The Chairman

已連續幾年榮獲米芝連一星兼被選中為亞洲50 家最佳餐廳之一嘅「大班樓」個朵咁響梗係好多人想試啦，XO仔試過幾季網上訂座都未有一次成功，講真都有啲氣餒。最近五月二號由朝早九點開始排，睇住佢話輪到自己起碼成半個鐘，點知十點左右就話爆哂，堅冇癮！機緣巧恰下，肥肥家族竟然翌日有枱去試喎，薯爺一聽到仲立即取消原有嘅約會，幾大都要跟埋去試，「大班樓」真係夠面子！位於中環The Wellington三樓嘅名店唔難搵。步出𨋢門，有少少迷信嘅小肥真係俾右手邊幅藝術畫品嚇親，只可以講句慶幸唔係七月囉！店子佔用面積全層，室內佈置就好似一個客廳同書房咁，柔和嘅光線有種無形嘅溫暖親切感。用餐大堂一眼睇哂，中間部份主要係二至多人合拼式散座，拍牆一邊有張長長嘅紅梳化。左右末端則為可容納多人嘅圓枱，私人空間都好足，唯獨厚墊椅櫈冇手柄就唔係咁穩陣。每位席上都擺有齊備嘅自用餐具及公筷。開瓶費為合埋嘅$250/樽，所以好多客人都會自備佳釀。為保證食物嘅質量，菜單必先預先定好，成功訂座後會由專人跟進，最低消費為$1,380/位（另收加一服務費）；寫餸時要謹記一點，如果用餐當日先發覺唔夠飽，係冇得即場加野食嘅。貴客可從一系列嘅頭盤、主菜、蔬菜及飯麵中選出菜式，預設餐單格式包括自選三款頭盤（如果想加頭盤的話，可另加$120/位揀多一款）、自選三款主菜（$1,380/位包一款海鮮及兩款肉類；$1,530/位包兩款海鮮及一款肉類；$1,680/位包三款海鮮；另額外加海鮮的話，每款$300/位；另額外加肉類的話，每款$150/位）、自選一款蔬菜、自選一款飯麵、全場指定嘅湯湯及甜品。魷魚涼麵百合配松子凍湯：晚餐迅即由奶白色嘅凍湯揭開序幕。清涼嘅松子湯底帶點苦澀，搓成長條形麵條般嘅魷魚涼麵完全冇魷魚味之餘，亦冇魷魚嘅膠質爽彈感；請恕細佬直言，分子作品最好食係清脆嘅百合。串燒羊腩鮑魚卷：第二道串燒羊腩鮑魚卷質感好夠鬆潤，不過唔講真係冇人食得出個卷入面有鮑魚，因為當中可以話係零鮑魚味兼零煙韌，食落只覺濃濃嘅羊味及辣勁，感受唔到組合有任何火花。龍井菊花煙乳鴿：乳鴿每人半隻，有齊脾同翼。脂肪不多嘅乳鴿皮層香脆巧薄，鴿肉軟潤，肉汁豐沛，而且煙燻味唔會過份濃烈，係三款頭盤中最好食嘅一味！食後最令靚靚媽咪感動嘅就係服務生已預先幫客人撕開咗張濕紙巾，體貼得很。一口湯（不用選）：湯湯講明冇得揀，當晚係花生木瓜雞腳湯，小肥因敏感問題唔飲得，幸好長輩們個個都大讚湯品好似咖啡咁濃縮，而且好夠火候熱力。表妹嘅思維認真有邏輯，提到廚房其實預早知道席上有人對花生敏感，但竟然會繼續選此花生湯作例湯，相信此湯應該煲咗好幾日囉！唔知如果遇上有敏感嘅係匿名米芝蓮評審的話，仲會唔會攞到嗰一星呢？！魚米粥蝦籽象拔蚌：量足又大片嘅象拔蚌爽就夠爽脆，可惜有啲腥，估計係因為個魚米粥底只屬和暖有關，唔夠熱乃海鮮大忌也！小弟愚見，師傅其實可以考慮將魚米粥同象拔蚌分開上，如果唔想張枱唔夠位的話，亦可以喺餐桌上先斟入滾粥。雞油花雕蒸花蟹配陳村粉：七人份量共有兩隻花蟹，份量係足，不過席上嘅蟹王蟹后微微失望在星級中菜廳冇俾隻重磅啲嘅大花蟹。影完大特寫後，拆蟹任務就由服務生一手包辦。離遠已經聞到花雕味好香濃，入口更覺蟹肉鮮甜幼嫩，配角陳村粉亦白滑非常，唔夠汁仲可以自己加。樟木煙燻黑腳鵝 ( 不適合三人或以下選擇）：同花蟹一樣，黑腳鵝先原隻上枱俾大家影個夠，之後再由專人斬件。鵝鵝嘅煙燻味好勁，意外地鵝皮比之前頭盤個乳鴿皮脆巧，鵝肉仲好鬆，不經不覺仲清埋碟。正當大家驚訝著竟然成隻鵝都食得哂咁勁時，服務生方才告知佢於拆鵝時將原隻鵝胸打包咗入盒，一刀都未切過嘅，全場梗係O哂咀啦，莫非餐廳預咗冇人食鵝胸？！其實就算客人要打包，係咪應該俾個選擇權人地先享用過最新鮮熱辣嘅版本呢？！魚湯白木耳浸瓜絲：造到好似一碗羮咁嘅魚湯浸瓜絲極易入口，嘻嘻，最啱唔係咁鍾意食菜嘅小肥！魚湯底清甜尤甚，簡單撈入爽脆嘅白木耳及軟腍滑溜嘅瓜絲足以添上口感，唯一菜王薯爺話唔似食過菜咁。蟹肉鮮蝦蝦乾蝦醬炒飯：金黃奪目嘅炒飯炒得好夠鑊氣同乾身，蝦醬味恰到好處，蝦蝦蟹肉都好足料。甜品三味（不用選）：三款甜品一次過以拼盤呈上，講真有啲普通。左起嘅桂花杞子雪糕芳香不溜滯；中間件紅棗糕煙韌Q彈；微甜嘅杏仁茶就唔係幾夠熱。一位難求嘅一星名店「大班樓」環境優雅，年長嘅服務生明顯有自己嘅做事原則及方式。廚房出品甚為參差，講唔出特色何在之外，誠意亦略為欠奉（有客人對花生敏感，但全場飲花生雞腳湯），雖然餐飯唔可以話難食，但實難以匹配高級嘅價錢，講到咁猛原來冇乜料到，完全唔值得咁辛苦去訂位囉，真心想問吓米芝蓮評審係點俾嗰粒星星！…Read More

直入正題頭盤 - 個人覺得頭盤好食過後面D 主菜凍鹵水花椒小吊桶釀土魷 - (8/10)茘甫鴨盒 - (9/10)炭火厚切叉燒 - (9/10)海鮮雞油花雕蒸花蟹配陳村粉 - (7/10) 個汁既雞油同花雕味都好香，花蟹好甜多肉。不過對我自己黎講，陳村粉既粉漿味好濃，好厚。要配好多汁先好食肉類樟木煙燻黑腳鵝 - (9/10)蔥油本地小騸雞 - (6/10) 食完冇記憶點，唔差既蔬菜豬皮櫻花蝦燉時菜 - (3/10) 好曳，時菜用左芥菜。但係芥菜味太苦，整到成碗野食唔出櫻花蝦味。淨飲個湯係ok 既。但係芥菜真係好曳飯或麵蟹肉鮮蝦蝦乾蝦醬炒飯 - (8/10) Overall 試過一次暫時未有意慾會想食多次住，因為覺得出面仲有更多同佢有得比。…Read More

The night of our visit to The Chairman was the night that it received The Best Restaurant in Hong Kong Award at the Asia’s 50 Best Restaurants Award ceremony. K said he would not have organised dinner that evening had he known it coincided with the event as chefs would be away. That said, dinner was mindblowingly good from start to finish, probably the best that I have had at The Chairman comparing with my past experiences, both at the old and current locations.My personal favourites of the evening include the Cold Soy Marinated Baby Squid Flavored with Sichuan Pepper Oil and Stuffed with Dried Squid. I have forgotten how many times I have had this before but this time around was sooooo good. The baby squid was plump and its meatiness was enhanced by the dried squid inside. The Sichuan pepper oil in the mix was suitably piquant and full of pep. Crispy Taro Cake with Smoked Duck - The taro exterior was fried to a delicate crisp, whilst the duck meat and taro bits inside were incredibly luscious.Geoduck Poached in Rice Broth - My all-time favourite. The geoduck was done just right and the rice broth was silky smooth.Camphor Wood Smoked Black Foot Goose - Incredibly aromatic. The showstopper of the evening. Crispy and intricate textured exterior, tender interior.Stewed Pork Belly and Preserved Vegetable Claypot rice done 2-way - The rice was first served in the traditional manner. The leftovers were then cooked in a broth, with pieces of clams added into the mix, giving the dish the least expected twist and elevation of flavours. …Read More

『大班樓𝐓𝐡𝐞 𝐂𝐡𝐚𝐢𝐫𝐦𝐚𝐧 𝐑𝐞𝐬𝐭𝐚𝐮𝐫𝐚𝐧𝐭 - 春節午飯』 Lunch set 有3個前菜、1個海鮮、2個肉、1個蔬菜、1個麵、3款甜品，共港元 1080，食物水準高份量重 + 環境舒適+ 服務好 = 性價比高👍🏻⭐️ 荼薇百合藕片、凍鹵水花椒小吊桶釀土魷、台式老腐乳鹹魚臭豆腐- 全部好好吃！百合清甜爽口😋 土魷滋味😋 臭豆腐外脆內鹹香味濃郁😋⭐️ 胡椒泥蟹- 這是整個菜單中最出色的一道菜！！！！胡椒味非常香濃，而且保留鮮味，入口啖啖蟹肉多汁，這個真的可以即場echo！⭐️ 南乳麵醬炸子雞、樟木煙燻黑腳鵝- 個黑腳鵝實在太出色了！煙熏味香濃，內裏Juicy多汁！導致我們吃南乳炸子雞時，覺得炸子雞失色味淡，給比下去了⭐️ 豬皮櫻花蝦燉時菜- 正常的好吃！⭐️ 豉油王肥牛炒陳村粉- 感覺陳村粉太厚和闊，導致吸得太多油，整個口都非常油膩，若用回平常的河粉可能會較為出色⭐️ 杏仁茶、紅棗糕、桂花杞子雪糕- 桂花杞子雪糕很出色👍🏻 入口有奶有豆腐香，不會溶得很快，可在口中慢慢享受桂花杞子的混合😋—————————————————📍 大班樓 中環威靈頓街198號The Wellington3樓💵： HK$ 1080.00 pp + 10% (excluding 🍷)💖：💖💖💖💖💖（Out of 5 💖)—————————————————…Read More

訂了四位午餐，價格依舊每位$980+10%。找來未到過大班樓的朋友一起品嚐。多番叮囑12時15分到餐廳，結果還是遲了半個鐘，侍應立即上餐，朋友還輕聲投訴，覺得太急。乳鴿明顯不及上次的水準，鴿皮的薄脆口感消失了，肉汁也不豐富，但絕不能怪餐廳，遲到便是美味消失的原因。朋友竟然連聲稱讚美味，懶得解說。豬尾炸得非常鬆化，豬皮脆而不硬，比傳統的德國豬手優勝很多，由於豬尾的瘦肉少而富油脂，因此以酸甜的山楂梅子醬伴食十分合適。初嚐蟛蜞膏柚皮冬瓜便明白主廚在烹調此菜式時於細節的用心，兩樣味道寡淡的瓜菜卻以不同的上湯入味，再炆煮至軟而不爛的口感，配以甘香的蟛蜞膏令菜式變得獨一無二。花雕蒸花蟹，一如既往的美味。花蟹依舊爆肉爆膏，雞油與花雕酒製成的醬汁成就了中式的卡邦尼陳村粉。甚有驚喜的一道菜式，火候控制恰好，排骨外層炸得鬆脆而內裏仍然柔軟兼充滿肉汁，同煮的薑片也甘甜美味，絕對是禾稈冚珍珠之作。大概是樟木的關係，令黑腳鵝不一樣的煙燻香味十分出色，而且店家只會奉上最嫩滑的鵝背及脾，鵝胸等較粗實口感的位置則會讓客人帶回家品嚐。從文字及菜式的呈現去理解，鮮嫩的菜芯苗是以柔韌的豬皮條所制的上湯燉熟，再以香脆的櫻花蝦鋪面，也可算是粗菜細作的一個示範。炒飯用上大量海鮮和海味，每一口都能吃到鮮蝦、蟹肉或蝦乾粒等各種食材，可是材料太多反而影響口感，牙關越吃越累，相對而言還是比較喜歡銀魚窩飯。甜品三味有杏仁茶、蛋黃豆蓉冬蓉餅和紅棗糕。杏仁茶和紅棗糕均是水準之作，而冬蓉餅誠然有特色，但是過甜。…Read More

疫情剛開始時在舊址吃過一次晚飯，當時仍未推出「嚐味菜單」，點菜較有彈性。三年多下來才再有機會在新址再嚐這裏的出品。午市菜單$980（位），安排是數天前網上揀選三款前菜、一款海鮮、兩款肉類、一款菜蔬及一款主食，甜品則屬店家預設。若然想多試，也可加單。三款前菜均十分美味，個人最喜歡乳鴿，撕開乳鴿肉汁傾瀉而出，鴿肉充滿龍井及菊花的香氣，朋友連鴿頭也不放過。花蟹是頂級貨色，蟹殼爆膏蟹身爆肉，雞油花雕完美融合，雖然酒味稍稍重了點，但無礙菜式的鮮美。牛四味有牛肉（2 款）、牛筋及金錢肚。辣味不是太濃烈，酸味也十分溫和，感覺牛四味只在醬汁中輕輕浸過，牛味依舊突出。這裏的煙燻菜色真的十分出色，煙燻香味滿佈鵝皮及鵝肉，肉汁雖然不及乳鴿但皮脆肉鮮，朋友大力讚賞。4人有半隻鵝，店家還會留起鵝胸讓食客回家慢慢品嚐。豬皮是小時候常吃到有厚度帶點煙韌的口感，現在真的很難再吃到這水準的豬皮，常吃到的豬皮大多薄而散，樱花蝦也為菜式增添不少鹹香味。很惹味的主食，鹹鮮馬友已去骨加上金銀小銀魚，看似簡單的窩飯卻鹹鮮味十足。甜品三味有桂花糕、棗皇糕及杏仁茶，雖然是今餐中比較不亮眼出品，但作為一頓十分滿足的午餐的結尾也很完滿。整體而言真的很滿意，服務員的姿態則有改善的空間。雖然食店是一位難求，但若能增加多一點親和度，減少說話尾的那些哦或呀則更為完美。…Read More

剛剛最新出爐了2023年亞洲五十最佳餐廳排名，大班樓繼續是香港的第1位，總排名第13位，恭喜恭喜，等我都回顧一下最近吃的一餐吧~ 經過上次初嚐大班樓晚餐後，由於仍有很多菜式仍想一試，所以特意預約了午餐來試。.大班樓會不定期在ɪɢ 公佈開放預約日期，幸得朋友提醒，準時朝早9時正搶位，驚險過程好比搶演唱會飛。雖然間中都有機會得到朋友放的座位，但始終自己搶到的興奮又是另一番感受LOLL 請假一天都要來好好享受這餐。.ᴛᴀsᴛɪɴɢ ᴍᴇɴᴜ $888一位，份量同晚餐相約，其實更抵食，當然選擇上可能會有少差別。.❤︎︎ 凍滷水花椒小吊桶釀土魷精緻小吊桶土魷滷得相當入味，滲出淡淡花椒的麻味同香味，小吊桶釀入爽口沙角，口感相不錯。❤︎︎ 山楂梅子脆皮豬尾印象中是初嚐豬尾，還以為會好肥膩，原來沒有而且口感富膠質，外皮非常脆口，好出色，酸甜的山楂梅子醬配豬尾好清新。❤︎︎ 炭火厚切叉燒二刷感覺更加不同，入口即溶，會有點感動，一點都沒有誇張呢！脆脆的炭燒超好食，而且增添叉燒香氣。相比第一次食，好感大增了不少。❤︎︎ 雞油花雕蒸花蟹配陳村粉相反同樣二刷的花雕花蟹較初嚐時失色。上枱見到雞油偏奶色，沒有像第一次的清澈。花蟹雖算鮮甜，但花雕味不太突出，陳村粉亦未有吸收到所以精華。❤︎︎ 大班樓酸辣甜酸牛四味好特別的感覺，在大班樓這高級中菜廳食川菜菜式。內有牛肚、牛肋骨、牛筋、肥牛，各款牛的質素都不錯，煮得入味得來又不會奪去原有牛的鮮味，辣度和酸度都剛好。❤︎︎ 樟木煙燻黑腳鵝第一次光臨時，隔枱的客人點了這道燻鵝，超香煙燻鵝味久久不散，傳到整個用餐區，那時只好能羨慕別人。由那時開始就已經決定要再回來會一會它。燻黑腳鵝不好拍，所以較少在ig 上放到頭版，但絕對不容忽視，分分鐘比花雕蟹還更勝一籌。原來黑鵝先以雞腳和鴨汁製成的汁醃製兩天，然後再蒸，風乾後再用樟木煙燻，最後灒上熱油，保持色澤。工序繁複，換來非常脆口的鵝皮，煙燻味都滲入鵝骨，而且適量地加入七味粉和脆炸羅勒一解油膩感。雖然前半餐已經吃了很多肉類，但還是忍不住口吃了三件😋.❤︎︎ 豬皮櫻花蝦燉時菜經過一連串的肉類佳餚，終於來到蔬菜部分作為緩衝。菜心爽甜又嫩，櫻花蝦帶點咸香，重點是清甜的湯，鮮香得可以直接喝下。❤︎︎ 煙燻馬友銀魚窩飯侍應介紹說，首先煙燻過有一定大小的馬友，然後再拆肉製作窩飯，同樣工序繁複。馬友是相當矜貴的魚獲，鮮味重，肉質嫩身，再加入銀魚燒的窩飯，香氣四溢。窩飯還帶點飯焦，每口都有滿滿的魚肉，十分美味。❤︎︎ 甜品三味杞子芝士雪糕桂花糕杏仁露二刷感覺依然良好，雖然有比較之下會發現部分菜式水準會有時不穩，但整體仍然是高質，甚或會更好也說不定。很圓滿，很滿足的一個下午，為難捱的三月添了一點甜。…Read More

香港有一家能登上世界舞臺的中菜廳，一位難求也不是甚麼新鮮事。除了是米芝蓮一星的中菜館外，「大班樓」的名字還曾經登上亞洲榜單第一、世界最佳前十強，實力無容置疑。.不以奢華的食材作招徠，賣的是師傅的功架和對傳統中式食材的靈巧運用。有幸曾到訪中環九如坊的舊店，在搬至同在中環區的大店後，心念念的一直想安排再訪。新店改為全網上預約制，訂位需繳付訂金，也改為只提供ᴛᴀꜱᴛɪɴɢ ᴍᴇɴᴜ。名氣越大預約越難是常態。今次特別嗚謝有經驗的強者代搶，才能再有機會跟親友們一嚐。.➰ᴛᴀꜱᴛɪɴɢ ᴍᴇɴᴜ➰ 💲880/位以一桌為單位，可在多款名菜中選：頭盤三款、海鮮一款、肉類兩款、菜一款、主食一款及指定的甜品三款。主菜中可將肉類改成海鮮類，每位再加上$100。如覺得份量未夠，還可再額外加添菜式，很自由。.➿頭盤✿ 荔甫鴨盒餐廳有幾款名物，其中一款蜂巢芋泥煙鴨盒，是餐廳名作之一。以蜂巢芋角作靈感的荔甫鴨盒雖說是尋常的中式點心，但大班樓的出品就能帶出不尋常的味道。芋泥經過煙燻處理味道更有層次，特調的陳醋酸感明亮細嫩，配上油炸鬆化的蜂巢外層，是上佳的出品。.✿ 炭火厚切叉燒又名為「天下第一叉」的炭火厚切燒，也屬店家名物，強烈建議加在首訪必試的清單上。面的焦香感加上軟腍的肉質，水準之高，無可挑剔。.✿ 蝦籽柚皮冬瓜蝦籽柚皮冬瓜的蝦籽香氣濃郁，有點可惜是個人的那份柚皮略帶苦澀，但同桌的其他人沒有這個問題。.➿ 主菜✿ 雞油花雕蒸花蟹配陳村粉主食方面當然少不了餐廳第一大名物 - 雞油花雕蒸花蟹配陳村粉，沒試過店家的花蟹基本上也不能稱自己曾經到訪。人較多分配到兩大隻花蟹，不知是否錯覺，相對於首訪，這次的陳村粉份量更多而雞油花雕汁味道相對地調得健康清淡了。花蟹還是一如以往的大隻清甜。.✿ 魚米粥蝦籽象拔蚌意外地，大家相當喜歡這款隨機點選的魚米粥蝦籽象拔蚌。首先昂貴的象拔蚌份量相當慷慨，滿滿的一碗 （感覺比粥底還要多）。而與其說是粥底，更覺是綿滑有緻的鮮魚湯頭，極為鮮甜可口。這個粥底可說是這天最喜歡的菜色。.✿ 樟木煙燻黑腳鵝煙燻黑腳鵝是店家新推的招牌作，人多幸運地可以享用到原整一大隻份量。老實說，單看那黑漆漆的外貌並不算是十分吸引，但鵝上檯一刻，大家也驚艷於它那竄遍全場、濃濃的樟木煙燻香氣。看網上資料說大班樓使用了廣東的名鵝「三洲黑鵝」製作這道菜。鵝以雞腳及鴨骨汁來醃兩天後，再以低溫蒸煮八小時。完成後再次風乾並以樟木來煙燻，燻後以熱油澆淋熟。前後需時三天才完成，是絕不簡單的一道菜。單說皮脆肉嫩已不能形容箇中滋味，需由食客親自品嚐才能明瞭。.➿菜✿ 魚湯白木耳浸瓜絲湯頭胡椒味相對較重，下次再訪會試其他炒菜款式。.➿飯/麵✿ 豉油王肥牛炒陳村粉另一款令意外地喜愛的飯麵主食。原以為就是一客簡單陳村粉版本的家常乾炒牛河，所以最初也沒有打算選擇，但因同行者有從外國來的親友，不太會吃炒蝦乾、蝦醬等味道較濃重的調味料，所以隨意挑了這種較易接受的粉麵。甜甜的陳村粉炒得乾身不碎不斷，肥牛調味恰到好處，令人回味，大推。.➿甜品三味✿ 桂花糕、棗皇糕及杏仁茶相當各主食，甜品的水準算是中規中矩。.不專業食評 IG nei.foodie …Read More

早前有幸成功預約到大班樓九如坊舊店, 當時已經十分驚艷想再訪, 搬鋪後第二次開放網上預約終於成功菜單形式轉咗做套餐形式, 用餐前幾日會收到email, 可以揀3道頭盤、3道主菜 (1海鮮2肉類)、1蔬菜、1飯/麵, 可以另外加錢追加菜式, 不過套餐份量已經好夠食金錢蟹盒 - 打響頭炮係金錢蟹盒, 非常香脆, 但蔥同其他餡料味道蓋過咗蟹味, 蟹肉味道同口感都唔突出, 有少許失望一口湯 - 是日靚湯係粉葛鯪魚湯, 清甜可口, 以為食哂3道頭盤先有湯, 但上菜次序按口味由淡至濃, 變咗先飲湯🤣山楂梅子脆皮豬尾 - 第一次食豬尾, 感覺有D似豬手, 但豬尾更精緻炸到好香口, 香脂感唔高但仲有好重骨膠原, 山楂梅子醬酸酸甜甜更昇華剁椒鹹肉蒸龍躉魚頭 - 食過一次蒸花蟹配陳村粉, 所以轉試試蒸龍躉魚頭, 同樣出色, 魚肉爽彈嫩滑, 加埋魚頭位較多骨膠原, 調味剛好, 食到剁椒嘅香辣又唔會過火, 鹹肉更帶出魚鮮甜十八味豉油雞 - 人多可以全隻雞上, 而且會連埋內臟, 同行朋友見到非常開心, 大部分雞件都已經去骨, 食得暢快, 雞皮唔厚, 雞肉滑溜入味, 講唔出邊18味, 但就係好味羊腩片叉燒 - 唔膻但偏油膩, 雖然燒到焦香, 但唔係太同叉燒掛勾到, 未去到難食但有D四不像 樟木煙燻黑腳鵝 - 是晚MVP, 上菜已經有煙燻鵝味飛撲埋嚟, 影完相就會幫忙切件, 鵝皮燻到乾爽薄脆,  鵝肉軟腍入味外汁, 鵝皮鵝肉之間油脂恰好, 非常出色, 最後食唔哂打包第2日翻熱都仍然好味XO醬炒時菜 - 冇吝惜XO醬, 而且佢地嘅XO醬比坊間更濃郁蝦味, 菜心有再刨走外層, 淨低最鮮嫩部份, 唔太食菜嘅朋友都讚梅乾菜扣肉煲仔飯 - 份量十足, 上菜前會撈好再分碗, 煲仔飯最緊要就係金黃飯焦, 店員會分上, 梅乾菜有處理過冇過鹹, 扣肉入口即溶, 飯粒油潤香口, 平日唔食飯同澱粉質嘅一眾都即時放棄, 食咗先講, 可想而知呢個煲仔飯有幾出色甜品三味 - 生磨杏仁茶、桂花糕、奶黃煎堆仔見到唔少店員係九如坊舊店過嚟, 依舊有禮sharp醒, 高質菜式更多咗創新玩味, 想再食呢間The World's 50 Best Restaurant要再努力網上搶位🥺…Read More

念念不忘必有迴響.再訪大班樓大班樓📍中環威靈頓街198號The Wellington3樓「沿途將一切逆流轉化能量，為了來年安歌拼命無恙，存幻想。」#邊一個發明了Encore #林家謙大班樓自上年九月底由九如坊舊鋪搬遷至現在鋪位，環境更為寬敞貼近私房菜格局，但座位數目據聞比舊鋪更少，之前有幸到訪舊鋪進餐兩次之後便是念念不忘，其招牌名物炭火第一刀叉燒更是令人夢牽魂縈，可惜及後再無機緣到訪。.自榮膺世界五大最佳餐廳頭十名(唯一香港餐廳榜上有名)與及亞洲五大最佳餐廳榜首寶座後再蟬聯米芝連一星餐廳，城中話題熱度風頭一時無兩，一位難求之程度更是有增無減，實至名歸嘅終極預約困難店。.大班樓每2-3個月開放一次午市預約，預約當日分秒必爭，秒速售罄，好比最當紅演唱會售票，下次再會已是事隔數月，而晚市席位更是如非相熟，否則無從入手。預訂後發現用餐當日適逢元宵佳節，二話不說，當然要帶屋企人一窺究竟大班樓嘅絕色佳餚。.餐廳現已轉用電子表格形式落單，於用餐日前需填妥網上餐單，然後根據訂座人數全部以套餐形式供應。❀午市套餐❀ 💲880/1位起➰套餐包括:✥3道頭盤✥3道主菜(預設為2道肉類及1道海鮮)✥1道蔬菜✥1款飯/麵✥甜品三味➿如將套餐內預設2份肉類轉為海鮮每份另加 💲100/1位➿追加頭盤💲80/1位，追加肉類 💲100/1位，追加海鮮 💲200/1位✥頭盤𖥕凍鹵水花椒小吊桶釀土魷 ⭐️4.2/5⭐️作為第一道開胃醒神菜，凍盤嘅小吊桶釀土魷鹵水膽鹵得非常入味，每啖都食到土魷粒混和花椒粒嘅麻香，鮮麻惹味層次感豐富，將兩種鮮味共冶一爐，為今日嘅美食之旅正式掀起序幕。𖥕金錢蟹盤 ⭐️4.1/5⭐️眾所周知大班樓擅長手工菜，依道同金錢雞齊名嘅金錢蟹盒做工繁複，將肥豬肉切成圓形再包裹蟹肉、冬筍、冬菇、瘦肉等剁碎拌成餡料調味，之後再以精準油溫脆炸，繼而成形。蟹盒上枱金黃酥脆，入口油而不膩，餡料保持嫩滑多汁，看似簡單，但背後每項功夫都係大廚數十年嘅經驗技藝，特別欣賞手工菜嘅職人精神，化腐朽為神奇，讓平凡變得不平凡。𖥕炭火厚切叉燒 ⭐️4.7/5⭐️熟識我嘅朋友都知道，我去到每一間中菜餐廳都必定會叫叉燒，係芸芸眾多高級中菜食府入面，大班樓嘅炭火第一刀叉燒直令我神魂癲倒，一試便已刻骨銘心繼而朝思暮想，成為本人心目中叉燒排行榜第一位。今次特意備註餐廳將叉燒燒得更為燶邊香口，叉燒上枱金黃油亮，油脂四溢嘅亮麗色澤已經令人垂涎欲滴食指大動。第一叉入口豐稔滿足，碳燒肉香惹味有嚼頭，彈性十足，不消幾下已經消融於口，下次再會又不知何年何月。😔✥主菜樟木煙燻黑腳鵝 ⭐️4.8/5⭐️第一叉毋庸置疑一如既往出色，而依隻樟木煙燻黑腳鵝就係今餐飯最大驚喜，人生從來未食過鵝肉係可以做咁燻香酥脆，由心而發絕無夸口，完全係一個嶄新味蕾體驗嘅歷程碑。後來翻查資料，大班樓從研發到改良依道黑腳鴨嘅食譜就耗費將近兩年光景，因為牽涉到醃製、塗抹香料、蒸煮、乾燥、煙燻、以及最後淋上熱油等極端繁複的程序都要一絲不苛，為求成果，不惜一費功本，只為客人品嚐到絕色佳餚。侍應將半隻鴨上枱比我地拍照留念，繼而幫我分成6碟不同部位享用，外表唔算太特別，誰知入口驚為天人，煙燻樟木香氣深入骨髓，皮脆肉嫩不在話下，鵝肉香酥鵝脂豐腴滿溢但油而不膩，味道可謂出神入化驚艷絕倫，思念名單上又再添一道名物。🤩𖥕魚米粥蝦籽象拔蚌 ⭐️4.5/5⭐️大班樓又教曉我何謂返璞歸真，簡單如一碗白粥亦毫不馬虎力求盡善盡美，魚米粥米香濃稠質地綿滑如絲，加上鮮嫩爽甜象拔蚌配合得天依無逢無懈可擊，仲有神來之筆嘅蝦籽蝦油再增添咸香鮮味，完全係一道妙筆生花嘅組合。🥳𖥕雞油花雕蒸蟹配陳村粉 ⭐️4.5/5⭐️老實講，雖然雞油花雕蒸蟹係大班樓成名之作，但第一次就餐時比我嘅印象係花雕酒味太搶戲份，將蟹肉嘅鮮甜比下去，不過屋企人首次進餐，仍都點咗依個招牌菜。蟹肉鮮甜自然不在話下，今日花雕扮演嘅角色終於恰如其分，淡淡酒香並唔會過於搶風頭，雞油係自家秘製，再加上另外蒸製蜆汁融合，令整道菜色如擺盤一樣驚艷，色香味俱全，最後屋企人都好滿意恨不得再添陳村粉將蟹汁索盡。😋✥蔬菜𖥕豬油渣櫻花蝦時菜 ⭐️4.2/5⭐️普通如一碟浸時菜，大班樓都可以玩出唔同花樣，湯頭鮮香順喉，配合豬油渣嘅口感同櫻花蝦咸香，用上本地農場新鮮蔬菜，最後融合佢地嘅心機廚藝，美味二字就係咁樣呈現在心頭。✥飯/麵𖥕蝦乾鮮蝦蟹肉炒飯 ⭐️4.2/5⭐️飯宴差不多嚟到尾聲，除咗炭火第一刀，另一道我朝思暮想念念不忘嘅就係蟹肉糯米飯，但可能時節所限，今次依道我心目中亦係排榜首嘅蟹肉糯米飯與我緣慳一面，希望未來可期。取而代之，揀咗三蝦炒飯，用上鮮蝦﹑蝦乾及蝦膏，當然炒飯亦乾身粒粒分明，配料份量豐富，配埋鮮甜蟹肉，一啖一鮮味，水準亦係無可挑剔，家人亦非常滿意，只係我試過另一巔峰水準而已。✥甜品𖥕甜品三味 ⭐️4.1/5⭐️最後甜品收宮之作分別係杏仁茶、桂花糕及杞子雪糕。杞子雪糕最為深刻，奶味香濃，配搭杞子頗為創新。而杏仁茶亦非常順喉，滿戴而歸。➰總結大班樓致力精挑細選不同食材突破傳統粵菜框架，推陳出新精益求精，何曾想過蟹肉配糯米飯竟然可以鮮甜味美到如此境界;一道樟木煙燻鵝肉又竟然驚艷到可以重新為我味蕾劃分一個新味區，化平凡為傳奇，永不自我設限，每一次到訪都總會帶比我一份真正嘅驚艷。寫食評一刻已期昐下次有機會再訪，更期待下次大班樓會為我帶嚟何等驚喜。🤤➿➿➿…Read More

新地點新裝修，大班樓2.0以全新面貌出現，地方大了，裝修比較西化，但依然一位難求，今年所有日子都已經full咗。菜式既有保留舊有的signature亦有加入新元素。幾日前已經會通知你填寫想點的菜式，4人建議3頭盤、3主菜(其中一定至少一個海鮮)、1菜、1飯、甜品三味。全部主菜都要慢慢食，蟹要慢慢剥、鵝同魚嘴都要慢慢噒骨，真係少啲手力牙力都唔得，但最愛噒骨的我非常enjoy。上菜速度有點趕，感覺很急，沒有慢慢嘆的機會，明白3點落場但食物份量都多而且每樣都食慢慢噒骨，真係食得有點狼狽。頭盤都點咗最受歡迎的舊有signature，釀土魷鹵水味道剛剛好，配合裡面的花椒帶麻但不會過辣過嗆，土魷非常彈牙完全唔會韌，十分高質。炭火厚切叉燒真的很厚切，剛剛燒出好新鮮熱辣，炭香味濃叉燒軟腍但蜜汁有點過甜同埋會喜歡再燶一點點。臭豆腐是其中我最期待，炸得非常香脆一點兒油都沒有，臭味有但唔會過份，配甜醬同辣椒醬油，帶我回到台灣街頭的感覺。主菜還是最滿意甚至有不少驚喜的一環。花雕蟹一直是最受歡迎但今次非常推薦豉油王煎泥蟹，超大隻，個豉油王豆豉欖菜料頭十分足料而且超級惹味，啲蔥欖菜吸哂蟹的精華再加香濃豉油王，真係不禁選哂啲蟹殼停唔到。樟木煙燻黑腳鵝，又是新菜式，足半隻連鵝頭同鵝頸，煙燻味好濃，鵝肉非常入味但完全唔會死鹹，味道恰到好處，呢隻鵝沒有太多脂肪，鵝皮好薄燒至脆身，最令我驚艷係鵝肉的軟嫩，好腍一點都唔鞋，比起一般鵝嫩十倍！剁椒蒸魚嘴，剁椒辣得過癮，魚嘴超級滑再索哂，值得一提廚師加了豬油去蒸，味道更有層次同香味，好食既野就唔好理卡路里啦🙈魚湯白木耳浸瓜絲好重胡椒味，湯較杰身似羹。最後蟹肉櫻花蝦糯米飯蒸籠上，蟹肉超多而且蟹鮮味非常突出，再加上櫻花蝦鹹香，糯米飯乾身唔黏但煙韌軟糯。總括來說，食物依然高質，中菜中數一數二，但實在太難book位，是否值得就見仁見智。…Read More