Antoshimo (Domain)

佢地係一個沖繩嘅過江龍😎估唔到喺油塘大本型都可以搵到間咁抵食嘅良心店💛.📌沖繩二段炊飯定食 $85二段沖繩料理嘅特色係兩段食法🥰有主食+飯類+甜品+飲品 真係好豐富🤩而且選擇都好多有炊飯同烏冬可以揀 主食都有成11款‼️.📌泡菜蕃茄芝士炊飯每道餸都會用個鍋上 主菜一個鍋 飯麵一個 保證熱辣辣😌面頭真係好多芝士 拌勻之後每一啖飯有芝士拉絲🧀飯底索晒蕃茄汁酸酸地 中和左芝士既油膩感🍅最欣賞係個飯粒濕潤但竟然唔會煮到一pat pat 食晒仲會有少少飯焦😎同埋個飯仲加左啲紅腰豆, 粟米同枝豆 感覺健康啲🌽🫘不過泡菜就比較淡味 存在感好低🙈得面頭少少 撈勻食唔多覺🤏🏻 .📌龍蝦湯蟹柳芝士炊飯 +$10呢款整體差唔多 不過就將番茄湯轉左做龍蝦湯 同埋多左啲蟹柳🦞個飯食落會濕啲 同埋冇左酸酸地開胃嘅感覺 但就會多左啲鮮甜味😝.📌柚子脆雞個雞原本睇賣相覺得麻麻地🙈但又炸得幾脆喎 炸雞份量都多 個肉都唔算鞋🥰不過個柚子醬同個雞唔係撈埋一齊炒 就咁墊底 所以個雞冇索到好多柚子味🥺但係自己再沾番啲醬上去一齊食 幾清新 仲有啲柚子肉 唔錯😌.📌蜜糖芥末豚肉豚肉上面鋪滿蜜糖芥末醬 兩者又幾夾🍯豚肉口感好滑 再加埋用左壽喜燒湯底 好似食緊肥牛咁🤣底下仲有好多椰菜同洋蔥 健康又解膩🧅.📌沖繩海鹽焦糖冬甩雪糕最有驚喜一定係佢哋嘅甜品 就算食到好飽都一定要食🌟冬甩即叫即炸 上枱係暖嘅🍩加埋大大球凍冰冰嘅雪糕🍦一凍一熱 冰火交融超正🔥❄️冬甩好煙靭Q彈 外脆內軟 唔係麵包嗰種口感🤤好似Mister Donut嘅波堤❣️配埋底下面墊滿自家製嘅海鹽焦糖醬 甜中帶少少鹹味🍮雖然好肥仔 但食落真係好香 整體甜而不漏 仲令成個味道昇華左😈.📌熱黑糖菊花茶📌熱黑糖檸檬水 +$3熱嘅話黑糖會另上 兩杯都正常味道😛…Read More

經過油塘 見到呢間餐廳門口有賣冬甩 就俾佢吸引咗停低腳步 望完餐牌就決定同友人入去試吓😮餐廳除咗可以食門口嘅冬甩之外 最吸引到我嘅就係沖繩二段定食 有烏冬或者炊飯選擇 定食仲有主菜飲品同甜品😆牛油蜜糖芥末黑椒炸雞炸雞數量幾多 可惜炸雞都炸得太乾身 冇乜肉汁🥺 洋蔥就比較好食 甜得嚟又有黑椒味壽喜燒魚柳呢個好普通 魚柳就係一般嘅雪藏魚柳味 壽喜燒嘅味就就唔係好食得出 椰菜亦比較硬身 整體味道比較淡🐟番茄芝士炊飯呢個好有驚喜🥰 每粒飯粒都俾番茄汁包住 雖然番茄同芝士味都比較淡 俾係炊飯質感唔會太腍 又唔會太硬🍅飲品 冷&熱黑糖菊花茶冷嘅菊花茶就比較甜 熱嘅可以自己落黑糖 所以可以按自己口味調校適合嘅甜度🤣沖繩海鹽焦糖冬甩雪糕食完咁豐富嘅一餐 當然要食埋呢間餐廳嘅招牌食物🍩 冬甩口感煙韌 配埋雪糕食就好夾啦🍦整餐最出色嘅就係炊飯同冬甩雪糕 真係喺第二度比較難搵🙊…Read More

午市定食套餐有2大類，飯/烏冬，包餐飲及甜品。大阪燒吉列豬扒+櫻花蝦濃湯烏冬（$97）吉豬合格，外脆（但微微偏硬）、肉OK唔嚡，大阪燒醬汁都幾襯塊豬扒。蝦濃湯比預期中好，雖未至於好濃郁，但係有蝦味嘅；烏冬煙韌；有不少櫻花蝦。壽喜燒鍋煮美國牛肉+蕃茄鍋燒芝士炊飯（$85）壽喜燒鍋大量蔬菜，牛肉都不少，仲有粉絲粟米，味道勁似牛肉飯，係好味的。炊飯有蕃茄味，撈埋溶咗嘅芝士一齊食味道不錯，因為個鍋好熱，所以個底有微微飯焦（但唔會脆的，因為個飯底偏濕）。甜品本來都冇咩期望，但竟然喜出望外。沖繩海鹽焦糖冬甩雪糕，冬甩外脆內軟糯，口感特別，焦糖醬唔太甜，配埋雪糕一齊食好夾（雪糕面係有洒上海鹽，但食唔出），另外有一小pat紫薯。…Read More

好耐之前都有食過油塘大本型呢間沖繩二段料理 感覺都唔錯 今次星期六lunchtime一個人黎食飯🙂有別於以往用畫喺過膠嘅餐牌上點餐 依家入座之後每枱客人會有張飛仔 各自scan QRcode落單 方便好多 有乜選擇一目了然👍🏻Lunch set $92 有齊四樣野 鍋燒餸+鍋燒飯+甜品+飲品餸同飯都有好多野揀 甜品就固定嘅炸雞個樣唔係咁吸引 食落都偏乾同"鞋" 蜜糖芥末醬味道ok 如果多啲醬會更好😉烏冬個湯好濃蝦味 而且真係有好多一隻隻櫻花蝦🦐熱嘅冬甩表面脆脆哋 可以一粒粒切出黎食 上面擺咗球雲呢拿雪糕 重點係伴上海鹽焦糖醬 咸中帶甜😋黑糖檸檬茶黑糖味唔係太出整體價錢偏貴😅…Read More

今日去油塘大本營，就試吓依間沖繩料理。餐牌都有好多唔同種類嘅食物，但係偏偏搵唔到沖繩最出名嘅苦瓜炒蛋🤔好肚餓好肚餓，於是叫咗兩個套餐再加一個小食。飲品方便，我哋叫咗黑糖檸茶，原來檸茶配黑糖，味道係咁香甜🥰套餐方面，我自己叫咗喜壽燒鍋煮牛肉拼櫻花蝦蝦湯鍋燒烏冬。啲牛肉唔肥，仲好嫩滑，個櫻花蝦湯湯底簡直一流，忍唔住飲咗半碗。我屋企人叫左大阪燒鍋吉列豬扒拼櫻花蝦蝦湯鍋燒烏冬。我食咗一件豬扒，表面香脆，肉質又好鮮嫩，讚👍🏻一開始嘅時候因為眼闊肚窄，所以叫多咗個芥末雞軟骨餃子，餃子裏面有脆脆雞軟骨，口感好特別，唔錯。最後仲有一個甜品「沖繩海鹽焦糖冬甩雪糕」，第一次食，冬甩嘅口感有少少煙韌，配上雪糕，再加上拖肥醬，成個感覺好奇妙，我覺得好好食，一定再嚟。…Read More