Waki Shokudo (Temple Mall South)

黃大仙中心的驚喜老公轉左去黄大仙番工，所以展開東九龍覓食之旅，估唔到平平無奇既黄大仙中心居然有驚喜-和氣食堂溫泉玉子牛油果凱撒沙律呢個係老公推介之選，溫泉蛋蛋味濃，啲沙律菜同洋蔥好夾，最驚喜係有牛油果，口感好rich好juicy 紫薯鮮奶&抹茶鮮奶/ 鹽味燒牛舌&三文魚椎茸燒我好中意紫薯鮮奶，我感覺甜入心，老公飲嘅抹茶鮮奶抹茶飄香，口感順滑。燒牛舌爽嫩唔會靭，食落仲有肉汁，三文魚椎茸燒配合得天衣無縫，加少少檸檬汁估唔到又出奇咁夾火炙鵝肝3點作為鵝肝控既我必食之選，鵝肝口感嫩滑，亦唔會搶曬魚同帶子既味道金蒜燒日本米茄子呢個必定必定要食，啲金蒜好香又唔乸喉，食完一碟想再叫，可惜個肚已經冇位蒜蓉芝士燒日本廣島蠔又係蒜蓉呀，和氣食堂啲蒜蓉燒好有水準，啲蠔又唔會燒到太老太熟，食落仲係好juicy大大隻櫻花蝦鯛魚湯泡飯呢個係和氣食堂既signature ，店員哥哥好好我，我想影想所以慢慢幫我倒湯，仲提示我地個鍋好熱要小心啲，非常貼心鯛魚湯湯底濃郁，呈奶白色，睇到湯色都知好足料，食既時候配埋旁邊既飯素，將整個湯飯層次昇華和氣食堂一定要食佢啲燒物，我要再去試…Read More

今次係第二次食和氣食堂，我同男友決定叫一啲上次冇試過嘅嘢食。首先我哋叫咗個溫泉玉子牛油果凱撒沙律，價錢唔貴，但係都幾大碗！蛋黃𠝹開係金黃色嘅，牛油果有四五舊，亦都好夠熟！仲有叫咗4點刺身盛！刺身幾新鮮，尤其是係d蠔，好鮮甜！另外仲有千迴火鳥三隻，即係燒雞翼，外皮燒得好脆！仲有叫咗櫻花蝦鯛魚湯泡飯！一開頭倒左半杯湯落去個石鍋度，啲湯會滾起，好正！店員之後仲幫我地倒埋淨低既湯落去滾，仲喺中途見到我地既湯唔夠，主動幫我地加湯添！👍🏻👍🏻個湯飲左都唔會口渴！果幾隻蝦既肉質都幾新鮮添！天氣開始凍，食泡飯真係一流！飲品方面我叫咗一杯熱嘅紫薯牛奶，味道正常。男朋友就叫咗一杯青蘋果奇異果梳打，有果醬在底的！唔錯！最後叫咗個特濃牛奶芭菲作為圓滿既結尾，一次過滿足哂我想食紅豆、丸子煙煙韌韌既心！😋…Read More

<和氣食堂>經常都好多人排隊等曬位，都係因為d野食好食又抵食，仲要大大件，今晚就帶朋友來感受下有幾正!!~<櫻花蝦鯛魚魚湯泡飯 $118>一上枱已經feel到熱騰騰，侍應細心地係客人面前加上熱辣辣既鯛魚湯，泡飯即成!! 櫻花蝦大大隻，煎得香口，肉質彈牙，仲有隻鮮帶子，配埋吸收曬鯛魚湯既飯，非常鮮甜好食。<大阪豬扒丼 $85>呢個日式炸豬扒飯一上枱超驚喜，因為好似座山甘大碗，豬扒炸得外脆內軟，肉質又厚又實在，入口仲非常juicy鬆軟。飯上面仲鋪滿厚厚既野菜同木魚絲，味道好夾好好味，大推呀!!~<香芒燻鴨胸沙律 $68>呢個沙律超大碟，燻鴨胸肉又大件又惹味，配合埋鮮甜芒果肉，同新鮮爽脆沙律菜同青瓜等等，酸酸甜甜好開胃。<田樂麵豉燒日本米茄子 $48>日本茄子原條燒，份量不少。麵豉醬令茄子肉好綿好甜，皮則烤得微脆，值得一試!!~<鹽味燒牛舌 $45>牛舌烤得又香又惹味，爽口彈牙，非常好食。<地雞大葱燒 $24>雞肉嫰滑惹味，大葱烤得好香，而且燒雞肉仲保留到肉汁，連帶埋葱香，入口非常juicy好食。<宇治抹茶阿法奇朵 $41>抹茶雪糕入口非常軟滑，綠茶味好濃郁，配埋特製抹茶奶泡，一冷一熱，好好味好驚喜!!兩個人食到超飽都係4百幾蚊，真係好食又抵食，<和氣食堂>一定會成為我地既飯堂!!~餐廳食物款式超多，有沙律，刺身，魚生飯，日式燒肉飯，卷物，泡飯，烏冬，串燒，甜品，特飲...等等都有。價格親民，亦坐得舒服，難怪總是客似雲來。…Read More

同都係住黃大仙區嘅朋友食飯，我哋揀咗呢間都想食好耐嘅「和氣食堂」，雖然最近少咗人出街，但呢間餐廳都依然好有人氣，唔少人食。我哋同隔離位保持一段隔離，有啲私隱得嚟又配合最近衛生情況！首先叫咗嘢飲先，朋友叫咗呢個「藍柑白核梳打($42)」，朋友好鐘意，白桃味好重但又唔會太甜，又有氣泡感，好梳乎！我就叫咗杯「紫薯牛奶」，暖暖地，好啱女仔飲，紫薯味都好重！前菜我地就叫咗個「火焰左口魚邊牛油果沙律($72)」，份量好大，直頭可以三四個人份，朋友鐘意左口魚，而且左口魚比較少地方食得到，而我就鐘意牛油果，連埋沙律菜食好好味，食完又開胃！嚟食日本野又點可以無刺身食，我哋就叫咗個「3點刺身盛($118)」，分別有三文魚、劍魚同埋生蝦，全部都好新鮮，而且份量都唔少，兩個人食好夠！食完啲涷嘅就開始食熱食！我哋叫咗個小食「田樂麵豉燒日本米茄子($48)」，有四份茄子，每一份都好大份，茄子好甜，夾落去都好鬆軟。最後就食返個正餐，我哋叫咗個「櫻花蝦鯛魚湯泡飯($118)」，入面除咗有櫻花蝦之外，都有好大隻蝦，亦都有日式波菜，我本身就好鐘意食湯飯，所以食咗好多！蝦都好甜又多肉！成間餐廳嘅食物都唔貴，全部都幾好食，CP值好高！得閒會同朋友再嚟食！…Read More

接放工後到商場晚膳，看到這間餐廳門口很多人等位，質素應該有保證！Menu價錢合理，一於試試！沙津顏色鮮豔奪目，芒果熟透香甜。鴨胸沒有想像中鹹，伴勻醬汁同吃，酸酸甜甜，清新帶有陣陣果香。茄子塗上厚厚麵豉醬再燒，充滿日式風味。外皮烤得乾脆，內裡濕潤軟綿綿。麵豉令清淡的茄子變得惹味、甘甜。魚湯倒進熱騰騰石鍋中，湯汁立即像火山爆發般，不停滾、不停霧煙！大蝦乾身、帶子彈牙，魚湯味道天然，加入旁邊的脆米、蔥、芝麻，口感豐富，暖昱昱很滿足。三文魚肥美肉厚，入口嫩滑。章紅魚肉質較為結實，味道清爽甘甜。甜蝦蝦身較細少，粘粘的口感帶有淡淡的甜味。 超大杯，白桃味比想像中濃，味道天然，不是藥水味道，配上梳打水清涼解膩。…Read More

香芒燻鴨胸沙律（黑醋）都幾大盤下，份量都幾多，個芒果好甜，成個配搭好開胃鰻魚牛油果班戟( 2件 )特個我覺得比較創新，第一次試用班戟包住喱啲野食，覺得幾特別，亦好食。推薦大家試吓！4點刺身盛A 佢就有三文魚刺身3件、甜蝦刺身3件、章紅魚刺身7件同2隻蠔佢有特登配左個蔥花豉油比我地，我覺得不過不失。櫻花蝦鯛魚湯泡飯佢係用個石鍋飯拎到過嚟先再加湯既，之後再有3個調味料比我地加落去。加左個3款調味我覺得口感豐富左好多，有啲脆卜卜 嘅口感。個湯亦絕對唔 係味精湯，應該真係佢哋自己熬出黎。我覺得喱個真係唔錯，推薦推薦～凍焙茶鮮奶 檸檬藍柑梳打兩杯都不過不失，個人比較鍾意檸檬藍柑梳打整體喺黃大仙黎講都算唔錯，價錢算平民，環境都吾錯。個人比較推介鰻魚牛油果班戟同櫻花蝦鯛魚湯泡飯~menu：…Read More

平時都好懶過海行街食飯，今次朋友約左喺黃大仙行下，夜晚就揀左呢間日本餐廳。可能我地比較早食，唔洗等位就可以入去。晚餐時間都算多人，冇一枱空枱，轉枱嘅效率都幾快。呢間店幾多日本動漫裝飾， 仲有童年回憶嘅漂流教室呀黑松露香芒甜蝦卷 $88黑松露味幾香，下面鋪住粉紅色嘅甜蝦蓉，平時好少將呢兩樣野同時間食，但食落又異常地夾。壽司入面包住芒果，可能係芒果季，所以芒果特別甜。成件食口感幾豐富，但個人鐘意兩者分開食，食材味道仲出啲。櫻花蝦鯛魚湯泡飯 $118好大隻蝦!!! 仲有帶子，食落好足料，泡飯份量好多，兩個人食都食唔哂。照燒魷魚筒 $78燒汁好好食，魷魚幾大條，咬落唔韌又香，值翻個價。香芒壎鴨胸沙律 $65鴨胸有肉加少少有肥膏，咬落去好香但唔算油，沙律菜幾新鮮。平時唔鐘意沙律落醋，但今次個黑醋醋酸味唔重，甜甜地，落沙律都好食。仲有好多沙律款揀嶡餅白玉宇治抹茶雪糕 $45呢個係本日最愛，抹茶雪糕真心好好食，雪得唔硬又入口即溶，抹茶味重，好正宗日本抹茶味。如果之後再去都會揀翻抹茶雪糕食。埋單兩個人400幾，食到好飽。…Read More

呢晚因為朋友生日同佢食生日飯，咁佢就住樂富同黃大仙之間，問開佢想食咩，佢就話佢想食日本野，咁就帶左佢黎和氣呢間日式餐廳。餐廳餐牌:其實餐廳餐牌呢個部分我之前食和氣既時候都post過，而和氣既餐牌基本上都無乜特別既變動，主打同食材應該都以前都係差唔多，水準都算係keep住既，性價比幾高。電擊雞翼配炸薯條 $68 (組合價): 先黎到既係電擊雞翼配炸薯條，竟然同之前一樣仲有推廣價，$68有一份電擊雞翼配炸薯條再加一個甜品，成件事真係好抵食。電擊雞翼係凍凍地的，呢款雞翼係凍食，甜甜酸酸咁，薯條則佈滿芝士粉，係好食既小食！火炙宮崎和牛壽司 $39火炙宮崎和牛壽司我朋友食左，佢話一啖入口即融，和牛超薄超香，燒得岩岩好，有炙燒味，食得出係高質和牛。鵝肝壽司 $45鵝肝壽司就係我點既，我都係一啖食左，感覺應該同朋友食既和牛壽司差唔多，因為都係入口即融，一啲腥味都無，超級好味，食完係會想encore！鹽味燒牛舌 $42鹽味燒牛舌味道一般，朋友覺得有小小salty，但我覺得加返d 檸檬汁係好好多，個人覺我呢款串燒都唔錯。海膽三色丼 $128呢個海膽三色丼 $128，賣相已經好掂，比起出面果d平幾倍先啦，有帶子有蝦有海膽有玉子，全部都好鮮甜好抵食，呢個真心性價比好高，我覺得絕對係一定要叫既刺身飯。櫻花蝦鯛魚湯泡飯 $118呢個泡飯朋友覺得好好食，重點係魚湯味好鮮味，蝦肉都好味，菜好特別，值得推介一家人黎食，幾健康。宇治抹茶芭菲 $68 (組合價):和氣既甜品真係一定要食，抹茶味雪糕超級好味，仲有好多配料，真係好抵食，重點係組合價，真係要襯仲有推廣價返去食多次。…Read More

朋友推薦既日本餐廳，佢之前食過好食特登帶我黎食，果然無介紹錯！其實我都係住附近，應該會變成我成日黎食既飯堂～一排都無食過刺身了，有d掛住，所以嗌左個3點刺身盛，入面有三文魚，章紅魚同甜蝦，味道新鮮！之後嗌左個黑松露凍蕃茄沙律，估唔到黑松露醬俾噤多，啖啖都有黑松露味，我係黑松露控感覺好滿足！仲有嗌左個小食鰻魚牛油果班戟，入面有蟹柳同鰻魚，大大件啱曬我！主食係櫻花蝦鯛魚湯泡飯，原來湯係上到黎侍應先響面前倒，唔驚d飯泡得太耐。侍應倒時已經聞到陣好香既魚湯味，餸就係蝦丶帶子同菠菜，兩個人分都勁飽，其實可以多d人分享都得！最後點左個顏色好靚既宇治抹茶芭菲！色彩繽紛見到都好開心，同埋抹茶味都算濃。下次會試埋佢既丼飯，似乎幾抵食！哈哈…Read More

成日經過呢間餐廳都見到長長嘅人龍，都好想試下佢，但每次都怕要等好耐，所以無勇氣拎籌。終於前幾日終朋友食晚飯，六點幾經過見無長龍，就決心入去試下呢間日本餐廳餐廳嘅環境裝潢都好有日本feel，啲牆紙同色調都係走和風，感覺幾舒適火焰左口魚邊牛油果沙律好多牛油果！燒咗嘅左口魚配魚子醬加沙律菜嘅味道好豐富，又好fresh！👍👍👍😄鹽味燒牛舌肉質好彈牙，燒得啱啱好，好juicy~3點刺身盛三文魚腩刺身好厚好肥美！油甘魚都一樣厚身，好新鮮，水晶蝦好彈牙，配埋佢醬食更突顯到佢嘅鮮味😍白咖哩烏冬最上面一層雪白嘅顏色似蛋白，質感似忌廉🤣用筷子推開就會見到啡色嘅咖哩，整個探索過程好新奇有趣😆味道都okay，咖哩略帶甜味。千回火鳥宇治抹茶芭菲啲麻糬同丸子好煙韌，抹茶雪糕好好好濃郁好好味💓…Read More

早幾日完成左公司嘅大活動，決定夜晚去屋企搵下好嘢食慶功，上網見呢間日本餐廳好高評分，而且見啲相都好吸引，就同屋企人嚟試下地點好方便，係正地鐵站上面嘅黃大仙中心，因為7點前嚟到，都唔使等位，而且餐牌有好多選擇剩係刺身都有好多款先叫一個沙律🥗清新下先，揀左火焰左口魚牛油果🥑沙律，我一邊撈下盆沙律一邊已經聞到好重嘅黑松露味道，材料亦好豐富，配上沙律醋好開胃，我第一次食左口魚發覺原來係比較爽嘅，食完沙律覺得好想再繼續食其他嘢，因為沙律味道配搭得好食日本嘢當然唔少得刺身啦，點左個四點刺身盛，睇得出刺身好新鮮，有三文魚、生蠔、蝦同另一種魚生，全部食落去都好鮮甜尤其係生蠔好肥美，簡單配上檸檬汁就已經襯托出鮮味另外叫咗個熟食，係黑豚肩燒丼，呢個丼飯簡直喜出望外，因為黑豚肩真係燒得好香，有一種炭燒嘅感覺，而且肉味好濃，再配上甜甜嘅醬汁，成個丼飯好出色而櫻花蝦鯛魚湯泡飯亦都好正，熱辣辣嘅石鍋承載着好多材料，包括有櫻花蝦同帶子，職員會幫手倒鯛魚湯去泡飯鯛魚湯嘅味道好鮮甜，而且我哋可以自己再倒脆米去配搭，湯飯加上幾種海鮮絕對能夠提升鮮味，食完覺得好暖胃最後到甜品時間，抺茶永遠係女仔嘅至愛，點左個宇治抹茶阿法奇朵原來係配上一杯仔抺茶，可以分開食又得，或者可以將抺茶倒係雪糕上，簡直係抺茶嘅雙重享受，雪糕嘅抹茶味都好濃，啖啖抺茶味🍵仲有好多抹茶甜品嘅選擇食完呢一餐覺得好滿足，好似去咗日本食嘢咁，食物嘅質素好高，睇得出廚師好有心機，餐廳嘅環境坐得好舒適，而且服務周到，好值得推介，我一定會再嚟㗎…Read More

今天難得放假，所以到市區接L小姐收工，一向不太食生冷野的L小姐竟然表示想吃日本菜，於是在一番搜尋後便選擇了這間路程不遠的日本餐廳-和氣食堂。餐單上的食物選擇很多，既想吃這樣，又想吃那樣，幾經艱辛後，終於下了單。先上桌的是沖繩風沙津，微鹹的海葡萄除了營養價值豐富之外，配上沙津亦令人十分開胃，有別於一般的沙津。之後來的大蜆味噌湯，味道十分濃厚，而且蜆的份量十足，滿碗都是蜆肉，配上嫩滑的豆腐，啖啖滿足。恰巧餐廳正在做一個雪糕優惠， 雪糕加雞翼薯條亦不過68元，當然要叫個來試，作為小食的電擊雞翼竟然出乎意料的是一個冷盤，炸過後的雞味道雖然不錯，可惜L小姐不喜冷食，只能由我全數消滅，伴碟的北海道芝士Bang Bang 炸薯條味道甜甜，原來因為灑上了北海道芝士粉，不消片刻便被我和L小姐吃光。雪糕則作為甜品最後先上。主菜之一的牛油果軟殼蟹卷，看上去用料十足，牛油果鋪滿表層，一口吃下便能感受到大量脆脆的軟殼蟹，令人回味十足。反而之後上的田樂麵豉燒日本米茄子平平無奇，雖然味道說不上差，但也沒有令人稱讚的亮點。:(期待已久的的櫻花蝦鯛魚湯泡飯終於來到，魚湯本身味道清甜，單飲亦十分可口，配上櫻花蝦絆飯更是令人滿足非常，比起專門食湯飯的店舖亦毫不遜色。最後上的雪糕-特濃牛奶芭菲，賣相不俗，牛奶雪糕的味道同樣出色，配以日式菓子與埋藏在底的紅豆可謂令人大滿足的甜品。為了配合L小姐的口味，整餐幾乎也是熟食，但這間日本餐廳的熟食未有令人失望，埋單一共417元，以這個份量而言也不算太貴，值得一試。…Read More

同朋友聚會約係黃大仙，佢就話黃大仙呢間和氣食堂幾好食，於是就訂左呢間試下啦。---裝修都幾別緻，放左好多有日本特色既物品。火焰左口魚邊牛油果沙律左口魚夠新鮮，而且略略燒過增添一分風味！同牛油果既配搭都好好，而且沙律菜好新鮮。電擊雞翼、炸薯條雞翼甜甜地，同埋芝麻夠晒香，整體味道非常唔錯。但個人就唔太習慣凍食既雞翼，不過味道其實真係幾特別幾好食。薯條炸到卜卜脆，上面仲有Ｄ芝士粉，更惹味，食到停唔到口。火灸宮崎和牛壽司不過不失之選，和牛韌左少少。但牛味都幾香。牛油果軟殼蟹卷極力推薦：軟殼蟹炸得好香脆，即使上到台都仍然保持到！上面既牛油果同蟹子又令佢增添左唔同既口感同鮮味。櫻花蝦鯛魚湯泡飯最令人回味既一道菜！鯛魚湯鮮味十足，雖然如果就咁飲會略咸。但係加埋落飯到整泡飯就會岩岩好！更重要係加左落去會令整個泡飯同蝦等等既鮮味再次昇華。鯛魚既鮮味充斥住口腔，食完仍然齒頰留香。白咖哩烏冬咖哩就係普通咖哩味，冇咩特別。特別之處係入面應該加左少少薯蓉。增添左Ｄ口感，炸雞亦係不過不失。宇治抹茶芭菲抹茶雪糕既抹茶味都幾香濃，但上面既麻糬口感乾左少少。下面仲有Ｄ脆脆，撈埋食令口感又會有少少層次：---食咁多野埋單又唔算好貴，都只係五百幾蚊。食物質素真係幾好，兩個人食到飽呀。下次黎開黃大仙要食呢間！值得再黎！…Read More

相約友人響黃大仙中心見面，原來呢個商場都好多餐廳, 最後選擇左食呢間和氣食堂，和氣食堂屬於新派日式料理餐廳,食物品種多樣化。前菜 ～ 3點剌身盛C $108， 所有刺身都好新鮮，珍寶赤蝦刺身2隻, 大隻彈牙好鮮甜；三文魚刺身3片, 厚切甘香；帆立貝刺身1 隻，開邊有2片，嫩滑甜美。前菜 ～ 火焰左口魚邊牛油果沙律 $68，左口魚好少食，幾特別，沙律菜新鮮爽翠，夏天食一流，另外我好鍾意食牛油果，牛油果份最算多，正！千回火鳥3隻 $38，即係燒雞翼，雞翼燒到冇晒皮下脂肪，皮薄香脆，連埋皮食都唔會有罪惡感。金蒜燒日本米茄子 $42，茄子佈滿金蒜，好鬼死惹味，滿口蒜香味。白咖哩烏冬 $88，首先睇menu果陣已經決定食，造型相當吸引，白色泡泡表面睇落似忌廉，咖哩烏冬要由碗底挾起，烏龍彈牙，撈埋一齊食好好味，跟餐仲有兩舊炸雞球。櫻花蝦鯛魚湯泡飯 $108，魚湯用茶壺分開上，食果陣先倒，咁樣就唔會浸到d飯脹大，魚湯濃郁，好有魚味，有兩隻大蝦同帶子，配有米通粒，令泡飯更有口感。糯米慈紅豆宇治抹茶雪糕 $42，飯後點可以唔食番個甜品，雪糕香滑重奶味，糯米慈配紅豆一齊食，煙煙韌韌好得意。埋單 $543…Read More

黃大仙搵食都好難㗎人 人 人 全部都係人🤦🏻‍♀️今次就特登揀左「和氣食堂」開餐🍴雖然人好多 又要掛隊 但都無阻我食日本野既決心💪🏻位置好闊落 一D都唔會太擠迫餐廳裝修都好有特色好適合朋友聚會🍻食物方面好多選擇 日本野除左壽司 刺身🍙🍣 仲有好多熱食可以揀 一家大細黎都唔怕首先黎個沙律先三文魚好新鮮 牛油果 已經熟哂 好冧 好香甜二者好夾👍🏻芒果帶少許酸甜 三文魚肥美好特別既加州卷 出面搵唔到👏🏻👏🏻又話係泡飯既🤔🤔原來湯係另上自己可以控制湯既多少 好貼心❤️魚湯濃郁又鮮甜 好正👍🏻燒茄上 上枱時仲熱辣辣 出緊煙好野味 茄子本身淡味但加上麵豉既甜 配合得好好👏🏻👏🏻😘…Read More