Yu To Tei Japanese Restaurant

一段時間沒有到來，但水準仍保持一貫的高。今天非常幸運，門外竟有錶位泊車，而無需泊較遠的停車場。中午未到12時，門外已有人龍排隊預備入內，開店不久已坐滿，遲來的唯有等下一輪了。今天我點了”極上魚生丼御膳”，首先有沙律、湯、蒸蛋、前菜，蒸蛋是我喜歡的，口感非常細緻，之後到主食丼飯，赤海老及帶子非常新鮮，海膽、三文魚籽、碎金鎗魚腩拌飯好鮮味，份量足，每次到來都沒有失望，而價錢亦非常實惠，性價比高，值得再來。…Read More

中午12點嚟到大埔就即管去「御和亭」望望，想嚟食好耐但次次都排隊，今日喺無心理準備情況下竟然有位，但要1點鐘交枱，唔理咁多，嚟食過快丼飯，足以頂癮。睇午餐餐牌都真係抵食，幾十蚊到百五蚊就食到刺身丼，仲要午市無加一，唔怪得長期都咁多人排隊嚟食。❀極上魚生丼御膳 $138(碎金鎗魚腩、赤海老、海膽、帶子、三文魚籽）個人好鍾意海膽、三文魚子、碎金鎗魚腩嘅配搭，基本上喺餐牌見到就一定會叫，仲要有埋赤海老同帶子，款多但每樣份量唔算話好多，同埋海膽有啲溶溶哋。赤海老夠大隻，樣樣都鮮甜，撈埋蔥絲，一大片脆紫菜一齊食。❀御和亭魚生丼御膳 $88通常呢個價錢嘅雜錦魚生丼飯，都預咗係角切魚生。嚟到反而有驚喜，雖然望落都係角切魚生，但係好大粒，我覺得其實係厚切粒狀，並唔係切剩刺身嘅頭頭尾尾，三文魚、鱆紅魚肥美、仲有八爪魚、赤海老、蟹籽、玉子同青瓜，份量多，食完飯啲魚生要空口食。如果再想要多啲飯，係可以向店員加嘅。每樣都好新鮮，呢個價錢非常抵食。所有午市御膳已包括：前菜、沙律、味噌湯、茶碗蒸，蛋蒸得好滑，裏面有鳴門卷同粉絲。雖然食得有點衝鋒陷陣，但係都非常滿足。#御和亭日本料理地址：大埔翠和里1號永發樓B座地下…Read More

耐唔耐都會黎食下lunch，因為質素好，價錢合理～今日太熱想食日本野，又黎左食～～呢到樣樣都好，但等位好辛苦，尤其而家咁熱⋯我地12:50到，等左20分鐘左右入座，爆曬20分鐘都幾痛苦⋯食完飯行出嚟，見到更加多人見到都覺得熱同辛苦⋯餐牌其實無咩變，一直都係呢張～午市無加一～我叫左極上魚生丼御膳，魚蓉無特別，海膽甜，帶子同三文魚子都係合理水準，而蝦蓉呢⋯真係好甜好香好正！$110有個魚生丼，有麵豉湯，蒸蛋，漬物，沙律，我覺得係好抵～而且樣樣都好食唔係hea野～同行者揀左特上什錦壽司定食睇個樣都唔差～☺️☺️☺️☺️👍🏻…Read More

話說今日來到大埔出job 同事fd介紹來食呢間。佢哋成日都話想食 但都就唔到時間 or 太多人排隊食唔到。今次咁啱齊曬腳 當然就要試下啦～前菜係熟蛋撈木耳～沙律居然有水果 平時食嘅日本餐都唔見有😂特別要提嘅係呢個蒸蛋 真心出色💕一開始fd以為蒸蛋改咗 居然尖叫。我地仲心諗 使唔使咁誇張 有冇咁好食呀🤣 但試咗之後 覺得 蒸蛋真係重點 入邊有居然蟹柳 同埋d蛋好嫩～😋 認真好味！估唔到呢個價錢嘅壽司🍣 係咁高質好味👍 d魚生好大件好新鮮。一啖都咬唔曬 分兩啖先得～ 而且先九十蚊冇加一 認真抵到爛～ 朋友係呢個餐 如果覺得太少 可以加魚生飯～…Read More

大埔人對呢間日本野一啲都唔陌生因為出名高質抵食所以放假就帶男朋友嚟試下佢啦星期日大概1點左右到 都要等4個字左右先可以座等位途中無野做 就睇下餐牌揀定食咩啦款式好多 筆者成日都好想試下啲熟食不過最後都係會受唔住魚生嘅誘惑hahaha✨前菜前菜就無咩特別 都係一般日本餐廳會提供嘅野啦✨赤海老什錦刺身御膳 $112一隻蝦加五款魚生 全部都厚切好吸引不過咁所有魚類都無乜鮮味 淨係得個厚字味道上係令人有啲失望嘅✨極上魚生丼御膳 $110呢個鮮味度比刺生御膳好 不過份量就少啲雖則比較上好 但鮮味度老實講都係不足埋單$222 以呢個份量嚟講其實真係抵不過抵還抵 都對個質素有要求如果魚生啲鮮味再強啲就好喇雖然有啲失望 但筆者下次都想試下佢啲熟食便當😉…Read More