好食半熟玉子正常，配依款濃湯幾好味份量好足，完全冇扼你整個拉麵旅程我覺得最大亮點係佢既麵，麵質幾有咬口，一食就知係鮮麵，配湯同沾麵汁都正至於湯汁就好睇個人喜好，我就認為湯麵好濃好正，沾麵汁已經有啲咸，佢價錢唔貴係依區算一咁，總括都算不錯#開到零晨啱晒飲完野或者玩完去食好日本人#可能係連鎖店所以員工唔係好日本#佢個湯咁濃食完麵做泡飯可能好正…Read More

去食嗰日遇著落雨，所以唔駛點等，好快入得。叫咗個沾麵、拉麵、炸雞塊、溏心蛋，湯底係用豬骨，魚介煲，所以要趁熱食，食到尾我已經覺得好腥，炸雞無咩特別，反而最好食係隻溏心蛋。…Read More

星期五午餐速食沾麵，點知條人龍長到痺，等到1：20先有位。餐牌選擇不多，沾麵/湯麵/小食，辣與不辣。選了中size不辣沾麵加餃子，餃子味道很好，吃得出是新鮮製作的 麵汁味道濃郁，很快吃膩了！估不到涷麵條很有質感（實身一點），吃不到一半已填飽肚子了！偷嘗朋友點的辛辣味！嘩！好辣！如果吃不到辣的勿試呀！下次會試一下拉麵！補充一下D服務不錯！上菜速度快！如果午餐餐牌（得凍飲）加熱飲選擇就更好了！…Read More