Nabe Urawa (The ONE)

近來天氣完全無轉冷跡象，已經一月了理應著晒大褐長褲，但小妹仲係短衫短褲，認真無奈，還我冬天啊....雖然天氣和暖，都無阻想打邊爐的口癮，今次又再黎食牛気，已經第三次食了，覺得佢地既牛肉質素相當唔錯，環境又企理。今次就去左The One新分店，平日六點鐘去到唔使排隊，限時90分鐘，其實食得幾趕下，如果有120分鐘會比較好，唔使狼吞虎嚥了。我們被安排坐在卡位，座位闊落舒適，不會很迫狹。今次揀左鴛鴦湯底，包括必食的壽喜燒和蕃茄湯底，小妹一向覺得食牛肉配搭壽喜燒湯底最夾既，壽喜燒既甜更突出牛肉既味道。餐牌上總共有五種級數既牛肉揀，由最平的$178-$378不等，小妹揀左中間的極上美國牛小排+海鮮放題 $288/位，可以任食大海蝦、紐西蘭青口、日本魷魚、加拿大翡翠螺、精選巴西雞腿肉、特級美國豚腩肉、挪威三文魚刺身等，仲可以食埋前兩款價位的牛肉，連海鮮都有，其實相當豐富。正價放題優惠自助醬汁區飲品區，主要係韓國飲品、康師傅同啤酒。火鍋配料區選擇頗多，而且十分乾淨企理。身為咖哩控既男人每次必食咖哩飯，入面仲有牛肉粒、薯仔粒同蘿蔔，好足料，佢話好食！不過建議配白飯好過炒飯底，因為炒飯較乾同硬。挪威三文魚刺身極上美國牛小排可見肉質色澤紅潤，有平均又明顯的雪花紋，脂肪位較少，食落肉質爽口幼嫩，有牛味，蘸些日式醬油、蔥和炸蒜仲惹味！極上美國牛肩肉牛肩肉比牛小排多左重口感，肉質有嚼勁，牛味更濃更明顯。特級美國豚腩肉和巴西雞腿肉火鍋料小妹覺得芝士魚蛋妹正，咬落去真係爆芝架，芝士控必食；另外仲有隻龍蝦爆漿魚蛋都值得一試，有驚喜！任食海鮮有大海蝦、紐西蘭青口、日本魷魚、加拿大翡翠螺。大海蝦隻隻都大隻仲好新鮮，食落蝦肉爽口，好難得任食既蝦會咁新鮮，所以食左好多隻；不過翡翠螺入面都幾多沙。烚烚下好快又90分鐘，甜品當然少不了有雪糕、日式和果子、焦糖燉蛋、豆腐花、布甸和芒果紫糯米等，小妹拎左個芒果紫糯米又幾好食啊。…Read More

這家涮涮鍋「牛氣」在旺角雅蘭中心的店已光顧過，知道其質素屬中上水平，近日知道在尖沙咀開了新店，便順道到訪。新店故然新簇，整體環境光猛闊落，從外面看已知店子頗長，被安排坐在近門口的四人枱，絕對方便出去取食物及飲品。先說說價錢，有一種「午市精選套餐60分鐘放題」（$88-$188），指定肉類或海鮮（約100g）加自助放題，划算極，可是有星期一至五（公眾假除外）才供應。另一種「午市90分鐘放題優惠」（$128-$288）則以全放題形式，套餐內所有肉類或海鮮無限量任點任吃，唯一限制就是全桌客人也需要選擇同一級別套餐。經表決，投下「美國極上牛小排」套餐一票。既然是放題，飲品也是無限量供應，多款汽水、熱茶任君選，吃涮涮鍋可能有點燥，選上冰糖雪梨潤潤吧。除了醬料，湯底亦是吃涮涮鍋的重點，7款湯底都甚具特色，北海道昆布、蕃茄濃湯、博多豬骨湯、昆布辛口地獄湯、韓式辛味泡菜湯、三文魚味噌湯及壽喜燒甜醬油湯，亦可以選鴛鴦湯底的，北海道昆布拼博多豬骨湯是我們的心水之選。雖然不是吃到最貴的和牛，但這極上美國牛小排已非常好吃，單看色澤、紋理已知很對辦，放在昆布湯中輕灼數秒，入口不單口應嫩滑，肉味香濃而帶少許油脂，實在一流。再下來是試試極上美國牛肩肉，牛肩肉感覺好像跟牛小排差不多，似乎油脂輕一點，但同樣很好吃。以三者牛肉中，以嚴選美國牛胸腩肉油份最少，但相信是腩肉關係，肉味重多一點，較有「吃肉」的感覺。輪到涮涮特級美國豚腩肉及精選巴西雞腿肉，前者豚腩肉切得透薄，看外觀脂肪又不多，所以，吃下全沒有肥膩感，再者，更估不到肉質十分嫩滑。至於後者，採雞腿肉，雖然是雪藏貨，但意外地滑而不韌，同樣好吃。10數款素菜配料，都只是由朋友代為取三數款嚐嚐，吃罷吃得出食材新鮮，為之前吃下如此多肉而平衡一會。甜品除了雪糕，就取了牛乳布丁及雞蛋布丁，以前者較為美味，因為牛乳味濃郁，而後者的雞蛋味卻不明顯。激戰了90分鐘， 我們吃下的各種肉類都真不少，實在大滿足。…Read More

繼前兩星期行完薄扶林水塘家樂徑，今次再同老友入粉嶺行流水響郊遊徑，天清氣爽，行山真喺好正、好舒服。友人揸車，直達起點，減少交通、轉車時間，麻煩晒！所以，午餐就出返尖沙咀食，而依幾日天氣凍咗，真正有番啲冬天嘅感覺，故一於食番鋪涮涮鍋。選址The One嘅牛氣，一來食過有信心啲，二來商場有兩個鐘免費泊車。餐廳鋪位幾長幾深，一室木啡，柔和舒服，卡位佔多數，而卡位背做得偏高少少，唔使同隔離枱你眼望我眼。午市有多種套餐選擇，「午市精選套餐60分鐘放題」就最抵食，由$88到$188，指定肉類或海鮮（約100克），再加配菜、飲品、甜點自助放題，唔喺食肉獸嘅就啱晒，不過只限星期一至五（公眾假除外）。星期六、日、公眾假嚟到，就可以揀「午市90分鐘放題優惠」，由$128-$288共5款價位選擇，質素就一分錢一分貨啦，餐內全部肉類或海鮮無限制添加任食，其他配菜、飲品、甜點自助放題照有，唯一注意同枱所有人要點同一價位套餐。先睇睇有咩湯底，分別有7款，北海道昆布、蕃茄濃湯、博多豬骨湯、昆布辛口地獄湯、韓式辛味泡菜湯、三文魚味噌湯及壽喜燒甜醬油湯，款款都各有特色。原來，依家仲可以加$10變成鴛鴦湯底，划算到極，結果就揀咗蕃茄濃湯及三文魚味噌湯，前者蕃茄味超濃郁。如大多數涮涮鍋，點選好指定肉類或海鮮類套餐後，其他嘅配料就可以晌餐廳正中央嘅食物區任攞。有啲咩食？憑印象加相片輔助，大概有：芋絲、芝士腸、雲耳仔、嗚門卷、蕃茄、粟米、大蔥、魚蛋、娃娃菜、蓮藕片、秀珍菇、白蘿蔔、南瓜、銀芽、冬瓜、鮮冬菇、翠玉瓜、金菇、油麥菜、豆卜、餃子、公仔麵、拉麵、烏冬、蕎麥麵、薯粉……等等。另一邊嘅凍櫃，放滿多款汽水自由取用，側旁更備有啡茶，怕生冷又健康少少，玄米茶或凍頂烏龍喺理想選擇。此外，有煲冬菇蟹肉素翅，不過，就唔見曾光顧過旺角店咁有啲壽司小食，可能喺午市就唔搞咁多嘢，但趁湯底未滾起時，頂一頂肚食碗素翅都唔錯。沙律之但喺，餐前小弟就較喜歡食啲開胃嘢，所以揀咗沙律。一盤沙律菜，加幾款配料及兩款醬汁，唔可以跟自助餐嘅規模比，但有點醒胃蔬菜落吓肚就夠喇！餐前開開胃，可以加強戰鬥力。食涮涮鍋如打鞭爐，好多人對醬料都好睇重，但小弟就偏向食番食材嘅原咪，醬料都喺純粹過吓口癮，但點都介紹一下。「混醬」區晌入門口左邊當睇處，有日式醬油、酸汁、胡麻醬、辣椒、炸蒜、辣椒蘿蔔蓉、長蔥、七味粉。小弟就特愛以炸蒜、長蔥配胡麻醬！既然食午市比晚市平，加上老友都算喺旅遊日本嘅達人，經常食好嘢，對食材質素喺有要求嘅人，所以，揀嚴選澳洲和牛套餐，$288包澳洲和牛、牛小排、牛肩肉、牛胸腩肉、多款海鮮、豚肉、雞肉及三文魚刺身任食任涮。挪威三文魚刺身刺身唔喺今日所食嘅目標，但套餐包又送到上枱，食得就唔好嘥。挪威出品自己唔會差得去邊，色澤鮮艷有光澤，入口油潤鮮味，唔錯。嚴選澳洲和牛油花分佈細密而平均，如雪花段綿密細膩，片片切得薄，輕輕灼幾秒就夠，入口真喺滿口脂香，又不失肉味。極上美國牛小排色澤比起澳洲和牛深，紋理清晰，但脂肪亦唔少，故口感一樣柔滑，油脂感無咁重，但肉味濃，所以，友人鍾意佢多過上面嘅澳洲和牛。極上美國牛肩肉、嚴選美國牛胸腩肉牛肩肉感覺偏向似牛小排，無咁多油花，入口脂香無咁重，但肉味絕不遜色。而牛胸腩肉則側似似哋平時食牛肉咁，油脂相對喺最少。所以，幾款肉都有唔同特性，正所謂各有所長。海鮮拼盤先嚟一份大海蝦、紐西蘭青口、日本魷魚及加拿大翡翠螺，唔夠喉可以再點。海鮮質素真喺正喎，尤其大海蝦，夠大夠爽，味道鮮甜；青口、魷魚及翡翠螺亦不俗，所以，整體海鮮食得出用料不賴。特級美國豚腩肉豚腩肉切得薄到透光，脂肪唔太多，雖然喺豬肉，亦唔需要灼太耐，啲豚腩肉估唔到幾嫩滑，配三文魚味噌湯效果唔錯喎。精選巴西雞腿肉雞腿肉灼過後，肉質意外咁嫩嫩滑滑，一啲都唔嚡，又啖啖肉，皮下脂肪亦十分之少，沾炸蒜搭胡麻醬，非常惹味。涮啲肉類、海鮮期間，我咃都食唔少蔬菜嚟平均番吓，真喺一碟又一碟蔬菜架。詳細就唔晌度唔多講，總之就樣樣食啲，而啲蔬菜都頗新鮮。放醬料張食物枱尾，仲有白飯、炒飯及咖喱牛肉，啱晒啲「飯桶」，不過，小弟就留肚食番啲甜點，所以，影低相做個記錄，試就無試，味道如何就不得而知。當然，上述提過嘅公仔麵、拉麵、烏冬、蕎麥麵、薯粉等亦都無幫襯。甜品飲品個凍櫃放咗啲甜品，沙律枱上方亦都有啲，全部夾埋大概6、7款左右，款款都做得的的骰骰，試咗當中4款：焦糖蛋糕、牛乳布甸、泡芙及紅豆麻糬，始終甜品唔喺佢哋重點，質素只可以評為不過不失，純過吓口癮都OK嘅。 綠茶軟雪糕甜品或者普普通通，但個軟雪糕真喺幾好食，成部雪糕機擺晌度等你慢慢搞，有原味及綠茶口味。啲軟雪糕頗軟滑，既有牛奶香，又有綠茶味，個雪糕筒亦好脆口，所以，一個人獨佔食晒佢。食完，真喺咩燥熱都無晒。藉機分享埋少少流水響郊遊徑之旅，成條徑4.4公里，約需2小時，不過，中段喺大斜路，超過30°、40°不斷上斜，行大概半粒鐘，叫做辛苦多少少，但一啲都唔難。其中，流水響水塘有一邊嘅林木，景觀幾靚。（註：多謝友人嘅四葉妹妹又做住特約模特兒！）基本上個涮涮鍋90分鐘都夠晒時間食，但由於我哋行完山過去都比較晏，食完剩低嘅客人都唔多，所以，都任得我哋坐晌度傾偈，無話要趕你走。此外，整體嚟講，服務、食物補充……等都好到位，食材質料又有番咁上下！天朗氣清行完山好舒服，又食咗一頓超豐富嘅午餐，真喺好戲連場。…Read More

踏入秋冬天, 我就鍾意去食涮涮鍋, 給我一種暖笠笠的感覺, 早前趁天氣稍涼一點, 便去了位於尖沙咀的牛氣食放題. 踏入秋冬季節, 我就最鍾意去食火鍋, 早前便去了位於尖沙咀的牛氣食日式涮涮鍋. 這裡是任食放題, 時間為九十分鐘. 一共有五款不同的牛可以選擇, 價錢由$178至$378. 而有八款湯底選擇, 當中有兩款要另加錢$10. 最後, 我地選了極上美國牛小排與海鮮, 這個是$288, 而湯底就選了期間限定的山葵湯底, 從未試過, 所以加了$28試下. 店員會在客人面前磨新鮮的山葵, 磨的時候已聞到好香, 然後加入湯裡. 期間有需要再加山葵, 可以同店員講. 極上美國牛小排與海鮮套餐包括挪威三文魚刺身, 極上美國牛小排, 極上美國牛肩肉, 特級美國豚腩肉, 精選巴西雞腿肉, 大海蝦, 紐西蘭青口, 日本魷魚, 加拿大翡翠螺. 挪威三文魚刺身夠厚身, 又肥美, 友人話夠新鮮, 口感佳. 由於我唔食生嘢, 所以主攻我最愛的牛肉. 極上美國牛小排色澤好靚, 脂肪分怖平均, 切得又夠薄身. 由於我要食全熟, 滾的時間較長, 但肉質仍然保持腍身, 完全不覺得硬和乾身, 牛肉味頗重. 靚的牛肉, 只需要簡單整熟, 不用點任何醬料已經好味道. 加上牛肉配上山葵湯底, 更加能突出牛的鮮美, 湯底真是無選錯. 接着, 就要食海鮮. 每款都好新鮮. 當中我特別鍾意食蝦和翡翠螺. 蝦夠大隻, 肉質彈牙和爽口. 翡翠螺好易整出來, 口感不錯. 由於我主力食牛, 所以只試了少許豚腩肉和雞腿肉. 兩者味道也不錯, 但對於愛食牛的我, 也是先選擇牛. 出面有不同蔬菜, 丸類, 飲品, 熟食俾客人選擇. 一口氣食了多款肉, 我也食了一些蔬菜和丸類. 最驚喜是有棉花糖食, 食埋就完滿.…Read More

兒子終於考完試了，又是時候一家人外出覓食。早前從友人處得知，以牛肉火鍋放題作主打的《牛気》，近日在尖沙咀 The ONE 4 樓開咗新分店，老公和兒子兩個向來都是極品牛痴，所以一直想就找天同佢兩個去吃頓涮涮鍋，聽我提到這裡的牛肉，可以任點任食，簡直開心得 We 哇鬼叫，所以這晚就立即坐言起行。其實筆者之前亦曾和友人到訪過《牛気》位於雅蘭中心的店舖，所以對餐廳的食物質素，很有信心，相信一定能滿足兩個牛肉控的胃口。到步後，先跓足細看放在門外的餐牌，晚市 90 分鐘放題，價錢和去年旺角店比較，變動不大，由最平 $178 到 $378 不等。最基本的 $178 提供極上美國牛肩肉、精選巴西雞腿肉、特級美國豚腩肉；而最貴的 $378 就可以品嘗到澳洲和牛、美國牛小排、牛肩肉、美國豚腩肉、巴西雞腿肉、各種海鮮，包括帆立貝、廣島蠔、大海蝦、紐西蘭青口、日本魷魚、加拿大翡翠螺及三文魚刺身。等齊人後，就立即入座。店子雖然地方不大，沒旺角店咁寬敞，裝潢簡約樸實，但色調柔和舒服，配上中間自助放題區的擺設和燈飾，感覺既高雅又 Cyber。由於先前在門外已經細心研究過餐牌，所以入座後，亦二話不說，立即選了這款極上澳洲和牛 ($378)。至於湯底方面，口味豐富，合共七款，除了有傳統的北海道昆布湯、番茄濃湯外，還有三文魚味噌湯、昆布辛口地獄湯、韓式辛味泡菜湯、壽喜燒甜醬油湯及我和家人揀的博多豬骨湯。趁湯底未滾，一於先外出混醬，店裡的醬油配料選擇雖然唔算好多，但最基本的七味粉、炸蒜、辣椒蘿蔔蓉、辣椒、長蔥、麻醬等，全部有齊。返回座位後，原來火鍋料同刺身都已經將檯面擺得滿滿，立即開餐。先以厚切的三文魚刺身打開胃口，魚肉色澤亮麗，質感細嫩柔軟，肥美豐腴，水準確實不賴，教人喜出望外。接著當然是輪到品嘗兩款澳洲和牛，挾起一看，單以賣相來說，已感覺到是高質出品。果然不出所料，每片牛肉的雪花紋都非常細密，而且切得很薄，挾起放湯一灼，入口即溶，既柔滑又富脂香。至於薄切的特級美國豚腩肉，入口不但肥瘦均勻，而且肉味濃郁，又香又多汁，也很好吃。而旁邊的精選巴西雞腿肉，水準亦唔錯，啖啖肉得來又夠嫩滑，用嚟打邊爐就最啱，令人吃得開懷。海鮮方面，其實之前已經提過，有帆立貝、廣島蠔、大海蝦、青口、魷魚及翡翠螺，幾款之中，個人覺得，最值得推介就是大海蝦，肉質夠曬彈牙，入口爽脆鮮甜，屬 encore 之選。兩個牛魔當然唔會咁易滿足，再點來了極上美國牛肩肉和牛小排各一客。前者入口脂香雖然無和牛咁重，但肉味絕不遜色；而牛小排質素亦不俗，切得比普通肉片稍厚，輕灼後佐以醬料，入口肉質緊實細嫩，口感也不錯。至於火鍋配料方面，除了有吸睛的墨汁墨魚丸外，還有白雪雪的蝦滑、芝士腸、台灣香腸、清甜的粟米、大大隻的鮮冬菇、鳴門卷、雲耳仔、蓮藕片、南瓜、竹輪、豆卜、銀芽、冬瓜、金菇、唐生菜、翠玉瓜、秀珍菇、芋頭、番茄、娃娃菜、京蔥、鱈場蟹棒、玉米筍、油麥菜、手打烏冬、芋絲、公仔麵等等，如果全部每款都試一點的話，肯定無 Quota 再吃甜品。見小伙子意猶未盡，竟然還拿了牛肉炒飯配咖喱牛肉，也貪得意試了一口，原來味道不俗，尤其是咖喱牛肉，甜中帶少許香辣，用來撈飯就至適合不過。食完可以再 DIY 自製一客沙律，吧檯有車厘茄、粟米粒、菠蘿、青瓜等供應，肯定可以一清腸胃。也順帶一提，放題包埋任飲啤酒汽水，任取法式焦糖燉蛋、北海道牛乳奶凍、雞蛋布丁、豆腐花、啫喱等，想 Keep 住密密口食，絕對無問題。甜品當然唔止頭先講咁多啦，其實吧檯上還有紫米露、紅豆麻糬、芒果糯米飯、軟雪糕和棉花糖，筆者最愛就是當中的紅豆麻糬，外皮晶瑩剔透，質感黏糯煙韌，加上內裡飽滿的紅豆餡料，入口甜而不膩，實在令人愛不釋口，勁推介。至於軟雪糕方面，有原味和綠茶兩款，可以揀以 Cone 或碗裝，而配料就有朱古力醬、芒果醬、朱古力粒同粟米片，飽餐一頓後，以此作結，實在令人吃得很滿足，會推介俾朋友來一試。…Read More