ChorLand Cookfood Stall

楚撚記一直是我港式小菜名單上的頭幾名，今天跟男朋友兩個人來吃晚餐。近百款小菜選擇，菜單豐富必有合心水的。菠蘿拔絲咕嚕肉 $119豬肉選用梅頭肉，脂肪分布均勻，炸後外脆內嫩，多汁不柴；配上菠蘿和蜜桃，酸酸甜甜，十分開胃，停不了一口接一口！蜜椒薯仔牛柳粒 $118黑椒香味濃郁，薯仔金黃，牛柳粒嫩滑，爆炒鑊氣十足。看得出廚師的用心，牛肉、薯仔和配菜切的大小相約，口感、視覺、色香味俱全！鮮人蔘濃湯時蔬 $92濃湯加入鮮人參、紅棗、杞子健康養生的食材，味道更有層次；娃娃菜既吸滿湯汁，又能保持清脆口感。楚撚豬油撈飯 $25現在比較少見的傳統美食，豬油和豉油完美搭配，簡單的美味！楚撚冰凍大檸茶 $38大大杯，一個字：爽！整體食物份量大又高質，價格合理，性價比之選；環境舒適，經典復古港風打卡也一流！…Read More

最近我去咗荃灣楊屋道街市附近的一間大排檔，雖然叫大排檔，但其實係間樓上店，環境比我想像中乾淨企理✨，完全顛覆我對傳統大排檔的印象。每碟平均約$100，但份量真係超級大，真係好抵食！🍚楚撚豬油撈飯  白飯用砵裝住，豬油香濃，配上豉油、蔥花同芫荽一齊撈，真係邪惡又滿足。食到最邊邊仲有少許飯焦效果。🍍菠蘿拔絲咕嚕肉（梅頭）  味道酸酸甜甜，非常開胃。用嘅係梅頭肉，肉質嫩滑，搭配拔絲同焦糖餅，食落去煙韌香脆。不過，拔絲要記住快啲食，因為好快就會融化成糖漿。🦑椒鹽鮮魷  即叫即炸，外皮香脆，魷魚新鮮彈牙，椒鹽味道好平衡，唔會過鹹或者過辣，配埋炸蒜味道更加香口。🧀芝士琵琶豆腐  原來呢個係用豆腐同鯪魚肉整成，外脆內滑，豆腐嫩滑，味道似食緊鯪魚球。再加上大碗嘅芝士醬，真係鹹香惹味，幾特別。每人仲免費送咗一碗糖水🍧，有綠豆清心丸同芋頭西米露。綠豆綿糯清心丸有似蒟蒻的口感，芋頭好綿，西米粒大，糖水甜度正好，完美結尾。P.S. 楚撚記仲提供海鮮加工服務🦐，啱晒喺附近街市買完海鮮之後上去加工，不過要留意呢個服務只適用星期一至四，而且要提前預約。…Read More

今晚去左呢間懷舊大排檔食晚餐～餐廳座位好多，岩曬同家人或朋友聚會食晚餐。坐得舒服，而且餐廳環境佈置仲令人置身係大排檔之中，充滿情懷！仲有唔少遊客都來用餐及打卡！相當有港式風味！除左環境之外，餐廳仲有多款地道港式小炒，夠曬鑊氣～而且餸菜仲好夠份量！正！菠蘿拔絲咕嚕肉！酸酸甜甜的，超開胃！咕嚕肉用了梅頭豬肉，吃起來啖啖肉，肉質更好咬口！好正的！而且醬汁調配得超開胃惹味！仲有拔絲糖膠，夾埋一齊食，甜甜酸酸好特別的，好好味！仲有好多菠蘿、蜜桃、三色椒做配菜！金沙黃金白飯魚！咸蛋黃咸咸香香，超級香口惹味的！脆卜卜的口感！令本來平平無奇既香飯魚都變得超惹香超香！非常之創新同香口既一道餸！大人小朋友都必喜愛！飛天通菜煲，熱辣辣的！非常有特色同地道！通菜煲超香超惹味！通菜爽身，而且勁入味，仲有蝦乾蝦醬的！超濃郁既蝦味，同通菜好夾好好味！另外我們仲點了兩碗楚撚豬油撈飯，呢個豬油撈飯相當有特色！難得見到餐廳有得食豬油撈飯，當然不可以錯過了！飯粒好乾身，粒粒分明的，飯蒸得時間岩岩好，口感煙韌好味的。因應自己口感加入了豬油跟豉油～豬油洩和了白飯後超香濃超惹味，令飯粒都充滿了燒澤油份，超香！忍不住大啖大啖地吃！豉油咸咸甜甜，非常惹味！這客豬油撈飯超懷舊，超美味！又飽肚又美味！食飽飽仲有糖水送～是日有兩款糖水揀！我揀了芋頭西米露，超足料！芋頭煲得又綿又美味！西米彈牙好好咬口！糖水甜度岩岩好！食埋糖水超滿足！…Read More

哩個名聽咗好耐，終於都book位去食喇🤭大排檔係時代嘅回憶，餐廳裝修還原度極高，同細個媽咪帶我去嘅差唔多，不過而家有冷氣舒服好多🌬👑楚撚豬油撈飯 $25好少喺出面見到有哩隻飯，一定要試吓！砵仔飯當然有別於一般白飯，好似煲仔飯咁多咗啲焦香，飯粒亦更加粒粒分明，加埋豬油同豉油就更香更滑，就算知道好邪惡都抵擋唔到😈✨七味黃金炸一口金磚豆腐 $78一上枱就見到粒粒金黃色🤩 外皮香脆內裡豆腐滑捋捋，一口size夠方便，一啖一粒😋 加埋七味粉同椒鹽調味，味道一流👍🏻✨古法涼瓜炆魚雲煲 $138涼瓜炆得好入味而且唔苦，份量都唔少，可惜魚雲有啲啲乾，美中不足。✨香煎黑松露手打蓮藕墨魚餅 $118一咬落去就係香濃黑松露味，墨魚餅好彈牙，入面仲有粒粒爽脆蓮藕粒，口感豐富🤤✨蜜椒薯仔牛柳粒 $118牛柳粒肉味香夠腍滑，薯仔一樣好入味，黑椒味濃再加少少甜味，食多啲都唔會膩😆✨家鄉炒銀針粉 $86係我好喜歡嘅銀針粉，唔係好多地方有得食。份量唔少，炒得好香好惹味，我自己食咗半碟🤭🔍整體感覺：裝修好有氣氛，還原傳統大排檔感覺，環境乾淨衞生，仲重要哩度係有冷氣嘅大排檔😌 上菜速度好快，食物質素同味道都好好，餸菜夠鑊氣，份量仲幾大碟，仲有糖水送💜 紅豆沙中嘅陳皮味香濃，食落仲好沙，超正😍 性價比超高👍🏻…Read More

港式大排檔黎講，楚撚記我同朋友都好鍾意食，可以食到大排檔風味，又可以嘆住冷氣，地點又方便，所以一直係同朋友食飯嘅好地方▪️鳳尾蝦多士$88 食落唔會太油膩，偏乾身，原隻蝦身，金黃酥脆，蘸上泰式辣醬好惹味▪️脆皮炸大腸$108 大腸處理得好乾淨，切成條狀，新鮮香脆，火候時間控制得得宜，配啤酒一流▪️香爆黑椒牛仔骨煲$128牛仔骨份量都好多，有成8塊左右，質地軟腍，黑椒汁夠入味，用煲上熱辣辣，非常下飯▪️楚撚豬油撈飯$25/碗食過就明點解啲人話豬油撈飯可以唔使食餸，加少少豉油、豬油、蔥同埋芫荽▪️藍妹$39食大排檔必須配啤酒！！啤酒會跟戰鬥碗～係呢到嘅特色😆食完仲送糖水，可以揀清心丸綠豆湯或者紅豆沙…Read More

經常聽身邊朋友、同事提起這間「楚撚記」大排檔，大家都對它讚不絕口。今晚就和好友過來吃晚飯，試試「楚撚記」的出品！「楚撚記」的荃灣店位於百悅坊地舖和1樓，餐廳裝潢走懷舊風格，很有舊香港情懷。通菜與蝦乾、辣椒、蒜頭等以大火快炒，煲仔開蓋一刻，依然熱氣騰騰。通菜爽口，鹹香之餘，又帶一點微辣，吃不停口。蜆肉、豉椒、洋蔥和三色椒一起炒香，鑊氣十足。蜆肉大隻，入口味道鮮甜。配上香濃的豉椒醬汁，用來送飯一流！一上枱已經聞到陣陣胡椒香！利用了煲仔的熱力，海蝦被至蝦殼也十分入味。蝦肉新鮮彈牙，咀嚼間慢慢滲透出白胡椒香。煲內還有粉絲和洋蔥塊，其中粉絲更是盡索白胡椒的香氣，好惹味。白飯撈上豬油、豉油、香蔥和芫茜，醬汁份量可以自行調教。豬油撈飯，味道非常香，每一口又帶少許豉油甜香。即使明知這碗飯是多麼的邪惡，但也忍不住大口大口吃。自家煲的竹蔗茅根紅蘿蔔馬蹄水，甜度可以，一渣份量絕對可以2個人慢慢飲:)。最後以糖水作結。凍食的綠豆沙清心丸，以及熱食的紅豆沙，一人一碗大滿足。…Read More

#MC帶你去荃灣.近年新派大排檔人氣高企🔥愈開愈多，大多以香港懷舊氣氛為主。今次試依間大排檔，都算係數一數二新派大排檔嘅人氣店呀🥇因為早三、四日訂枱都無位呀，唯有改去其他分店同時間就有位，人氣程度可想而知‼️✨ 楚撚沙拉骨 $98食落肉質厚實，淡淡肉，甜甜酸酸，十分滋味。✨ 蜜椒薯仔牛柳粒 $113全晚最推薦依個餸💯薯仔同牛柳炒到一樣色，勁入味，仲要擺耐咗都唔會好硬好韌👍🏻🐟 椒鹽九肚魚 $94椒鹽香蒜非常多，炸粉唔會過多，十分惹味。但數量真係少咗啲🤦🏻‍♂️✨ 飛天通菜煲 $88夠曬熱辣辣，通菜好爽嫩，但真係有啲辣，辣味似食生蔥嘅微辛微辣，好直接🌶️🐙 白灼八爪魚仔 $108食落滑嫩爽脆，十分彈牙，蘸秘製醬汁，簡單鮮味😋🍚 楚撚豬油撈飯 $23豬油、豉油、蔥、芫荽係分開別上，蔥同芫荽係兩位一份🙊職員建議唔好落咁多蔥同芫荽，如果太落太多會蓋過豬油嘅香味。初嘗豬油撈飯，真係好香，比麻油仲要香😍真係撈飯一流。🍻 藍妹（3大枝）$88大排檔又點少得啤酒😂用埋戰鬥碗飲酒，個個都變千杯不醉🆙⭐整體︰8.5/10⭐食物︰9.0/10⭐環境︰9.0/10⭐價錢︰8.0/10.==============================📍 楚撚記大排檔 (荃灣)地址：荃灣川龍街118號百悅坊地下至1樓交通︰港鐵荃灣西站 D 出口==============================.#Ming_Course #hkfoodie #foodiehk #hkfood #hkfoodblogger #hongkongfoodies #hongkongfoodie #hkfoodlover #hongkongfood #週末好去處 #拍拖好去處 #情侶好去處 #香港小店 #荃灣區美食 #荃灣美食 #荃灣一日遊 #荃灣好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #荃灣 #楚撚記大排檔 #楚撚記 #大排檔 #豬油撈飯 #大排檔 #薯仔牛柳粒…Read More

˙˚ 楚撚記 ˚˙大排檔嚟講楚撚記算數一數二最喜歡🥇相對傳統大排檔，小店有更多新派菜式，環境更舒服、乾淨，最重要係𝗸𝗲𝗲𝗽到小菜應有的風味同鑊氣🔥每間分店都有幾款獨有菜式，所以次次去都總有驚喜，臨走前記得食埋附送嘅糖水，每天款式不同，絕對不能錯過呢🤭࿐🍍菠蘿拔絲咕嚕肉 (梅頭) $𝟭𝟭𝟯💫用上梅頭肉所以肉質特別鬆軟、不痴牙，外皮炸得香脆，沾上滿滿的甜酸汁好開胃，配上頗多的菠蘿、水蜜桃，解膩一流💨特別要讚下有焦糖粒、拔絲伴碟，擺盤更精緻，覺得係暫時食過最好食的咕嚕肉🌟🐷楚撚記原隻脆皮炸豬手 $𝟭𝟱𝟵💫豬手份量好大，外皮炸得非常香脆，即使放涼咗依然𝗸𝗲𝗲𝗽到個口感，肉質彈牙，咸香味好重，送飯一流🤤🌽黃金椒鹽粟米 $𝟲𝟵💫栗米包上濃郁的咸蛋黃粒，非常香口，除咗咸香味外，仲食到栗米本身的鮮甜，邪惡得嚟又可以中和下～🍚楚撚豬油撈飯 $𝟮𝟯💫附上豬油、豉油、蔥、芫荽，可以自由調配味道～第一次食呢種舊派菜，果然加上豬油後特別香，不知不覺會想食多啲飯，叫多碗白飯，撈埋淨低嘅豬油啱啱好🤰🏻🍻嘉士伯（大）$𝟯𝟯大排檔必備😂用上戰鬥碗後，雖然都係飲緊普通啤酒，都即刻加晒分🆙…Read More

店內裝潢都圍繞著懷舊大排檔為主題，由一進入店門一直行上樓梯，沿途周圍都佈置得很懷舊，大排檔吊燈，地下更有綠白色瓷磚，裝修充滿港式風味，亦比舊式大排檔乾淨整潔，而且冷氣充足亦坐得舒適，店員態度亦很殷勤有禮。餐廳主打港式小炒菜式，菜牌上提供的選擇都不少，除了港式小炒及懷舊小菜，餐廳亦將新潮食材加入傳統大排檔小炒中，例如:香煎黑松露蓮藕墨魚餅及黃金粟米等。【香爆黑椒牛仔骨煲】(HK$113)揭開煲蓋，新鮮滾熱辣的還冒著煙，牛仔骨肉質軟淋，黑椒味道香辣濃郁，伴菜的紅椒、青椒及洋蔥吸收了醬汁很入味，口味偏重，送飯就最適合不過。【香煎黑松露手打蓮藕墨魚餅】(HK$108)煎得金黃色很香口，熱騰騰入口陣陣黑松露香味，墨魚餅彈牙而且有蓮藕粒粒，墨魚餅口感扎實又足料。【豆漿杞子鮮腐竹浸時蔬】(HK$86)有幾款時蔬可以選擇，我們選了通菜，很大的一碟豆漿湯底，豆漿味道有點像維他奶，配上鮮腐竹，感覺吃得健康。【楚撚豬油撈飯】(HK$46)豬油撈飯熱騰騰時加入豉油、蔥花及芫荽，令平平無奇的「白飯倍添滋味，沒有想像中的油膩感，很香，記得要趁熱吃。【糖水】(免費)〔綠豆清心丸〕微暖溫度入口比較清，淡淡的綠豆味道加上清心丸，味道不錯。〔蕃薯糖水〕熱辣辣薑味十足，蕃薯帶點粉，而且入口不太甜。【可樂】【忌廉】(各HK$13)雪得冰凍的玻璃樽裝可樂及忌廉，解渴又降溫，夏天喝就最消暑，爽。〔楚撚記〕@chor_land香港新界荃灣川龍街118號百悅坊地下-1樓G/F-1/F, Optimall, 118 Chuen Lung Street, Tsuen Wan, N.T., Hong Kong…Read More

👫🏽~ 𝐵𝑒𝑒𝑟𝑃𝑖𝑔 𝑅𝑒𝑣𝑖𝑒𝑤 ~👫🏽【 懷舊港式大排檔·豬油撈飯好出色 】#beerpig荃灣 #beerpig中式 💖想睇更多美食 & 日常分享？快啲Follow @Beerpig.Foodie 留意有咩推介啦🌟—#🍻🍖 質素：🍲 啫啫唐生菜煲啫啫雞煲就食得多，啫啫生菜煲都係第一次食🫢但原來幾好食一上枱生菜煲係滋滋聲，熱氣騰騰，每塊生菜都索到好大量既啫啫汁，非常入味，咸香味濃郁🧆香煎黑松露手打蓮藕墨魚餅小編同豬生都勁❤️呢款小菜每件墨魚餅都係岩岩煎起，太急食落口真係會燙親嘴，每一啖都充斥住黑松露香，墨魚餅幾彈牙，又有啲蓮藕粒咬下，脆脆地好有口感👍🏻🍲 楚撚記原隻脆皮炸豬手炸豬手好香脆，豬手肉質比較彈牙，小編比較中意配甜酸醬食，可以大大減低油膩感🍚 楚撚豬油撈飯又係小編同豬生勁推薦❤️豬油·豉油·蔥·芫荽都係自由加配落飯撈，可以自己控制個份量比例，豬油香氣濃郁而唔會騷，配埋豉油同蔥，帶點咸香味，呢個豬油撈飯令小編食到上曬癮，添完再添🥤支裝汽水｜可樂·芬達｜食大排檔緊係要叫啲汽水gur gur佢，一人一支唔洗爭～—🍻 #楚撚記大排檔 🍖📍荃灣川龍街118號百悅坊地下-1樓—#BeerPig · #啤酒豬 · #酒肉朋友#hkFoodie #hkfood #foodblog #相機食先#foodie #foodporn #hkfoodblogger #香港美食 #美食 #好吃 #食評 #香港食評#荃灣 #荃灣美食 #大排檔 #中式 #港式…Read More

如果有人問🐻嚟香港最緊要去食咩？大排檔一定係首選✨體驗正宗香港味道🇭🇰當中「楚撚記大排檔」係不二之選💕味道高質外，價錢亦非常可觀，性價比超高👍🏻.甫入門內，已經好似回到五六十代🇭🇰牆身掛滿舊式手寫菜式木牌、舊式磚地板、舊式綠鐵閘，周圍裝潢都充滿香港情懷☺️最重要冷氣搭夠，可以嘆住冷氣食小菜😆.🍴楚撚記原隻脆皮炸豬手💰$159外皮脆卜卜，咬落勁香脆😆肉質尚算軟嫩，唔會太乾😌而且都幾入味，加少少芥末食更惹味😋.🍴香煎黑松露手打蓮藕墨魚餅💰$108墨魚餅食得多，黑松露真係比較少見😌入口勁彈牙，中間仲有粒粒蓮藕，帶爽口感😚好香松露味，同墨魚味好夾😌兩個人食八塊啱啱好🤪.🍴七味黃金炸一口金磚豆腐💰$75金黃香脆炸皮內包裹著嫩滑豆腐✨本身加咗七味粉及椒鹽調味，蘸埋喼汁就啱啱好🤓.🍴楚撚豬油撈飯💰$23邪惡但又無法拒絕嘅美食😈將豬油及豉油倒入缽仔蒸飯，飯嘅熱力將豬油迅速滲透🍚再加入蔥花及香菜，入口香氣四溢🤤唔多地方有得食，必點之選🌟.想舒舒服服嘆大排檔美食？楚撚記絕對係好選擇👍🏻…Read More

【小編最愛嘅大排檔🔥楚撚記】-之前幾次想去食都冇曬位🥹今日竟然walk-in就食到🥰實在太lucky啦～今次仲食到佢嘅菠蘿拔絲咕嚕肉🍍開心！如果想睇返之前嘅食評請按 ➡️ #楚撚記為食貓 ⬅️-😋菠蘿拔絲咕嚕肉🍍$113焦糖拔絲掂到啲醬🥲影相嘅時候已經溶咗一半😚不過就中和咗甜酸醬嘅酸味😆食落啱啱好～咕嚕肉脆卜卜😙酸酸甜甜好開胃，仲有水蜜桃🍑、菠蘿🍍同埋焦糖脆脆好味指數：🌕🌕🌕🌕🌑-😋啫啫滑雞煲🍲$108雞煲用沙煲裝住滋滋作響🤩熱騰騰且香味撲鼻😍雞肉嫩滑帶少少焦香🤤非常惹味令人胃口大開好味指數：🌕🌕🌕🌕🌗-😋豆漿杞子鮮腐竹浸時蔬🥬$88 小編揀咗娃娃菜😃呢碟比較清淡可以清一清個口😝每一口都帶有淡淡嘅豆香，佢仲有啲杞子同紅棗，感覺好養生好健康～好味指數：🌕🌕🌕🌕🌑-😋楚撚豬油撈飯🍚$25將豬油加落熱辣辣嘅飯到♨️再倒入豉油撈勻😝香噴噴嘅豬油撈飯就完成啦～用「缽仔」蒸出黎嘅飯特別乾爽😜撈埋豬油充滿油香🤩好味指數：🌕🌕🌕🌕🌘-😋忌廉&芬達🥤 $13枝-餐廳敬送飯後甜品二揀一😙1️⃣ 番薯糖水🍠(我地冇揀到🤣)或者2️⃣ 清心丸綠豆爽：清心丸Q 彈滑韌😙綠豆爽降火氣清熱🥰甜度適中-📍 楚撚記大排檔 荃灣：荃灣川龍街118號百悅坊地下-1樓土瓜灣：土瓜灣馬坑涌道2C號寶光大廈地下C及D號舖西環：西環石塘咀皇后大道西554-560號日富里百好大廈地下1號舖💸人均消費：$192…Read More

人氣打卡玩味大排檔 ❣︎ 必吃豬油撈飯，由荃灣起家到數家分店，終於來試試(◐‿◑) 環境很多打卡位，由地下至上樓都是打卡位，都是把舊式大排檔的東西搬到店內。餐牌 豆漿杞子鮮腐竹浸時蔬 $86點了一個比較少見的時蔬，用豆漿入饌，加入杞子腐竹，選了通菜，豆漿味濃郁，腐竹也是滲了豆漿味，健康小菜。 燕麥金沙蝦球 $113我自己好愛吃燕麥金沙蝦球！燕麥片份量超多，蓋過全部蝦球，蝦身彈牙，每隻蝦都有沾上鹹蛋黃，配上燕麥片吃，好滋味～ 楚撚記原隻脆皮炸豬手 $159炸豬手好大份，皮稍厚一點，但幸好夠脆口，以瘦肉為主，鹹度適中，沾芥末更惹味。 楚撚豬油撈飯 $23/碗 不得不點招牌豬油撈飯，另附上醬油，豬油稠身而在算太油溢，驟眼看有點像超濃郁的豬骨湯| (• ◡•)|，一加在飯裏瞬間香了很多，吃這一碗飯也挺飽的！…Read More

呢間係必定會Encore的餐廳!!環境乾淨舒服，食物份量又夠，啱曬一大班人食飯飲野吹水😆🐷楚撚記原隻脆皮炸豬手 $159豬手啲皮超級香脆，肉又唔會太乾柴，份量大，2個人最後食唔曬🤣幾個朋友share就啱啱好😊🍚楚撚豬油撈飯 $23呢個係必點!!!豉油同豬油都係自己落，個白飯煮得啱啱好😍加埋豬油同豉油係無得輸✨🥣白粥 $13呢碗白粥煲得好綿，配住腐乳炒通菜食超夾😆🦑避風塘鮮魷 $106一上枱係成座山咁高嘅避風塘炸蒜，裏面收埋曬一條條嘅炸鮮魷😜 鮮魷炸得好香口，配啤酒一流🍻🥗椒絲腐乳炒時蔬 $72出色嘅炒通菜，份量夠多，腐乳醬嘅調味適中👍🏻Zero可樂 (支裝) $13…Read More

尋日地鐵半價😳大家有冇去邊呀小妹尋日同屋企人去咗荃灣😝呢間大排檔超級出名我哋大頭蝦冇book位本身以為6點去到實有位嘅點知原來已經full booking 冇得walk in啦🥺尋日真系好好彩咁啱有個客遲到所以先有張枱比我哋但要準時7點交枱比下場差啲就食唔到🙈如果唔系山長水遠嚟到就真系白嚟啦😂😂-♥︎ 七味黃金炸一口金磚豆腐 $75份量都唔少😳嚟到嘅時候熱辣辣豆腐炸到金黃色😍食落脆脆地幾香口入面非常嫩滑😚本身以為黃金&金磚會系鹹蛋黃但原來唔系😂椒鹽嘅調味啱啱好 夠味得嚟唔會加鹹加埋炸蒜食就更加惹味😋推薦🙌🏿🙌🏿味道: 9/10性價比: 8/10-♥︎ 楚撚記原隻脆皮炸豬手 $159連個名都擺埋上去 睇嚟真系幾推介🤣嚟到嘅時候見到豬手咁大隻 份量真系好足 仲要都系$159咋 抵啦!🤩外皮炸到好香脆 完全唔韌咬落去真系 “咔”一聲架🤪豬手肥瘦適中 食落唔會話好肥膩😚肉質非常嫩滑 食到豬手嘅鹹香 夠晒惹味😋不愧為招牌菜👍🏿味道: 9/10性價比: 8/10-☻︎ 豉汁蒸大鱔 $168份量好足 有成10件咁多🤩而家去街市閑閑哋買條膳分分鐘唔止呢個價😳劏膳去潺又麻煩 但呢度整埋都系$168 真心幾抵😆舊舊都好厚肉食落超滑 好肥美😛小妹就覺得佢有啲太肥🙈但Mami👩🏻就超級鐘意啦😂不過要彈嘅系豉汁太多 雖然惹味但太鹹食完好口乾😗味道: 7/10 (系小妹嫌佢太肥姐🤣屋企人比好高分嘅)性價比: 9/10-㋡ 鑊氣豉椒炒蜆 $99大大碟好多蜆 食落完全冇沙 真系值得一讚👍🏿炒得真系好夠鑊氣😆洋蔥同青紅椒都夠爽脆索晒啲汁又辣又惹味不過就覺得佢鹹咗啲 扣咗少少分😗味道: 8/10性價比: 8/10-☻︎ 金沙黃金白飯魚 $90啱啱嚟到嘅時候熱熱辣脆卜卜白飯魚完完全全被鹹蛋黃包圍😳夠晒鹹香同肥仔😂好邪惡🙈但可能因為太幼嘅關係食落冇乜口感食完都唔知白飯魚系咩嚟架🤣真心好奇想知咩系白飯魚🧐味道: 7/10性價比: 7/10-㋡ 蜜汁薯仔牛柳粒 $113牛柳夠淋 食落完全唔韌😳調味啱啱好 唔太鹹又夠惹味😋甜中帶有黑椒嘅香味道唔錯但亦唔算特別出色一試無妨😆味道: 7.5/10性價比: 7/10-楚撚豬油撈飯 $23小妹唔鐘意豬油就冇試到我哋亦嗌咗碗白飯$13 份量有成座山咁高但呢碗只系平碗相比起我哋就覺得呢個性價比偏低😗味道: /性價比: 4/10-最後每人都有碗綠豆清心丸糖水送但到最後大家都食到好飽 飲唔晒🙈只系試咗個味 覺得佢太甜🙌🏿-我哋仲嗌咗枝大枝嘅青島$335個人食埋單大概$760 唔收茶芥亦使加一人均大概$150可以食到咁多嘢 我哋就覺得好值😆啲枱雖然擺得密密麻麻但我哋6點入坐已經full晒枱 超級多人🙈7點走嘅時候見到出面排晒長龍 店員話冇位啦要等下輪去到10點 好誇張😳順帶一提呢度系用QR code落單嘅枱面冇實體餐牌我哋坐底嘅時候等咗陣都冇人比張單我哋掃QR code最後要叫先有單同茶水服務就普普通通 但態度唔系差嘅只系忙唔得閒招呼你咁解😂總括嚟講呢間食物質素高 CP值都高下次嚟嘅就一定要book位啦🤣🤣整體評分：味道: 9/10環境: 7/10服務: 6/10衛生: 7/10抵食: 9/10回頭率: 9/10-想睇更多關於小妹嘅food diary 歡迎follow IG😚♥️👉🏿 @snoopy._.eating 🙌🏿🙌🏿…Read More