Mini Bangkok Thai Food (Moved)

今日行經九龍城心思思又想去小曼谷， 今次去左轉角位南角道嗰間。 門口依然有招牌嘅吹氣迎賓公仔唔會認錯啦。小曼谷都算係九龍城老字號嘅泰式餐廳， 水準穩定， 深得鍾情泰式美食嘅朋友喜愛。明爐青檸汁蒸桂花魚$208桂花魚size啱啱好唔大唔細， 肉質嫩滑。 不過靈魂絕對係果個香檸汁魚湯底。 辣度夠， 青檸汁更提升魚嘅鮮味， 辣椒和蒜嘅比例適量， 令我忍唔住呷了一兩啖湯， 酸辣直衝上腦， 夠曬爽！ 趁熱食完全停唔到口。極上燒安格斯牛小排西冷$208選了七成熟， 已貼心地切開小片， 西冷中心部分呈粉嫩的紅色， 外皮烤得焦香， 一啖咬落滿口肉汁， 肉味香濃，更可蘸上秘製醬汁提升鮮味。 估唔到泰式餐廳有此水準， 質素更可媲美一些中高檔西餐廳的扒餐。粉絲焗大頭蝦$178份量很大， 仲有三大隻大頭蝦已開邊， 香氣撲鼻，充滿大量嘅芫茜，洋蔥，仲有八角。 蝦和香料嘅精華 被粉絲完全吸收， 非常美味！ 粉絲做得乾身， 一定要趁熱食如果唔係到最後 會較為油膩。榴槤沙冰$45這款飲品強力推介， 係近年試過最好飲嘅 榴槤系列。 榴槤肉打成嘅沙冰，香滑，榴槤濃香滿瀉， 裏面仲加添榴槤肉， 冇誇張可以用飲管啜嚟食， 絕對能滿足榴槤迷口腹之慾。亦係飲品和甜品嘅完美結合～～椰青波波 $45賣點係泰國直送全人手製作。 好似喺電視節目見過人手製作方法， 非常高難度的手工。 椰青水好清甜， 椰肉爽爽地， 留意唔係平時椰青裏面軟滑肉質， 所以需要一隻比較薄身嘅匙羹或者刀去介开。小曼谷食物真係冇得彈， 榴槤沙冰品是一大驚喜。 餐廳食物選擇還有很多， 下次人多嚟再試佢嘅 咖哩肉蟹至得～…Read More

朋友話想食泰國菜，當然係去九龍城啦。今次來到小曼谷，門口有個好有動感的公仔，好易認。椰青海鮮焗飯 $92原個椰青上碟，唔講仲以為係甜品添！海鮮飯填滿整個椰青。飯粒沾滿椰漿的香甜味，又綿又甜。除咗兩隻青口，飯入面仲入蜆、魷魚、元貝、雜豆。食到最尾仲可以食埋周邊的嫩滑的椰青肉。青芒果絲沙律筍殼魚 $168筍殼魚炸到脆卜卜，肉質保持嫩滑，配酸酸地的青芒果絲一齊食，幾開胃。泰式煎蠔餅 $98鑊氣十足，啲蛋絲好酥脆，蠔仔份量十足。沾埋泰式辣醬食，夠晒惹味。明爐香檸汁原條魷魚筒 $158明爐烏頭食得多，換做魷魚筒，味道都唔錯喔。先飲啖湯，辣中帶酸，越飲越過癮。魷魚筒好鮮嫩，肉質柔軟。魷魚鬚的位置爽口彈牙。椰青波波 $45賣相可愛，原個椰青起肉，泡在椰青水中。椰青波波最吸引人是唔需要用力，就已經可以食到嫩滑的椰肉刺身。番茄仔沙冰 $26飲落確確實實就係濃郁的車厘番茄味，變成沙冰後更加清甜可口。菠蘿沙冰 $26淡淡的菠蘿味，消暑佳品。…Read More

早前去左一星期泰國,番到黎,對正宗又傳統既泰菜總是念念不忘.係香港想食正宗既泰國菜,就一定要黎到港式泰國菜既起源地--九龍城搵食! 今次我地就選擇係大名鼎鼎既「小曼谷泰國美食」一試虛實! 入到鋪頭,見到店內既裝潢好簡單,用綠色作為主調,配上簡樸既桌椅,比人清新乾淨既感覺. 店內地方好大,可以容納好多桌客人,同朋友講野都要大聲D先聽到,不過咁先有feel,一大班夠哂熱鬧! 先講肉類,叫左「極上燒安格斯西冷牛小扒$168」,牛小排令我地好驚喜,賣相吸引,色澤平均,咬落去,先係牛肉濃汁溢滿口腔,細味之下,肉質幼嫩且軟腍,少許彈牙.意外地同其他西餐廳共享美名!「小曼谷招牌海南雞$158」既然係招牌菜,當然要叫黎試下! 有分全隻同半隻,因為我地4個人,又好愛食雞,就決定叫全隻啦! 一上菜,我地嚇到半呆,全隻雞真的好大隻,分開左兩碟半隻雞咁上. 我地急匆匆咁試第一口,果然無令我地失望! 海南雞肉質細嫩,連雞胸咬落都唔會好老,配上酸酸甜甜既自家製海南醬汁,徹底將雞味昇華,更加惹味! 再講小菜,我地叫左「泰國鐵板豬頸肉炒通菜$85」,上菜時,食物已經發出”炸炸”既聲響,令我地更加之期待! 通菜非常爽口鮮嫩,配上軟熟既豬頸肉,秒速就清哂成碟!「明鑪蒸烏頭$158」呢個菜稍稍無其他菜咁出色,烏頭很新鮮,但湯既味道較淡,比較適合鍾意清清淡淡既食客!主菜方面, 「香芒蟹肉炒飯$135」香甜既泰國芒果,啖啖既鮮甜蟹肉,鬆化既肉鬆,配上炒飯,鮮味大大提升,好耐無食過咁有質素既泰國炒飯!!!「冬蔭功湯$108」酸甜度調配適中,好適合港人飲用,再配上足料既海鮮,香濃既菇類,每人飲幾碗都唔係問題!最後要介紹大家飲椰青波波,平時食泰菜一定會飲椰青,飲哂D椰青水,就會用匙根係咁了D椰肉出黎食,今次呢個波波,就可以輕易咁一次過滿足你兩個願望.餐廳已經一早將椰肉起出,用膠杯將椰青水同椰肉放埋一齊,十分貼心!想食正宗又熱鬧既泰菜,不彷黎試下,環境舒適,價錢仲好合理呀!…Read More

去九龍城食泰國菜是常識吧，今日約咗個朋友去搵泰國美食，最後搵左呢間小曼谷，其實我只係比佢門口架tuk tuk吸引左，覺得得意而走左入去試下店內裝修簡簡單單，我地揀左個卡位坐低。牆上貼左個柳青波波嘅poster，見到個名咁得意，已經急不及待點左個試下。餐牌上面有好多美食，見到已經流晒口水，仲有海鮮孖寶都係$198，奈何得2個人，食唔到太多，只係揀左3個菜...同2杯飲品...椰青波波其實係新款椰青去晒皮，飲管一刺入，椰青水馬上標出，清甜可口，飲完仲可以成個椰青波波食晒。芒果沙冰夠晒冰凍，芒果味道出眾。泰式乾炒魚麵(豬)夠曬鑊氣，而且唔會過油，魚麵條條分明。極上燒安格斯西冷牛小排以木盤上碟，以紅蘿蔔絲同椰菜絲伴碟，賣相精美。牛小排肉質嫩滑，肉汁能完全完鎖住。加上秘製醬汁點上牛肉，味道更好泰皇咖哩炒海鮮不得不大讚，咖哩汁超香濃，有椰香味，送飯一流。材料夠晒多，有大蝦、青口、魷魚、帶子、蜆肉樣樣齊。下次再黎都必定要再點呢一味，真係好好味…Read More

黎到九龍城，緊係要食泰國菜今日去左食小曼谷，原因比佢個椰青波波吸引。椰青波波其實係椰子肉+水，整個完整椰子肉以人手方式去除外殼，椰子啖啖肉，椰青水好清甜，夏天解暑一流原本以為蝦膏炒飯會偏咸，但原來唔咸喎，而且佢個炒飯入面有豬肉粒，所以好有口感泰式椰菜苗炒馬拉盞，椰菜苗好爽口，而且帶點辣，唔錯唔錯最吸引我係泰式烏頭魚，經燒烤烹煮，外皮好脆，魚肉又唔會太乾身，而且仲有好重香芧味最後仲叫左一杯龍眼冰，簡直係大滿足走嘅時候先發現，原來餐廳門口有一部篤篤，估唔到老闆都幾有心思…Read More